Þjóðviljinn - 11.05.1989, Blaðsíða 6

VIPHORF
Fríkirkj usöfnuðurinn
í Reykjavík
Auglýsing
um prestskosningu
Kjörstjórn vegna prestskosninga í Fríkirkjusöfn-
uðinum í Reykjavík, kosin á aðalfundi 15. apríl
s.l., hefur ákveðið skv. 22. gr. laga safnaðarins,
að prestskosningar fari fram dagana 3. og 4.
júní 1989. Kosið verður í safnaðarheimilinu að
Laufásvegi 13 (Betaníu).
Umsækjandi er einn, séra Cecil Haraldsson.
Kjörskrá liggur frammi í safnaðarheimilinu frá
og með 11. maí n.k. hvern þriðjudag og
fimmtudag kl. 17 - 18. Upplýsingar eru gefnar í
síma 27270 á sama tíma. Kærur skulu hafa
borist kjörstjórn eigi síðar en kl. 18,
fimmtudaginn 1. júní n.k.
Kosningarétt hafa, skv. 17. gr. safnaðarlag-
anna ...„þeir safnaðarmenn, sem náð hafa 16
ára aldri og greitt lögboðin gjöld safnaðarins,
enda séu þeir ekki skráðir meðlimir í öðrum
söfnuðum."
Athygli skal vakin á því, að kjörskrá miðast við
trúfélagsaðild skv. þjóðskrá 1. desember næst-
an á undan kjördegi.
Reykjavík, 8. maí 1989
f.h. kjörstjórnar
Ragnar Tómasson, form.
Auglýsið
í Þjóðviljanum
A
Sýning
á hugmyndum
um skipulag
í Fífuhvammslandi
í dag, fimmtudaginn 11. maí kl. 17.00, verður
opnuð sýning í íþróttahúsinu Digranesi, Kópa-
vogi á hugmyndum um skipulag í Fífuhvamms-
landi. Sýningin verður opin til 21. maí, allla virka
daga frá kl. 17-21 og um helgar frá kl. 14-18.
Bæjarstjórinn í Kópavogi
Aðalfundur Steinullar-
verksmiðjunnar hf.
verður haldinn í Safnahúsinu á Sauðárkróki 16.
maí nk. kl. 17.30.
Dagskrá: venjuleg aðalfundarstörf. Tillögur til
breytinga á samþykktum félagsins liggja
frammi á skrifstofu verksmiðjunnar á Sauðár-
króki.
Stjórn Steinulfarverksmiðjunnar hf.
Innilegar þakkir til allra, sem sýndu okkur samúð og vinar-
hug við fráfall og jarðarför mannsins míns og föður okkar
Jóns Hjálmarssonar
skósmiðs
Hverfisgötu 15, Siglufirði
Guð blessi ykkur öll.
Sigríður Albertsdóttir
Hjálmar Jónsson
Magnús Jónsson
Awacs-ratsjárvél á Keflavíkurflugvelli. Hugsanlegur varaflugvöllur í hernaðartilgangi mundi ekki síst vera
nýttur af þeim vélum.
Gegnirhernaðarlegu
hlutverki
Utanríkisráðuneytið segir að
aðalritari Nató hafi staðfest í
bréfi „að varaflugvöllur kostaður
af Atlantshafsbandalaginu myndi
ekki gegna neinu hernaðarhlut-
verki á friðartímum.“ Fyrir það
fyrsta er hér alls ekki haft rétt
eftir aðalritaranum og í öðru lagi
stangast þessi fullyrðing alger-
lega á við yfirlýsingu SACLANT
og reyndar líka það sem Þor-
steinn Ingólfsson, skrifstofustjóri
varnarmálaskrifstofunnar, sagði í
viðtali við Nýtt helgarblað 10.
mars sl.
Þessi staðhæfing ráðuneytisins
er dæmigerð fyrir það sem á er-
lendum málum hefur verið nefnt
„disinformation“, þ.e. vísvitandi
rangfærsla gerð í því skyni að
hafa áhrif á skoðanir almennings.
Utanríkisráðherra hefur reyndar
gengið feti lengra en þetta; hann
hefur fullyrt að varaflugvöllurinn
yrði alls ekki hernaðarmann-
virki! Ef þetta væri rétt þá kæmi
honum og ráðuneyti hans þetta
mál ekkert við, eins og áður hefur
verið bent á í Þjóðviljanum, hann
væri með afskiptum sínum að
ganga freklega inn á valdsvið
samgönguráðherra.
