Þjóðviljinn - 07.06.1989, Blaðsíða 12
Anna H. Óskarsdóttir
bankastarfsmaður:
Já ég er hætt því og styð heilshugar
þessi mótmæli. Verðhækkanirnar
voru virkilega ósanngjarnar svona
strax á eftir nýgerðum kjarasamning-
um og með þeim var komið aftan að
launþegum. i.
—SPURNINGIN-
Ertu hætt (ur) að kaupa
mjólk og mjólkurvörur?
Árni Stefánsson
kjallarameistari:
Já, en einungis þessa þrjá daga sem
áskorun launþegasamtakanna hvet-
ur til. Mér finnst alveg sjálfsagt að
mótmæla þessum verðhækkunum á
þennan hátt. Það er mjög svo
óheilbrigt að hækka kaupið og taka
það samstundis til baka.
Stefán Arnarson
sölumaður:
Nei. Ég kemst ekki af án mjólkur, en
mér finnst alveg rétt engu aÓ síður að
mótmæla verðhækkunum á þennan
hátt. Þessar verðhækkanir eru kjafts-
högg framan í neytendur og eru öðr-
um þræði vegna þeirrar óráðsíu sem
grasserar hér í þjóðfélaginu.
Sigurjón Kristmannsson
sjómaður:
Nei. Að mínu áliti eru þessi mótmæli
launþegasamtakanna gegn verð-
hækkunum algjör skrípaleikur. Ég hef
ekki trú á forystumönnum þeirra
vegna þess að mér finnst þeir vera
aular í baráttunni fyrir bættum kjörum
launafólks.
Inger Gíslason
húsmóðir:
Já, á meðan þessi mótmæli standa
yfir. Það er alveg sjálfsagt að mót-
mæla þessum verðhækkunum á
þennan hátt. Þær eru hörmung og
bitna þyngst á barnmörgum fjöl-
skyldum.
þlÓÐVIUINN
SIMI 681333
Á KVÖLDIN
COI0^0
ÁLAUGARDÖGUM
681663
Listaháskóli
Opnar marga möguleika
Frumvarp til laga um Listaháskóla lagtfyrirAlþingi íhaust.
Ragnar Arnalds: Verður til að styrkja stöðu þeirra listaskóla sem fyrir eru
Nýlega kom út fruimarp til laga
um Listaháskóla Islands, sem
ætlunin er að leggja fyrir Alþingi í
haust. Þótt hugmyndin hafi kom-
ið upp fyrir þó nokkuð löngu, var
það ekki fyrr en Svavar Gestsson
settist í menntamálaráðuneytið
að skriður komst á málið.
Upphaf málsins má rekja til
þess að skólastjórar Leiklistar-
skóla íslands, Tónlistarskólans í
Reykjavík og Myndlista- og
handíðaskóla Islands fóru þess á
leit árið 1987 við þáverandi
menntamálaráðherra, Sverri
Hermannsson, að hann skipaði
nefnd til að kanna möguleika á
stofnun Listaháskóla. En þar sem
ráðherraskipti urðu skömmu síð-
ar og Birgir ísleifur Gunnarsson
tók við embættinu, varð ekki af
því að bréfinu væri svarað. Þegar
skólastjórarnir fóru þess sama á
leit við Birgi, tók hann ekki vel í
það og taldi rétt að leggja hug-
myndina til hliðar.
Það gerðist svo 6. október 1988
að menntamálaráðuneytið
skipaði nefnd til að undirbúa
frumvarp til laga um Listahá-
skóla fslands. 1 þá nefnd voru
skipaðir þrír fyrrverandi
menntamálaráðherrar, þeir Gylfi
Þ. Gíslason, Ingvar Gíslason og
Ragnar Arnalds. Auk þeirra
störfuðu með nefndinni af hálfu
menntamálaráðuneytisins Árni
Gunnarsson skrifstofustjóri og
Stefán Stefánsson deildarsér-
fræðingur. Nefndin skilaði svo
tillögum sínum í formi frumvarps
til laga 8. mars sl.
í frumvarpinu er lagt til að
undir Listaháskóla íslands falli
Leiklistarháskóli, Myndlistarhá-
skóli og Tónlistarháskóli. Sam-
eining þessara listaskóla mun
styrkja starfsemi og kennslu
skólanna, þar sem starfssvið
þeirra skarast að verulegu leyti.
Með stofnun Listaháskóla er
ætlunin að mynda heildstæða
skipan æðri menntunar í tónlist,
myndlist og leiklist. Einnig kem-
ur það til að með sameiningunni
er hægt að koma við nokkru meiri
hagkvæmni og hagræðingu í bæði
kennslu og rekstri heldur en í
þremur aðskildum stofnunum.
Og þar sem svið þessara list-
greina skarast svo mikið sem
raun ber vitni, er stefnt að því að
þær styðji hver aðra og fái færi á
að bjóða nemendum sínum fjöl-
breyttari námskosti en áður.
Til dæmis væri möguleiki á
kennslu í leikmyndahönnun,
leikhúsförðun og fleiri slíkum
greinum, sem ekki hafa verið
kenndar hérlendis fyrr. Fólk gæti
þá lært margvíslegar listgreinar
sem það hefði ella þurft að fara
utan til að læra.
í frumvarpinu er gert ráð fyrir
að lög um Listaháskóla öðlist
gildi í þremur áföngum, frá 1. júlí
1990 til 1. júlí 1992. Ragnar Arn-
alds formaður nefndarinnar
leggur áherslu á það, að í frum-
varpinu séu ekki fastar og
ósveigjanlegar reglur, heldur sé
ætlunin að sjá hvernig skólinn
muni þróast og taka ákvarðanir
út frá því.
Helga Hjörvar skólastjóri
Leiklistarskóla íslands, sagði í
samtali við Þjóðviljann að hún
væri mjög ánægð með þetta frum-
varp. Það væri löngu tímabært,
því kennsla í þessum listgreinum
hafi verið á háskólastigi, en óljós
staða skólanna í menntakerfinu
hafi valdið þónokkrum vand-
kvæðum. Þessi sameining opnaði
líka leiðir fyrir mörgum spenn-
andi samvinnumöguleikum list-
greinanna.
ns.
Með stofnun Listaháskóla munu
skapast fjölbreyttari möguleikar í
listnámi en nú eru.
Svavar Gestsson menntamálaráðherra ásamt hluta nefndarinnar sem hann skipaði til að undirbúa frum-
varp til laga um Listaháskóla. Með Svavari á myndinni eru Árni Gunnarsson skrifstofustjóri í menntamála-
ráðuneytinu, Ragnar Arnalds formaður nefndarinnar og Ingvar Gíslason. Mynd: ÞÓM.
Standurðu ekki með
banni verkalýðsfélag
anna á neyslu