Þjóðviljinn - 22.04.1989, Blaðsíða 9

FOSTUDAGSFRETTIR
Alþingi
Húsbréfum vísað frá
Stjórnarandstaðan hyggst koma í vegfyrir að
húsbréfafrumvarpfélagsmálaráðherra verði að lögum.
Jóhanna Sigurðardóttir leggur enn ráðherradóm að veðifyrir
afgreiðslu málsins í vor
Jón Gunnar
Árnason látinn
Jón Gunnar Arnason mynd-
höggvari lést á Borgarspítalanum
í fyrrinótt. Hann var fæddur í
Reykjavík 15. maí 1931 og var því
á 58. aldursári er hann lést.
Jón Gunnar var lærður járn-
smiður, en stundaði nám í högg-
myndalist hjá Ásmundi Sveins-
syni og í London. Hann var einn
af stofnendum félagsskaparins
SÚM, Nýlistasafnsins og Mynd-
höggvarafélagsins.
Jón Gunnar leitaði í list sinni út
fyrir formalisma módernismans
og leitaðist við að gefa högg-
myndalistinni ný tengsl við um-
hverfið og samfélagið. Hann var
áhrifamaður í félagsmálum og
hafði mótandi áhrif á yngri kyn-
slóð listamanna hér á landi.
Þjóðviljinn vottar aðstandend-
um Jóns Gunnars samúð vegna
sárs missis.
Stjórnarandstaðan hyggst
koma í veg fyrir að húsbréf-
afrumvarp Jóhönnu Sigurðar-
dóttur verði að lögum í vor. Eftir
öllum sólarmerkjum að dæma
stranda húsbréfin í félagsmála-
nefnd neðri dcildar alþingis því
án fulltingis einhverra stjórnar-
andstæðinga skortir húsbréfa-
kerfi meirihlutafylgi í deildinni;
stjórnarliðarnir Alexander Stef-
ánsson og Stefán Valgeirsson eru
andvígir húsbréfum. Félagsmála-
ráðherra ítrekaði í samtali við
Þjóðviljann í gær að hún stæði
við fyrri yfirlýsingar um að segja
af sér embætti hljóti málið ekki
afgreiðslu löggjafarsamkom-
unnar fyrir þinglok.
Þjóðviljinn hefur fyrir því
traustar heimildir að það séu
samantekin ráð stjórnarand-
stöðuflokkanna fjögurra að
koma því til leiðar að afgreiðslu
húsbréfafrumvarpsins verði
frestað fram á haust. Það verði
gert með þeim hætti að Geir Ha-
arde, annar af fulltrúum Sjálf-
stæðisflokksins í félagsmálanefnd
neðri deildar, leggi fram tillögu
um að frumvarpinu verði vísað
frá, þeas. til frekari umfjöllunar í
ríkisstjórn og þar með svæft
framá næsta þing. Tillögu þessa
samþykki fulltrúi Kvennalista,
Kristín Einarsdóttir, tveir Sjálf-
stæðismenn, Eggert Haukdal auk
flutningsmanns, og Alexander
Stefánsson. Guðrún Helgadóttir,
Jón Kristjánsson og Jón Sæ-
mundur Sigurjónsson hyggist
hinsvegar halda í heiðri sam-
komulag í ríkisstjórn um að veita
húsbréfum brautargengi.
Félagsmálaráðherra sagði mál-
atilbúnað þennan koma sér gjör-
samlega í opna skjöldu, einkum
sinnaskipti Sjálfstæðismanna því
Þorsteinn formaður Pálsson hefði
lýst yfir eindregnum stuðningi við
húsbréfakerfið við fyrstu um-
ræðu í neðri deild.
Þjóðfélagið hefði ekki efni á
því að fresta afgreiðslu húsbréf-
akerfis fram á haust og menn
yrðu að hafa hugfast að nokkrir
mánuðir liðu frá samþykkt frum-
varps þangað til kerfið færi í
gang.
Félagsmálaráðherra hefur ítr-
ekað lýst því yfir að hún legði
ráðherradóm að veði fyrir því að
húsbréfafrumvarp verði sam-
þykkt fyrir þingslit í vor og sagði
hún í gær að þau orð stæðu
óhögguð.
