Þjóðviljinn - 08.06.1989, Blaðsíða 12

—SPURNINGIN—
Hefuröu áhyggjur af fjár-
hagsstööu SIS?
<arl Valdimarsson
bílstjóri:
Auðvitaö er mér ekki sama um að
Sambandið skuli búa við lélega
afkomu. Við erum jú allir bænda-
synir. Rúlli það yfirum er afkoma
margra byggðarlaga í hættu sem
er hið alvarlegasta mál fyrir íbú-
ana.
Hreinn Bernharðsson
kleinubakari:
Nei, ég hef engar áhyggjur af
Sambandinu. Ég tel að þeir hafi
bruðlað um of með gróðann. Það
þarf bara að sníða sér stakk eftir
vexti í framtíðinni.
Auður Arnardóttir
bankastarfsmaður:
Já, það hef ég. Mér finnst allt
vera fara á hausinn hjá þeim.
Vonandi tekst þeim þó að rétta úr
kútnum því afkoma fjölmargra er í
húfi.
Bergljót Benónýsdóttir
sölumaður:
Já, það hef ég. Það kemur til með
að bitna á landsmönnum öllum ef
Sambandið rúllar yfirum. Samúð
mín er með starfsfólki þess en
ekki með samvinnuhreyfingunni
sem slíkri.
Jón Þór Ólafsson
bifreiðasmiður:
Nei, það hef ég ekki. Ég hef hins
vegar þjóðhagslegar ábyggjur af
afkomu SÍS en enga samúð með
samvinnuhreyfingunni, heldur
fólkinu sem vinnur í fyrirtækjum
36SS.
Buóðviuinn
Fimmtudagur 8. júní 1989 102. tölublað 54. árgangur
Blaðamannafundur Rannsóknaráðs. I forgrunni situr Vilhjálmur Lúðvíksson framkvæmdastjóri, en að baki honum sjást fulltrúar styrkþega fyrr og nú.
SÍMI 681333
Á KVÖLDIN
ÁLAUGARDÖGUM
681663
Rannsóknaráð
Rannsóknasjóður rýmar
Raungildi ríkisframlaga í Rannsóknasjóð hefurminnkað um25 af
hundraðifrá stofnun hans árið 1985. Össur Skarphéðinsson: Rann-
sóknasjóður er ómetanlegur fyrir fiskeldi íslendinga
Raungildi framlaga ríkisins í
Rannsóknasjóð hefur rýrnað um
25 af hundraði frá því sjóðurinn
var settur á laggirnar árið 1985.
l>á voru veittar 50 miljónir króna
í sjóðinn en í ár eru þær 85, 80
samkvæmt fjárlögum en 5 úr
Framkvæmdasjóði. Til þess að
halda raungildi stofnfjárins frá
1985 hefðu 112 miljónir þurft að
renna í Rannsóknasjóð á því
herrans ári 1989.
Þetta kom fram á blaðamanna-
fundi Rannsóknaráðs í Rúg-
brauðsgerðinni í gær. Vilhjálmur
Lúðvíksson framkvæmdastjóri
ráðsins gerði þar grein fyrir þessu
og úthlutun styrkja í ár. Hann
skýrði frá því að þótt Rannsókna-
ráð hefði aðeins fengið 85 miljón-
um úthlutað að þessu sinni hefði
það engu að síður úr 110 miljón-
um að moða. Þetta stafaði af því
að á öndverðu tilvistarskeiði
Rannsóknasjóðs hefðu umsóknir
verið færri en nú og því nokkurt
fé gengið af sem séð hefði verið
um að ávaxta. Á fjögurra ára
tímabili hefði sjóður sá gildnað
og næmi nú 25 miljónum króna
sem afráðið hefði verið að veita
umsækjendum í ár. Vilhjálmur
sagði að þessi ráðstöfun hefði
bjargað málum Rannsóknasjóðs
að þessu sinni en algert hrun
blasti við á næsta ári. Það væri
algert lágmark að sjóðurinn rýrn-
aði ekki að verðgildi frá ári til árs.
Alls veitir Rannsóknaráð 60
styrki til 69 verkefna í ár. Á móti
ofannefndum 110 miljónum
sjóðsins leggja styrkþegar fram
173,5 miljónir króna. Um 80 af
hundraði verkefna eru unnin
með þátttöku fyrirtækja sem ým-
ist taka þátt í fjármögnun eða
framkvæmd þeirra nema hvort
tveggja sé. Opinberar stofnanir
standa að baki fimmtungi verk-
efnanna.
Obbinn af styrkjunum rennur
til verkefna á sviði líftækni, fisk-
eldis og matvælatækni og mótfra-
mlög atvinnulífs eru mest á tveim
síðartöldu sviðunum.
Að þessu sinni er aukið hlutfall
styrkja einmitt til fiskeldis og
matvælatækni auk 'oyggingar-
tækni og mannvirkjagerðar.
Hlutur líftækni og tölvutækni er
hinsvegar minni en áður. En
þetta er þó ekki einhlítt þar eð
þessi svið skarast í mörgum til-
fella.
Styrkirnir flokkast þannig:
Byggingar og mannvirki:
6.000.000 eða 5,5 %.
Fiskeldi o. fl.: 25.850.000 eða
23,6%
Gæði og framleiðni: 1.900.000
eða 1,7%
Lífefna- og líftækni:
22.232.000 eða 20,3%
Matvælatækni o.fl.:28.785.000
eða 26,2%
Orku- og efnistækni: 7.500.000
eða 6,8%
Uppl.- og tölvutækni:
11.182.000 eða 10,2%
Ýmislegt: 6.300.000 eða 5,7%
Á blaðamannafundinum voru
mættir fulltrúar styrkþega fyrr og
síðar sem ýmist gerðu grein fyrir
merkilegum verkefnum sem unn-
in eru nú, í bígerð er að vinna eða
hafa verið unnin og skilað glæsi-
legum árangri. Öll voru þau eða
eru styrkt af Rannsóknasjóði.
f þeim hópi er Össur Skarp-
héðinsson líffræðingur. í frétta-
tilkynningu Rannsóknaráðs
kemur fram að fjöldi umsókna
hafi borist um styrki vegna til-
rauna á svið bleikjurannsókna.
Ákveðið hefði verið að kanna
forsendur fyrir samstarfi um þær
og hefði ráðið skipað starfshóp til
þess arna er lyti leiðsögn Össu-
rar. 400.000 krónum væri veitt til
forkönnunar á þessu sviði en
jafnframt legði ráðið 1.500.000
krónur til hliðar í því skyni að
hefja rannsóknir að lokinni for-
könnun ef samstaða næst um
framhaldið.
„Fiskeldið hefur verið utanvið
hefðbundnar fyrirgreiðslustofn-
anir og því er það síst ofmælt að
Rannsóknasjóður hafi verið því
öldungis ómetanlegur,“ sagði
Össur í samtali við Þjóðviljann í
gær.
Hann sagði mikinn áhuga vera
á bleikjueldi hér um þessar
mundir og fyrir því væru góðar og
gildar ástæður. Markaður væri
nægur en þó vægi þyngst að allar
aðstæður hérlendis væru sérlega
ákjósanlegar fyrir bleikju sem yxi
best í hálfsöltu vatni. Og í saman-
burði við laxinn hefði hún vinn-
inginn á mörgum sviðum. Hún
yxi hraðar en hann, þyldi betur
sjúkdóma og væri á allan hátt
harðgerðari.
ks