Þjóðviljinn - 03.05.1989, Síða 2
FRETTIR
Pjónusta
Þjónustu-
samband
stofnað
Fjögur stéttarfélög aöilar
að stofnun
landssambandsins með
1400félagsmenn
- Menn áorka afskaplega litlu
svona hver í sínu horni en sam-
eiginlega höfum við mun meiri
möguleika til að efla og styrkja
félögin, bæði út á við gagnvart
viðsemjendum, ríkisvaldi og öðr-
um og einnig inn á við í verkalýðs-
hreyfingunni, innan ASÍ, en þar
hafa lítil félög með beina aðild átt
á brattann að sækja. Tilgangur-
inn með stofnun Þjónustusam-
bandsins er einkum sá að skapa
okkur samstarfsgrundvöll hlið-
stætt og er hjá öðrum landssamb-
öndum, sagði Sigurður Guð-
mundsson nýkjörinn forseti Þjón-
ustusambands íslands.
Þann 1. maí var haldinn stofn-
fundur nýs landssambands starfs-
fólks í þjónustugreinum, Þjón-
ustusambands íslands. Aðilar að
stofnun þess voru Félag starfs-
fólks í veitingahúsum, Félag
framreiðslumanna, Félag ís-
lenskra kjötiðnaðarmanna og Fé-
lag hárgreiðslu- og hárskera-
sveina. Innan tíðar er búist við að
Félag matreiðslumanna gerist að-
ili að landssambandinu auk hinna
ýmsu stéttarfélaga í ferðaþjón-
ustu. Nú þegar eru félagsmenn
hins nýja landssambands um
1400.
Að sögn Sigurðar Guðmunds-
sonar hefur hugmyndin að stofn-
un landssambands starfsfólks í
þjónustugreinunum verið til í
hartnær tvo áratugi, en það var
ekki fyrr en á síðasta ári sem
skriður komst á málið. Aðspurð-
ur hvað hafi ráðið úrslitum um
stofnun landssambandsins núna
sagðist Sigurður ekki vera í
neinum vafa um að það hafi fyrst
og fremst verið slæmt atvinnu-
ástand innan þjónustugreinanna.
Bókmenntir
Myndarleg
hersýning
Nýstárleg ráðstefna
Aldraðir sýna æ meiri áhuga á samvinnu og samstöðu. Hér æfir fólk í Félagi áhugamanna um íþróttir
aldraðra í takt, og um helgina voru stofnuð Landssamtök aldraðra.
Eldri borgarar
Landssamband aldraðra
10 félög sameinast á Akureyri í júní
Laugardaginn 29. apríl var
haldin ráðstefna eldri borgara
þar sem samþykkt var tillaga um
stofnun Landssambands félaga
eldri borgara. Ráðstefnuna sóttu
fulltrúar frá 10 félögum aldraðra
víðvegar að af landinu. Tillaga að
lögum Landssambands aldraðra
var lögð fram og verður hún tekin
fyrir á stofnfundi sem að öllum
líkindum verður haldinn á Akur-
eyri 19. júní næstkomandi.
Ráðgert er að samtökin stuðli
að samvinnu félaga aldraðra og
komi fram fyrir hönd þeirra
gagnvart Alþingi, ríkisstjórn og
öðrum sem hafa með málefni
aldraðra að gera fyrir landið í
heild.
Hópur fólks sem komið er á
efri ár hefur verið nokkuð af-
skiptur í umræðum um velferð-
armál miðað við ýmsa aðra
hagsmunahópa. Með stofnun
Landssambands .aldraðra er von
til þess að þetta breytist, því víðs-
vegar á landinu hafa nú verið
stofnuð félög eldra fólks sem öll
hafa það að markmiði að gera efri
árin sem léttbærust og ánægju-
legust.
Guðríður Ólafsdóttir fram-
kvæmdastjóri Félags eldri borg-
ara í Reykjavík sagði í samtali við
Þjóðviljann að það væri margt
sem þyrfti að lagfæra varðandi
málefni eldra fólks, t.d. er óger-
legt að lifa á núverandi ellilífeyri.
Guðríður lagði einnig áherslu á
félagslega þáttinn, því við starfs-
lok hendir það marga að verða
viðskila við vinnustað, vinnufé-
laga og stéttarfélag sitt. Ein-
manaleiki og leiði veldur heilsu-
tjóni og jafnvel ótímabærum
dauða.
Húsnæðismálin eru einnig
mikið vandamál, en æskilegt er
að fólk geti sem lengst lifað eðli-
legu og sjálfstæðu lífi í eigin hús-
næði.
eb
Þingið Skáldskaparmál sem
haldið var frá föstudagskvöldi og
fram á sunnudagskvöld tókst vel.
