Þjóðviljinn - 11.05.1989, Blaðsíða 9

BILAR
Vegaeftirlitið
„Vonum að hann
fari að vora“
Nýliðinn vetur er sá erfið-
asti sem komið hefur á seinni
árum og víða úti á landi muna
menn ekki annað eins tíðarfar
og hefur verið. Þó langt sé lið-
ið á sumarið samkvæmt al-
manakinu er langt í frá að
þess sé farið að gæta á lands-
byggðinni og í vikunni var ma.
skafrenningur á Hellisheiði og
Holtavörðuheiði. Þessi ótíð í
vetur hefur ekki farið framhjá
starfsmönnum Vegagerðar-
innar enda hefur mikið mætt á
þeim við snjóruðning og hefur
kostnaður við hann farið langt
umfram þá fjárveitingu sem til
hans var ætlað. í apríl nam
kostnaður við snjóruðning
370 miljónum króna sem er
50 miljónum umfram fjár-
veitingu og ekki enn séð fyrir
endann á því dæmi. Aðeins í
marsmánuði einum nam
kostnaðurinn við snjómokstur
hvorki meira né minna en 126
miljónum króna. Til saman-
burðar nam kostnaður við
snjómokstur allt síðasta ár að-
eins 260 miljónum króna.
Aurbleyta á
vegum
Að sögn Sigurðar Haukssonar
starfsmanns vegaeftirlitsins hjá
Vegagerð ríkisins hafa vegir með
bundnu slitlagi komið illa undan
snjónum í vetur en malarvegirnir
betur. Því má búast við að mikið
verði að gera hjá starfsmönnum
Vegagerðarinnar við endurbætur
á vegum landsins í sumar. Þó ríkir
nokkur óvissa um hvort sú auka-
fjárveiting sem heimiluð var í
snjómokstur komi til frádráttar á
því sem ákveðið var að færi til
viðhalds og endurbóta á þjóðveg-
akerfi landsins í sumar. Að sögn
Sigurðar hefur nefnd aukafjár-
veiting ekki enn skilað sér í hús J
hjá Vegagerðinni og hefur um
skeið verið mokað út á reikning.
Þegar snjóalög eru jafn mikil
og verið hafa í vetur kemur það
engum á óvart þó farið sé að gæta
aurbleytu og þungatakmarkana
úti á þjóðvegunum. Nú þegar er
hennar farið að gæta í Árnes- og
Rangárvallasýslu, uppsveitum
Borgarfjarðar, ísafjarðardjúpi,
Norðurlandi og á Áustfjörðum
með tilheyrandi þungatakmörk-
unum á öxulþunga bifreiða. Að
vfsu eru takmarkanir á öxu-
lþunga á þjóðvegunum allt árið,
en þegar aurbleyta er í þeim mæli
sem hún er alla jafna á vorin og
snemma sumars miðast þungat-
akmarkanir við 5 og 7 tonna öxu-
lþunga.
Þeir sem átt hafa leið um þjóð-
vegi landsins á vorin hafa flestir
lent í því að aka fram á illa farna
vegi vegna aurbleytu. Sérstak-
iega er þetta hvimleitt eftir að
stórir og þungir bílar hafa ekki
virt þungatakmarkanir og afleið-
ingin er djúp og forug hjólför sem
þeir einir komast yfir en hinn
venjulegi fólksbíll ekki.
Samkvæmt umferðarlögunum
eru sektir við brotum á þungatak-
mörkunum, og aðspurður um
löghlýðni ökumanna sagði Sig-
urður að upp til hópa virtu þeir
takmarkanirnar þó alltaf mætti
finna undantekningu þar á. Þess-
ar takmarkanir brenna fyrst og
fremst á bílstjórum vöruflutning-
abifreiða sem eru hinir einu og
sönnu riddarar þjóðveganna.
Fyrir þá getur takmörkun á öxu-
lþunga verið hið versta mál þegar
ljóst er að þeir verða að hætta við
að taka vöru sem þeir hafa lofað
að taka til flutnings. Við því er
nánast ekkert annað hægt að gera
en að taka hana með í næstu ferð.
Hálendisvegir
undir snjó
Að sögn Sigurðar er mun meiri
snjór á hálendisvegum en verið
hehir lengi og má því fastlega bú-
ast við að þeir opni seinna en oft
áður fyrir almennri umferð. Þó
sumarið sé komið hér á höfuð-
borgarsvæðinu og vafalaust kom-
inn sumarhugur í fjallaökumenn
verða þeir að bíða um sinn að
minnsta kosti eftir fyrstu ferðinni
um hálendið. Venjulega hafa
þessir vegir verið opnaðir fyrir
umferð í seinni hluta júnímánað-
ar eða í byrjun júlí. Á næstunni
munu starfsmenn Vegaeftirlitsins
fara í hið árlega vorkönnunarflug
yfir hálendið til að kanna aðstæð-
ur og að því loknu munu línur
skýrast í þessum málum. Þangað
til verða áhugamenn um hálend-
isferðir að bíða rólegir þó tún séu
farin að grænka á láglendi við
Faxaflóann.
Miklð álag á
menn og tæki
Að sögn Sigurðar Haukssonar
er mjög erfitt að segja nokkuð
um það hvenær snjómokstri lýk-
ur í sumar en þó er ljóst að starfs-
menn Vegagerðarinnar eiga enn
mikið starf framundan í þeim efn-
um. Enn eru mikil snjóalög á veg-
um fyrir vestan, norðan og einnig
fyrir sunnan en einna best hefur
ástandið verið á Austfjörðum.
Sigurður sagði að tíðarfarið á
næstunni réði alfarið því hvernig
starfsemi Vegagerðarinnar yrði
háttað. Vegna verkfalls Félags
náttúrufræðinga eru engar veður-
spár gerðar og ekki hægt að sjá
fyrir hvernig tíðin verður né held-
ur að gera einhverjar marktækar
áætlanir fram í tímann.
Aðspurður hvort álagið hafi
ekki verið mikið bæði hjá starfs-
mönnum Vegagerðariiinar sem
og á tækjum hennar, sagði Sig-
urður svo hafa verið og á tímabili
í vetur hafi mannskapurinn verið
orðinn æði þreyttur á snjó-
mokstrinum og þó sérstaklega á
þessari óvenjuerfiðu tíð sem var í
vetur. Þá var nánast samfelldur
óveðurskafli í febrúarr og mars.
Ennfremur hefði þessi óhemj-
usnjór haft í för með sér mikið
álag á tæki Vegagerðarinnar sem
þurfa að vera til taks þegar á þarf
að halda.
- Við skulum bara vona að
hann fari að vora fyrir alvöru svo
þessu fari bráðum að ljúka. Það
eru allir orðnir langþreyttir á
þessum vetri sem virðist ekki ætla
að hopa fyrir en í fulla hnefana.
En hvernig sem allt fer gerum við
Bílaumboðið hf
BMW einkaumboö á islandi
Krókhálsi 1, Reykjavik, sími 6Ó6633
Nýliðinn vetur var einna snjóléttastur á Austfjörðum miðað við aðra
landshluta og var þessi mynd tekin í vetur þegar verið var að ryðja snjó
af veginum við Oddsskarðsgöng. Mynd: hb.
okkar besta til að halda þjóðveg-
unum opnum því það er jú okkar
starf. Síðan er það spurning
hversu mikið fjármagn við fáum
til þess. Fyrir hinar dreifðu
byggðir landsins eru góðar sam-
göngur mál málanna og mjög
brýnt að hægt verði að tryggja að
svo verði von bráðar," sagði Sig-
urður Hauksson vegaeftirlits-
maður hjá Vegagerð ríkisins.
-grh

