Þjóðviljinn - 10.05.1989, Side 1

Miðvikudagur 10. maí 1989 85. tölubldð 54. órgangur
BHMRIríkið
Hvikumekki spönn
Indriði Þorláksson: Munum ekki mœta áfundi til að rœða samninga sem ganga
lengra en fram komnar hugmyndir. Lagasetning húsbónda mínum ekki að skapi.
PállHalldórsson: Erum tilbúnirtil viðrœðna hvenœrsem er. Býst við áframhaldandi
samningafundum ídag eða á morgun. Enn vantar meginatriði ítilboð ríkisins.
Þjóðviljanum neitað um birtingu tilboðs ríkisins
Forysta BHMR hafði í gær
samhand við sáttasemjara og
lýsti sig tilbúna til áframhaldandi
viðræðna skilyrðislaust hvenær
sem væri. Þau óskuðu hins vegar
ekki formlega eftir viðræðum og
sagði Guðlaugur Þorvaldsson rík-
issáttasemjari að það væri skil-
yrði þess að hann kallaði dei-
luaðila til nýs fundar. Sér skildist
hins vegar að BHMR væri að
vinna í málinu og fundur yrði
haldinn um leið og ósk um slíkt
bærist.
Páll Halldórsson, formaður
BHMR sagði í samtali við Þjóð-
viljann í gær að það hefði verið
almennt samkomulag í samn-
inganefndum þeirra 12 félaga
BHMR sem í verkfalli standa að
hið óformlega tilboð ríkisins sem
lagt var fram í fyrrinótt hefði ekki
verið nægur grundvöllur samn-
inga. í það vantaði ýmis megin-
mál að áliti BHMR. Hann ætti
hins vegar ekki von á öðru en að
viðræður hæfust á nýjan leik
innan skamms, j afn vel í dag eða á
morgun.
Indriði H. Þorláksson, formað-
ur samninganefndar ríkisins
sagði hins vegar að ríkið myndi
ekki hvika spönn frá tilboði sínu,
sem hann vildi reyndar ekki kalla
því nafni. „Við höfum jafnvel
gengið lengra en forsvaranlegt er
og það höfum við gert öllum aðil-
um fullljóst. Við munum ekki
ganga til fundar með BHMR þar
sem ræða á samninga sem ganga
lengra en fram komnar hug-
myndir. Það mun bara lengja
þann tíma sem verkfall stendur,“
sagði Indriði.
Guðlaugur Þorvaldsson ríkis-
sáttasemjari sagði í samtali við
Þjóðviljann í gær að enginn sátta-
grundvöllur hefði verið fyrir
hendi í fyrrakvöld þegar samn-
ingafundi var slitið. „Það var á
stundum sem aðilar töluðu ekki
sama tungumál," sagði Guð-
laugur. Hann sjigði að tillögur
þær sem ríkið hefði lagt fram
hefðu verið óformlegar og því
hefðu þær ekki verið færðar inn í
fundargerðarbækur sínar. Þetta
þýddi að ríkið væri ekki bundið af
þeim tilboðum sem það hefði lagt
þar fram, en gæti ef samninga-
nefnd þóknaðist svo dregið þau
til baka.
Ríkisstjórnin skipaði nefnd
fjögurra ráðherra eftir sérstakan
ríkisstjórnarfund í gærmorgun til
að fylgjast með og hafa áhrif á
lausn deilunnar. í nefndinni sitja
auk Ólafs Ragnars Grímssonar,
þeir Svavar Gestsson, Halldór
Ásgrímsson og Jón Baldvin
Hannibalsson. Ríkisstjórnin hef-
ur hingað til neitað því að hún
muni grípa til lagasetningar í
þeim tilgangi að brjóta á bak aft-
ur verkfall BHMR.
Indriði Þorláksson sagðist ekki
búast við að skipun ráðherra-
nefndarinnar yrði til að breyta
þeim áherslum sem ríkið hefði
lagt í þessu máli. Samkvæmt sín-
um skilningi væri samstaða um
hvemig á málum hefði verið
haldið innan ríkisstjórnarinnar.