En Manfred Wörner, aðalrit-
ari Nató, hefur aldrei sagt að var-
aflugvöllurinn „myndi ekki
gegna neinu hernaðarhlutverki á
friðartímum." Orð hans voru:
„will have no militarv capability
in peacetime." Það þarf ekki
mikla enskukunnáttu til að sjá að
utanríkisráðuneytið hefur rang-
túlkað orð aðalritarans. Hann
segir aðeins að flugvöllurinn
muni að öllu jöfnu ekki hafa
neina hernaðargetu á friðartím-
um. Það er ekki þar með sagt að
hann eigi ekki að gegna neinu
hernaðarhlutverki.
Þorsteinn Ingólfsson sagði að
skýringin á ósk Bandaríkjahers
um varaflugvöll væri „fyrst og
fremst öryggishagsmunir,
þ.e.a.s. að sérstaklega rekstur
þessarar orrustuflugsveitar, sem
staðsett er á Keflavíkurflugvelli,
uppfyllir ekki þá staðla sem al-
mennt eru settir um öryggismál."
Er þetta ekki hernaðarhlutverk?
í yfirlýsingu Atlantshafsher-
stjórnar Nató segir á frummá-
linu: „The NATO Alternate
Airfield will be used as extra re-
vert airfield for aircraft, which
could not use the airport at Kefla-
vik or Reykjavik because of bad
weather.“ Síðan er vísað í orð
Wörners og sagt: „However dur-
ing peacetime there will be no
military personnel stationed at
the airfield and no storage of we-
apons.“
Þetta þýðir að flugvöllurinn
verður varaflugvöllur herflugvéla
Natóríkjanna sem þær geta snúið
til sökum veðurs eða annarra erf-
iðra aðstæðna. Ekkert herlið
myndi hafa fast aðsetur á flug-
vellinum á friðartímum og á þeim
tíma yrðu heldur ekki nein vopn
geymd þar. Þetta segir ekki að
flugvöllurinn gegni ekki hernað-
arlegu hlutverki á friðartímum
heldur öðru nær.
Herflugvélar myndu hafa þar
viðdvöl hvenær sem „aðstæður“
krefðust þess, jafnvel flugvélar
sem beitt geta kjarnavopnum.
Herflugvélar myndu stunda regl-
ubundnar heræfingar frá þessum
flugvelli. Og sveitir úr 187. her-
deild bandaríska landhersins
myndu að sjálfsögðu þurfa að
kynna sér aðstæður og æfa varnir
flugvallarins. Að öðrum kosti
yrði aldrei tekið í mál að kosta
þetta mannvirki úr sameigin-
legum mannvirkjasjóði Natóríkj-
anna.
í þessu sambandi má geta þess
að hvorki Orion kafbátaleitar-
flugvélarnar né AWACS-ratsjár-
vélarnar hafa fast aðsetur („stati-
oned“) á Keflavíkurflugvelli. Þær
hafa þar aðeins nokkurra mán-
aða viðdvöl í senn.
Varaflugvöllur
Nató
Scott Wilson, blaðafulltrúi
Bandaríkjahers, var sérstaklega
spurður að því hvort hann teldi
að evrópsk aðildarríki mann-
virkjasjóðs Nató væru reiðubúin
til að taka þátt í kostnaði við að
gera borgaralegan flugvöll á ís-
landi. Hann vék sér af eðlilegum
ástæðum hjá því að svara þessari
spurningu, sagðist aðeins geta
sagt að nafn flugvallarins yrði
„NATO Alternate Airfield".
Þetta þýðir ósköp einfaldlega að
hér er um mannvirki að ræða sem
hefur hernaðarlegu hlutverki að
gegna bæði á friðar- og stríðstím-
um. Hann svaraði því líka játandi
þegar spurt var hvort flugvöllur-
inn væri hernaðarmannvirki sam-
kvæmt skilgreiningu.
Hér hefur það verið hrakið
með gildum rökum að „upplýs-
ingar“ utanríkisráðuneytisins eru
á engan hátt samhljóða yfirlýs-
ingu þeirri sem Atlantshafsher-
stjórn Nató gaf Þjóðviljanum og
birt var 5. apríl. Það sem meira
er, þessar upplýsingar ráðuneyt-
isins bera það með sér að vera í
meginatriðum rangar.
