Þjóðviljinn - 30.03.1989, Blaðsíða 4

þJÓÐVIUINN
Málgagn sósíalisma, þjóðfrelsis og verkalýðshreyfingar
Kippt í spottana
Fyrirtækið Flugleiðir hf. er nú komið í óopinberan skæru-
hernað gegn orlofsferðum verkalýðsfélaganna með Arnar-
flugi og Sterling. Annarsvegar hefur Flugleiðastjórnin
ákveðið að hefja verðstríð á þeim orlofsleiðum sem Flug-
leiðir fara líka, og skeyta þannig engu um tap til skamms
tíma ef takast mætti að koma höggi á þennan óvænta keppi-
naut.
Hinsvegar ætla Flugleiðamenn sér Ijóslega að beita valdi
sínu innan kerfisins til að bregða fæti fyrir orlofsferðaáætl-
anir verkalýðsfélaganna. Embætti flugmálastjóra hefur til-
kynnt að þaðan verði ekki gefið leyfi til leiguferða verkalýð-
sfélaganna á leiðum sem Flugleiðir hafa á einkaleyfi, og
innan Flugráðs virðast sterkar raddir um að feta sama veg-
inn.
Einkafyrirtækið Flugleiðir hefur byggt sér sterka aðstöðu í
íslensku stjórnkerfi og ber ægishjálm yfir önnur flugfélög,
bæði í innanlandsflugi og millilandaflugi þarsem því virðist
vera að takast að ryðja eina innlenda keppinautnum úr vegi.
Og nú á að kippa í alla spotta.
Bakgrunn málsins þekkja menn, - átök Flugleiða með
VSÍ að baki við verslunarmenn á Suðurnesjum um verkfalls-
réttinn. Flugleiðir standa í málaferlum þarsem ætlunin er að
beita lagakrókum til að útvatna verkfallsréttinn, meðal ann-
ars með löghelgun á verkfallsbrotum.
Flugmálastjóri segir ákvörðun sína byggja á skipunum
fyrrverandi yfirmanns síns um þrönga lagatúlkun.
Raddir um svipaða afgreiðslu innan Flugráðs styðja sig
við þá venju að hygla einkaleyfishöfum með því að hamla
framgangi leiguflugs á þeirra leiðum. Þessi regla kom þó
ekki í veg fyrir samskonar leiguflug verkalýðssamtaka 1984,
‘85 og ‘87, einmitt með Sterling, einmitt milli Keflavíkur og
Kaupmannahafnar.
Að auki hefur einokunarfyrirtækið brotið almennar sam-
skiptareglur við starfsmenn sína, og stendur nú í pólitísku
stríði sem illa hæfir stöðu hálfopinbers einkaleyfishafa.
Getur verið að sjálft Flugráð sé svo bundið á klafa Flug-
leiða að það taki pólitíska afstöðu gegn verkalýðshreyfing-
unni í þessum orlofsferðamálum?
Bregðist ráðsliðar hlýtur verkalýðsfélögunum að vera
styrkur að því að síðan flugmálastjóri fékk skipanir sínar hafa
orðið mannaskipti í samgönguráðuneytinu. Þar fer nú með
ráðherravald Alþýðubandalagsmaðurinn Steingrímur J.
Sigfússon. Og þar er ekki lengur hægt að kippa í spotta.
30. mars
Fjörutíu ár eru langur tími í ævi manns, og er auðvitað að
þeim sem starfað hefur þann tíma að settu marki og ekki
unnist sem skyldi - honum þykir verkið á stundum til lítils.
En fjörutíu ár eru skammur tími í lífi þjóðar. Og þegar frá
líður verður ekki spurt hversu lengi var að verið heldur hver
kvað.
Þótt margt hafi breyst frá Natósamþykkt og hvítliðaárás
1949 og endurkomu hersins 1951 sýna nýjar uppákomur
kringum heræfingu og varaflugvöll að í grundvellinum er
staðan í sjálfstæðismálum sú sama og fyrir fjörutíu árum.
íslendingar eru í varnarstöðu gagnvart ósvífinni ásælni er-
lends herveldis, sem á víxl beitir hótunum og loforðum um
gull.
Það skiptir miklu fyrir íslenskt samfélag, sjálfstæði þess,
þjóðernisvitund og menningu, að þessa fjóra áratugi hefur
fjölmenn sveit haldið uppi andófi við hið erlenda vald og
notið til þess stuðnings frá miklum hluta þjóðarinnar, oft
yfirgnæfandi meirihluta hennar.
