Þjóðviljinn - 03.03.1989, Blaðsíða 12
VR að
gefast upp?
Samkvæmt heimildum Nýja
Helgarblaðsins er Verslunar-
mannafélag Reykjavíkur
komið á fremsta hlunn með
að svíkja lagsbræður sína í
Verslunarmannafélagi
Suðurnesja og annars staðar
í verkalýðshreyfingunni, með
því að ganga til samninga við
Flugleiðir um orlofsflug félaga
sinna. Forystumaður VR,
Magnús (Lenín) Sveinsson
hefur á stundum lent í þeirri
stöðu að taka róttæka af stöðu
til mála og þegar málshöfðun
Flugleiða á hendur VS kom til,
taldi hann slíkan málatilbúnað
geta haft alvarleg áhrif og hlyti
að hafa áhrif á samskiþti
verkalýðshreyfingarinnar í
heild við Flugleiðir. Samstaða
verkalýðshreyfingarinnar í
þessu máli er nauðsynleg,
enda grundvallarhagsmunir
hennar sem geta verið í húfi.
En stundum virðist sem þeim
megi víkja til hliðar, en hvaða
réttlæting gæti legið þar að
baki skal ósagt um látið...B
Óskar Lafontaine
í heimsókn?
Góðar likur eru á að þýski
stjórnmálamaöurinn Oskar
Lafontaine komi í Islands-
heimsóokn einhverntíma á
þessu ári og þá helst síðla
sumars. Stjórn Málfundafé-
lags félagshyggjufólks hefur
boðið Óskari til landsins og
notið til þess liösinnis Jóns
Baldvins Hannibalssonar
Alþýðuflokksformanns og al-
þjóðlegs „flokksbróður" Osk-
ars, sem er fyrsti varaformaö-
ur þýskra jafnaðarmanna auk
forsætisráðherrastarfs í Saar-
landi, og sennilegt kanslara-
efni krataflokksins SPD í
kosningum þar á næsta ári.
Óskar Lafontaine þykir hafa
fært fram ýmsar nýjar hug-
myndir á vinstrivæng undan-
farin ár og stundum
• hneykslað hefðbundna krata
af ýmsum sortum uppúr
skónum. I íslenskri pólitík
stæði hann sennilega ein-
hversstaðar mitt á milli Al-
þýðuflokksins og Alþýðu-
bandalagsins með vissum
Kvennalistatilhneigingum.
Daniel Cohn-Bendit, „Rauði
Danni" frá París ‘68, á að hafa
sagt við Óskar að hann væri
pólitískt blanda af Rósu Lux-
emburg og Radio Luxem-
burg. ■
Ólafur
smmmmmmmmmmmmmmmmmmm^mmmmmm
á Saga-class
Þingfulltrúar á Norður-
landaráðsjDingi sem lýkur í
Stokkhólmi í dag, höfðu á orði
áður en þeir lögðu í víking, að
fyllsta aöhalds yrði gætt og
m.a. flogið á almennu farrými
en ekki Saga-class. Ekki gekk
dæmið alveg upp hjá öllum,
því þegar út í flugvélina var
komið á Keflavíkurvelli, var
hvergi að finna laust sæti fyrir
Ólaf G. Einarsson þing-
flokksformann Sjálfstæðis-
manna, sem vildi eindregið
sitja í reyklausu rými. Það
varð því úr að Ólafur sat á
Saga-class til Svíþjóðar...B
Vildu báðar
dósirnar
Fréttin um Gaflarana tvo
sem sváfu fyrir utan Ríkið í
Firðinum aðfaranótt bjór-
dagsins hefur að vonum vakið
athygli. Fáir skilja hvað mönn-
unum gekk til en skýringin er
mjög einföld. Þeir höfðu frétt
að vegna plássleysis yrðu að-
eins tvær tegundir af bjór til
sölu í Ríkinu í Hafnarfirði
þennan fyrsta bjórdag, og þeir
ætluðu að vera öruggir um aö
ná í báðar dósirnar...B
Útboð
Innkaupastofnun Reykjavíkurborgar fyrir hönd
Vatnsveitu Reykjavíkur óskar eftir tilboöum í:
1.6100 m af ductile iron pípum, stærð 150-
600 0.
Tilboðin verða opnuð miðvikudaginn 5. apríl
n.k. kl. 11.
2. Ductile iron fittings.
Tilboðin verða opnuð miðvikudaginn 5. apríl
n.k. kl. 14.
Útboðsgögn verða afhent á skrifstofu vorri að
Fríkirkjuvegi 3, Reykjavík. Tilboðin verða opnuð
á sama stað á ofangreindum tíma.
INNKAUPASTOFNUN REYKJAVÍKURBORGAR
Fríkirkjuvegi 3 - Sími 25800
fAkureyrarbær -
ráðgjafardeild
Sálfræðingur/félagsráðgjafi óskast til starafa við
ráðgjafardeild. Upplýsingar um starfið veita
starfsmannastjóri í síma 96-21000, sem einnig
hefur umsóknareyðublöð, og deildarstjóri ráð-
gjafardeildar í síma 96-25880. Umsóknarfrestur
er til 17. mars nk.
Deildarstjóri ráðgjafardeildar
Áhrif B-keppninnar
Keppnin í 1. deild þegar hafin og spennandi keppni fram-
undan
ÍÞRÓTTIR
ÞORFINNUR
ÓMARSSON
Handboltahetjur okkar í lands-
liðinu geta ekki leyft sér að slappa
af eftir sigurinn í B-kcppninni,
því íslandsmótið er þegar hafið
að nýju. Grótta burstaði Breiða-
blik í vikunni en á sunnudag
verða fjórir leikir í 1. deild.
