Þjóðviljinn - 07.03.1989, Blaðsíða 6

■$$. Frá Bændaskólanum
A á Hvanneyri
Námskeið á næstunni
1. Byrjendanámskeið í kanínurækt 9. -11. mars.
Námskeiðið er skipulagt af Bændaskólanum á
Hvanneyri og Búnaðarfélagi íslands.
2. Námskeið um verkun votheys í rúlluböggum
13.-15. mars. Námskeiðið er ætlað bændum
sem nýlega hafa tekið þessa heyverkunarað-
ferð upp eða hyggjast gera það á næstunni.
Námskeiðið er skipulagt af Bútæknideild
RALA og Bændaskólanum á Hvanneyri.
3. Námskeið í sauðfjárrækt 16. -18. mars. Nám-
skeiðið verður haldið í Skálholti og er skipulagt
af Búnaðarsambandi Suðurlands, Bænda-
skólanum á Hvanneyri og Rannsóknastofnun
landbúnaðarins.
Framleiðnisjóður landbúnaðarins mun veita þátt-
takendum starfsþjálfunarstyrki vegna þátttöku á
námskeiðin.
Nánari upplýsingar og skráning fer fram á skrif-
stofu Bændaskólans í síma 93-70000.
Skólastjóri
Viðtalsfundur með
skólastjórum, kennurum
og foreldrum
Kennarar og foreldrar barna í Brautar-,
Breiðholts-, Fella-, Hólabrekku-, Selja- og Öldu-
selsskóla. Munið fund menntamálaráðherra
Svavars Gestssonar og starfsfólks ráðuneytisins
í Seljaskóla, íþróttahúsinu, þriðjudaginn 7. mars
kl. 20.30
Þar verður skýrt frá því helsta sem á döfinni er í
uppeldis- og menntamálum. Hér er tækifæri til að
koma hugmyndum sínum í þeim efnum á fram-
færi og bera fram fyrirspurnir.
Skólamál eru mál allra.
Menntamálaráðuneytið
Auglýsing um deiliskipulag
á Akranesi - íþróttavallar-
svæði -
Skv. ákvörðun Skipulagsstjórnar ríkisins, með
vísan til 17. og 18. gr. skipulagslaga nr. 19/1964,
er lýst eftir athugasemdum við tillögu að deili-
skipulagi af íþróttavallarsvæði, Akranesi. Svæð-
ið afmarkast af Innnesvegi að norðanverðu, lóð
dvalarheimilisins Höfða að austanverðu, Lang-
asandi að sunnanverðu og lóðum við Jaðars-
braut og Garðabraut að vestanverðu.
Teikningar, ásamt greinargerð og skilmálum,
liggja frammi á Tæknideild Akraneskaupstaðar,
Kirkjubraut 28,2. hæð, frá og með mánudeginum
6. mars 1989 til föstudagsins 5. maí 1989.
Athugasemdir, ef einhverjar eru, skulu vera skrif-
legar og berast bæjartæknifræðingi Akranes-
kaupstaðar fyrir 12. maí 1989.
Þeir sem ekki gera athugasemdir við tillöguna
innan tiltekins frests teljast samþykkja hana.
Bæjartæknifræðingur
ERLENDAR FRÉTTIR
Tíbet
Uiasa logar í óeiroum
Tíbetar krefjastsjálfstœðis. Kínversk lögregla beitirskotvopnum
óspart. Dalai Lama heitir á heimsleiðtoga
Miklar óeirðir brutust út í
Lhasa, höfuðborg Tíbets, á
sunnudag og héldu áfram í gær.
Hófust þær með því að Tíbetar
stofnuðu til mótmælaaðgerða
gegn yfirráðum Kínverja og
kröfðust sjálfstæðis. Á sunnudag
náði mótmælafólkið á vald sitt
gamla borgarhlutanum í Lhasa,
en í gær gerði vopnuð kínversk
lögregla áhlaup á þau hverfi og
reyndi að bæla uppreisnina nið-
ur.
Beittu Kínverjar skotvopnum
óspart og segja tíbetskir borgar-
búar svo frá, að þeir hafi ruðst inn
á heimili og skotið alla sem þeir
sáu. Tíbetar eru hinsvegar lítt
vopnaðir, en svöruðu skothríð
lögreglu með steinslöngum,
reistu götuvígi og kveiktu í þeim,
til að hindra framsókn Kínverja.
Ævareiðir Tíbetar réðust inn á
opinberar skrifstofur og verslanir
og veitingahús í eigu Kínverja,
báru allt lauslegt úr þeim út á
götu og kveiktu í. Eitthvað hefur
og verið um að kínverskir borgar-
búar hafi verið barðir og grýttir.
í Reuter-frétt segir að yfir 100
manns hafi verið drepnir eða
særðir í óeirðunum, en ná-
kvæmar tölur um mannfall liggja
ekki fyrir. Flestir hinna drepnu
Súdan
og særðu munu vera Tíbetar. A
föstudaginn verða 30 ár liðin frá
upphafi mikillar uppreisnar Tí-
beta gegn Kínverjum og mun það
afmæli hafa orðið kveikjan að
mótmælunum og óeirðunum nú.
Dalai Lama, hinn útlægi leiðtogi
Tíbeta, skoraði í gær á helstu
ráðamenn heims að reyna að
koma því til leiðar að Kínverjar
hættu að níðast á mannréttindum
í Tíbet. Ekkert af ríkjum heims
hefur tekið undir kröfur Tíbeta
um sjálfstæði, sem þeir voru
sviptir með kínverskri innrás
1950.
Reuter/-dþ.