Það er eftirtektarvert að ráðu-
neytið nefnir ekki ýmsar þær
upplýsingar sem utanríkisráð-
herra hefur haldið mjög á lofti.
Hann hefur t.d. verið ólatur við
að nefna kostnaðartölur, allt frá
11 miljörðum og upp í 15 milj-
arða íslenskra króna. Bæði Þor-
steinn Ingólfsson og yfirlýsing
SACLANT staðfesta að þessar
tölur eru hugarburður ráðherr-
ans.
í bréfi utanríkisráðuneytisins
til Þjóðviljans sem fylgdi athuga-
semdum þeim sem hér hafa verið
til umfjöllunar segir að rangfærsl-
ur og mistúlkanir komi engum
málstað til góða. Ég tek heils.
hugar undir þessi orð. Þar eð ég
veit að starfsmenn upplýsinga- og
fjölmiðladeildar utanríkisráðu-
neytisins eru vandir að virðingu
sinni og vilja hafa það heldur er
sannara reynist þá kem ég á fram-
færi þeirri ósk að ráðuneytið
dreifi eftirfarandi staðreyndum
til fjölmiðla:
Nokkrar
staðreyndir
a) Svokallaður mannvirkja-
sjóður Nató er ekki formleg
stofnun sem tekur ákvarðanir um
fjárveitingu, hvað þá að hann
taki að sér að framkvæma for-
könnun eins og lagt er til í þings-
ályktunartillögu Sjálfstæðis-
flokksins. Hann er staðfesting
Varnaráætlunarnefndar Nató á
því að aðildarríkin ætli hvert í
sínu lagi að greiða visst hlutfall af
kostnaði við tiltekið hernaðarm-
annvirki sem reist er í þágu sam-
eiginlegra varna bandalagsins.
b) Sjóðurinn greiðir aðeins
kostnað við það sem teljast vera
„lágmarkshernaðarþarfir" Nató.
Annar kostnaður við gerð
mannvirkisins skiptist milli notk-
unarríkis („user nation") og við-
tökuríkis („host nation“). Sjóð-
urinn greiðir ekki neinar borg-
aralegar framkvæmdir vegna al-
menns farþegaflugs.
c) ísland á ekki aðild að
mannvirkjasjóði Nató. íslensk
stjórnvöld geta því ekki átt frum-
kvæði að því að sjóðurinn veiti fé
til mannvirkjagerðar hér á landi.
Þar af leiðir að þau geta ekki,
jafnvel þótt þau vildu, leitað
samninga við Nató um gerð al-
þjóðlegs varaflugvallar í Aðaldal
eins og farið er fram á í undir-
skriftarsöfnun sem nú fer fram í
Þingeyjarsýslu.
d) Bandaríkin eru bæði
notkunarríki og viðtökuríki að
því er varðar hernaðarfram-
kvæmdir á íslandi og þau annast
alla samningagerð við Nató um
hugsanlegan þátt bandalagsins í
kostnaði við mannvirkjagerð hér
á landi. Hlutverk íslenskra
stjórnvalda er að verða við eða
hafna óskum bandarískra hern-
aðaryfirvalda.
e) Atlantshafsbandalagið
hefur enn sem komið er hvorki
samþykkt að kosta forkönnun né
gerð varaflugvallar. Herstjórn
Nató á Atlantshafi væntir þess
hins vegar að svo verði gert að
hluta ef ekki að öllu leyti. Engin
kostnaðaráætlun liggur enn fyrir.
Málið er á algeru frumstigi.
f) Varaflugvöllur Nató,
NATO Alternate Airfield, á
norðanverðu íslandi yrði hernað-
armannvirki jafnt í friði sem
ófriði og ástæðan fyrir gerð hans
tengist með engu móti hugmynd-
um um varaflugvöll fyrir almennt
millilandaflug.
g) í málefnasamningi núver-
andi ríkisstjórnar er kveðið á um
frystingu hernaðarframkvæmda
hér á landi. Forkönnun á gerð
varaflugvallar Nató er hluti slíkra
framkvæmda og getur því engan
veginn samræmst stjórnarsátt-
málanum.
Vigfús Geirdal
6 SIÐA - ÞJÓÐVILJINN Flmmtudagur 11. maí 1989