Þjóðviljinn - 27.07.1989, Blaðsíða 5

Atvinnuleysi
Æ fleiri leita fjárhagsaðstoðar
Félagsmálastofnanir uppiskroppa með fé tilfjárhagsaðstoðar við einstaklinga. Samdóma álitað miklufleiri en áður leiti
á náðir félagsmálastofnana
Fimmtudagur 27. julí 1989 ÞJÓÐVILJINN - SÍÐA 5
Dropinn holar steininn
Félagsmálastofnanir í stærstu bæjum landsins sjá fram á að
þurfa að herja út aukafjárveitingu hjá bæjaryfirvöldum til að
geta veitt sívaxandi fjölda skjólstæðinga einhverja úrlausn.
Það er samdóma álit talsmanna
þeirra félagsmálastofnana sem
Þjóðviljinn ræddi við í gær, að
mun fleiri leiti nú aðstoðar vegna
fjárhagserfiðleika en undanfarin
ár. Ástæðurnar má að stærstum
hluta rekja til mikils samdráttar á
vinnumarkaði.
Reykjavík
Sveinn Ragnarsson, félags-
málastjóri Reykjavíkur: Höf-
um fengið aukafjárveitingu tii
að geta veitt sívaxandi fjölda
skjólstæðinga einhverja
lausn.
- Við höfum þegar fengið 48
miljóna króna aukafjárveitingu
frá borginni til að geta sinnt
auknum fjölda beiðna frá ein-
staklingum um fjárhagsaðstoð.
Við vitum ekki enn hvort þessi
aukafjárveiting kemur til með að
duga út árið, sagði Sveinn Ragn-
arsson, félagsmálastjóri Reykja-
víkurborgar.
Samkvæmt upplýsingum
Sveins fjölgaði skjólstæðingum
Félagsmálastofnunar fyrstu sex
mánuði ársins miðað við sama
tíma í fyrra úr 1291 í 1534, sem er
tæplega 19% aukning.
Hvað heildarupphæð veittrar
fjárhagsaðstoðar fyrstu sex mán-
uði ársins áhrærir, hefur Fél-
agsmálastofnun greitt út í ár rúm-
ar 100 miljónir króna, en á sama
tíma í fyrra 60 miljónir, sem er 67
prósent aukning milli ára.
Sveinn sagði fjárþurrð stofn-
unarinnar núna stafa öðrum
þræði af því að ekki hefði verið
tekið nægjanlegt tillit til verð-
lagsþróunar í fjárveitingum borg-
arinnar til stofnunarinnar. Hin-
um þræðinum mætti rekja aukna
fjárþörf til aukins fjölda skjól-
stæðinga - aukningar sem ekki
hefði verið hægt að sjá fyrir.
- Það er vel hægt að leiða get-
um að því af hverju þessi fjölgun
skjólstæðinga stofnunarinnar
stafar, sagði Sveinn. - Fyrir það
fyrsta er mun erfiðara ástand á
vinnumarkaði en um langt árabil
og í ofanálag hefur einnig orðið
kjararýrnun, svo sem vegna
minni aukavinnu, sem gerir það
að verkum að fólk á í erfiðleikum
með að láta enda ná saman.
Kópavogur
Bragi Guðbrandsson, fé-
lagsmálastjóri Kópavogi: 72
prósent af fjárhagsáætlun
þegar upp urin. Ef fram fer
sem horfir mun aðstoð við ein-
staklinga nær tvöfaldast mið-
að við áætlanir
- Síðustu mánuði hefur fjöldi
þeirra sem leitar til okkar vegna
fjárhagserfiðleika farið vaxandi -
því er ekki að leyna. Það er alveg
ljóst að atvinnuleysi er snar þátt-
ur í vanda mjög margra og þá
einkum þeirra sem teljast til sk.
jaðarhóps á vinnumarkaði. Fólks
með skerta starfsorkú í einni
mynd eða annarri og kvenna og
eldra fólks, sagði Bragi Guð-
brandsson, félagsmálastjóri Kóp-
avogs.
Bragi sagði að dæmi væru til
þess að fólk væri að missa húsn-
æði í kjölfar atvinnumissis.
- Vissulega ber alltaf eitthvað á
því, en erfitt er að segja nákvæm-
lega til um það hvort meira ber á
þessu nú en í annan tíma.
- Það er staðreynd að þegar
harðnar á dalnum í atvinnulegu
tilliti, lendir fólk í erfiðleikum
vegna húsnæðiskaupa sem og
með að standa í skilum með
greiðslur af húsaleigu.
Bragi sagðist ekki hafa hand-
bærar tölur um fjölda nýrra mála
það sem af væri af árinu. - Hins
vegar er ljóst að með hliðsjón af
þeim fjárveitingum sem við fáum
til fjárhagsaðstoðar er miklu
meira um úthlutanir núna en á
sama tíma í fyrra, sagði Bragi, en
Félagsmálastofnun Kópavogs
hefur þegar beðið bæjaryfirvöld
um aukafjárveitingu.
Bragi sagði að strax 1. júní sl.
hefði stofnunin verið búin að
nota ríflega 60 prósent af
heildarfjárveitingu ársins og 1.
þessa mánaðar hefðu 72 prósent
verið búin af fjárhagsáætlun, sem
væri óvanalega hátt hlutfall.
- Þetta segir okkur það að klár-
lega er um fjölgun að ræða, en
hver hún er nákvæmlega get ég
ekki að svo stöddu sagt til um.
