Þjóðviljinn - 02.06.1989, Blaðsíða 20
QI/ÁI/ “ELGI
Ol\/AI\ ÓLAFSSON
Úrtökumót Stórmeistarasambandsins í Moskvu
Hannes lagði þijá
stórmeistara
Niðurstaða úrtökumóts Stór-
meistarasambandsins í Moskvu
var í líkum dúr og niðurstaða
fyrsta mótsins í Belgrað. Sjö so-
véskir stórmeistarar áunnu sér
rétt til þátttöku í lokakeppninni
sem haldin verður einhverntíma
á næsta ári. En áður en að því
kemur verður haldið eitt úrtöku-
mót í viðbót, líkast til á Spáni í
árslok.
Ferð okkar Margeirs, Hannes-
ar og mín í austurveg náði ekki
tilgangi sínum að þessu sinni.
Fyrirstaðan var ógnvekjandi. Af
128 þátttakendum voru 77 so-
véskir sem nutu þess vel að keppa
á heimavelli. Búist var við fíeiri
Vesturlandabúum en margir
virðast hafa veigrað sér við því að
reyna að brjótast í gegnum þenn-
an sovéska múr.
Þegar upp var staðið var góð-
kunningi okkar íslendinga,
Bandaríkjamaðurinn Nick De
Firmian, eini útlendingurinn sem
hafði erindi sem erfiði. Hann
komst sem sé áfram í fylgd sjö
Sovétmanna.
De Firmian hefur getið sér orð
fyrir að vera sovéskum skák-
mönnum skeinuhættari en flestir
aðrir, hefur til að mynda borið
sigurorð af Sovétmönnum á
tveim síðustu ólympíuskák-
mótum.
Sergei Dolmatov varð einn
efstur að mótinu og tefldi framúr-
skarandi vel. Hann hreppti sjö
vinninga af níu mögulegum. í 2.-
7. sæti komu De Firmian, sem
fyrr segir, Gavríkov, Vladímírov,
Khalifman, Akopjan og Vyz-
manavín með 6,5 vinninga. í 8.-
10. sæti lentu Pígusov, Tsjernín
og Tímósjenkó með 6 vinninga.
Margeir Pétursson fékk 5,5
vinninga úr níu skákum. Hann
var lengst af í námunda við topp-
inn og tefldi nokkrar góðar
skákir. Til dæmis lagði hann Tím-
ósjenkó að velli en hann er einn
af aðstoðarmönnum Garríjs
Kasparovs heimsmeistara.
Hetja okkar íslendinga var
hinsvegar tvímælalaust Hannes
Hlífar Stefánsson. Hann var einn
þeirra ungu skákmanna sem
áunnið höfðu sér rétt til þátttöku
í mótinu. Hannes tefldi af mikilli
hörku og sigraði þrjá þekkta stór-
meistara: Sovétmanninn Rom-
anisjín, Vesturþjóðverjann Lo-
bron og Ungverjann Csom.
En í tveim síðustu umferðun-
um varð hann að láta í minni pok-
ann fyrir stórmeisturunum Vyz-
manavín og Lerner og fór þá for-
görðum möguleiki á stór-
meistaratitli.
Undirritaður komst aldrei á
skrið. Það kann að hafa sett strik í
reikninginn að umferðirnar hóf-
ust kl. 12 á hádegi að staðartíma
eða mun fyrr en skákmenn eiga
alla jafna að venjast. Oft og iðu-
lega fékk ég afar erfiðar stöður
sem þó gekk furðuvel að bjarga.
Fyrir næst síðustu umferð eygði
ég hátt sæti og hefði náð því með
tveim sigrum. En ég tefldi á
ósannfærandi hátt til vinnings
gegn Azmajparashvili og tapaði.
En víkjum að Hannesi á ný.
Hann vann sinn besta sigur í
fimmtu umferð er hann lagði
vesturþýska stórmeistarann Eric
Lobron að velli:
Hvítt: Eric Lobron
Svart: Hannes Hlífar
Stefánsson
Skandinavískur leikur
1. e4 d5
2. exd5 Rf6 3. d4
(Tilraun til þess að halda í e-
peðið strandar núorðið á „ís-
lenska gambítnum“, 3. ,.e6!?
Með honum hafa þeir Hannes og
Þröstur Þórhallsson unnið marga
frækna sigra. Enski stórmeistar-
inn Jonathan Speelman beitti
honum nýverið gegn Sovétmann-
inum Andrei Sokolov í keppninni
„Heimurinn-Sovétríkin" og bar
sigur úr býtum.)
3. Rxd5
4. Be2 g6 6. 0-0 0-0
5. Rf3 Bg7 7. Hel c5
(Þessi leikur orkar tvímælis en
ástæðurnar þekkja aðeins þeir
sem eru innvígðir í þrætubók af-
brigðisins. Nákvæmara er
7....Rb6.)