Þegar þess er minnst að fjörutíu ár eru liðin frá því barátt-
an gegn herstöðvum var skírð í táragasi á Austurvelli hafa
þær ánægjulegar breytingar gerst að þessi sveit herstöðva-
andstæðinga hefur eignast nýjan liðsmann. Það er sjálfur
tíminn, sem nú hefur eindregið lagst gegn her og hernaðar-
bandalögum, - og með hans hjálp skulum við hefja merkið
enn hærra á loft en áður.
Herstöðvaandstæðingar gangast í dag klukkan eitt fyrir
athöfn á Austurvelli, og á sunnudag verður baráttudagskrá á
þeirra vegum í Háskólabíói.
-m
KLIPPT OG SKORIÐ
Hvers vegna ekki?
Tilhlökkunin fyrir komandi
þjóðhátíð hefur aldrei verið eins
mikil í hugum landsmanna, frá
því þeir hópuðust til Þingvalla í
grenjandi rigningu fyrir réttum
45 árum. Þá vorum við ung,
sjálfstæð en öryggislaus þjóð. Nú
er hins vegar bjartara yfír. Glað-
asólskin þann 17. júní samkvæmt
langtímaspánni.
Sjálfstæðis verður nú minnst
undir öryggi og vernd hins hug-
umprúða „varnarliðs“ frá Vín-
landi, sem ætlar að fjölmenna á
hátíðir á völlum og heiðum lands-
ins, sjálfum sér og einkum lands-
mönnum til yndisauka.
Hvflík dýrð og hvflík sæla.
Dagskrá nýja hernámsins hefur
þegar verið kynnt rækilega fyrir
Iandsmönnum í Morgunblöðum
útvarps og sjónvarps og utanrík-
isráðherrann, sem hefur lofað því
að vera heima, á sjálfan hátíðis-
daginn, hefur mælst til þess að
borgarar landsins taki hlýlega á
móti verndurunum og sýni þeim
þakklæti fyrir vel unnin varnar-
störf heima og heiman.
Heiðursskot
á holtinu
Það má rétt ímynda sér hvort
ekki verður tignarlegt að sjá her-
fýlkinguna stilla sér upp fyrir
framan styttu Leifs Eiríkssonar á
Skólavörðuholti árdegis þann 17.
Á sama tíma og forseti borgar-
stjórnar leggur kransinn á leiði
Jóns forseta í Suðurgötugarðin-
um, mun bergmála um alla borg-
ina, ómurinn af heiðursskotum af
holtinu. Á eftir verður marsérað
niður á Lækjartorg þar sem hald-
in verður sýning fyrir borgarbúa
og aðra gesti á þeim fjölbreytta
tækjabúnaði sem fluttur verður
yfir hafíð, til þess að sanna í verki
elsku og umhyggju verndarans
fyrir mörlandanum.
Eftir að hafa þrammað í svo
sem klukkustund eftir Lækjar-
götu og meðfram Tjörninni
munu herfylkingar skipta liði.
Öryggissveit herliðsins ætlar að
umkringja sendiráðslóðir
austantjaldsríkjanna í Garðast-
ræti og Túngötu og tryggja þann-
ig að enginn verði til að spilla
fyrir né halda uppi njósnum af
hinni eiginlegu herverndaræ-
fingu.
Allir fái
að vera með
Til að tryggja jafnan rétt allra
landsmanna til herverndar,
munu liðsmenn víkingasveitanna
frá Vínlandi reyna að koma sem
víðast við á heræfingum sínum.
Það mun vera mikill misskilning-
ur sem eitthvert dagblaðið hélt
fram að þessar æfingar eigi að
fara fram fyrir luktum dyrum
innan gaddavírsgirðinga á Mið-
nesheiði. Slíkt þjónaði engum til-
gangi, eins og áróðursmeistari
herfylkingarinnar hefur lýst yfír
opinberlega. Að sjálfsögðu eru
þessar herverndaræfingar fyrir
landsmenn og því ekki nema eðli-
legt að landsmenn allir fái að
fylgjast gjörla með og jafnvel þeir
hugdjörfustu að taka þátt í hinum
minni háttar æfingum.
Hvaða vit er í því að ætla að æfa
einhverjar varnir á grjótmelum á
Suðurnesjum? Hvers eiga íbúar
höfuðborgarinnar að gjalda? Eru
þeir eitthvað minna virði en
Suðurnesjamenn? Og hvað um
jafnvægi í byggð landsins? Á
kannski að gefa Sovétmönnum
eða einhverjum öðrum misyndis-
mönnum færi á því að eyða allri
byggð annars staðar en á Suður-
nesjum? Hvað verður þá um
„norðlenskuna" og hvað er utan-
ríkisráðherra að hugsa? Er það
virkilega of „langur gangur" fyrir
verndarann að fara vestur á firði
og vernda það þjóðlegasta af öllu
þjóðlegu í voru þjóðfélagi?