Undirbúningur fyrir B-keppnina,
svo og keppnin sjálf, hefur tekið
sinn toll og hafa liðin í deildinni
þurft að gjalda fyrir það.
Blóðtaka í liði Vals
Eins og menn muna eru Vals-
menn efstir í 1. deild með fullt
hús stiga eftir 11 umferðir. KR-
ingar fylgdu Valsmönnum sem
skugginn allt þar til liðin mættust
í 9. umferð og hafa þeir nú 18 stig.
Stjarnan lék mjög vel eftir slæma
byrjun og hefur nú 15 stig, FH
hefur 13 stig, Víkingur 11, Grótta
10, KA 8, Fram og IBV 5 og Blik-
arnir sitja sem fastast á botninum
með 3 stig.
Áhrif B-keppninnar eru mis-
jafnlega mikil í liðunum vegna
fjölda landsliðsmanna í hverju
liði. Valsmenn hafa verið með
áberandi besta liðið í vetur en
markvörður þeirra, Einar Þor-
vaðarson, meiddist illa eins og
kunnugt er í úrslitaleiknum gegn
Pólverjum. Það yrði mikil blóð-
taka fyrir Valsliðið ef Einar færi í
uppskurð því Einar er einn mikil-
vægasti leikmaðurinn í annars
jöfnu liði. Páls Guðnasonar, var-
amarkvarðar þeirra, bíður erfitt
verkefni sem er að fylla það skarð
sem Einar skilur eftir sig.
Það sem er kannski pínlegast
við meiðsli Einars, amk. fyrir
okkur sem viljum veg íslenska
handboltans sem mestan, er að
Valur sá fram á möguleika á að
ná langt í Evrópukeppni
meistaraliða. Þetta er án efa
besta félagslið hér á landi í ára-
raðir en keðjan er aldrei sterkari
en veikasti hlekkurinn og því gæti
markvarslan veikt liðið verulega.
Þó má ekki afskrifa Pál Guðna-
son. Hann stóð sig mjög vel með
liðinu í fyrri leiknum gegn
svissneska liðinu Amacitia en
ekki hefur reynt á getu hans til
lengri tíma.
Að öðru leyti ætti B-keppnin
varla að hafa veikt Valsliðið
nema kannski að samæfing lands-
liðsmannanna með Jóni Krist-
jánssyni gæti hafa versnað. Jón er
eini fastamaður liðsins sem ekki á
sæti í landsliðinu og gerir það
honum erfitt fyrir.
KR-ingar „misstu" bara einn
leikmann í B-keppnina, þe. Al-
freð Gíslason en Páll Ólafsson
meiddist skömmu fyrir keppnina.
Hafi þeir nýtt tímann vel gætu
þeir veitt Val harða keppni um
meistaratitilinn. Önnur lið eiga
vart möguleika en Stjarnan gæti
þó unnið hvaða lið sem er. Liðið
er án landsliðsmanna og kemur
örugglega sterkt til leiks. FH hef-
ur einnig á mjög góðu liði á að
skipa og verður sérstaklega gam-
an að fylgjast með því í Evrópu-
keppninni. Liðið hefur þegar
unnið tvo ævintýaralega sigra í
keppninni og virðast FH-ingum
engir vegir ófærir.
I fallbaráttunni gæti skipt
sköpum að Sigurður Gunnars-
son, þjálfari og leikmaður ÍBV,
hefur ekkert getað sinnt sínu
hlutverki að undanförnu. ÍBV er
nú jafnt Fram að stigum í öðru
fallsætinu og mjög líklegt að ann-
að hvort liðanna falli, fljótt á litið
virðast Eyjamenn líklegri.
Breiðablik er hins vegar á botnin-
i l
Valur verður fyrir mikilli blóðtöku þurfi Einar Þorvarðarson að fara ( uppskurð
eins og líkur benda til.
um og fellur vafalaust niður í 2.
deild.
Þjálfari landsliðsins
Menn eru mjög ósammála um
hvort Bogdan Kowalczyck eigi að
vera áfram með landsliðið. Eftir
Ólympíuleikana höfðu flestir
horn í síðu hans en sömu menn
lofa hann í hástert um þessar
mundir. Persónulega finnst mér
að Bogdan eigi að hætta ef
sambærilegur þjálfari finnst í
hans stað. Það yrði án efa
áskorun fyrir iandsliðsmenn og
aðra sem bankað hafa á dyr liðs-
ins að þurfa að sýna sig og sanna
fyrir nýjum þjálfara.
Auk þess hlýtur það að vera
hentugur tími fyrir Bogdan að
hætta nú. Hann hefur sannað
getu sína sem þjálfari og gæti ör-
ugglega fengið góð verkefni ann-
ars staðar. Hann hefur skilað sínu
hlutverki með sóma og tímabært
fyrir hann að hætta nú þegar liðið
er á toppnum.
En að þjálfaramálum slepptum
hlýtur íslenska landsliðið að eiga
ágæta möguleika á að ná góðum
úrslitum í heimsmeistarakeppn-
inni í Tékkóslóvakíu á næsta ári.
Sigurður Sveinsson er eini leik-
maður landsliðsins sem ákveðinn
er að hætta með liðinu en Alfreð
Gíslason og Þorgils Óttar
Mathiesen íhuga einnig að leggja
skóna á hilluna. Við skulum vona
svo fari ekki og einnig að leik-
menn eins og Einar Þorvarðarson
og Sigurður Gunnarsson verði
amk. eitt ár til viðbótar með
landsliðinu. í dag eigum við ekki
betri menn í þeirra stöðum og
þarf meira en ár til að svo verði.
Bogdan Kowalczyck hefur endanlega sannað sig sem þjálfari.
12 SÍÐA - NÝTT HELGARBLAÐ Föstudagur 3. mars 1989