Þjóðviljinn - 21.06.1989, Blaðsíða 7
Bjarni Bjarnason.
Upphafið.
Augnahvíta 1989.
Þessi ljóðabók biður mann
ekki að taka sig upp og vísa ég þar
til bókarkápunnar sem er ein sú
ljótasta sem ég hef séð. Þetta
hlýtur að vera merki ömurleikans
hugsaði ég er bókin barst mér.
Ljót kápa er sama og léleg bók.
En ég opnaði bókina til lestrar,
fullur af hugdirfsku atvinnulesar-
ans.
Bókinni er skipt í tvo kafla,
ljósmál og upphafið. Fyrri
hlutinn geymir 35 ljóð en sá
seinni er geysileg íangloka í
heimsósómastíl, krydduð með
vísindahugtökum.
víddahringur okkar
er vetnisatóm í hafinu
sem er ekkert í alheiminum
sem syndir í hafinu
sem er aðeins
vetnisatóm í poll
og pollurinn horfir útúr
auganu á mér og pollur útúr auga
hvað meinarðu opnaðu pakkan
lífið sé stœrðfrœðieining
vídd sem byriaði á sama tíma
og tíminn, allt einn hlutur
hliðin sem snýr að þér
Efnistökin í þessu broti eru
ákaflega klisjuleg og svo er um
allan bálkinn sem þekur tuttugu
blaðsíður. Sá sem fyrstur skrifaði
eftirfarandi orð hlýtur að hafa
verið frumlegri en sá sem skrifar
þau í milljónasta sinn til að setja í
ljóðabók. Merking þessara orða
var öllum ljós löngu fyrir seinni
heimsstyrjöldina; þ.e. dropi í hafi
og haf í dropa.
og pollurinn horfir útúr
auganu á mér og pollur útúr auga
o.s.frv. ef öll blaðsíðan er lesin
kemur sá einfaldi sannleikur í
ljós.
Auk þess ættu höfundar ljóða
að gæta þess að sama orðið sé
ekki notað lfnu eftir línu líkt og
Bjarni leyfir sér að misnota orðið
útúr.
Þá er komið að fyrri kaflanum.
Það skal ég telja höfundi til tekna
að ljóðin eru styttri, yfirleitt ekki
nema ein síða, þó er undantekn-
ing ljóðið Aldamótin s. 25-27 en
þar er um að ræða blaðagrein eða
ritgerð sem brotin er niður í mis-
langar línur og á harla lítið skylt
við Ijóðlist.
Atómskáld
Og ég vœli yfir að
hafa verið sendur
á vitlausa plánetu
en svo væli ég líka
yfir hvað mér finnst
hrœðilegt að þessi
pláneta muni springa
í loft upp, innan tíðar
eða vaxa úr sér
og svo vceli ég yfir að vera
of góður fyrir þennan heim
og að enginn hér kunni í raun
að elska, nema ég
og ég væli yfir mér
en þegar ég kemst að því
að ég er aðeins jarðneskur
vœlukjóakrói að væla yfir
jarðneskum vælukjóakróa
þá hrekk ég í kút
og þaga lengi
síðan fer ég að há gráta
Á síðu 30 er kvæðið Atóm-
skáld, fullkomlega óskiljanlegur
samsetningur. Ekki þykir mér
Bjami vera þess umkominn að
setja sig á háan hest gagnvart
þeim skáldum sem kölluð eru at-
ómskáld. Hvað þá að hann hafi
mannskap í sér til að hæðast að
þeim. Hans vegna vona ég að
þessi sjónarmið séu ekki grund-
völlur kvæðisins.
En líklega ber að skilja bálkinn
þannig, ef pilturinn er sjálfum sér
samkvæmur að hann sé að hæða
sjálfan sig.
MAGNÚS
GESTSSON
í bókinni er aðeins eitt ljóð sem
eitthvað er spunnið í en það heitir
Myrkurmál.
Myrkurmál
Allt fer eftir styrk Ijósgjafans
líka þykkt myrkursins
nei
Allt fer eftir þykkt myrkursins
líka víðátta Ijósmálsins
nei
Allt fer eftir...
