Þjóðviljinn - 13.07.1989, Page 1

Fimmtudagur 13. júlf 1989 121. tölublað 54. örgangur
Ríkisábyrgð
106 miljónir vegna gjaldþrota
Félagsmálaráðuneytið:
Ekkert lát ágjaldþrotum. 80-90 miljónir allt síðasta ár. 20-30 miljónir1987 og 1,5 miljón 1984. Svonefnd
,Jrakkaskipti(( tíð írekstri veitingahúsa og hugbúnaðarfyrirtcekja. Galli á lögum um stofnun hlutafélaga
Fyrstu sex mánuði ársins hefur
ríkissjóður orðið að greiða
starfsmönnum gjaldþrota fyrir-
tækja 106 miljónir króna en allt
síðasta ár námu þessar greiðslur
80-90 miljónum króna. Til sam-
anburðar má geta þess að 1987
námu þær 20-30 miljónum og
érið 1984 aðeins 1,5 miljón
króna.
Að sögn Oskars Hallgrímsson-
ar forstöðumanns vinnumála-
skrifstofu félagsmálaráðuneytis-
ins virðist ekkert lát vera á
gjaldþrotum fyrirtækja um þess-
ar mundir og eru þau úr öllum
greinum atvinnulífsins. Mikið er
um gjaldþrot fyrirtækja í ýmsum
þjónustugreinum en einnig úr
undirstöðuatvinnugreinum
landsmanna eins og fiskvinnslu.
Þá eru dæmi um það að sömu
aðilar komi oftar en einu sinni við
sögu gjaldþrota og mun það eink-
um vera í rekstri veitingahúsa og
einnig hjá hugbúnaðarfyrirtækj-
um. Óskar sagði að sem betur fer
væru þetta undantekningartilfelli
en þó væri því ekki að neita að
hann hefði séð sömu nöfnunum
bregða fyrir oftar en einu sinni. í
tilvikum sem þessum setur við-
komandi eigandi gjaldþrota fyrir-
tækis nýtt á fót á meðan hið fyrr-
nefnda er enn til meðferðar hjá
skiptaráðanda og er það kallað
að hafa „frakkaskipti“ meðal
framtakssamra einstaklinga í
fyrirtækjarekstri. Dæmi eru um
að nýja fyrirtækið hafi farið á
hausinn áður en meðferð á þrota-
búi þess fyrrnefnda er lokið.
Óskar sagði að það væri
auðvitað galli á lögum um stofn-
un hlutafélaga að sami aðili gæti
sett á stofn hvert fyrirtækið á fæt-
ur öðru þrátt fyrir að hann ætti að
baki óuppgert gjaldþrot og það
væri síðan ríkissjóðs að standa
straum af þeim launakostnaði
sem viðkomandi hefði stofnað til
þann tíma sem ævintýrið stóð
yfir.
Að öllu jöfnu hefur vinnu-
málaskrifstofa félagsmálaráðu-
neytisins fjórar vikur til stefnu til
að greiða starfsmönnum gjald-
þrota fyrirtækja þau laun sem
þeir eiga inni hjá viðkomandi fyr-
irtæki eftir að skiptaráðandi þess
hefur lokið sinni vinnu og skilað
inn til ráðuneytisins sínum niður-
stöðum. í fióknum gjaldþrota-
skiptum þar sem mikið er um ág-
reiningsefni geta þó liðið nokkrir
mánuðir áður en starfsmenn
fyrirtækisins geta átt von á að fá
laun sín greidd.
-grh
Fœðingarheimilið
Lokað á annab'ma
Fœðingarheimilið lokað Í5 vikurfrá24.júlí.
Mikið álag á Landspítalanum. Geturkomið
niður á öryggi móður og barns
að gefur auga leið að þegar
Fæðingarheimilinu og skurð-
stofum við sjúkrahús í nágrenni
Reykjavíkur er lokað þá eykst
þunginn á deildinni hjá okkur.
Það cr allt fullt hjá okkur núna og
hefur verið töluvert mikið að
gera, sagði Edda Jónasdóttir,
deildarstjóri á sængurkvenna-
deild Landspítalans.
Edda sagði að óánægja ríkti
meðal starfsfólk deildarinnar
vegna þessara sparnaðarráðstaf-
ana og þess aukna álags sem því
fylgir og benti á að ljósmæður
hefðu sent frá sér ályktun vegna
þessa á síðasta aðalfundi og segir
í henni að niðurskurðurinn geti
komið niður á öryggi móður og
barns á annasömustu tímunum.
Edda sagði að óvíst væri hvort
konur færu fyrr heim á meðan
lokun Fæðingarheimilisins stæði
yfir en núna fara þær heim á 5.
degi nema þær óski eftir því að fá
að fara fyrr.
Undanfarin ár hefur Fæðingar-
heimilið í Reykjavík verið lokað
hluta úr sumri og núna verður
lokað frá 24. júlí til 4. september,
auk þess sem rúm á einni hæð
voru rýmd í vor, um leið og
skurðstofunni var lokað, og að
sögn Huldu Jensdóttur forstöðu-
konu er óvíst hvenær sá hluti
heimilisins verður opnaður aftur.
