Þjóðviljinn - 11.03.1989, Blaðsíða 9

Hermóður Gestsson á lyftaranum við vinnu í Fóðurblöndunarstöð Sambandsins við Sundahöfn. Mynd:
Hermóður Gestsson lyftaramaður
Býst fastlega vio verkfalli
- Hreint út sagt þá leggst
ástandið eins og það er núna ákaf-
lega illa í mig og ég býst fastlega
við verkfalli og það langvinnu.
Því er ekki að leyna að maður er
orðinn ansi óþolinmóður eftir
launhækkunum eftir allar þessar
verðhækkanir sem orðið hafa
þegar það er haft í huga að maður
er með 13 þúsund krónur í viku-
laun, eða 52 þúsund á mánuði í
nettólaun,“ sagði Hermóður
Gestsson lyftaramaður hjá Fóð-
urblöndunarstöð Sambandsins
við Sundahöfn.
Þessi laun fær Hermóður fyrir
40 stunda dagvinnu auk 8 tíma
eftirvinnu í viku hverri. Að eigin
sögn býr hann ásamt konu sinni
og tveimur börnum í eigin hús-
næði og er eina fyrirvinna fjöl-
skyldunnar þar sem eiginkonan
sinnir börnunum heima. Eins og
gefur að skilja gengur sífellt verr
að ná endum saman í heimilis-
bókhaldinu og fyrir utan að vilja
fá dágóða krónutöluhækkun í
komandi kjarasamningum vill
Hermóður að matarskatturinn
verði afnuminn hið fyrsta.
Sjálfur er hann í trúnaðar-
mannaráði Verkamannafélagsins
Dagsbrúnar en engu að síður
finnst honum forusta félagsins
ekki hafa staðið sig sem skyldi og
hefur forustan ekki séð ástæðu til
að kynna fyrir verkamönnum
Fóðurblöndunarstöðvarinnar
hverju hún ætlar sér að ná fram í
þeim kjarasamningum sem fra-
mundan eru.
Hermóður er þungorður í garð
stjórnvalda sem hann telur að
ekki hafi staðið undir nafni sem
félagshyggjustjórn. í því sam-
bandi bendir hann á að ríkis-
stjórnin hafi ekki beitt sér fyrir
afnámi matarskattsins, framlengt
samningsbann og launafrystingu
á sínum tíma og nú síðast ekki
hindrað þá holskeflu verðhækk-
ana sem hafi-bitnað einna mest á
lágtekjufólki.
-grh
KJORIN
y Sigurður Hjartarson kennari
Oæskilegtaö
fara í verkfall
- Miðað við reynsluna líst mér
illa á þessar samningaviðræður
sem framundan eru. Við kennar-
ar höfum verið dregnir á asna-
eyrum hingað til og verið afar erf-
itt að ná fram einhverjum viðun-
andi kjarasamningum. En hitt er
staðreynd að það virðast vera tii
nægir pcningar í þjóðfélaginu til
alls nema að greiða vinnandi fólki
mannsæmandi laun. Verkföll eru
ekki skemmtileg og þrátt fyrir allt
tel ég óæskilegt að grípa til ver-
kfailsvopnsins núna,“ sagði Sig-
urður Hjartarson kennari.
Þessa dagana stendur yfir at-
kvæðagreiðsla hjá kennurum í
HÍK um verkfallsheimild handa
stjórn félagsins og sagði Sigurður
að laun kennara væru mjög léleg
miðað við sambærilega menntað
fólk á frjálsum vinnumarkaði.
Sjálfur er hann búinn að stunda
kennslu í 20 ár og hefur í dag,án
yfirvinnu 83 þúsund krónur' í
brúttólaun og 64 þúsund þegar
staðgreiðsla hefur verið dregin
frá. Þá ynni eiginkonan.úti og
hefði ívið betri tekjur en hann.
Sigurður sagði að margir byndu
miklar vonir við stjórnarþátttöku
Alþýðubandalagsins í ríkisstjórn-
inni sem vonandi mundi verða til
að stuðla að jafnari tekjuskipt-
ingu í þjóðfélaginu sem væri ekki
vanþörf á í ljósi þess að einstaka
stéttir virtust hafa næga peninga á
milli handanna á meðan aðrar og
fjölmennari rétt skrimtu.
Sigurður Hjartarson kennari í
Menntaskólanum við Hamrahlíð.
Mynd: ÞÓM.