8. dxc5 Ra6
9. Bxa6 bxa6 10.c3 (?)
(Slappur leikur sem svarar
engan veginn kröfum stöðunnar.
Betra er Re5! og -Rd3 við tæki-
færi. Aðeins á þann hátt tryggir
hvítur sér frumkvæðið. Vera má
að Lobron hafi sést yfir tólfta leik
Hannesar sem er mjög sterkur.)
10. ...Bb7
11. Rd4 Dc7 12 c6 Bc8!
(Vegna máthótana upp í borð-
inu tapar hvítur óumflýjanlega
liði. Lobron hefði getað gefist
upp strax.)
24. Rel Hdl
25. KÍ1
(Á hann annarra kosta völ?)
25. ...Rd3
26. Ke2 Hxcl 30.Kc2 Rb4+
27. Hxcl Rxcl+ 31.Kb3 Hb8
28. Kd2 Rxa2 32.He4 Rd3+
29. Hxe5 Hd8+ 33.Kc2 Rxb2
Og hér gafst Lobron loksins
upp, saddur lífdaga.
Állar aðstæður voru til fyrir-
myndar í Moskvu og átti heims-
meistarinn Garríj Kasparov þar
stærstan hlut að máli. Hann vann
gífurlega mikið starf á meðan
mótið fór fram og lét ótrúlegustu
mál til sín taka. Óneitanlega
hvarflar það að manni að öll sú
vinna sem hann leggur á sig fyrir
Stórmeistarasambandið bitni á
taflmennsku hans. Hvað sem því
líður þá hafa sigrar hans uppá síð-
kastið ekki verið jafn glæsilegir
og oft áður.
Hannes Hlífar Stefánsson.
(Eftir þennan öfluga leik er
frumkvæðið í höndum svarts.
Þetta er mun máttugra en
12....Bxc6.)
13.DÍ3 Hd8 14.Rd2 e5
(Svartur bætir stöðu sína með
hverjum leik.)
15. Rc2 Dc6 18.Re4 f5
16. c4 Re7 19.Rc5 Bf8
17. Dxc6 Rxc6 20.Ra4 f4!
(í raun teflir svarta staðan sig
sjálf eftir þennan öfluga leik. Lo-
bron fær ekkert að gert.)
21. Rc3 Bf5
22. Re4 Bxe4 23.Hxe4 Rb4!
Jón er stigakóngurinn
Vormeistarastigaskrá Bridge-
sambandsins er nýkomin út, og
verður dreift til félaganna innan
skamms. í skránni (sem er prent-
uð út úr tölvu) er að finna nöfn
alls 3530 spilara, sem hlotið hafa
stig í keppni á vegum BSÍ frá 1.
mars 1976 til 20. maí 1989.
24 spilarar hafa áunnið sér
æðstu viðurkenningu, gullnál, 94
spilarar hafa hlotið spaðanál, 192
spilarar hlotið hjartanál, 425 spil-
arar hlotið tígulnál og 1088 spilar-
ar hlotið laufanál. Án viðurkenn-
ingar eru 1707 eða samtals 3530
spilarar, einsog fyrr sagði. Mann-
flestu félögin innan hreyfingar-
innar eru: Akureyri 210, Bri-
dgefélag Reykjavíkur 171,
Bridgefélag Breiðfirðinga
Reykjavík 169, Bridgedeild
Skagfirðinga Reykjavík 149, Bri-
dgefélag Breiðholts 146 og Bri-
dgefélag Kópavogs 132.
Stigefstu spilarar landsins eru:
Jón Baldursson 1233, Sigurður
Sverrisson 1110, Þórarinn Sig-
þórsson 1106, Guðlaugur R. Jó-
hannsson 1105, Örn Arnþórsson
1093, Valur Sigurðsson 1053 og
Ásmundur Pálsson 1007.
Stigefstu spilarar í einstökum
flokkum (brons, silfur, gull), eru:
bronsflokkur (aðeins spilað um
þau í félögum):
Sigfús Þórðarson Selfossi 9148
Valur Sigurðsson B. Reykjavík 7570
Ármann J. Lárusson Kópavogi 7215
Hrólfur Hjaltason B. Reykjavík 7187
Lárus Hermannsson B. Skagfriðinga
Reykjavík 6929
Vilhjálmur Þ. Pálsson Selfossi 6721.
Silfurflokkur (aðeins spilað um
þau í svæðamótum og opnum
mótum):
Jón Baldursson 1926
Valur Sigurðsson 1825
Jón Sigurbjörnsson Siglufj. 1608
Sigfús Þórðarson 1580
Ásgrímur Sigurbjörnss. Siglufj. 1555
Sigurður Sverrisson B. Reykjavíkur
1538.
Gullflokkur (aðeins spilað um
þau í landsmótum/á Norður-
löndum og öðrum mótum á veg-
um landssambandsins):
Jón Baldursson 977
Guðlaugur R. Jóhannsson 940
Örn Arnþórsson 925
Þórarinn Sigþórsson 916
Sigurður Sverrisson 905
Ásmundur Pálsson 809
Að sögn hótelstjóra Hótel
Eddu að Kirkjubæjarklaustri
hafa bókanir verið nokkrar á
Alslemmu-mótið, sem spilað
verður þar um næstu helgi.
