Þjóðviljinn - 01.06.1989, Blaðsíða 4
GARÐAR OG GRÓÐUR
Rikki í flaginu sínu. Mynd: Jim Smart
Taktu fíag í fóstur!
Jafnvel dauður melur getur lifnað með dálítilli natni.
Ríkharður Ásgeirsson: í landi blindra er sá eineygði kóngur!
Það er ekki búsældarlegt
um að litast á leiðinni frá
Keflavíkurveginum vestur í
Hafnir. Á einum stað má þó
sjá nokkur stingandi strá -
meira að segja blóm og staka
runna. Það er þar sem Rík-
harður Ásgeirsson hefur
„tekið flag í fóstur“ eins og
hann orðar það. Hafnamenn
kalla staðinn Bringar og
þarna setti Elísabet Jensdóttir
í Keflavík fyrst niður þrjú gren-
itré sem nú eru orðin myndar-
leg. Á þessum stað er líka
skotgröf sem Bretar gerðu sér
í hernáminu 1940, vel falin í
grjótinu; utan um hana er að
vaxa fram villtur „garður".
Ríkharöur á sér þá hugsjón að
rækta hrjóstruga mela og mold-
arflög þessa lands, og hann ræðst
ekki á garðinn þar sem hann er
lægstur. Fyrir þrem til fjórum
árum fann hann þetta flag og hef-
ur síðan flutt allt lífrænt afrak úr
garðinum sínum í Kópavogi
þangað, gras, lauka og afleggjara
af öllu tagi, í stað þess að troða
því í svartan plastpoka og aka
með það á haugana. „Eftir að
fréttist um þetta hefur fólk komið
til mín og spurt hvort ég vilji ekki
hirða afrakið þeirra líka og nota
það þarna suðurfrá," segir Rík-
harður, „og ég þigg það. Mér
finnst mikil sóun að henda svona
gagnlegu rusli.“
En er þetta ekki vanþakklátt
starf?
„Þetta lifnar! Það sýnir að
þetta er hægt. Jarðvegurinn er
auðvitað ákaflega rýr og
leirkenndur, en hann hefur tekið
vel á móti þessum leifum þó að
við berum engan áburð á. Þarna
vaxa orðið bæði víðir og ösp sem
upphaflega voru stilkar frá
grisjun sem ég stakk fyrst í vatn
og svo í moldina og dafna ágæt-
lega. Sama má segja um sólberja-
runna og rifs, Kanadakoll, valm-
úa, skarðsóley, dúnurt og mjað-
arjuri, þessar jurtir sem fólk kall-
ar stundum illgresi. Það eina sem
er „illt“ við þessar plöntur er að
þær eru duglegar að bjarga sér og
hemjast illa í görðum. Þess vegna
eiga þær vel heima á svona stað.
Hér eru allar jurtir merkilegar - í
landi blindra er sá eineygði kóng-
ur! Mér hefur líka reynst vel að
taka fræ af hvönn og birki, það
tekur furðuvel við sér.
En af hverju hirðirðu ekki
frekar um stað þar sem eitthvað
er fyrir til að hugsa um?
„Móagróður verður að fá að
vera í friði,“ svarar Ríkharður.
„Það er annað með svona flag.
Þar þarf ekki að hafa áhyggjur af
að maður raski neinu jafnvægi.
Svo er alveg sérstaklega ánægju-
legt að sjá svona stað í blóma, og
ég skora á garðeigendur að taka
flag í fóstur, nóg er af þeim og
árangurinn lætur ekki á sér
standa.“
SA
Garðyrkj n verkfæri
Orðsending til viðskiptamanna
Á síðastliðnu ári sameinuðust fimm verksmiðjur í Danmörku, Noregi,
Finnlandi og Svíþjóð undir nafninu GRIPIT International.
Þessar verksmiðjur eru:
• Zinck - Lysbro A-S
• D.S.I.
• Norge Redskap
• WEDEVÁG Redskap AB
• FISKARS
Q Q Q
Framvegis verður öll framleiðsla þessara verksmiðja seld undir nafninu
GRIPIT og öll verkfæri merkt með því nafni.
Höfuðstöðvar og lager fyrir allar verksmiðjurnar verða í Danmörku.
Við erum umboðsmenn hér á landi fyrir GRIPIT International.
K. Þorstelnsson & Co.
Skútuvogi 10 E -104 Reykjavík - simi 685722
Handbók
Tré og runnar
Út er komin hjá Erni og Örlygi
endurútgáfa bókarinnar Tré
og runnar, - Handbók rækt-
unarmannsins - eftir Ásgeir
Svanbergsson.
Bókin kom fyrst út 1982 en var
fyrir löngu orðin ófáanleg.
f bókinni eru 170 litmyndir af
trjám og runnum, allar fengnar
úr safni Skógræktarfélagsins.
Höfundurinn Ásgeir Svan-
bergsson hefur verið græðireits-
stjóri félagsins í mörg ár og
kynnst vandkvæðum garð-
eigenda.
í bókinni er m.a. fjallað um
það hvernig á að grisja, klippa og
hirða, svo og fræðsluþættir um
jarðveg, áburð og gróðursetn-
ingu. Oll latnesk plöntuheiti eru
þýdd á íslensku og skýrð eru
helstu fræðiorð grasafræðinga.
Fulltrúar grasafræðinga, skóg-
ræktarmanna og garðyrkjufræð-
inga hafa starfað að því síðan
1987 að samræma íslensk plöntu-
nöfn svo að samstaða megi nást
um eitt nafn á hverja tegund.
Bókin er handhæg með skýrum
leiðbeiningum jafnt fyrir fræði-
menn sem áhugafólk.
eb
4 SÍÐA - ÞJÓÐVILJINN Mlðvikudagur 31. maí 1989