En er þá nokkuð annað eftir, ef
deiluaðilar halda fast við sitt, en
að ríkisstjómin leggi fyrir alþingi
lagafmmvarp um að málið fari
fyrir gerðardóm? „Mér skilst á
húsbónda mínum að slík lausn
væri honum ekki að skapi,“ sagði
Indriði og vísaði þar væntanlega
til Ólafs Ragnars. „Niðurstaðan
liggur á borðinu hvað okkur
varðar og við erum tilbúnir að
ganga frá henni á morgun. Ef
BHMR fellst ekki á það er ein-
faldlega ekki niðurstaða í mál-
inu.“
Ólafur Ragnar hefur opinber-
lega hvatt alla félaga í BHMR til
að „kynna sér vei og rækilega
hvað fólst í þessari vinnu undan-
farinna sólarhringa áður en menn
halda í margra vikna stríð í við-
bót,“ eins og hann komst að orði í
Þjóðviljanum í gær. Þjóðviljinn
leitaði eftir því að fá til birtingar
tilboð það sem lagt var fram í
gær, en bæði Svanfríður Jónas-
dóttir, aðstoðarmaður fjármála-
ráðherra og Indriði Þorláksson
neituðu að láta þau af hendi.
„Það vom að minnsta kosti fjöru-
tíu menn sem ræddu þetta plagg
og þeir hafa næga vitneskju fyrir
hendi til að miðla til sinna félaga
og annarra. Það er ekki ástæða til
að dreifa þessu því þá er alveg víst
að menn finna nýjan flöt til að
toga og teygja,“ sagði Indriði
Þorláksson.
Páll Halldórsson, formaður
BHMR sagði að hvorki hann né
aðrir úr röðum BHMR hefðu
þessar tillögur undir höndum, því
þeim hefði verið dreift til þeirra
af samninganefnd ríkisins í tölu-
settum eintökum sem öllum hefði
þurft að skila til baka.
phh
Olíufélögin girða örfirisey af. Mynd: Jim Smart.
Örfirisey
Lokuð vegna olíu
Olíufélögin girða afhringveginn um Örfirisey. Árni Ólafur Lárusson:
Athafnasvœði olíufélaganna stœkkar. Össur Skarphéðinsson: Aldrei
borið undir umhverfismálaráð
Qrfirisey hefur nú verið afgirt
þannig að ekki er lengur hægt
að aka hringinn Eyjarslóð,
Hólmaslóð og njóta útsýnisins
yfir sundin, né heldur ganga með
sjónum þar. Það eru olíufélögin
Skefjungur og Esso sem hafa girt
af svæðið en þeim hefur verið út-
hlutað enn frekara athafnarými í
Örfirisey en áður.
Að sögn Árna Ólafs Lárus-
sonar hjá Skeljungi var lóða-
mörkum breytt þarna í vetur
þannig að athafnarými olíufélag-
anna stækkar enn frekar og því
var ákveðið að girða það af þann-
ig að hringvegurinn um eyna lok-
ast.
Samkvæmt heimildum Þjóð-
viljans er gert ráð fyrir að at-
hafnasvæði olíufélaganna í
eyjunni stækki enn frekar. Skipu-
lag Reykjavíkur hefur samþykkt
þetta en málið var aldrei borið
undir umhverfismálaráð borgar-
innar. Að sögn Össurar Skarp-
héðinssonar, sem á sæti í um-
hverfismálaráði, er ótvírætt að
ráðið á að fá til umsagnar tillögur
að skipulagi áður en þær eru af-
greiddar endanlega.
„Ég tel raunar ólíklegt að um-
hverfismálaráð hefði samþykkt
lokunina ef málið hefði komið til
kasta þess með eðlilegum hætti,"
sagði Össur.