Uppreisnaimenn í sókn
Stjórnarkreppa í Kartúm. Hœtt við að hungursneyð fœrist íaukana á
ný. Flóttamenn streyma suður í Uganda
Fáein fómarlamba suðursúdönsku hungursneyðarinnar- enn er ekki
séð fyrir endann á þeim ósköpum.
Frelsisher Súdansþjóðar, sjálf-
stæðishreyfing kristinna og
heiðinna þjóðflokka í Suður-
Súdan, hefur undanfarið verið í
sókn í borgarastríðinu þarlendis
og vann s.l. viku af stjórnarhern-
um fimm smáborgir í suðaustustu
héruðum landsins, er liggja að
Eþíópíu, Keníu og Úganda. Tals-
menn uppreisnarhreyfingarinnar
(sem þekkt er undir SPLA,
skammstöfun ensks heitis síns)
segja að nú sé allt fylkið Austur-
Ekvatoría á hennar valdi.
Bardagarnir í fylkinu hafa
hleypt af stað nýjum flótta-
mannastraumi þaðan suður í Úg-
anda, og er talið að um 30.000
manns hafi farið yfir landamærin
síðan á föstudag. Fyrir voru í Úg-
anda um 14.000 suðursúdanskir
flóttamenn og um 400.000 þeirra
eru í Eþíópíu. Talsmenn hjálpar-
stofnana segja, að hætta sé á að
hungursneyðin, sem geisað hefur
í Suður-Súdan síðustu árin og var
sérstaklega mannskæð s.l. ár,
færist í aukana að nýju nema því
aðeins að takist að koma miklum
birgðum matvæla inn í landið
áður en regntíminn hefst í maí.
Stjórnarkreppa er nú í Súdan
þar eð herinn, sem kennir ónóg-
um stuðningi stjórnvalda um
ósigra sína, krefst aukinna fram-
laga eða að friður sé saminn að
öðrum kosti. Sadeq al-Mahdi for-
sætisráðherra reynir nú að mynda
nýja stjórn á þeim grundvelli að
síðarnefndi kosturinn verði va-
linn. Meginástæða til að yfir-
standandi borgarastríð braust út
1983 var að bókstafstrúaðir mús-
límar, sem undanfarin ár hafa
eflst að áhrifum í Súdan eins og
víðar, vildu að tveimur og hálfri
miljón Suður-Súdana, sem bú-
settir eru í norðurhluta landsins,
yrði gert að hlýða lögmáli íslams,
sharia, en það vilja sunnlending-
ar ekki sætta sig við.
Reuter/-dþ.
Rushdie
„Ó þú skurðgoðabrjótur“
Khomeini hylltur á trúarhátíð. Jórdanskur ráðherra segir
„dauðadóm“ hans lögmálsvillu. Æðsti rabbíniísraels villláta banna
Kölskavers
Mikill mannsöfnuður kom
saman í gær við heimili
Khomeinis höfuðklerks í Norður-
Teheran, borgarhluta brodd-
borgara, og hyllti hann í tilefni
einnar af trúarhátíðum múslíma.
Einn samstarfsmanna ajatollans
sagði að tilskipanir og yfirlýsing-
ar Khomeinis gegn Salman rithöf-
undi Rushdie hefðu vakið íslam
sem af svefni.
„Þú ert andi vor, Khomeini. Þú
molar skurðgoðin, Khomeini,"
hrópaði þá mannfjöldinn og kon-
ur brustu í grát. Við nokkuð ann-
an tón kvað í gær frá Jórdaníu,
því að trúarbragðaráðherra þess
konungsríkis, Sheikh Abdul-
Aziz al-Khayyat að nafni, lét svo
um mælt að fyrirskipun Khom-
einis um að drepa Rushdie væri í
ósamræmi við lögmál íslams.
Óviðeigandi væri einnig að
bregðast við bók Rushdies, sem
vissulega væri móðgun við Mú-
hameð spámann, með óspektum
og það rétta væri að hrekja við-
horf rithöfundarins með skrifum.
í Jerúsalem var hinsvegar í gær
haft eftir Avraham Shapira,
æðsta rabbína ísraels, að lög þess
ríkis innhéldu bann við því að
særa trúarkennd fólks og ættu
þarlend stjórnvöld því að banna
bók Rushdies. Á hinn bóginn
hefði Khomeini gert rangt með
því að kveða upp dauðadóm yfir
rithöfundinum, því að slíkt væri
ekki manna, heldur máttarvalds
himinhæða. Reuter/-dþ.
Afvopnunarviðræður hafnar
Viðræður hófust í Vín í gær með fulltrúum Nató og Varsjárbanda-
lagsins, með það fyrir augum að ná samkomulagi um fækkun í herjum
beggja, þeim sem væddir eru venjulegum vopnum svokölluðum. Ein
mesta hindrunin í vegi samkomulags er að hvor aðilinn um sig hneigist
að því að mikla fyrir sér og öðrum styrk hins aðilans, en gera tiltölulega
lítið úr sínum. Bandalögin eru sammála um að Varsjárbandalagið hafi í
Evrópu fleiri skriðdrekaog brynvarða herflutningavagna en mótaðilinn
og stórskotalið meira, en Varsjárbandalagsmenn vilja meina að á móti
þessu vegi og meiratil meiri hermannafjöldi Atlantshafsbandalagsins,
eldflaugar þess ætlaðar gegn skriðdrekum, fleiri þyrlur og öflugri
sjóher. En um tölu hermanna og margskonar hergagna hvors í annars
garði ber bandalögunum ekki saman. Reuter/-dþ.
6 SÍÐA - ÞJÓÐVILJINN