Alls voru haldnir átján fræðilegir
fyrirlestrar um íslenskar forn-
bókmenntir, sögur og kvæði, og
sátu hátt á annað hundrað manns
undir þeim.
„Okkur fannst allt ganga af-
skaplega vel,“ segir Gísli Sigurðs-
son, einn forsvarsmanna ráð-
stefnunnar. „Þátttakan var þref-
alt meiri en við var búist. Við
þykjumst hafa staðfest að í
landinu sé ennþá fullt af fólki sem
hefur áhuga á rannsóknum á ís-
lenskum fornbókmenntum, og
einnig að hér sé margt fólk sem er
að rannsaka þessar bókmenntir á
nýstárlegan og frjóan hátt. Það
þyrfti að halda svona þing árlega
til að taka púlsinn á fræðunum."
Margar skemmtilegar kenn-
ingar voru settar fram í erindum á
ráðstefnunni. Skáldskapargildi
dróttkvæða var endurmetið,
grunnur lagður að nýrri aldurs-
greiningu Islendingasagna m.a.
út frá kenningum um skáldsögur
svo fátt eitt sé nefnt. í haust verða
erindin gefin út í nýju tímariti
sem á að heita Skáldskaparmál.
SA
Vertíðin
Sú besta í nokkur ár
Vertíðin í ár er ein sú albesta
sem komið hefur undanfarin
ár og eru margir bátanna búnir
eða langt komnir með kvóta sína.
Svo getur farið vegna 10% sam-
dráttar í botnfiskveiöum að lítið
verði afgangs í haust og því minna
um atvinnu í mörgum sjávar-
plássunum en nú er.
Aflahæsti báturinn á vertíðinni
er Þórunn Sveinsdóttir VE sem
um mánaðamótin var búin að fá
um 1708 tonn og sló þar með 19
ára gamalt landsmet Grindvík-
ings sem var 1704 tonn. Að sögn
Hilmars Rósmundssonar for-
manns Útvegsbændafélags Vest-
mannaeyja er þetta búið að vera
alveg hörkuvertíð.
Sömu sögu höfðu heimildar-
menn Þjóðviljans að segja frá
Grindavík og Þorlákshöfn. í
Grindavík er Vörður ÞH afla-
hæstur með tæp 1000 tonn. í Þor-
lákshöfn hefur Jóhann Gíslason
aflað mest eða um 1500 tonna.
-grh
Stúka á KR - völlinn
Nú nálgast óðum sá tími þegar keppnistímabilið í knattspyrnu hefst
fyrir alvöru og til að bæta vallaraðstöðuna við Frostaskjól og auka
verulega fjölda áhorfenda á heimaleiki KR í sumar hefur stjórn félags-
ins ráðist í byggingu stúku sem fullbúin mun taka 2000 manns í sæti.
Jafnframt mun veitinga- og salernisaðstaða verða bætt verulega. Auk
þess er verið að reisa vegalega klukku við enda vallarins.
Hungurvaka
A hádegi í dag miðvikudag 3.
apríl efnir hópur framhaldsskól-
anemenda til tveggja sólarhringa
hungurvöku í eða við fjármála-
ráðuneytið og er hún til stuðnings
kjarabaráttu kennara. Nemend-
urnir vilja að deiluaðilar setjist að
samningaborðinu strax jafnframt
því sem þeir vilja fá að vita hvað
bíður þeirra á næstunni. Þá krefj-
ast þeir þess að því verði bjargað
sem bjargað verður svo skólaárið
verði ekki ónýtt hjá þeim 14 þús-
und framhaldsskólanemendum
sem bíða þess eins að fá að ljúka
námi vetrarins.
Útgáfustarfsemi
í Frakklandi
Belgísk - franski rithöfundurinn
Hubert Nyssen flytur opinberan
fyrirlestur í boði heimspeki-
deildar Háskóla íslands mánu-
daginn 8. maí klukkan 17.15 í
stofu 101 í Odda. Fyrirlesturinn
fjallar um útgáfustarfsemi í
Frakklandi og verður fluttur á
frönsku. Helstu upplýsingum um
útgáfustarfsemi Nyssens verður
dreift í fjölriti og umræður að
fyrirlestrinum loknum fara fram
á ensku.
