Þjóðviljinn - 02.06.1989, Blaðsíða 2
Ég, Skaði, er náttúrlega alvörugefinn maður, mér finnst meira en
nóg léttúð í þjóðfélaginu. Verðhækkanir hér, gjaldþrot þar, opinber
brennivínskaup meiri en ég fái torgað, að ógleymdri sjálfri ríkisstjórn
Steingríms Hermannsssonar, sem er langt frá því að vera gamanmál.
Þessvegna fannst mér líka nóg um þegar ég sá Árna hér á götunni í
dag. Við höfum náttúrlega talast við öðru hvoru, enda plataði hann mig
til að skrifa í þennan kommasnepil sinn út á gamlan kunningsskap -
auk þess sem ég vil heldur skrifa fyrir rauðliða og aðra sem eru á allt
öðru máli en ég, það er vitið meira en að vera að þusa yfir þeim sem
eru mér sammála. En nóg um það. Mér fannst semsagt nóg um þegar
ég sá Árna, því hann var eitthvað svo léttúðugur í göngulagi og
flissandi. Og ég spuröi si sona: Ertu sona kátur yfir standinu á Godda-
stöðum, það er að segja þessu blaðræskni þínu?
Árni ansaði þessu ekki en sagði:
Veistu það Skaði, ég var að lesa í rússnesku blaði fyrstu syrpuna af
pólitískum skrýtlum sem birtist á sovésku prenti. Ég hefi að vísu heyrt
þær allar áður. (Ekki vantar montið í þetta Þjóðviljalið, hugsaði ég). En
mér er sama. Þetta er stórkostlegt og stórbrotið. Sköpunarverk al-
þýðu, pólitíska skrýtlan, háskalegasta list í heimi, hún fær nú sinn rétt
Jæja, sagði ég. Til dæmis?
Til dæmis stóð þessi í blaðinu: Það kemur dómari út úr dómssalnum
og hlær og hlær. Er að springa úr hlátri, Og kollega hans spyr hvernig
standi á því að hann láti svona. Ég heyrði svo frábæra skrýtlu áðan,
sagði dómarinn. Lát heyra, segirhinn. Értu vitlausmaður-ég sem var
að láta asnann sem sagði skrýtluna fá fimmtán ára dóm.
Þetta finnst þér fyndið? sagði ég.
Ef ekki fyndið. þá merkilegt og eiginlega bæði kjarnsætt og
táknrænt, sagði Árni. Eða hvað segirðu um þessa hér:
Það er verið að halda fund í samyrkjubúinu um kommúnismann sem
kemur bráðum. Fyrirlesarinn er meðal annars spurður að því, hvað
þessi formúla þýði, að í kommúnismanum fái allir eftir þörfum. Það er
ósköp einfalt, segir hann. Alla langar til að fljúga til dæmis. Og í
kommúnismanum munu allir eiga sér flugvél.
Þá stendur upp karl einn, klórar sér á bak við eyrað og segir:
Ég skil þetta ekki alminnilega. Nú ég get skilið að allirfái sitt reiðhjól'
eða segjum sinn kæliskáp, en flugvél, hvað hef ég til dæmis að gera
við flugvél?
Því er nú auðsvarað, sagði fyrirlesarinn. Þú vaknar snemma morg-
uns og kveikir á útvarpinu. i útvarpinu er sagt frá því, að í Novosíbírsk
veröi seld í dag gúmístígvél. Og þú rýkur á fætur og upp í þína eigin
flugvél og flýgur til Novosíbírsk og þar verður þú fyrstur í biðröðina eftir
stígvélunum. Þú skilur.
Já sagði ég, Skaði, og hló ekki. Það er sem ég segi: markaðslögmál-
in sigra.
Þú ert alveg húmorslaus Skaði minn, sagði Árni. Hvað segirðu um
þessa: Tveir menn sitja í fangabúðum og annar spyr hinn: Fyrir hvað
situr þú inni?
Fyrir að segja skrýtlu um Stalín. En þú?
Ég sit inni fyrir leti.
Fyrir leti?
Já. Við Petrov sátum saman eitt kvöld yfir vodkaflösku og sögðum
hvor öðrum sögur. Þegar ég var á leiðinni heim þá datt mér sisona í
hug, að ég ætti nú að líta við hjá löggunni og kæra hann. En ég nennti
því ekki þegar til kom og fór beint heim. En hann, hann var ekki eins
latur.
