Þjóðviljinn - 02.06.1989, Blaðsíða 10

ÍÞRÓTTIR
Stöndum
ágætlega
að vígi
ísland hefur raunhœfa möguleika á að komast
í úrslit eftir jafnteflið íMoskvu. Verðum að
sigra hér heima. Ríkir stefnuleysi í
uppbyggingarstarfi HSÍ?
Jafntefli íslendinga og Sovét-
manna í knattspyrnulands-
leiknum í Moskvu hlýtur að vera
merkasti íþróttaviðburður vik-
unnar. íslandi tókst að verða
fyrsta þjóðin til að ná stigi af So-
vétmönnum í heimsmeistarak-
eppninni frá því þeir hófu þátt-
töku fyrir rúmum 30 árum. Að ná
jafntefli í Moskvu eftir að hafa
ient 1-0 undir er því meira afrek
en margan grunar.
Jafnteflið hleypir enn meiri
spennu í 3. riðil undankeppninn-
ar en nú berjast fjögur lið um
annað sætið i riðlinum. Sovét-
menn eru nær öruggir um sæti í
úrslitakeppninni á Italíu á næsta
ári, en þeir hafa hlotið átta stig.
Tyrkland, Austurríki, ísland og
A-Þýskaland kljást um hinn far-
miðann, en Tyrkland hefur hlotið
fimm stig og hin þrjú stig hvert.
A-Þjóðverjar standa verst að vígi
vegna lélegrar markatölu og þeir
hafa leikið fimm leiki af átta.
Tyrkir hafa einnig leikið fimm
leiki, fslendingar fjóra og
Austurríkismenn aðeins þrjá.
Tyrkland og Austurríki virðast
því eiga hvað mesta möguleika á
öðru sætinu en ísland á þrjá
heimaleiki eftir og aðeins einn úti
þannig að staða landans er einnig
góð.
Það hlýtur að teljast nokkuð
merkilegt að Sovétmenn hafa
unnið alla leiki sína nema gegn
íslandi. Þeir hafa ekki fengið á sig
mark nema á móti íslandi, og það
meira að segja tvívegis. Þetta
vekur óneitanlega vonir okkar ís-
lendinga um að komast í fyrsta
skipti í úrslitakeppni HM en það
er langt í land með að það takist. í
fjórum leikjum okkar höfum við
gert þrjú jafntefli og tapað einum
leik. Við erum eina þjóðin í riðl-
inum sem ekki hefur unnið leik
en eigum inni leiki á heimavelli
sem verða að vinnast til að ná
ALÞÝÐUBANDALAGIÐ
Alþýðubandalagið -
Fundur um utanríkismál:
Störf Alþingis
og stefna ríkisstjórnarinnar
Alþýðubandalagið boðartil fundar um utanríkismál þriðjudaginn 6. júní
kl. 20:30 í Miðgarði, Hverfisgötu 105.
Dagskrá:
1. Stjórnarsáttmálin og framkvæmd utanríkisstefnu.
Ólafur Ragnar Grímsson, formaður Alþýðubandalagsins og fjár-
málaráðherra.
2- Alþingi og utanríkismál.
Hjörleifur Guttormsson alþingismaður.
3- Hver er stefna Alþýðubandalagsins?
Vigfús Geirdal sagnfræðingur.
4- Umræður.
Starfshópur um utanrfkismál
Fundir á Austurlandi
Hjörleifur Guttormsson alþingismaður verður á
opnum fundum á Austurlandi á næstunni sem hér
segir:
Breiðdal, Staðarborg, föstudaginn 2. júní kl. 20.30.
Höfn í Hornafirðl, í Miðgarði, laugardaginn 3. júní kl.
13.
