Þjóðviljinn - 30.03.1989, Blaðsíða 6
FRETTIR
Efnahagshorfur 1989
Gríðarleg umskipti til hins verra
Þjóðhagsstofnun: Utflutningsframleiðsla sjávarafurða dregstsaman um4% íár, landsframleiðsla
um 2%, þjóðartekjur um 2,5% og þjóðarútgjöld um 3,5%. Verðlagsþróun háðþvíað laun hækki
ekki meir en um 6% á árinu og gengið verði óbreytt
Utflutningsframleiðsla sjávar-
aföurða mun dragast saman
um 4% í ár miðað við 1988,
landsframleiðsla um 2%, þjóð-
artekjur um 2,5% og þjóðarút-
gjöld um 3,5%. Gangi þessar
spár eftir verður þetta annað árið
í röð sem landsframleiðsla dregst
saman og hefur það ekki gerst í 20
ár. Þá mun hagvöxtur minnka um
2% miðað við 1988 en þá dróst
hann saman um 1%. Á næsta ári
er hins vegar búist við lítilsháttar
aukningu í landsframleiðslu. Þá
er þróun verðlags háð því að laun
hækki ekki í ár nema um 6% og
gengi krónunnar verði óbreytt út
árið.
Þetta kemur fram í yfirliti
þjóðhagsspár Þjóðhagsstofnunar
um efnahagshorfurnar 1989 sem
birtar voru opinberlega á
samráðsfundi ríkisstjórnarinnar
og sveitarfélaga um atvinnumál
sem haldin var í gær. í aflaspá
stofnunarinnar er reiknað með
um 5,5% verðmætaminnkun
heildaraflans í ár. Þetta þýðir ma.
að spáð er 330 þúsund tonna
þorskafla, sem er tæplega 11%
samdráttur frá fyrra ári. Einnig er
reiknað með verulegum sam-
drætti í grálúðu- og karfaveiðum
eða nálægt 20%. Aftur á móti er
spáð auknum ýsu- og ufsaafla en í
heild sinni fela þessar spár í sér
um 7% minnkun botnfiskafla
1989. í dag eru botnfiskveiðar og
-vinnsla rekin á núlli en að frá-
dregnum 4,5-5% verðbótum eru
þessar atvinnugreinar reknar
með umtalsverðum halla. Verði
fiskiskipum hins vegar fækkað
um 10% gæti það gefið 4-5%
hagnað af tekjum til þeirra sem
eftir verða.
í erindi sínu á samráðsfundin-
um sagði Þórður Friðjónsson for-
stjóri Þjóðhagsstofnunar að gríð-
arlega mikil umskipti til hins
verra yrðu í fjárfestingum í ár en
spáð er 5% samdrætti og 15% ef
frádregnar eru fjárfestingar í ný-
jum flugvélum. Fjárfestingar í at-
vinnulífinu munu dragast saman
um 20%, óbreytt í íbúðahúsnæði,
5% minna hjá hinu opinbera og
15% samdrætti er spáð í fjárfest-
ingum í samgöngumálum svo
dæmi séu nefnd. Þetta þýðir að
fjárfestingar í ár verða aðeins um
18-19% af landsframleiðslu og
hafa ekki verið minni frá því í
heimsstyrjöldinni síðari. En til
þess að standa undir nútímalífs-
kjörum þyrftu þær að vera 20-
30% af landsframleiðslunni.
Á sama tíma er almennt efna-
hagsástand í helstu viðskipta-
löndum íslendinga gott en að öllu
samanlögðu er gert ráð fyrir að
verð út- og innflutnings fylgi al-
mennum verðbreytingum í við-
skiptalöndunum og því búist við
sem næst óbreyttum viðskipta-
kjörum á árinu.
Þá er því spáð að halli á við-
skiptum við útlönd á þessu ári
verði um 9,5 miljarðar króna eða
sem svarar til 3% af landsfram-
Ieiðslu. Þetta er töluvert minni
halli en í fyrra en þá var hann
liðlega 4% af landsframleiðslu.
Forsenda þessara lækkunar við-
skiptahallans er samdráttur þjóð-
arútgjalda um 3,5% á móti tæp-
lega 2% lækkun landsframleiðslu
svo og lækkun raungengis krón-
unnar um 4% frá 1988.
-grh
Siglufjörður
Höfðum viðspymu í sfldinni
„Brauðstrit og barátta“ - Benedikt Sigurðsson skilar af sér fyrra bindi
af verkalýðssögu Siglufjarðar á 70 ára afmœli stéttarsamtaka í bœnum
Það sem mótaði þessa sögu á
Sigluflrði einna helst var að
verkalýðshreyfingin hafði svo
góða viðspyrnu í atvinnulífinu, í
sfldinni. Það skipti öllu máli að
hún væri veidd og verkuð, og at-
vinnurekendur höfðu ekki efni á
að þybbast við í kjaramálum.
Þessvegna komst siglfírskur
verkalýður í forystu í landinu og
til urðu „Siglufjarðarkjörin“ sem
miðað var við alstaðar um
landið.
Þetta sagði Benedikt Sigurðs-
son kennari á Siglufirði meðal
annars í spjalli við Þjóðviljann
um nýútkomna bók sína
Fyrirlestur
fimmtudaginn 30. mars kl. 20.30.
Fyrirlesari: Högni Óskarsson geðlæknir.