Jamm, sagði ég.
Eða spurningar og svör armenska útvarpsins, sagði Árni. Það er
andskoti merkilegur bálkur. Til dæmis kemur ein svona spurning til
armenska útvarpsins: Er til nokkur leið út úr vonlausri stöðu? Svar: Við
svörum ekki spurningum um landbúnaðinn.
Jájá, sagði ég, Skaði. Ég veit þetta allt saman. Ég gæti sjálfur bætt
heilmiklu við. Hvenær var það að fíllinn kviðslitnaði? Manstu það? Nei,
það er ekki von. Það var þegar hann reyndi að lyfta sovéskum land-
búnaði. Og bera ekki allar sögur í sér alþjóðlegan kjarna? Væri ekki
upplagt fyrir þig að snúa sovéskum sögum upp á Þjóðviljann þinn? Þar
hæfir svo sannarlega skel tranti. Til dæmis þessari: Spurt er: Hvenær
verður líf á Mars? Svar: Hvenær verður líf á Þjóðviljanum. Hehe.
Nú var það Árni sem hló ekki.
Það tölum við ekki um í öðrum sóknum, Skaði minn, sagði hann. Og
meðan ég man: þessi Sjálfstæðisflokkur þinn, hann er svo djöfull
leiðinlegur að það hefur aldrei tekist að segja um hann eina einustu
skrýtlu.
Ég skal segja þér eitt, Árni, sagði ég. Sæll er sá flokkur sem eignast
aldrei púður í skrýtlu, það er sko víst og satt.
Hann ætlaði að fara að mótmæla eitthvað, en ég nennti ekki að
hlusta á hann. Ég þoli ekki þetta alvörulausa útúrsnúningalið, og
hafiðið það.
HVAÐ UM STJÓRN
STEINGRÍMS HER-
MANNSSONAR?
Skottulæknar óþekktir hér.
Fyrírsögn í Tímanum
ÖLLU FER AFTUR
Með þessari aðferð er Jón
Steinar Gunnlaugsson lögfræð-
ingur að koma því á framfæri við
alþjóð að íhaldið drekki ekki vín..
Öðru máli gegnir um framsókn-
armenn.
Tíminn
PÍSLARVÆTTI LÖG-
MANNA
Mikil brögð eru að því í seinni
tíð, að kröfur þær sem lögmenn
fá til innheimtu reynast með öllu
ónýtar og afleiðingar innheimtu-
tilrauna eru þær einar að þeir
sitja uppi með útgjöldin ein af
þeim tilraunum.
Morgunblaðid
VAXANDIGRIMMD í
ÞJÓÐFÉLAGINU
Það er lágmarkskrafa til þing-
manna að þeir mæti á þingfundi
og sitji kyrrir, til dæmis klukku-
stund í senn.
Morgunblaðið
BÓSASAG A FÆR
DALLASLENGD?
Skoðar 300 ára ástalíf í bað-
stofum okkar.
Fyrírsögn í Tímanum
KRATAR ENDUR-
HEIMTASINN
STÉTTARÓVIN
Það hefur lengi verið draumur
þeirra Alþýðuflokksmanna að
endurskipuleggja landbúnað-
inn... Þessi viðureign hefur tekið
á sig skrýtnar myndir og einn dag-
inn var spurt: Hver á landið? -
líklega með það fyrir augum að
geta þrengt að sauðkindinni.
Tíminn
enn erkjarkurí
VORRI ÞJÓÐ
Þjóðin kaupir svínakjöt meðan
óseljanlegar birgðir hlaðast upp
af kindakjöti. Það er vísbending
um að neytendur láta ekki lengur
draga sig á asnaeyrum.
Morgunblaðið
PETTA ER HOLL-
USTUVERNDASN-
INNÞINN
Víkverji var nýlega á ferð í Par-
ís. Þar kostar einn og hálfur lítri
af Kóka Kóla tæplega 5 franka
eða rúmlega 40 krónur. Hér á ís-
landi kostar þetta sama magn frá
139 krónum upp í 160 krónur.
Hvernig má þetta vera?
Morgunblaðið
2 SÍÐA - NÝTT HELGARBLAÐ Föstudagur 2. júní 1989