Plasteinangrun
og Sæplast
sameinast
Stjórnir Plasteinangrunar hf. og
Sæplasts hf. hafa ákveðið að sam-
eina félögin. Sæplast mun kaupa
öll hlutabréfin í Plasteinangrun
hf. en lætur í staðinn 35% hlut í
Sæplasti hf. og verður fram-
kvæmdastjóri Sæplasts jafnframt
framkvæmdastjóri Plasteinangr-
unar hf. Ástæður sameiningar-
innar er þær ma. að bæði félögin
framleiða vörur fyrir sömu kaup-
endur, rekstrarvandi fiskvinnslu
og útgerðar sem hefur haft í för
með sér samdrátt og veruleg van-
skil. Þannig afskrifuðu fyrirtækin
samtals tæplega 20 miljónir
króna af útistandandi kröfum um
síðustu áramót. Við sameining-
una verður rekstur fyrirtækjanna
endurskipulagður sem mun hafa í
för með sér margvíslegar aðgerð-
ir ss. uppsagnir og fækkun starfs-
manna og sölu eigna. Með þessu
móti teljaforráðamenn fyrirtækj-
anna að takist að skapa öflugt og
traust fyrirtæki.
Next Stop
á Borginni
í kvöld klukkan 22 gengst Next
Stop hreyfingin fyrir tónleikum á
Hótel Borg. Markmið hreyfing-
arinnar eru bætt samskipti
austurs og vesturs, friðarhugsjón
og umhverfisvernd. Tónleikarnir
eru liður í undirbúningi að þátt-
töku íslenskra ungmenna í för 5
þúsund Norðurlandabúa til So-
vétríkjanna í haust. Á tónleikun-
um koma fram hljómsveitirnar
Risaeðlan sem leikur bræðing af
klassík og rokki, Kátir piltar sem
er þekkt af öllu öðru en ólund og
hefðbundinni sviðsframkomu og
Sniglabandið sem fremur bifhjól-
arokk af djúpri útlifun og
ómældri kostgæfni.
Bókageriarmenn
styija BHMR
Á nýafstöðnum aðalfundi Félags
bókagerðarmanna var samþykkt
að lýsa yfir stuðningi við kjara-
baráttu BHMR. Jafnframt er
óbilgirni fjármálaráðherra að
neita svo dögum skiptir raunhæf-
um og efnislegum samningavið-
ræðum við BHMR, harðlega
fordæmd. Aðalfundurinn sam-
þykkti að veita BHMR 50 þúsund
króna stuðning í yfirstandandi
vinnudeilu,_____________
SÍS og Gulli
í eina sæng
í gær tók til starfa nýtt hlutafélag í
fataiðnaði sem tekur við rekstri
fataverksmiðj unnar Gefjunar og
Saumastofunnar Sólarinnar hf.
(Kamabæjar) Nýja fyrirtækið
ber nafnið Sólin - Gefjun og eru
eigendur þess að jöfnu Samband
íslenskra samvinnufélaga og hlut-
hafar Saumastofunnar Sólarinn-
ar hf. Fataverksmiðjan verður til
húsa að Nýbýlavegi 4 í Kópavogi
og verða starfsmenn 22 og koma
jafnmargir frá hvoru fyrirtæki
fyrir sig. Til þessa samstarfs er
stofnað vegna erfiðleika í iðnað-
inum og til þess að styrkja ís-
lenska fatagerð.
Kirkjudagur
aldraðra
Á ári aldraðra 1982 var uppstign-
ingardagur valinn kirkjudagur
eldra fólks í landinu í samráði við
Ellimálanefnd Þjóðkirkjunnar.
Upp frá því hefur kirkja íslands
yfirleitt helgað eldra fólkinu
þennan dag. Hefur það sums
staðar tekið þátt í guðsþjónustu
með því að lesa texta dagsins og
jafnvel stigið í stólinn. Einnig
hefur það, þar sem farið er að æfa
kóra, annast kirkjusönginn og
færist það í vöxt. Kirkjudagur
aldraðra nýtur sífellt meiri vin-
sælda, bæði eldri og yngri og
skipar orðið virðulegan sess í
þeim söfnuðum þar sem svona
starfsemi verður við komið.
Bannað yngri
en 14 ára
Vinnueftirlit ríkisins hefur látið
semja og gefið út reglur um bún-
að vélknúinna garðsláttuvéla og
annað sem varðar öryggi við
noktun þeirra. Þær taka gildi 1.
maí. í reglunum um garðsláttu-
vélar og einöxla garðyrkjuvélar
eru ákvæði um, að nauðsynlegar
öryggis- og noktunarleiðbeining-
ar á íslensku skuli fylgja með vél-
knúnum garðsláttu- og garð-
yrkjuvélum þegar þær eru seldar
eða afhentar. I leiðbeiningunum
skal ma. koma fram að börn
innan 14 ára aldurs má ekki ráða
til að stjórna hættulegum, vél-
knúnum tækjum af þessu tagi.
2 SfÐA - ÞJÓÐVILJINN Mlðvlkudatfur 3. maí 1989