Stjórnarandstæðingar báru
einkum við tímaskorti þegar
Þjóðviljinn innti þá eftir orsökum
andstöðunnar, málið þyrfti miklu
ítarlegri umfjöllun, ekki væri
réttlætanlegt að keyra jafn um-
deilt frumvarp í gegnum þingið á
örfáum dögum.
Ólafur G. Einarsson, formaður
þingflokks Sjálfstæðismanna,
sagði að sitt sýndist hverjum um
húsbréfakerfið í flokki sínum og
því hefðu fulltrúum hans í fé-
lagsmálanefnd neðri deildar ver-
ið gefnar frjálsar hendur um af-
greiðslu þess.
Kristín Einarsdóttir kvað
margt í óvissu um húsbréfakerfið
og að sitthvað í hugmyndinni
fengi vart staðist, ss. þá gefnu for-
sendu að Seðlabanki gæti ætíð
keypt húsbréf án stór affalla,
pungað máski út með miklar fjár-
upphæðir sem ekkert væri á bak
við nema pappír. Engu að síður
væri hún fjarri því andvíg hús-
bréfum, málið þyrfti bara miklu
meiri umfjöllun.
Júlíus Sólnes, formaður Borg-
araflokksins, sagðist styðja frá-
vísun því aukin umfjöliun tryggði
betra frumvarp að hausti. Hann
játti því að vera í hópi þeirra sem
mælt hefðu með því að vísa mál-
inu til ríkisstjórnar á ný, þetta
væru samantekin ráð manna úr
öllum stjórnarandstöðuflokkun-
um. ks
BHMR
Viðræður í voða
vegna verkfallsbrots?
Páll Halldórsson: Lítum svo á að
sjávarútvegsráðuneytið hafi gerstsekt um
verkfallsbrot
Páll Halldórsson formaður
BHMR sagði í gær að vafi léki
á því hvort samninganefnd
BHMR mætti í dag á samningaf-
und, sem samninganefnd ríkisins
boðaði til. „Sjávarútvegsráðu-
neytið er farið að stunda ver-
kfallsbrot með því að gefa út
reglugerðir um lokanir á svæðum
í stað þeirra skyndilokana sem
Hafrannsóknastofnun stóð fyrir
áður.
Hér er um að ræða mjög alvar-
legt mál, því með útgáfu reglu-
gerða er verið að fara framhjá
fískifræðingunum og það ef á að
stunda þetta er ráðuneytið að
ganga beint í það að brjóta verk-
fallið niður. Ef slíkt á að við-
gangast er búið að stefna þessum
viðræðum í mikla hættu, “ sagði
Páll. Sjávarútvegsráðuneytið
segist hins vegar vera í fullum
rétti og hafi áður gefið út reglu-
gerðir um lokanir veiðisvæða.
Hafrannsóknastofnunin hafi að-
eins haft með að gera skyndilok-
anir sem vari lengst í vikutíma.
í gær voru samningar BSRB
við ríkið samþykktir með miklum
meirihluta í öllum félögum og
Páll var spurður um áhrif þessa á
samningaviðræður BHMR og
ríkisins. „Ég hef það nú fyrir
reglu að tjá mig ekki um innan-
hússmál hjá öðrum samtökum,
en samningur BSRB verður ekk-
ert girnilegri fyrir okkur þótt
hann hafi verið samþykktur.
Hluti af okkar baráttu núna er
barátta fyrir sjálfstæðum samn-
ingsrétti og því viljum við ekki
vera að blanda okkur í mál ann-
arra félaga. Þótt við höfum sagt
að við viljum ekki BSRB-
samninginn hefur því ekki fylgt
nein ráðlegging til BSRB-félaga
um hvernig þeir eigi að meta
þann samning.
Þegar við reiknum þennan
BSRB-samning fyrir okkar fólk
þýðir það áframhaldandi
kaupmáttarhrun út þetta árið,
þannig að við getum ekki fallist á
þennan samning, allra síst þegar
við höfum verið á þriðju viku í
verkfalli,“ sagði Páll Halldórs-
son. phh
Ari Ingimundarson yfirfangavörður og aðstoðarmaður hans Sigríður Jóhannesdóttir við opnun Kvenna-
fangelsisins í gær. Mynd þóm.
Kvennafangelsi ríkisins
Kvennafangelsi ríkisins að
Kópavogsbraut 17 var formlega
opnað í gær.