Þarna er andstæðunum degi og
nótt teflt saman á skemmtilegan
hátt og vakinn grunur um að
eitthvað meira hangi þar á spýt-
unni.
Málfarið er víða furðulegt og
nefni ég nokkur dæmi af handa-
hófi: „í þér ég dansa" s. 15, „og
þaga lengi“ s. 30, „er birtir að
degi“ s. 37, „á leið einhvert" s.
50, „ég dreymdi mig í vöku“ s. 51.
Að lokum vona ég að næsta
ljóðasafn Bjarna verði vandaðra.
Frá æfingu á Oliver, (var, Gissur og Laddi, Ragnheiður og Flosi.
Þjóðleikhúsið
Æfingar hafnar á Oliver
Æfingar á fyrsta verkefni næsta
leikárs, söngleiknum Oliver eftir
Lionel Bart, eru nú hafnar í Þjóð-
leikhúsinu. Á sjötta tug lista-
manna munu taka þátt í sýning-
unni, og vekur leikhúsið athygli á
því að þeirra á meðal verður Þór-
hallur Sigurðsson, Laddi, sem
mun þá leika í rótgróinni leiklist-
arstofnun í fyrsta sinn.
Söngleikurinn, sem er gerður
eftir sögu Dickens um Oliver
Twist, var frumsýndur í Lundún-
um árið 1960 og sló þá öll fyrri
aðsóknarmet breskra söngleikja.
Búningar og leikmynd, sem hafa
fylgt leiknum frá upphafi eru eftir
Sean Kenny. Var leikmyndin tal-
in tækniundur og hlaut 1. verð-
laun á leiklistarhátíðinni í Prag
árið 1960. Þjóðleikhúsið fær bún-
inga og leikmynd að láni um
nokkurra vikna skeið næsta
haust, og verður því söngleikur-
inn einn á stóra sviðinu í 5 vikur,
frá 23. september.
Meðal leikenda eru 16 drengir
sem fara með hlutverk vasaþjóf-
anna, Laddi, í hlutverki Fagins,
Gissur L. Gissurarson, sem
leikur Oliver Twist og ívar Sverr-
isson, sem leikur Hrapp. Ragn-
heiður Steindórsdóttir fer með
hlutverk Nansíar, Pálmi Gests-
son verður Bill Sikes og Flosi Ól-
afsson Bumble, en Flosi er jafn-
framt þýðandi leiksins.
Ellefu manna hljómsveit tekur
þátt í sýningunni og er Agnes
Löve stjórnandi tónlistar. Leik-
stjóri er Benedikt Árnason og
dansahöfundur Ingibjörg
Björnsdóttir.
LG
Skóli - nám - samfélag
Wolfgang heiðraður
Á föstudaginn verður efnt til
málstofu í Viðeyjarstofu um
rannsóknir og þróunarverkefni f
skóiastarfí. Málstofan er haldin
til heiðurs dr. Wolgang Edelstein
en hann á sextugsafmæli um þess-
ar mundir. Svo sem kunnugt er
hefur dr. Wolfgang um 20 ára
skeið verið einn af áhrifamestu
skólamönnum þjóðarinnar.
Frumkvæðið að málstofunni eiga
vinir og kunningjar dr. Wolgangs
sem vilja minnast hins merka
framlags hans til íslenskra skóla-
mála á þessum tímamótum.
Á málstofunni mun Sigurjón
Björnsson prófessor fjalla um
rannsóknir f uppeldissálarfræði,
Gunnar Finnbogason uppeldis-
fræðingur mun greina frá athug-
unum sínum á sögu skóla-
rannsóknadeildar menntamála-
ráðuneytisins, Sigþór Magnússon
námsstjóri ræðir niðurstöður
kannana sem hann hefur gert á
kcnnsluháttum og afstöðu f litlum
skólum, dr. Sigrún Aðalbjarnar-
dóttir lektor fjallar um sam-
skiptahæfni skólabarna, Halldór
Valdimarsson skólastjóri á Húsa-
vík og Guðrún Geirsdóttir kenn-
ari á Akranesi munu lýsa tilraun-
um með þróunarstarf í skólum og
Auður Hauksdóttir framhalds-
skólakennari mun greina frá
rannsóknum sínum á námsmati
og kennsluháttum f dönskuken-
slu. Loks mun dr. Wolfgang
flytja ávaip. Ráðstefnustjórar
verða þau Ásgeir Guðmundsson
námsgagnastjóri og Geður G.