„Örfirisey skipar sérstakan
sess í hugum Reykvíkinga og sem
Reykvíkingi finnst mér fráleitt að
mikilvægt útivistarsvæði skuli
með þessum hætti lokað almenn-
ingi til að bæta aðstöðu olíufé-
laga. í raun finnst mér á við-
brögðum í borgarkerfinu að
menn hafi ekki almennilega gert
sér grein fyrir að eyjan yrði lokuð
í kjölfar þessara sícipulagsb-
reytinga. Sem Vesturbæingur og
Reykvíkingur get ég ekki hugsað
mér að vera sviptur mínum viku-
lega sunnudagsgöngutúr um Ör-
firiseyna en ég er viss um að með
góðum vilja hljóti að vera hægt
að leysa þetta mál og ná
samkomulagi við olíufélögin um
að halda svæðinu að minnsta
kosti opnu fyrir fótgangandi.
Verði lokuninni hinsvegar haldið
til streitu get ég lofað því að Vest-
urbæingar munu a.m.k. ekki taka
því þegjandi."
-Sáf
Skógrœktaifélag
Reykjavíkur
Foimaðurinn
báðum
megin
borðsins
Formaður Skógrœktarfé-
lags Reykjavíkur erjafn-
framtforstöðumaður
Borgarskipulags. Þor-
valdurS. Þorvaldsson:
Vissulega óþœgileg staða
- Auðvitað er þetta óþægileg
staða. Ég vissi ekki á sínum tíma
þegar ég tók við formennsku i
Skógræktarfélaginu að ég yrði
síðar skipaður forstöðumaður
Borgarskipulags, segir Þorvaldur
S. Þorvaldsson. Segja má að Þor-
valdur sitji báðum megin við
borðið í deilunni um framtíð
Fossvogsdalsins. Annarsvegar
sem yfírmaður Borgarskipulags
og hins vegar sem forystumaður
Skógræktarfélagsins í Reykjavík
sem er með aðsetur sitt og starf-
semi í dalnum, en sýnt er að hluti
af lendum félagsins muni lenda
undir þeirri Fossvogsbraut sem er
á teikniborði Borgarskipulags.
Á aðalfundi Skógræktarfélags-
ins sem haldinn var fyrir fáum
dögum, var engin sérstök ályktun
gerð um Fossvogsmálið, og nær
engar umræður voru um þau mál
á fundinum. Það bar hins vegar til
tíðinda á fundinum að annar
tveggja nýrra stjórnarmanna sem
kjörnir voru, var Birgir ísleifur
Gunnarsson alþm. og fyrrverandi
borgarstjóri.
-Það hefur ekkert verið rætt
sérstaklega um Fossvogsbrautina
í stjórn félagsins eins og málið
kemur upp núna. Við tókum við
þessu landi á sínum tíma vitandi
um þessar hugmyndir og við höf-
um því ætíð gengið út frá því að til
þess gæti komið að brautin yrði
lögð sagði Þorvaldur.
-Ig-
Tónlistarhávaði
Lögreglan
kannar málið
Böðvar Bragason lögreglu-
stjóri í Reykjavík segir að verið sé
að rannsaka kæru Sigurðar Bald-
urssonar hæstaréttarlögmanns
vegna meintrar hávaðamcngunar
sem kærandi telur vera frá hljóm-
plötuverslun Steina í Austur-
stræti.
Að sögn Böðvars hefur lög-
reglustjóri heimild í 4. gr. lög-
reglusamþykktar fyrir Reykjavík
frá því í desember 1987 til að
banna notkun hátalara fyrir utan
verslanir ef ástæða sé til að ætla
að hún hafi truflandi áhrif á sam-
borgarana.
Aðspurður sagði Böðvar að
embættið hefði fengið athuga-
semdir frá fleirum út af líkum
tónlistarflutningi og iðkaður er
fyrir utan veggi hljómplötuversl-
unar Steina. Lögreglustjóri sagði
að verið væri að vinna að könnun
um þessi mál í borginni á vegum
embættisins og innan skamms
mætti búast við að niðurstöður
hennar yrðu birtar. -grh