Þjóðviljinn - 30.05.1989, Blaðsíða 2
FRETTIR
Ríkisstjórnin samþykkti uppbyggingu nytjaskógræktar á Fljótsdalshéraði. Á annað hundrað
býli taki upp skógrœkt ístað hefðbundins landbúnaðar
Bókasöfn
Myndbönd til útláns
Borgarbókaverðifalið að útvega barnaefni á
myndböndum til útláns. Tillagafráfulltrúum
stjórnarandstöðunnar. Lélegt úrval
barnaefnis hjá myndbandaleigum
Menningarmálanefnd hefur
falið borgarbókaverði að út-
vega barnaefni á myndböndum til
útláns á bókasöfnum borgarinn-
ar. Tillagan kom frá fulltrúum
stjórnarandstöðu í borgarstjórn
sem leggja til að borgarbókavörð-
ur athugi hvort semja megi við
sjónvarpsstöðvarnar um að fá frá
þeim barnaefni með íslenskum
texta á myndböndum. Ástæðan
til þessa er sú að lítið úrval er á
myndbandaleigum af barnaefni,
sem þar að auki er ekki allt með
íslensku tali, en báðar sjónvarps-
stöðvarnar bjóða upp á talsvert
efni handa börnum.
„Við erum að byrja að byggja
upp myndbandakost okkar,“
sagði Þórdís Þorvaldsdóttir borg-
arbókavörður. „Ennþá eigum við
ósköp lítið, fyrst og fremst
fræðsluefni sem við höfum fengið
frá Námsgagnastofnun með
sömu skilyrðum og skólarnir.
Örfá myndbönd höfum við keypt
frá Englandi, en það efni er
auðvitað ekki með íslensku tali
og við hljótum að falla undir
sömu reglur og sjónvarpið. í
Gerðubergi er tónlistardeild
Borgarbókasafnsins til húsa og
þar má fá leigðar óperur, ballett
og söngleiki á myndböndum og
kasettum."
Er mikil eftirspurn eftir mynd-
böndum hjá ykkur?
„Við höfum ekkert auglýst
þetta ennþá vegna þess hvað
framboðið er lítið hjá okkur, en
eftirspurnin hefur.samt verið dá-
lítil. Mörg safnanna í nágranna-
byggðarlögunum hafa lengi leigt
út myndbönd, þess vegna spyr
fólk um þau hér.“
Hvað kostar að leigja mynd-
band hjá ykkur?_____
„Það kostar 100 krónur í þrjá
sólarhringa, og lántakandi þarf
að hafa bókakort." SA
Sigrún og „Samstaða". Sigrún Eldjárn hlaut fyrstu verðlaun í samkeppni um listaverk við íþróttam-
annvirkin í Laugardal, sem íþróttasamband íslands stóð fyrir. Alls bárust 14 tillögur í samkeppnina. Fyrir
verk sitt Samstöðu hlaut Sigrún 450 þúsund krónur, en í öðru sæti varð tillaga Ragnhildar Stefánsdóttur og í
því þriðja tillaga Björgvins Gylfa Snorrasonar. Auk þess verða keypt verk eftir Sóleyju Eiríksdóttur og
Magnús Tómasson. A myndinni er Sigrún við verk sitt. Mynd: ÞÓM.
r
Eg tel þetta vera mjög merka
samþykkt og tímamótamál í
sambandi við skógrækt hér-
lendis. Þarna er dreginn rammi
um stærri framkvæmdir í nytja-
skógrækt hérlendis en hér hafa
sést áður og tekið undir með
bændum á Fljótsdalshéraði sem
hafa lýst sig reiðubúna að breyta
um búskaparhætti og leggja land
sitt undir nytjaskógrækt, segir
Hjörleifur Guttormsson alþm.
um samþykkt þá er ríkisstjórnin
gerði á fundi sínum á Þingvöllum
sl. laugardag, um að hefja skuli
átak til ræktunar nytjaskógar á
Fljótsdaishéraði.
Það var Steingrímur J. Sigfús-
son landbúnaðarráðherra sem
lagði tillöguna fyrir ríkisstjórnina
en gert er ráð fyrir að nærri 130
býli sem nú eru í byggð í 6 hrepp-
um á Fljótsdalshéraði, leggi af
hefðbundinn búskap að öllu eða
mestu leyti og taki upp nytja-
skógrækt í staðinn.
Um er að ræða landsvæði á of-
anverðu Héraði en yfir 60 bænd-
ur á þessu svæði hafa þegar lýst
áhuga sínum á að taka upp nytja-
skógrækt. Gerir ætlun ríkis-
stjórnarinnar ráð fyrir að hægt
verði að taka allt að 500 hektara
af landi undir skógrækt á þessum
slóðum.
- Það skiptir afar miklu máli
að þessu verði fylgt eftir með skil-
merkilegum hætti, bæði af hálfu
ríkisins og eins á vegum samtaka
bænda hér eystra, segir Hjör-
leifur.
Undirbúningur skógræktar-
átaksins á Héraði mun hefjast
þegar í sumar en fyrstu beinu
framkvæmdir væntanlega á næsta
ári.
