Þjóðviljinn - 09.06.1989, Page 9

Gaman að vínna svo mörg verðlaun
íslendingar náðu mjög góð-
um árangri á Norðurlanda-
móti fatlaðra sem fram fór í
Vestmannaeyjum um síðustu
helgi. Alls unnu íslensku
keppendurnirtil51 verðlauna,
þar af 16 gullverðlauna. Þá
settu þau 5 Norðurlanda-
mótsmet en tvö þeirra setti
Sigrún Huld Hrafnsdóttir. Hún
vann reyndar bestu afrek ís-
lendinganna, nældi sér í fimm
gullverðlaun og tvenn silfur-
verðlaun.
- Mér fannst auðvitað mjög
gaman að vinna svona mörg verð-
laun en það er alltaf gaman að
vinna. Ég vann gull í 100 metra
baksundi, 100 metra skriðsundi,
100 metra bringusundi, 400
metra skriðsundi og 200 metra
fjórsundi. Silfurverðlaunin vann
ég í boðsundum en ekki einstakl-
ingsgreinum, sagði Sigrún við
blaðamann Nýs Helgarblaðs í
vikunni.
- Þau Gunnar Þór Gunnarsson
hirtu nær öll verðlaunin í U-
flokki sem er flokkur þroska-
heftra, sagði Kristín Erlingsdótt-
ir, móðir Sigrúnar. - Árangur ís-
lendinganna er sérstaklega gæsi-
legur því það liggur alveg gífur-
lega mikil sálfræði á bak við þjálf-
un á öðrum Norðurlöndum.
Keppendurnir frá Svíþjóð eru td.
nánast atvinnumenn í greininni
og þau voru öll á dagpeningum
hér á landi, sagði Kristín.
Sigrún keppir fyrir íþróttafé-
lagið Ösp en hún hefur æft og
keppt með félaginu í sjö ár. Ár-
angur hennar hefur verið mjög
góður undanfarin ár og á hún
Sigrún Huld Hrafnsdóttir náði bestum árangri á nýloknu Norður-
landamóti fatlaðra í Vestmannaeyjum
Sigrún með verðlaunin sem hún vann á Norðurlandamótinu og á bak við Sigrúnu má sjá hluta þeirra verðlauna sem hún hefur unnið síðustu
árin. Mynd-þóm
myndarlegt safn verðlaunapen-
inga.
- Síðast keppti ég á móti í
Malmö í Svíþjóð og vann þá fern
gullverðlaun og bikar að auki. Ég
byrjaði að æfa sund hjá Ösp árið
1982 en þá var ég tólf ára. Ég man
að ég var agalega vatnshrædd
þegar ég var sjö ára en þá var mér
kennt að synda í Öskjuhlíðar-
skóia. Svo hef ég æft vel síðustu
sjö árin og var einmitt að útskrif-
ast nú úr skólanum.
- Sigrún er mjög dugleg við
æfingar þótt hún sé bæði í skóla
og vinni hálfan daginn. Enda fer
það oft svo að hún vaknar klukk-
an hálfsjö á morgnana, fer í
skólann og síðan vinnuna og
kemur ekki heim fyrr en um hálf
tíu á kvöldin, sagði Kristín.
- Þá er ég stundum þreytt en
mér finnst svo gaman að synda að
það er þess virði. Ég æfi sundið
fjórum sinnum í viku en æfi einn-
ig frjálsar einu sinni í viku og þar
finnst mér skemmtilegast í há-
stökki. Sundið er það skemmti-
legasta sem ég geri en mér finnst
líka gaman að vera úti meðvin-
konum mínum.
En ætlar Sigrún ekki að halda
áfram á sömu braut?
- Jú, auðvitað. Nú æfum við á
fuilu fyrir Heimsleikana sem
fram fara í Svíþjóð um næstu
mánaðamót. Það verður erfiðara
að vinna þá heldur en á Norður-
landamóti en ég geri mitt besta.
-þóm
Föstudagur 9. júní 1989|NÝTT HELGARBLAÐ - SÍÐA 9