Þjóðviljinn - 14.07.1989, Blaðsíða 2
SKAÐI SKRIFAR
Ég leysi
húsnæðismálin
Ég er stundum aö tala við þá bræður og frændur mína Gísla, Eirík og
Helga, eins og þið hafið stundum orðið vör við. Það gengur yfirleitt
bærilega enda eru þetta allt saman Sjálfstæðismenn eins og ég. Við
erum sammála og samstíga um flesta hluti.
Nema hvað mey skal að morgni lofa.
Þeir sátu hjá mér Gísli og Helgi þegar fréttir fóru að streyma inn um
þetta peningabruðl Húsnæðisstofnunar til félagslegra íbúða eins og
það heitir, en það eru íbúðir sem reistar eru fyrir fólk sem nennir ekki
að safna sérfyrir húsi eins og ég. Eiríkur var hinsvegar einhversstaðar
að eyða peningum í sólarlöndum.
Ég sagði: Gaman gaman: nú klofnar Krataflokkurinn eina ferðina
enn. Sighvatur vill meiri peninga í dreifbýlið. Karl Steinar og Jón
Baldvin vilja að allt fari í letihaugana hér í Fteykjavík.
En það kom bara á daginn, að þeim var ekkert skemmt þessum
körlum.
Gísli er útgerðarmaður og í sveitastjórn fyrir vestan og hann sagði:
Það kemur fyrir að kjöftugum ratast satt á munn og Hvatur hefur hér
rétt fyrir sér. Ég er náttúrlega á móti svokölluðu félagslegu húsnæði af
prinsípástæðum, en fyrst verið er að setja aura í það þá verðum við að
fá þá. Annars er ekkert byggt hjá okkur.
Djöfuls rugl er þetta Gísli bróðir, sagði Helgi, en eins og þið munið
kannski rekur hann mublufabrikku hér í bænum. Úti á landi er fullt af
óseljanlegu húsnæði og síðan á að dauðrota þá vönkuðu með því að
byggja þar niðurgreiddar íbúðir svo allt annað húsnæði verði ennþá
óseljanlegra og íbúarnir átthagafjötraðir eins og rússneskir bændur.
Og svo þykist þú vera frjálshugsandi maður, helvískur.
Þú ert að vísu bróðir minn Helgi, sagði Gísli, og blánaði soldið í
framan, en þú skalt fá að heyra það samt, að þú ert hagsmunagróða-
pungur sem vilt hafa þenslu og spennu hér á höfuðborgarsvæðinu af
því þú hefur sambönd til að troða þessum forljótu eldhúsinnréttingum
þínum inn í saklausa verkamannabústaði!
Svona byrjuðu þeir og héldu lengi áfram og þegar þeir voru farnir að
kalla hver annan fæðingarhálfvita og laumukommúnista, þá setti að
mér hroll því ég skildi að fleiri geta klofnað í svona málum en Kratar.
Svo ég brá á það ráð að leggja heilann skjótt í bleyti og þegar ég
hnykkti honum upp úr bleytunni hafði ég hugmynd alskapaða sem
gerði þennan æsing allan óþarfan og hlálegan storm í vatnsglasi.
Það á ekki að byggja íbúðir, sagði ég.
Á ekki hvað? spurðu þeir, og gleymdu hvor öðrum eins og ég hafði
líka vonast til.
Það á ekki að byggja í dreifbýlinu, sagði ég.
Reykjavíkurfasisti! æpti Helgi og greip gipsuglu frá afaog ætlaði að
henda í mig.
Elsku frændur, sagði ég. Við búum við þær aðstæður þegar ósam-
ræmi er milli hreiðurgerðar mannsins (húsasmíða) og starfsmöguleika
hans (atvinnutækifæra). Það verður of mikið af húsum þar sem er of
lítil vinna. Og of mikil vinna þar sem er of lítið af húsum.
Og af hverju geta menn ekki fylgt þeim markaðslögmálum sem við
trúum á og elt vinnuna? Það er af því þeir eru ófrjálsir menn. Þeir eru
bundnir i báða fætur við FASTEIGN. Eign er góð, en fasteign vond, því
fótur vor er fastur þá fljúga vill önd, eins og skáldið kvað.
