Þjóðviljinn - 02.08.1989, Blaðsíða 7

MENNING
Bjarni við fjórar af þeim svart hvítu: „ekkert tilviljanakennt við þetta". Mynd - Jim Smart.
Listasafn alþýðu
Alltaf með
myndavélina
Bjarni Jónsson: Megináherslan ásvarthvítar myndir oglitaðar
Bjarni Jónsson ljósmyndari
sýnir nú svarthvítar myndir,
handlitaðar og litmyndir í Lista-
safni alþýðu við Grensásveg.
Þetta er önnur Ijósmyndasýning
Bjarna, og segir hann áherslur
hjá sér nú vera allt aðrar en á
fyrri sýningu. - Þá var uppistað-
an litmyndir, en nú hef ég lagt
meiri áherslu á svarthvítar og
handlitaðar myndir.
- Eins og síðast er ég með tólf
litmyndir, sem eru hugsaðar sem
heild, en það eru blómamyndirn-
ar. Þær eru allar teknar á mjög
stóra filmu, 4x5 tommur, og
prentaðar á cibachrome pappír,
sem er stífgljáandi og skilar litn-
um mjög vel. Þær eru í rauninni
hugsaðar sem almanak, en á síð-
ustu sýningu var ég með tólf
fiskamyndir, sem ég seldi sem
almanak.
- Lituðu myndirnar eru svart
hvítar myndir sem ég lita með
venjulegum olíulitum til að fá
fram mýkri áhrif. Þá nudda ég
litnum ofan í myndina með bóm-
ullarhnoðra, en mála fínlegustu
atriðin með trélitum.
Er það tæknin sem þú notar í
uppstillingunum?
- Nei, í tveimur þeirra, þeim af
katlinum og flöskunum, nota ég
samkrullað plast utan af síga-
rettupakka fyrir framan linsuna.
Það má auðvitað nota sérstakar
linsur eða filtera til þess að ná
fram þessum mjúku áhrifum, en
það er alveg jafn auðvelt að gera
það til dæmis með plasti eða næl-
onsokk.
- Uppstillinguna af appelsín-
unum gerði ég á annan hátt; ég
smíðaði mér myndavél, sem var
eins og sú upprunalega. Það er
bara kassi, svartur að innan, á
öðrum endanum smá gat eins og
títuprjónshaus, og á hinum end-
anum útbúnaður til að koma
filmunni fyrir. Síðan lýsti ég
myndina í 24 tíma, og þetta er
árangurinn.
- Svart hvítu myndirnar hef ég
tekið þegar tími hefur gefist frá
vinnunni. Ég er með ljósmynda-
stofu, en er alltaf með myndavél
með mér í bílnum svo þessar
myndir eru flestar teknar á
morgnana, í hádeginu og á kvöld-
in. Það er samt ekkert tilviljana-
kennt við þær, yfirleitt hef ég
með mér bók eða eitthvað þar
sem ég skrifa hjá mér hvað ég ég
ætla að mynda og vel síðan film-
una og pappírinn í framhaldi af
því. Síðan ræður veður, birta og
annað því hvaða verkefni ég tek
fyrir, svo þetta hefur verið frekar
skipulagt hjá mér.
- Á ljósmyndastofunni tek ég
mest andlitsmyndir, aðallega af
börnum, og það er mjög gefandi,
en þetta veitir góða tilbreytingu.
Nú ertu með fjórar táknrænar
myndir, sem eru mjög ólíkar hin-
um. Er það eitthvað sem þú ert að
fara meira út í að gera?
- Nei, mér finnst táknrænar
myndir geta orðið mjög einhæfar
til lengdar. Þetta eru elstu mynd-
irnar, sem ég er með hérna og
tvær þeirra hef ég sýnt áður, á
sýningu sem var á Kjarvalsstöð-
um í tilefni að 20 ára afmæli IBM
á íslandi.
En hinar tvær? Hvaða aðferð
notarðu eiginlega í þessari sem
heitir Raðgreiðslur, vextir, verð-
bætur?
- Þetta er sellófan. Það er
bróðir minn sem situr fyrir, ég
vafði hann allan í sellófan og var
síðan að bíða eftir að hann yrði
hæfilega þrútinn og blár... Það er
líka hann sem ég myndaði með
tölvuskjáinn á höfðinu, og þá
varð hann allur rifinn á hálsinum
af skjánum, svo ég fæ hann aldrei
framar til að sitja fyrir hjá mér.
Hvernig stendur annars á þvf
að þú gerðst Ijósmyndari?
- Það er mjög einfalt. Faðir
minn er ljósmyndari og ég byrj-
aði að vinna með honum þegar ég
var eitthvað um þrettán ára. Ég
vann svo hjá honum á meðan ég
var í Iðnskólanum og fór síðan í
ár til Bandaríkjanna eftir að ég
lauk sveinsprófi. - Þegar maður
er að læra á stofu er alltaf hætt við
að námstíminn verði meira vinna
en lærdómur, svo ég held að ég
hafi lært jafn mikið eða jafnvel
meira í ljósmyndun á þessu eina
ári en ég gerði á öllum námstím-
anum fram að því.
