Þjóðviljinn - 14.07.1989, Blaðsíða 9
Regnboga-
strákur
Litla ieikhúsið sýnir á leikfor:
REGNBOGASTRÁKINN eftir Ólaf
Gunnarsson.
Ljóð eftir Ólaf Hauk Símonarson.
Lög eftir Gunnar Þórðarson.
Leikstjóri: Eyvindur Erlendsson.
Leikmynd og búningar: Eyvindur Er-
iendsson.
Leikendur: Alda Arnardóttir, Emil
Gunnar Guðmundsson, Óiafia Hrönn
Jónsdóttir.
PÁLL BALDVIN
BALDVINSSON
Lítil og snotur sýning fyrir börn
var frumsýnd í Gerðubergi fyrir
tæpum tveim vikum. Það er hóp-
ur ungra leikara undir forystu
Eyvinds Erlendssonar sem stend-
ur að sýningunni um regnboga-
strákinn, tröll sem skiptir um
ham og er í raun ung stúlka í
álögum.
Það er Ólafur Gunnarsson sem
heldur á pennanum og hefur hér
sótt á ný mið og er mættur í
leikhúsið. Sætir sýningin tíðind-
um fyrir þær sakir því Ólafur er
hugmyndaríkur höfundur og
leikur hans er fallega samansett-
ur, fjörlega skrifaður og leiðir
börnin á fornar slóðir, en efnið er
meðhöndlað á nýstárlegan máta
og krefst snjallra sviðsrænna
lausna. Það er því fengur að þess-
um leikþætti. Leiknum fylgja fá-
ein sönglög eftir þá félaga Óla
Hauk og Gunna Þórðar og eru
leiknum til prýði.
Sýningin er sniðin sem farand-
leikur og getur farið víða, leik-
munir eru skrautlegir og litfagrir.
Búningar, brúður og leikmynd,
allt er það gert af litlum efnum en
ágætu hugviti og eru sviðs- og
hamskipti leyst á einfaldan og
snjallan máta. Sýningin er barns-
leg án þess að skjóta yfir markið,
gerir kröfur tií ímyndunarafls
áhorfenda og kemur þeim á óvart
í hugkvæmni sögunnar sem tengir
saman heim náttúru, ævintýra
tröllasagna og neysluveröld barn-
anna á mölinni. Hefur Ólafi tek-
ist einkar vel upp í þessum litla
ævintýraleik.
Sýningin leið hinsvegar nokk-
uð fyrir aðbúnaðinn í Gerðubergi
og þarf nauðsynlega dökkt bak-
tjald, svo leikmyndin njóti sín.
Hún er þokkalega leikin, Ólafía
og Emil eru kraftmikil í sínum
hlutverkum, en Alda mun
daufari.
Þannig hefur nú bæst við nýr
stuttur leikur fyrir yngstu kyn-
slóðina og mætti vel hugsa sér
hann í stærri umbúnaði og þá sem
hálfdrætting með öðrum stuttum
leikþætti fyrir börn. íslensk
barnaleikrit hafa þann einkenni-
lega sið að birtast einu sinni og
koma ekki aftur og er það miður.
Vonandi verða sýningar Litla
leikhússins á leikför um landið
vel sóttar því börnum og full-
orðnum er ágæt skemmtun að
sýningunni.
Emil Gunnar Guðmundsson leikari í hlutverki sínu í Regnbogastráknum eftir Ólaf Gunnarsson.
Föstudagur 14. júlí 1989 NÝTT HELGARBLAÐ - SÍÐA 9