dj ! ! v '

a/ a
■S.'" :o
\> &
V/i'/
,, 0
y/cll clt Ul
lísmarshöfðo 1
Sunai 36510 ou (33744
NÝJA
SKIPTITILBOÐID
AUÐVELDAR ÞÉR
AÐ EIGNAST
NÝJANBMW
ÁGÓDUM
KJÖRUM.
HOLTADEKK
Holtadekk við hliðina á BP og Shell
á Langatanga, Mosfellsbæ. Erum með
opið alla daga frá kl. 8 og fram á
kvöld. Á meðan eitthvað er að gerast
í sumardekkjatraffíkinni lokum við
aldrei á kúnna.
Holtadekk
Sími 666401
<S,Cpbf-« TELEFAXTÆKI FYRIR FARSÍMA
í bílinn jafnt sem bátinn. Hentug tæki t.d.
fyrir lækna, sölumenn, lögreglu og aðra sem
þurfa að reiða sig á örugg samskipti hvar sem
þeir eru staddir.
COBRA telefaxtækin fyrir farsíma eru sam-
þykkt af Pósti og síma. Þau eru fyrir 12,110 og
220 volt.
Verð aðeins 67.900 krónur.
hólŒ
BOLHOLTI 4 • 105 REYKJAVÍK • SÍMI 68 03 60