Og hvað svo? spurðu þeir Gísli og Helgi.
Við breytum fasteign í flökkueign, sagði óg----
Ha? spurðu þeir.
Jamm. Við hefjum mikla framleiðslu á íbúðum á hjólum og þessir
félagslegu peningar geta vel farið í að fjölga þeim ef þið endilega viljið.
Sveitarstjórnir úti á landi sjá til þess að til séu lóðir og vatnslagnir og
skólplagnir, og svo koma vinnufúsar hendur akandi á sínum hjólhús-
um og tengja sig.
Ég veit, ég veit, þið ætlið að segja að Islendingar vilji hafa rýmra um
sig en í hjólhýsi. En það má setja saman gott hús úr þrem eða fjórum
eöa fimm hjólvögnum. Og það mætti skapa mikinn iðnað við að smíða
svona einingar. Og allar flugur væru rotaðar í einu höggi. Það kæmist
á samræmi milli atvinnuframboðs og búsetu, og menn væru lausir úr
ófrelsi og áþján fasteignarinnar, sem annaðhvort kostar alltof mikið
eða alltof lítið! Þeir mundu meira að segja eignast sumarbústað í
leiðinni. Fram bræður til sóknar, safnið ekki steinsteypu sem alkalí
nagar og frostið sprengir, en safnið frelsi á hjólum og lífsþroska með
fjölbreytni í búsetu!
RÓSA-
GARÐINUM
NÚ FER ÉG
ALVEGí RUSL
Madonna er moldrík en getur
ekki kastað upp.
Þessar stórkostlegu fréttir
koma fram í nýlegri bók í Amer-
íku sem hefur að geyma viðtöl við
fjölda frægra manna og kvenna.
DV
ER GUÐ RÉTTLÁTUR ?
Síðustu fjörtíu árin hefur Fran-
cesco Aragona kannað innviði
mafíumeðlimanna.Segir hann þá
oft vera með þykkar slagæðar,
biluð nýru, magasár, ófrjóa og
geðsjúka.
DV
HEFUR HVER SÉR
TIL ÁGÆTIS NOKKUÐ
En ég fullyrði í eitt skipti fyrir
öll að siglingamálastjóri er hvorki
glæpamaður né annað verra.
Morgunblaðið
NÚ ERU GÚD RÁN DÝR
Verða loðdýrin rándýr í ríkis-
kassa?
Fyrirsögn í Tímanum
EKKI ER ÞAD HÉR
Líf er á öðrum stjörnum.
Fyrirsögn
í Morgunblaöinu
VIÐ HÖFUM RÉTTLÆTIÐ
OKKAR MEGIN
Evrópumótið í brids: ísland
vinnur sterku liðin en tapar fyrir
þeim veiku.
Fyrirsögn
í Morgunblaöinu
EROS ER ALMENN-
INGSVÖGNUM ÖFLUGRI
Ólíkt skemmtilegra að sitja aft-
an á reiðhjóli þar sem myndarleg
stúlka situr við stýrið en að setjast
inn í strætisvagn.
Morgunblaöið
FRJÁLSIR ERU
ÞEGNAR DAVIÐS
Þegar loks er komið sumar þá
fjölgar hjólreiðamönnum á göt-
um borgarinnar og komast bara
furðu langt.
Morgunblaðið
LOKS FUNDUST
SÖKUDÓLGARNIR
Hagsmunagæslumenn verða
ekki dregnir til ábyrgðar, því að
þeirra hlutverk er að hafa fé af
skattgreiðendum. Embættis-
menn verða ekki dregnir til
ábyrgðar því þeir voru studdir af
eyðsluglöðum byggðastefnu-
mönnum stjórnmálanna. Stjórn-
málamennirnir er létu þjóðfé-
lagið borga hafa verið endur-
kosnir og verða endurkosnir.
Ábyrgð fjárglæfranna hvflir á
kjósendum.
Leiðari í DV
hagsmuna-
ÁREKSTRUM FJÖLGAR
Hundaeigendur benda á að
Reykjavíkurborg þurfi að leggja
fram stórfé til að þrífa kattahland
og skít.
2 SÍÐA - NÝTT HELGARBLAÐ Föstudagur 14. júlí 1989
DV