Aðspurður hvernig væri að
kenna við núverandi þjóðfé-
lagsaðstæður sagði Sigurður að
mórallinn væri slappur meðal
nemenda sem margir hverjir
væru yfirkeyrðir af vinnu með
náminu. Af þeim sökum væri erf-
itt að gera kröfur til þeirra í
kennslunni. Óskastaða kennar-
ans væri hins vegar sú að geta
kennt minna og geta þess í stað
boðið uppá betri kennslu fyrir
vikið. Það yrði því miður ekki
hægt fyrr en búið væri betur að
kennurum en gert er í dag en
mundi jafnframt fljótlega skila
sér í betur menntuðum einstak-
lingum. _orh
Kristján Stefánsson iðnverkamaður
Mikil óánægja
með launin
- Mér reiknast til að heildar-
kjaraskerðingin hjá okkur hér í
Hampiðjunni sé um 38% vegna
niðurskurðar á yfirvinnu og á
vaktavinnu auk þeirrar almennu
kjararýrnunar sem iðnverkafólk
hefur almennt orðið fyrir vegna
launafrystingarinnar og þeirra
verðhækkana sem orðið hafa,“
sagði Kristján Stefánsson iðn-
verkamaður í Hampiðjunni hf.
Kristján, sem er trúnaðarmað-
ur verksmiðjufólks í fyrirtækinu,
sagði að oft hefði verið þörf fyrir
verkalýðinn að sýna samstöðu í
komandi kj^rasamningum en
núna væri þao nauðsyn. Hann
taldi næsta víst að Iðja félag
verksmiðjufólks yrði með öðrum
félögum í samfloti enda hefði ver-
ið lögð rík áhersla á það í sam-
þykkt miðstjórnar Alþýðusam-
bands íslands. Samkvæmt hug-
myndum miðstjórnarinnar verð-
ur reynt að ná skammtímasamn-
ingi sem mundi þá gilda fram í
septembermánuð. Hvað varðar
kröfur um kauphækkun hefur
miðstjórnin lagt fram kröfu um
10% hækkun launa strax eða þá
kauphækkun sem þarf til að ná
kaupmætti taxta eins og þeir voru
í maí í fyrra.
Sjálfur hefur Kristján 61 þús-
und krónur í mánaðarlaun, býr í
leiguhúsnæði ásamt konu og
þremur börnum. Hann segir að
fjölskyldunni gangi sífellt verr að
láta enda ná saman og hún sé ekki
ein um það. Mikil óánægja sé
meðal iðnverkafólks með launin
og hann býst fastlega við verkfalli
í vor að öllu óbreyttu og ef það
yrði gæti það orðið langvinnt.
Kristján segir enga launung
Laugardagur 11.
Kristján Stefánsson iðnverka-
maður í þráðadeild Hampiðjunn-
ar hf. Mynd: ÞÓM.
vera á því að núna staldri fólk
lengur við í vinnu hjá Hampiðj-
unni en oft áður og það sé vegna
þess að ekki sé eins mikil eftir-
spurn eftir fólki og áður í önnur
störf. Þá gagnrýnir hann öryggis-
aðbúnað í fyrirtækinu og segir að
iðnverkafólkið sé að vinna við
gamlar og úr sér gengnar vélar á
sama tíma sem mikil pressa sé á
því að ná meiri afköstum í dag en í
gær. Þrátt fyrir að kvartað sé til
Vinnueftirlitsins fái það engu
áorkað þar sem stjórnendur fyrir-
tækisins segi ávallt að breytingar
séu á dagskrá og á meðan haldi
Vinnueftirlitið að sér höndum og
bíði eftir að lofaðar breytingar
nái fram að ganga. Þetta sé með
öllu óviðunandi og nauðsynlegt
að gera starf eftirlitsins mun skil-
virkara en það er í dag.
-grh
ars 1989 pjÓÐVILJINN - SÍÐA 9
t
Skil á staðgreiðslufé:
EINDAGINN
ER 15.
HVERS MÁNAÐAR
Launagreiðendum ber að skil'a afdreg-
inni staðgreiðslu af launum og reikn-
uðu endurgjaldi mánaðarlega. Skilin
skulu gerð eigi síðar en 15, hvers mán-
aðar.
Ekki skiptir máli í þessu sambandi
hversu oft í mánuði laun eru greidd né
hvort þau eru greidd fyrirfram eða
eftirá.
Með skilunum skal fylgja greinar-
gerð á sérstökum eyðublöðum, „skila-
greinum“, blátt eyðublað fyrir greidd
laun og rautt fyrir reiknað endurgjald.
Skilagrein ber ávallt að skila einnig þó
svo að engin staðgreiðsla hafi verið
dregin af í mánuðinum. - •
Allar fjárhæðir skulu vera í heil-
um krónum.
Gerið skil tímanlega