Eining um
þjóðlega þjóð
Að sjálfsögðu ætlar verndarinn
að koma við í öllum byggðum.
Enginn verður skilinn útundan
og þjóðinni mun nú loks gefast
kostur á að berja augum glæsi-
menni í glæsibúningum með
glæsiverjur og glæsivopn. Hvort
heldur eru aðalmenn eða vara-
menn, skiptir ekki máli. Allir eru
þeir reiðubúnir að verja okkur,
okkar land og okkar þjóðtungu
fyrir óæskilegum erlendum áhrif-
um.
Er það ekki þetta sem allir al-
þingismenn og Jón Óttar að auki
eru sífellt að prédika um? Þjóðar-
einingu um þjóðlega þjóð. Við
verðum að fórna öllu til að
tryggja okkar þjóðlega arf og til
mikillar blessunar eigum við
góða vini í raun sem eru líka til-
búnir að fórna öllu fyrir okkar
þjóðararf.
Á síðasfa „sjens“
Það er auðvitað ekki annað en
kommalygi, að þetta æfinga-
ferðalag verndaranna til okkar á
sjálfan þjóðhátíðardaginn, sé
ekki annað en skemmtiferð á
norðurslóðir til að geta grillað og
drukkið Budweiser í miðnætur-
sólinni. Þeir sem tala af slíkri
óvirðingu um bjargvætti okkar og
verndara, sem eru að reyna að
hætta við að hætta að kaupa af
okkur fisk vegna hvalaveiðanna,
vita alls ekki um hvað málið
snýst. Þeir gera sér ekki grein
fyrir því að það eru síðustu forv-
öð fyrir „okkar menn“ að fá að
æfa sig hér heima í friði. Þetta
verður trúlega í síðasta sinn sem
allir strákarnir fá tækifæri til að
leika sér saman í miðnætursólinni
einir og sér. Því það vita það allir
sem vilja vita að eftir þessa eilífð-
ar friðarsáttmála Reagans og
Gorbatsjovs, þá liggur ljóst fyrir
að hér eftir fá þeir ekki að æfa sig í
að vernda okkur, nema að Rúss-
arnir verði með og fái að leika
óvininn.
Nei, má ég þá heldur biðja um
venjulegan 17. júní með rigningu
og Ömari Ragnarssyni.
-Jg-
Þjóðviljinn
Síðumúla 6 108 Reykjavík
Sími 681333
Kvöldsími 681348
Útgefandi: Útgáfufólag Þjóðviljans.
Ritstjórar: Árni Bergmann, MörðurÁrnason, Silja Aðalsteinsdóttir.
Fróttastjóri: Lúðvík Geirsson,
Aðrir blaðamenn: Dagur Þorleifsson, Elías Mar (pr.), Elísabet
Brekkan, Guðmundur RúnarHeiðarsson, HildurFinnsdóttirjpr.), Jim
Smart(ljósm.), KristóferSvavarsson, MagnúsH. Gíslason.Ólafúr
Gíslason, Páll Hannesson, SigurðurÁ. Friðþjófsson (umsjm. Nýs
Helgarblaðs), SaevarGuðbjörnsson, Þorfinnurömarsson(íþr.),
ÞrösturHaraldsson.
Framkvæmdastjóri: Hallur Páll Jónsson.
' Skrif stof ustjóri: Jóhanna Leópoldsdóttir.
Skrifstofa: Guðrún Geirsdóttir, Kristín Pótursdóttir.
Auglýslngastjóri: Olga Clausen.
Auglýsingar: Guðmunda Kristinsdóttir, Unnur
Ágústsdóttir.
Símavarsla: Sigríður Kristjánsdóttir, ÞorgerðurSigurðardóttir.
Bílstjóri: Jóna Sigurdórsdóttir.
Húsmóðir: Erla Lárusdóttir
Útbreiðslu- og afgreiðslustjóri: Björn Ingi Rafnsson.
Afgreiðsla: Halla Pálsdóttir, HrefnaMagnúsdóttir.
Innheimtumaður: Katrín Ðárðardóttir.
Útkeyrsla, afgreiðsla, ritstjórn:
Síðumúla 6, Reykjavík, símar: 681333 & 681663.
Auglýsingar: Síðumúla 6, símar 681331 og 681310.
Umbrotog setning: Prentsmiðja Þjóðviljans hf.
Prentun: Blaðaprent hf.
Verð í lausasölu: 80 kr.
NyttHelgarblað: 110kr.
Áskriftarverð á mánuði: 900 kr.
4 SÍÐA - ÞJÓÐVILJINN Fimmtudagur 30. mars 1989