Við það tækifæri talaði Hall-
dór Ásgrímsson dómsmálaráð-
herra um stefnu í íslenskum fang-
elsismálum.
Ráðgert er að allir kvenfangar
landsins fái þarna vistun svo og
karlmenn sem þegar hafa afplán-
að hluta af sínum fangelsisdómi.
Gagngerar breytingar hafa átt
sér stað frá því að Neyðarathvarf
Ríkisins, réð ríkjum í húsinu.
Þeir fangar sem koma til með
að dveljast í húsinu munu stunda
nám eða vinnu utan fangelsisins.
Húsið er á tveim hæðum, fanga-
klefar á þeirri efri en almenning-
ur vistmanna og starfsfólks á
þeirri neðri. Allir gluggar hússins
eru rimlalausir.
Stefnt er að því að opna vinnu-
aðstöðu fyrir fanga í óinnréttuðu
rými í kjailara.
í húsinu er aðstaða til læknis-
skoðunar, en læknir, sálfræðing-
ur og félagsfræðingur er ávallt
innan handa fyrir fanga.
Yfirfangavörður Kvennafang-
elsis ríkisins er Ari Ingimundar-
son en honum til aðstoðar er Sig-
ríður Jóhannesdóttir. Þau eru
bæði lærðir fangaverðir.
Gert er ráð fyrir því að hægt
verði að loka eða draga úr starf-
seminni á Skólavörðustíg með til-
komu þessa nýja fangelsis.
eb
Menntamálaráðherra
Nemendur eiga rétt á útskrift
Menntamálaráðherra ítrekar bréflega að skólastjórum sé ísjálfsvald
sett hvort þeir leggi samræmdu prófin fyrir
Svavar Gestsson menntamála-
ráðherra sendi skólastjórum
grunnskóla og fræðslustjórum
bréf í gær þar sem ítrekað er að
skólastjórum er heimilt að nota
samræmdu prófin sem send hafa
verið út til skólanna þó svo að þau
muni ekki gilda sem samræmd
próf heldur eingöngu sem skólap-
róf.
í bréfinu segir að menntamála-
ráðuneytið hafi ákveðið
breytingu á fyrirkomulagi sam-
ræmdra prófa í grunnskóla einsog
kennarasamtökin hafa lengi bar-
ist fyrir, en sú breyting felst m. a. í
því að haldin verða samræmd
könnunarpróf í ýmsum náms-
greinum á ýmsum stigum grunn-
skólans í stað þess að halda að-
eins samræmd próf á síðasta ári
skólans. Þá munu samkvæmt nýj-
um lögum um framhaldsskóla
samræmd próf ekki lengur lögð
til grundvallar inntöku nemenda í
framhaldsskóla.
„En ráðuneytið leggur áherslu
á að nemendur í 9. bekk eiga rétt
á að útskrifast úr grunnskóla nú í
vor og mun í samráði við alla
hlutaðeigandi aðila gera ráðstaf-
anir til þess að svo geti orðið,“
segir orðrétt í bréfinu.
Þá tekur menntamálaráðherra
fram að framhaldsskólum sé
óheimilt að mismuna nemendum
á nokkurn hátt við innritun og
skiptir þá engu hvort skráð er á
prófskírteini að nemendur hafi
þreytt próf sem áttu að vera sam-
ræmd eða ekki og mun ráðuneyt-
ið fylgjast vandlega með því að
engin mismunun eigi sér stað við
innritun í framhaldsskólana._sáf
Handbolti
Með Spáni og
Júgóslövum
íslendingar leika í C-riðli í
heimsmeistarakeppninni í hand-
bolta í Tékkóslóvakíu á næsta ári
með Júgóslövum, Spánverjum og
liði frá Ameríku, sennilega Kú-
bönum eða Bandaríkjamönnum.
í D-riðli leika Sovétmenn,
Austurþjóðverjar, Pólverjar og
ótiltekið Astulið. Þrjú lið fara úr
hvorum riðli í milliriðil.
í A-riðli leika Ungverjar, Sví-
ar, Frakkar og eitthvert Afríku-
lið, í B-riðli etja gestgjafarnir
kappi við Suðurkóreumenn,
Svissara og Rúmena. Þrjú efstu
úr A- og B-riðlum lenda svo
samanímilliriðli.
Laugardagur 22. apríl 1989 NÝTT HELGARBLAÐ - SÍÐA 9