- Öll ræktun af þessu tagi
tekur sinn tíma og það er Ijóst að
tryggja verður þeim sem að þessu
starfa tekjur og það ætti að vera
mjög eðlilegt að koma þar til
móts við því þetta mun létta á
móti á útgjöldum sem eru vegna
umframframleiðslu í sauðfjáraf-
urðum, segir Hjörleifur Gutt-
ormsson. -lg-
Iðnó
Áfram leikhús
Leikarar skora á yfirvöld
menntamála að leiklistarstarf-
semi fái að halda áfram í Iðnó en
eigendur hússins hafa sett það á
sölu.
Undirskriftarlistar eru nú í
gangi meðal leikara og annars
áhugafólks þar sem skorað er á
yfirvöld að koma í veg fyrir það
menningarlega slys sem sala Iðn-
ós undir aðra starfsemi hefði í för
með sér.
eb
Skógrœkt
Stórátak á Héraði
Frá v. Finnbogi Guðmundsson landsbókavörður, Guðlaug Karlsdóttir
dóttir tónskáldsins, Einar Þorsteinsson eiginmaður hennar og Grímur
M. Helgason deildarstjóri á handritadeild.
Tónlistarhandrit á Landsbókasafn
Ættingjar Karls Ó. Runólfssonar tónskálds hafa afhent Landsbóka-
safninu að gjöf handrit tónskáldsins, en Karl hafði á sínum tíma óskað
eftir því að þau gengju að sér látnum til safnsins. f frétt frá safninu segir
að því sé mikill fengur í þessari góðu gjöf, en það varðveitir fyrir
handrit margra íslenskra tónskálda.
Steinunn Helga
skipuð
Menntamálaráðherra hefur
skipað Steinunni Helgu Lárus-
dóttur skólastjóra Æfingaskóla
Kennaraháskóla íslands. Skipun-
artíminn er 5 ár og gildir frá 1.
september n.k. Umsækjendur
um stöðuna voru tveir auk
Steinunnar Helgu, Hannes
Sveinbjörnsson og umsækjandi
sem óskaði nafnleyndar.
Sakaður um
íkveikju
Ungur maður á Stöðvarfirði
var í gær úrskurðaður í tveggja
vikna varðhald, en hann er grun-
aður um að hafa kveikt í saltfisk-
verkunarhúsi í plássinu á sunnu-
dag. Töluvert tjón varð í eldsvoð-
anum.
Fjármagnsgjöld hærri
en launakostnaður
í ársreikningi Kaupfélags Þingey-
inga fyrir síðasta ár kom fram að
vaxtagjöld, verðbætur og gengis-
munur eru 165,6 miljónir kr. og
er nú svo komið að þessi kostnað-
arliður er orðinn hærri en launa-
kostnaður félagsins, segir í álykt-
un sem samþykkt var á aðalfundi
kaupfélagsins. Átelur fundurinn
seinagang stjórnvalda við fram-
kvæmd þeirrar yfirlýstu stefnu að
lækka fjármagnskostnaðinn í
Iandinu. Ef svo haldi frarn sem
horfir, muni rekstur sjálfkrafa
sigla í strand og lýsir fundurinn
ábyrgð á hendur stjórnvöldum ef
ekki verður gripið til aðgera til að
ná niður vaxtastiginu.
Páll P. austurrískur
prófessor
Forseti Austurríkis hefur veitt
Páli A. Pálssyni tónskáldi próf-
essorstitil við hátíðlega athöfn í
austurríska menntamálaráðu-
neytinu. Páli er sýnd þessi viður-
kenning fyrir tónlistarstörf og
þátt hans í að efla menningarsam-
skipti íslands og Austurríkis.
260 nýstörffyrir
borgarbörn
Borgaryfirvöld hafa ákveðið að
veita 55 miljónum til viðbótar til
að fjölga sumarstörfum fyrir ung-
linga hjá borginni, en ráðgert er
að sú ráðstöfun muni gefa um 260
ný störf til viðbótar við 800-900
sem ráðgerð voru á vegum borg-
arinnar í sumar. Af viðbótar-
störfum er ráðgert að 100 verði í
gatnagerð, 90 hjá Skógræktarfé-
lagi Reykjavíkur og um 60 hjá
garðyrkjustjóra borgarinnar.
Vöruskiptin
hagstæð
Fyrstu tvo mánuði þessa árs voru
fluttar út vörur fyrir rúma 9,8
miljarða en inn til landsins fyrir
rúma 8 miljaðar. Vöruskipta-
jöfnuðurinn á þessum tíma var
því hagstæður um rúman 1,7 milj-
arð, en á sama tíma í fyrra var
hann óhagstæður um rúma 2,3
miljarða á sama gengi. Verðmæti
vöruútflutnings í janúar og febrú-
ar var um 41% meira á föstu
gengi en á sama tíma í fyrra, en
verðmælti vöruinnflutnings um
13% minna.
2 SÍÐA — ÞJÓÐVILJINN Þriðjudagur 30. mai 1989