Samkvæmt fjárhagsáætlun
fékk stofnunin 14 miljónir króna
til fjárhagsaðstoðar við einstak-
linga. Fyrstu sex mánuði ársins
Bragi Guðbrandsson, félagsmálastjóri í Kópavogi: Þvíerekki að leyna
að þeim hefur mikið fjölgað sem leita fjárhjagslegrar aðstoðar hjá
Félagsmálastofnun. Ástandi á vinnumarkaði helst um að kenna.
var búið að greiða út 10 miljónir.
- Ef fram fer sem horfir mun fjár-
hagsaðstoðin hátt í tvöfaldast
miðað við áætlun, sem bendir til
stórfelldrar fjölgunar, sagði
Bragi, - þannig að það er ljóst að
það eru jnun fleiri núna sem
þurfa aðstoðar við en áður.
Bragi sagði að fleira kæmi til en
atvinnuleysi sem stuðlaði að
þessari aukningu, s.s. minna
framboð yfirvinnu og samdráttur
í aukatekjum. - Einnig kemur
þarna til að viss kjararýrnum hef-
ur átt sér stað. Eg held að það
verði ekki litið fram hjá þeirri
staðreynd að fólki gengur verr en
áður að láta enda ná saman, sagði
Bragi.
Akureyri
Guðrún Sigurðardóttir, fé-
lagsráðgjafi: Þunginn en
meiri en venjulega. Meira
gengið en venjulega á það ráð-
stöfnunarfé sem við höfum til
fjárhagsaðstoðar við einstak-
linga. Verður metið hvort far-
ið verður fram á aukafjár-
veitingu
- Sú staða er reyndar hér líka
að félagsmálastofnun hefur
gengið meira á ráðstöfunarfé sem
ætlað er til fjárhagsaðstoðar við
einstaklinga heldur en reiknað
hafði verið með. Það var þegar
fyrirséð í vor að það ráðstöfu-
narfé sem stofnunin hefur til utn-
ráða til fjárhagsaðstoðar var
meira uppétið en venjulega,
sagði Guðrún Sigurðardóttir, fél-
agsráðgjafi hjá Félagsmálastofn-
un Akureyrarbæjar.
Guðrún sagði að yfirleitt drægi
úr veittri fjárhagsaðstoð yfir
sumartímann, þannig að ákveðið
hefði verið að bíða átekta fram í
ágúst og meta þá hvort fara þyrfti
fram á aukafjárveitingu í haust
svo hægt væri að sinna þeim
beiðnum sem stofnuninni bærust.
- Það er töluvert um það að
fólk leiti til okkar vegna erfið-
leika sökum atvinnumissis. Yfir-
leitt er ekki um það að ræða að
fólk hafi verið atvinnulaust mjög
lengi, sagði Guðrún.
Guðrún sagðist ekki hafa að
svo stöddu neinn samanburð við
fyrri tíma um fjölda þeirra sem
leituðu ásjár hjá stofnuninni
vegna fjárhagserfiðleika. - Hins
vegar er alveg ljóst að þunginn er
mun meiri núna en endranær,
sagði Guðrún.
-rk
Herra ritstjóri
Eftir atvikum þykir mér rétt að
fara fáeinum orðum um lítt
merka forsíðufrétt blaðs yðar nú í
morgun, þar sem fyrirsögnin er
með stóru letri og hljóðar þannig:
Staða SÍS-húsanna verri. í sjálfri
fréttinni, sem er með smærra
letri, er fullyrðing fyrirsagnarinn-
ar borin til baka af þeim eina
manni, sem leitað er upplýsinga
hjá, Jóhanni Antonssyni
stjórnarmanns í atvinnutrygg-
ingasjóði.
Hins vegar er fyrirsögning höfð
eftir ónefndum „áhrifamanni í
fiskvinnslunni". Blað yðar hefur
með öðrum orðum tekið að sér
að koma á framfæri einhverju
sem einhver, sem ekki vill láta
nafns síns getið, telur sér henta
að breiða út, og skiptir þá engu
hvort farið er með rétt mál eða
ekki.
í leiðara þessa sama eintaks af
blaði yðar stendur þetta: Þó er
eitt enn verra en sú þreyta (pólit-
ísk þreyta ríkisstjórnarinnar
ÁB.), en það er að gefast upp við
allt saman - því að það þýðir ekki
annað en að bent sé á Sjálfstæðis-
flokkinn að taka við“. I leiðaran-
um kemur fram að blaðinu þyki
það góður kostur að Sjáifstæðis-
flokkurinn taki við stjórnartaum-
unum, sá flokkur hafi ekki merki-
legri lausnir fram að færa, en
dafni hins vegar vel í skoðana-
könnunum.
Ekki verður lagður dómur á
það hvort betra sé að þessi eða
hinn fari með völdin hér á landi.
En ef Þjóðviljanum er kappsmál
að halda einhverjum frá völdum
ætti hann að tíðka önnur vinnu-
brögð en þau, sem hann hefur
stundað um langt skeið.
Skoðanakannanir endurspegla
viðhorf almennings til þess sem
spurt er um hverju sinni. Þegar
fjallað er um hæfni til að stjórna
er matið m.a. byggt á þeim upp-
lýsingum sem blað yðar veitir.
Fyrirsögnin sem hér hefur verið
fjallað um þjónar því engum til-
gangi öðrum en að vera framlag
blaðs yðar til góðs gengis Sjálf-
stæðisflokksins í skoðanakönn-
unum. Það hefur líka vafalítið
verið tilgangur hins ónefnda
„áhrifamanns í fiskvinnslunni“.
Virðingarfyllst,
f.h. Félags Sambandsfiskfram-
leiðenda
Arni Benediktsson