Fundarefni: Störf Alþingis og hagsmunamál byggðarlaganna - Fyrirspurnir
og umræður. Allir velkomnir. Álþýðubandalaglð
'i

í '!'"/li
Hjörleifur
Sigurður Grétarsson er annar tveggja leikmanna sem skorað hafa gegn Sovétríkjunum í HM. Hinn er
Halldór Áskelsson en hann skoraði í Moskvu í vikunni.
settu markmiði. Við megum ekki
byggja okkur of háar skýjaborg-
ir, heldur halda okkur við jörðina
og berjast af sama fítonskrafti og
einkenndi leik okkar manna í
Moskvu.
Leika tii sigurs
Næsti leikur í riðlinum verður á
Laugardalsvelli þann 14. júní. Þá
ríður á að halda rétt á spöðunum
og er nauðsynlegt að leika til sig-
urs í þeim leik. Hugsanlega gæti
orðið um fjögurra stiga leik að
ræða því bæði liðin berjast um
sama sætið í riðlinum. Riðillinn
er mjög jafn og er hugsanlegt að
8-9 stig nægi til að hreppa annað
sætið. Við þurfum sumsé 5-6 stig í
fjórum leikjum sem er í raun
mjög erfitt, sé árangur íslands á
síðustu árum hafður í huga. Sigur
gegn Austurríki hér heima og
jafntefli í hinum þremur gæfi alls
8 stig en það er á því tæpasta að
það dugi.
Tap gegn Austurríki hér heima
gerði drauminn að engu þannig
að sá leikur er mjög mikilvægur.
Línurnar í riðlinum skýrast því
ekkert fyrr en í fyrsta lagi 14. júní
eða jafnvel enn síðar í sumar. ís-
land leikur síðan í Austurríki í
ágúst og í september koma A-
Þjóðverjar og Tyrkir í heimsókn.
Aðrir leikir í riðlinum eru Aust-
urríki-Sovétríkin, A-Þýska-
land-Sovétríkin, Tyrkland-Aust-
urríki, Sovétríkin-Tyrkland og
Austurríki-A-Þýskaland. Hinar
þjóðirnar eiga því allar eftir að
leika gegn Sovétríkjunum sem
hlýtur að koma sér vel fyrir okkur
og að líkindum hrifsa þær stig
hver af annarri. Við sjáum hvað
setur.
Heldur hljótt hefur verið um
handboltahetjur okkar að undan-
förnu. Heyrst hefur að þeir séu
einn af öðrum að leggja land
undir fót og ætla sér í atvinnu-
mennsku erlendis næsta vetur. ís-
landsmeistarar Vals virðast ætla
að fara verst út úr þessum
breytingum og er líklegt að fjórir
leikmenn í byrjunarliði þeirra
leiki ekki með á næsta ári. Þetta
eru þeir Sigurður Sveinsson, Geir
Sveinsson og Júlíus Jónasson sem
ætla utan, og komið hefur til tals
að Jakob Sigurðsson verði næsti
þjálfari Eyjamanna. Það verður
kannski einhver spenna í
deildinni næsta vetur í stað þeirra
yfirburða sem Hlíðarendaliðið
hafði á nýliðnum vetri.
Annars hafa leikmenn 21-árs
landsliðsins verið mest í sviðsljós-
inu á handknattleikssviðinu að
undanförnu. Liðið lék sína síð-
ustu leiki í undankeppni
heimsmeistaramótsins um síð-
ustu helgi. Leikið var gegn Sviss
og átti upphaflega að leika heima
og heiman en HSÍ ákvað að báðir
leikirnirfæru fram í Sviss. Þannig
var hætta á að leikirnir töpuðust
og liðið kæmist ekki í úrslita-
keppnina næsta haust.