Það sem af er þessu ári hafa
fæðst 1412 börn á Landspítalan-
um en spár fyrir fæðingar í
Reykjavík og nágrenni á tímabil-
inu júlí til september eru frá 238
til 247 börn í hverjum mánuði. Til
samanburðar má nefna að mán-
uðina apríl til maí fæddust um 200
börn í hvorum mánuði. í ág-
ústmánuði verður fæðingardeild
Landspítalans eina deildin sem
sinnir fæðingum á þessu svæði.
iþ
Á Landspítalanum er sængurkvennadeildin full núna og séð er fram á enn meira álag þegar lokun Fæðingarheimilisins
kemur til framkvæmda. Myndin er tekin í heimsóknartíma deildarinnar í gær. Mynd-Jim Smart
Framhaldsskólakennarar
Deilt um aukavinnu
Ufar hafa nú risið með launa-
dcild fjármálaráðuneytisins
og Hinu íslenska kennarafélagi
um launagreiðslur til framhalds-
skólakennara fyrir aukavinnu
sem þeir inntu af hendi í vor svo
hægt yrði að Ijúka starfi fram-
haldsskóla og útskrifa nemendur.
Eggert Lárusson hjá HÍK segir
það vera álitamál hvort kennarar
komi til starfa um miðjan ágúst til
að leggja haustpróf fyrir þá ne-
mendur sem ekki skiluðu sér í
vor.
- Eftir því sem við höfum heyrt
er megn óánægja meðal kennara
með afgreiðslu launadeildarinn-
ar. Ef málin verða ekki leyst fer
allt í hnút í haust, sagði Eggert,
en samkvæmt heimildum Þjóð-
viljans hafa kennarar í einhverj-
um skólum komið saman til
skrafs og ráðgerða um framhald-
ið.
- Við lítum svo á að ekki leiki
vafi á því að ríkið eigi að greiða
þetta. Við höfum fengið upplýs-
ingar um það hvernig málin hafa
verið afgreidd, en ekki hefur tek-
ist að koma á fundi um það
hvernig málið verði leyst, sagði
Eggert.
Eggert sagði að ágreiningurinn
við launadeildina snerist einkum
um fjögur atriði. í fyrsta lagi
greiði launadeildin ekki fyrir
kennslu nema hún hafi verið 16
tímar eða meira. í annan stað
hefur ekki fengist greiðsla fyrir
sjúkrapróf og endurtökupróf. í
sumum skólum hefur ekki verið
greitt fyrir fundi haldna utan dag-
vinnumarka, um helgar og á
kvöldin. - í fjórða lagi hefur ekki
verið greitt fyrir námsráðgjöf
eftir 25. maí sem var þó eðli máls-
ins samkvæmt mjög nauðsynleg,
sagði Eggert.
Mismunandi er eftir skólum
hvernig launadeildin hefur af-
greitt framlagða reikninga fyrir
aukavinnu kennara. Birgir Guð-
jónsson, skrifstofustjóri launa-
deildar, sagði í samtali við blaðið
í gær að þegar hefðu um 80-90 af
hundraði þeirra reikninga sem
lagðir voru fram verið afgreiddir.
Það sem eftir væri þyrfti nánari
skoðunar við og yrði óskað eftir
nánari sundurliðun á þeim reikn-
ingum.
Birgir vildi ekki kannast við að
svikist hefði verið aftan að kenn-
urum með afgreiðslu launa-
deildarinnar. - Það var ljóst frá
upphafi að það mátti skilja
samkomulagið á ýmsan hátt.
-rk
Hlutabréfakaup Fiskveiðasjóðs
Hrökkva skammt
MargrétFrímannsdóttir: Akvörðun Fiskveiðasjóðs um
hlutabréfakaup hrekkur skammt. Fjárþörf
Harðfrystihúss Stokkseyrar 100 miljónir. Hjálpi
ríkissjóður ekki upp á sakirnar blasir við lokun
essi afgreiðsla Fiskveiðasjóðs
hrekkur skamnit til að koma í
veg fyrir að húsinu verði lokað.
Við þurfum að fá skuldbreytingu
yfir 100 miljónir og hlutabréfa-
kaup Fiskveiðasjóðs eru aðeins
lítið brot af þeirri upphæð, sagði
Margrét Frímannsdóttir, for-
maður þingflokks Alþýðubanda-
lagsins og oddviti á Stokkseyri, en
sjóðurinn hefur afráðið að kaupa
hlutdeildarskírteini í Hraðfrysti-
húsi Stokkseyrar, sem og Fiskiðj-
unni Bfldudal og Fiskiðjunni
Freyju fyrir rúmar 16 miljónir
króna.
Margrét sagði að samkvæmt
þessu yrði einnig að koma til að
ríkissjóður keypti B-hluta skír-
teini í þessum fyrirtækjum til þess
að þau gætu hugsanlega rétt úr
kútnum. Hún sagðist reikna með
þvf að ríkisstjórnin myndi skoða
og afgreiða málefni hvers fyrir-
tækis um sig. Niðurstaða ætti að
liggja fyrir. innan viku.
- Ef það gengur ekki eftir er
ekki neitt annað framundan en
að loka húsinu og þá verður nán-
ast algjört atvinnuleysi á Stokks-
eyri, sagði Margrét, sem sagðist
ekki vilja standa í sporum stjórn-
enda þeirra fyrirtækja sem Fisk-
veiðasjóður hefði synjað um
hlutbréfakaup í.
-rk