Óskarsdóttir ráðgjafi mennta-
málaráðherra. Forseti Islands,
Vigdís Finnbogadóttir, heiðrar
málstofuna með nærveru sinni.
í tengslum við málstofuna efnir
Námsgagnastofnun til sýningar á
nýjum og gömlum kennslugögn-
um.
Málstofan hefst með listflutn-
ingi kl. 9.30 en farið verður með
Viðeyjarferju úr Sundahöfn kl.
9.00. Þátttökugjald er áætlað kr.
2.600,- og er innifalið hádegis-
verður, kaffi, málstofugögn og
bátsferð til og frá Viðey.
Æ*
Wolfgang Edelstein
Sýningar
Handrita-
sýning í
Ámagarði
Handritasýning stendur nú yfir
í Stofnun Árna Magnússonar og
er til sýnis úrval handrita sem
smám saman er að berast heim
frá Danmörku.
Meðal handritanna er aðal-
handrit Snorra-Eddu, Konungs-
bók, sem ekki hefur verið sýnd
áður hér á landi, Staðarhólsbók
Grágásar frá lokum Þjóðveldis-
aldar og Jónsbók frá upphafi 14.
aldar. Einnig eru á sýningunni
eitt aðalhandrit Stjómar og
Oddabók Njálu, sem þykir með
merkilegustu skinnhandritum
þeirrar sögu og brot úr Lárentius
sögu biskups. Þar að auki papp-
írshandrit af Nikuláss sögu erki-
biskups, Jóns sögu helga og Þor-
láks helga Þórhallssonar.
Sýningin verður opin í sumar,
kl. 14-16 á þriðjudögum,
fimmtudögum og laugardögum.
Gallerí Madeira
Pétur sýnir
Opnun á Gallerí Madeira.
Ferðaskrifstofan Evrópuferðir
hefur boðið listamönnum að sýna
verk sín í húsakynnum skrifstof-
unnar að Klapparstíg 25 í
Reykjavík.
Áf því tilefni hefur hluta
skrifstofunnar verið breytt og ber
nú nafnið Gallerí Madeira.
Leitast verður við að bjóða að-
stöðu listamönnum, sem sérstak-
lega túlka myndefni er tengjast
ferðamálum, samgöngum og
öðru skyldu efni.
Vinnsla efnis má vera með
ýmsum hætti svo sem ljósmyndir,
málverk, myndastyttur. Sýningar
geta verið jafnt sölu- sem
heimildasýningar og stendur hver
sýning í einn mánuð.
í lok hvers 12. mánaða sýning-
artímabíls mun sá listamaður,
sem sérstaklega hefur skarað
fram úr að mati sýningargesta
verðlaunaður.
Fyrsti listamaðurinn sem sýnir
í Gallerí Madeira er Pétur P.
Johnson, fyrrverandi ritstjóri
Tímaritsins Flugs og mikill
áhugamaður um flugsögu íslands
og varðveizlu hennar. Pétur er
þekktur fyrir ljósmyndir sínar
tengdar fluginu á íslandi, sem
hafa birzt víða í dagblöðum og
tímaritum um árabil, bæði hér-
lendis og erlendis. Þeir eru ófáir,
sem eiga flugsögulega mynd eftir
Pétur.
Pétur mun sýna úrval af ljós-
myndum undanfarinna þriggja
ára auk nokkurra eldri mynda.
Sýningin var opnuð sl. föstu-
dag.
Sýningin er eingöngu opin á
virkum dögum frá kl. 8.00 til
18.00 daglega.
______MENNING
Eitt er betra
en ekki neitt.
Mlðvlkudagur 21. Júní 1989 ÞJÓÐVILJINN - SÍÐA 7