I kjölfarið sagðist Jóhann Ingi
Gunnarsson ætla að hætta að
þjálfa liðið. Ákvörðun Jóhanns
er vel skiljanleg og í raun virðing-
arveið. Stefna, eða öllu heldur
stefnuleysi sem þetta í málum
yngri landsliða er með öllu víta-
vert. Við höfum á að skipa mjög
góðu landsliði í þessum aldurs-
flokki og HSÍ á að sjá til þess að
liðið fái alla þá þjálfun og keppni
sem þarf til að ná árangri. Það er
hvimleiður tvískinnungur að
leggja allt af mörkum til að fá að
halda heimsmeistarakeppnina
1995 og hafa síðan ekki áhuga á
að undirbúa það lið sem kemur til
með að leika fyrir íslands hönd á
heimavelli. Strákarnir sem skipa
21-árs landsliðið munu að öllum
líkindum verða uppistaðan í A-
landsliðinu eftir sex ár og er þetta
því í raun okkar mikilvægasta
landslið, þótt auðvitað sé slæmt
að gera þannig upp á milli aldurs-
hópa.
Stjórnarmenn
á villigötum
Það hefur sýnt sig að beint sam-
band er á milli getu 21-árs lands-
liðsins og A-landsliðsins nokkr-
um árum síðar. ísland náði mjög
góðum árangri í keppni 21-árs
landsliða árið 1979 og hefur
kjarninn í þeim hópi skipað A-
landsliðið á blómaskeiði þess síð-
ustu árin. Þá má minna á að árið
1983 ákvað HSÍ að taka ekki þátt
í úrslitakeppninni sem 21-árs lið-
ið hafði unnið sér þátttökurétt í,
vegna peningaskorts. Liðið var
þá aðallega skipað strákum fædd-
um 62 og 63 og hefur komið á
daginn að þeir hafa ekki náð
langt í A-liðinu, sé Þorgils Óttar
Mathiesen undanskilinn.
En sé sú skýring, sem Jóhann
Ingi gaf á ákvörðun HSÍ, rétt er
sambandið á hálli braut. Hann
segir að ákveðnir aðilar innan
HSÍ hafi ekki viljað að 21-árs
landsliðið færi með sigur af hólmi
gegn Sviss því þá riðlast 1. deildar
keppnin svo mikið næsta vetur.
Við skulum vona að þessi sjón-
armið séu hvergi ráðandi og að
þeir sem ákváðu að leika báða
leikina erlendis snúi frá villu síns
vegar.
-þóm
ALÞÝÐUBANDALAGIÐ
Alþýðubandalagið á Akureyri
Aðalfundur bæjarmálaráðs
Aðalfundur bæjarmálaráðs Alþýðubandalagsins á Akureyri verður haldinn
í Lárusarhúsi Eiðsvallagötu 18, mánudaginn 5. júní klukkan 20,30.
Dagskrá: 1. Venjuleg aðalfundarstörf.
2. Staða bæjarmála þegar eitt ár er til sveitarstjórnarkosninga.
3. Stjórnskipulag - nefndakerfi bæjarins.
4. Dagskrá aðalfundar bæjarstjórnar 6. júní.
Félagar hvattir til að fjölmenna. St]órnin
Borgarmál
Borgarmálaráð Alþýðubandalagsins hefur ákveðið að hefja undirbúning
borgarstjórnarkosninga 1990 með hópastarfi um ákveðin málefni. Félagar
og stuðningsmenn eru eindregið hvattir til þess að taka þátt í starfinu.
Fyrstu fundir hópanna verða:
Mánudaginn 5. júní:
Umhverfi - skipulag - samgöngur.
Þriðjudaginn 13. júni:
Heilbrigðismál - félagsmál - öldrunarmál.
Miðvlkudaginn 14. júní:
Atvinnumál - veiturnar - jafnrétti kynjanna.
Miðvikudaginn 21. júní:
Skólamál - dagvistir - æskulýðsmál - íþróttir.
Fundirnir eru haldnir á Hverfisgötu 105, 4. hæð og hefjast kl. 20.30.
Ráðgert er að hefja starfið nú, en aðalvinnan fer fram að loknum sumar-
leyfistíma.