Heimafólk hefur mikið spurst
fyrir um mótið, og sýnt mikinn
áhuga. Á höfuðborgarsvæðinu er
einnig mikill áhugi fyrir þessu
móti, enda Kirkjubæjarklaustur
rómað fyrir einstaka náttúrufeg-
urð. Skráning í mótið er í símum:
91-623326 og 673006 (Ólafur).
Fyrirkomulag verður með
sama sniði í öllum Alslemmu-
mótunum, sem þýðir að hægt er
að mæta á keppnisstað, án fyrir-
fram skráningar.
Spilamennska hefst kl. 13 og
spilað er að Hótel Eddu.
Aðalfundur Bridgefélags
Reykjavíkur verður að líkindum
haldinn á miðvikudag í næstu
viku, óstaðfest að vísu. Fundur-
inn verður í húsi BSÍ v/Sigtún 9
og hefst væntanlega um kl. 20.
Skráning í Bikarkeppni
Bridgesambandsins gengur enn
dræmlega, en henni lýkur 10. júní
n.k. Skráð er á skrifstofu BSÍ
(689360).
Sú hugmynd hefur skotið upp
kollinum, hvort ekki sé tímabært
að huga að breytingum á fyrir-
komulagi í Bikarkeppninni. Ein
hugmyndin er sú, að leikir í
hverri umferð fari fram á sama
tíma og sama stað, þ.e. keppend-
um verði stefnt til fyrirfram á-
kveðins staðar. Ein umferð verði
í hverjum mánuði, að jafnaði.
Tökum dæmi:
Allt að 64 sveitir hefja þátttöku
(metþátttaka er 61 sveit).
1. umferð verður spiluð á Hót-
el Húsavík í byrjun júní. 32 sveit-
ir halda áfram keppni.
2. umferð verður spiluð á Hót-
el Höfn í byrjun júlí. 16 sveitir
halda áfram keppni.
3. umferð verður spiluð í Vest-
mannaeyjum í byrjun ágúst. 8
sveitir halda áfram keppni.
4. umferð verður spiluð á
Siglufirði í endaðan ágúst. 4
sveitir halda áfram keppni, í und-
anúrslit og úrslit, sem yrðu í
Reykjavík um miðjan septemb-
er. Keppnisgjaldi yrði haldið í
lágmarki, segjum kr. 5-6 þús. á
sveit, og allur ferðakostnaður
greiddur af viðkomandi kepp-
endum eða félögum þeirra
(styrkir). Til að styrkja mótið
sjálft (gera spilamennsku jafnari)
mætti skipa stigefstu sveitir til að
sitja yfir í 1. umferð. Er vert að
skoða þessa hugmynd nánar?
Stigefsti spilari landsins í dag er
Jón Baldursson. Jón hefur getið
sér gott orð við græna borðið,
langt út fyrir landsteinana. Jón er
af þeirri kynslóð spilara hér-
lendis, sem ruddu brautina fyrir
þeim nýjungum, sem nútíma
æska hefur tileinkað sér. Halda
sjálfsagt að bridgespilið innifeli í
sér þessa þróun, eða hefur ekki
Esjan alltaf verið á sínum stað?
Lítum á handbragðið hjá Jóni:
S:G S:953 H:DG9 T:ÁK109 S:ÁD84
H: 10542 L:KD7 H:86
T:G5 L:Ágl0543 S:K10762 H:ÁK73 T:8643 L:— T:D72 L:9862
Spilið kom fyrir í sveitakeppni.
Á öðru borðinu voru spilaðir 4
spaðar, sem fóru tvo niður (spilið
liggur frekar illa...).
En Jón, hann nennti ekki að
eiga við smáaurana í þessu spili
og vatt sér í 6 spaða. í vörninni
var landsliðspar (á þessum
árum). Útspil Vesturs var ekki af
betri endanum (verri), laufás.
Það vandamál leyst. Trompað
heima, hjarta að drottningu og
spaðanía af stað. Heilladísir Jóns
hölluðu sér þunglega á öxl
Austurs, sem að lokum gaf eftir
og stakk upp ás. Þegar gosinn
kom frá Vestri, var eftirleikurinn
auðveldur hjá Jóni. Hjarta inn á
gosann, og spaðanum tvíhleypt
heim á kóng-tíu. Laufahjónin sáu
svo um tígultaparana.
Það skal tekið fram, að þetta er
mjög, mjög gamalt dæmi um þró-
un Jóns í íþróttinni. (tekið úr
Hringsvíningum Guðm. Sv.
Herm.)
BRIDDS t , , __________________
20 SÍÐA - NÝTT HELGARBLAÐ Föstudagur 2. júní 1989
Ólafur
Lárusson