Þjóðviljinn - 13.06.1989, Qupperneq 16

—SPURNINGIN—
Telurðu að sameining
Iðnaðarbanka, Verslun-
arbanka, Alþýðubanka
og Útvegsbanka leiði til
bættrar þjónustu í banka-
kerfinu?
Jónína Halldórsdóttir
starfsmaður KEA:
Já, ég hugsa það.
Viðar Birgisson
bankastarfsmaður:
Já, það tel ég tvímælalaust.
Björk Georgsdóttir
starfsmaður Rammagerðar-
innar:
Alveg örugglega, þeir eru of
margir bankarnir.
Kári Ingvarsson
byggingameistari:
Það vona ég. Og ég vona líka
að það verði til þess að hægt
verði að fækka öllum þessum
óþarfa útibúum. Þetta er alltof
«ikið kerfi hjá okkur, þetta bank-
;erfi, partur af gríðarlegri yfir-
'ggingu og ofþenslu.
Sigríður Elva
Sigurðardóttir
myndlistarmaður:
Já, alveg tvímælalaust.
SÍMI 681333
Á KVÖLDIN
CQ4 'iA.n
ÁLAUGARDÖGUM
681663
Kornmölun
Innlend
mölun
lækkar
verð
Kornax hf. eina
innlenda
kornmölunar-
fyrirtækið. Verðá
hveiti hefur lækkað
um30%
Fyrir tveimur árum tók til
starfa nýtt fyrirtæki, Kornax hf.,
sem sér um mölun og fullvinnslu á
korni. Fyrirtækið er hið eina
sinnar tegundar hér á landi og
eftir að það hóf starfsemi lækkaði
verð á hveiti um 30%.
Að sögn Óskars Þorsteins-
sonar, tilraunabakara og gæða-
eftirlitsmanns hjá Kornaxi, hefur
framleiðsla og sala vaxið gífur-
lega frá því fyrirtækið tók til
starfa. Framleiðslugetan er 2.6
tonn á klukkustund og gefur það
af sér rúmlega 1600 kg af hveiti.
Neytendur geta valið
um 4 hveititegundir
Enn sem komið er fer megnið
af framleiðslunni til bakara, en
neytendamarkaðurinn stækkar
sífellt og nú geta neytendur valið
um fjórar tegundir hveitis.
Framleiðslan fer þannig fram,
að korn sem er keypt frá Amer-
íku og Kanada fer fyrst í rann-
sókn og efnagreiningu. Þaðan fer
það í hreinsun, þar sem það er
tvíhreinsað, því það geta verið
steinar og glerbrot í því. í>á er það
bleytt upp, vegna þess að þegar
það kemur er það afar þurrt og
molnar í vinnslu. Eftir að hafa
verið bleytt upp í 20-40 klukku-
stundir, fer kornið í gegnum
fjögur mölunarstig og er blásið
með lofti milli mölunarvéla sem1
eru á fjórum hæðum. Eftir ailt
þetta fer kornið aftur í gæða-
prófun og rannsókn áður en það
er sett á markað. Að sögn Óskars
er engum aukaefnum bætt í
hveitið til að gera það hvítt, en
það er algengt hjá hveitiframl-
eiðendum erlendis. Eina efnið
sem sett er í hveitið er C-vítamín.
Aðspurður um hvers vegna
verð á hveiti hefði lækkað um
30% þegar þeir hófu framleiðslu,
Óskar Þorsteinsson tilraunabakari og gæðaeftirlitsmaður við einn hluta mölunarvélarinnar. Mynd: Jim
Smart.
sagði Óskar að sennilegasta skýr-
ingin á því væri sú að þetta væri í
fyrsta skipti sem korn væri flutt
inn ómalað og fullunnið hér.
Vegna þess hve mikið þeir flyttu
inn hefðu fengist hagstæð flutn-
ingsgjöld, og því hefðu þeir tök á
að selja ódýrara. Einnig sagði
Óskar að álagning á erlendu
hveiti hér væri of há, en eftir að
Kornax hóf vinnslu á hveiti hefðu
önnur fyrirtæki lækkað sig í verði
og væru nú með svipað verð og
Kornax.
Aldrei eldra
en 5 daga á markað
Óskar sagðist áætla að þeir
væru með 60-65% af markaðnum
fyrir stærri kaupendur, þ.e. bak-
ara, en neytendamarkaðurinn
stækkaði ört. Ástæðu þess sagði
hann vera þá, að hveitið frá þeim
væri alltaf nýmalað, þeir settu
ekki eldra hveiti á markað en 5
daga gamalt. Innflutt hveiti væri
hins vegar oft gamalt, væri lengi á
leiðinni og lægi oft í langan tíma í
gámum og birgðageymslum.
Þetta líkaði fólki vel og því stækk-
aði markaðurinn.
ns.
Starfsmaður hjá Kornaxi hf. við
pökkun. Mynd: Jim Smart.