Efni: Kynlífsvandamál og meðferð við þeim.
Fyrirlesturinn verður haldinn á Geðdeild Land-
spítalans, kennslustofu á 3. hæð. Allirvelkomn-
ir. Aðgangur ókeypis.
Ath. fyrirlesturinn sem halda átti 17. apríl fellur
niður.
Lögmenn
Aðalfundur Lögmannafélags íslands 1989
verður haldinn í Skála á 2. hæð nýbyggingar
Hótels Sögu á morgun, föstudaginn 31. mars
og hefst kl. 13.30.
Árshóf félagsins verður haldið að kvöldi aðal-
fundardags í Átthagasal Hótels Sögu og hefst
kl. 19.00.
Stjórnin
Valdimar Jakobsson
Gnoðarvogi 68
Reykjavík
lést á Landspítalanurr aðfaranótt 29. mars.
Kristján Valdimarsson
Valdimar Valdimarsson
Aðalheiður Bóasdóttir
„Brauðstrit og barátta“ um sögu
verkalýðshreyfingarinnar á
Siglufirði, en í gær var einmitt 70
ára afmæli samfelldrar sögu stétt-
arsamtaka þar nyrðra - Verka-
mannafélag Siglufjarðar var
stofnað á fundi sem hófst klukk-
an sex í barnaskólanum 29. mars
árið 1919.
Áður höfðu þó verið gerðar
ýmsar atlögur að samtökum
verkafólks, og hefst frásögn
Benedikts um 1903. Fyrra bindi
bókarinnar nær frammyfir Borð-
eyrardeilu 1934, en síðara bindið,
sem segir söguna þaðan og til
okkar daga, er væntanlegt á
næsta ári.
Benedikt hefur verið „að
dunda við þetta“ í um sjö ár í
hálfu starfi á vegum Vöku á
Siglufirði, og er afraksturinn í
fyrra bindi rúmar 440 síður stapp-
fullar af skemmtilegum og spenn-
andi fróðleik, enda er höfundur
sjálfur að góðu kunnur úr sögu
verkalýðsbaráttu og stjórnmála á
Sigló, - sem í bókinni fléttast
saman án afláts: „auðvitað -
verkalýðshreyfingin var bæði
fagleg og pólitísk, og á að vera“
sagði Benedikt í gær, „ég lít á það
sem mikla afturför ef verkalýðs-
hreyfingin ætlar sér að verða ein-
hverskonar borgaraleg stofnun til
að fjalla um þröng kaupgjalds-
mál.
Brauðstrit og barátta er gefin
út af forlaginu Myllu-Kobba í
samvinnu við Vöku, og ætti að
vera komin núna í flestar bóka-
búðir.
-m
Ein fjöldamargra merkilegra mynda í bók Benedikts um stéttabaráttu
og mannlíf í síldarbænum: Óskar Garibaldason og Anney Jónsdóttir á
sokkabandsárum sínum á fjórða áratugnum. Þau urðu síðar hjón, og í
fremstu röð í verkalýðsmálum á Sigló.
Sterling Airways
Flugmálastjóri ekki Flugráð
Flugmálastjóri leggstgegnflugleyfi Sterling Airways til Kaupmanna-
hafnar, en Flugráð mun fyrstfjalla um málið á þriðjudag. Verður
flogið til Málmeyjar í staðinn?
Pétur Einarsson flugmálastjóri
hefur tilkynnt Samvinnuferð-
um-Landsýn að hann muni ekki
veita Sterling Airways flugleyfí á
leiðinni Reykjavík-Kaupmanna-
höfn, félagið sæki um slíkt leyfi.
Segir flugmálastjóri þá ákvörðun
í samræmi við reglugerðir og
hefðir. Sterling Airways fékk í
gær flugleyfi frá dönskum flugyf-
irvöldum, að því tilskildu að ís-
lensk yflrvöld gæfu grænt ljós.
Endanleg ákvörðun er í hönd-
um Steingríms J. Sigfússonar
samgönguráðherra en hann lýsti
því yfir í Þjóðviljanum í gær að
hann ætti erfitt um vik að leggjast
gegn ákvörðunum flugmálastjóra
og Flugráðs, væru þær sam-
hljóða. Hann vildi þó ekki segja
til um hver endanleg ákvörðun
hans í málinu kynni að verða.
Heimildir Þjóðviljans herma hins
vegar að nú velti menn fyrir sér
möguleikum á að veita Sterling
Airways eða öðru félagi leyfi til
leiguflugs til og frá Málmeyj í
Suður-Svíþjóð eða annarra staða
sem liggja nálægt Kaupmanna-
höfn.
Þau mistök voru gerð í frétt
Þjóðviljans í gær um leyfisveit-
ingu til Sterling Airways á flug -
leiðinni Kaupmanna-
höfn-Reykjavík, að því var hald-
ið fram að Flugráð hafi fjallað um
málið og lagst gegn leyfisveiting-
unni. Það rétta er að Flugráð hef-
ur enn ekki tekið málið til um-
fjöllunar en það verður að öllum
líkindum gert nk. þriðjudag. Mi-
stökin skrifast alfarið á Þjóðvilj-
ann og er beðist velvirðingar á
þeim.
phh
6 SÍÐA - ÞJÓÐVILJINN Fimmtudagur 30. mars 1989