Sýning Bjarna er opin daglega
kl. 14-21 og stendur til 13. ágúst.
LG
Magnús
Magnús Tómasson sýnir nú
verk sín í Sparisjóði Reykjavíkur
ÍSPRON
og nágrennis að Álfabakka 14
Breiðholti.
Magnús stundaði nám við
Konunglega listaháskólann í
Kaupmannahöfn 1963-69. Hann
hefur hlotið ýmis verðlaun fyrir
list sína, haldið fjölda einkasýn-
inga og tekið þátt í samsýningum
hér á landi og erlendis. Sýningin
er opin mánudaga til fimmtudaga
kl. 9:15-16, kl. 9:15-18 á föstu-
dögum og stendur til 1. septemb-
er.
Til kynna og söngs
Kammermúsíkkórinn frá Hallandi í Svíþjóð er nú í heimsókn hér á
landi og er tilgangur ferðarinnar að syngja fyrir ístendinga og hitta
íslenskt tónlistarfólk.
Kórinn heldur tónleika í Langholtskirkju í kvöld og hefjast þeir kl.
19. Á efnisskránni eru meðal annars lög eftir Scarlatti, Britten og
Vivaldi. Annað kvöld kemur kórinn fram í Norræna húsinu og syngur
þá á undan opnu húsi kl. 20.
Á laugardaginn syngur kórinn aftur í Norræna húsinu. Hefjast
tónleikarnir kl. 15 og verður efnisskrá þeirra fjölbreitt, svo sem lög
eftir Shearing, Ramel og Tegnér. Á sunnudaginn syngur kórinn síðan
við messu kl. 11 í Hallgrímskirkju.
Kórfélagar vilja gjarnan hitta íslenskt tónlistarfólk í fundarherbergi
Norræna hússins á föstudaginn kl. 12.
Vikuleg skipti í FIM
í FÍM- salnum, Garðastræti 6 stendur nú yfir sumarsýning á verkum
félagsmanna. Félagsmenn FÍM eru yfir 100 talsins og taka fjölmargir
þeirra þátt í sýningunni, en skipt er um upphengi vikulega.
Á sýningunni eru til sölu sýningarskrár og ýmsir bæklingar og einnig
liggja frammi til aflestrar gömul tímarit í eigu FÍM. Oll verkin á
sýningunni eru til sölu auk þess sem félagið rekur sölugallerí í kjallar-
anum. FÍM-salurinn er opinn virka daga kl. 13-18, og kl. 14-18 um
helgar, sýningin stendur til 15. ágúst.
Gítarleikur
Einar Kristján Einarsson gítarleikari leikur tónlist eftir Yocoh,
Ponce, Henze, Villa-Lobos og de Falla á tónleikum, sem hefjast kl. 18
á Kjarvalsstöðum á morgun.
Einar Kristján er fæddur á Akureyri og stundaði þar nám í píanóleik
viðTónlistarskólann, auk sjálfsnámsígítarleik. Hann hófgítarnám við
Tónskóla Sigursveins D. Kristinssonar 1977 og lauk þaðan prpfi fimm
árum seinna. Framhaldsnám stundaði hann í Manchester í Englandi á
árunum 1982-88 og starfar nú sem gítarkennari við Tónskóla Sigur-
sveins og Tónlistarskóla Kópavogs.
Úr Þingvallahrauni
Mynd ágústmánaðar í Listasafni íslands er Úr Þingvallahrauni, eftir
Finn Jónsson listmálara. Hér er um að ræða olíumálverk frá árinu
1953. Listamaðurinn og eiginkona hans, Guðný Elíasdóttir gáfu List-
asafninu málverkið árið 1985 og er það til sýnis í sal 2.
Leiðsögnin Mynd mánaðarins fer fram í fylgd sérfræðings á
fimmtudögum kl. 13:30-13.45 og er safnast saman í anddyri safnsins.
Leiðsögnin er ókeypis og öllum opin. Listasafnið er opið alla daga
nema mánudaga kl. 11-17 og er veitingastofa safnsins opin á sama
tíma.
Hundadagar ‘89
Hátíðin í
fullum gangi
Og þá er hún byrjuð listahátíð-
in, sem kennd er við Hundadaga.
Hún hófst á sunnudaginn með
hátíðarmcssu í Kristskirkju, en
Tónlistarfélag Kristskirkju
stendur að hátíðinni ásamt Al-
þýðuleikhúsinu og Listasafni Sig-
urjóns Ólafssonar. Formleg setn-
ing Hundadaga var síðan seinna
sama dag í Listasafni Sigurjóns og
var við sama tækifæri opnuð sýn-
ing á andlitsmyndum eftir Krist-
ján Davíðsson í safninu. Um
kvöldið var síðan frumsýning Al-
þýðuleikhússins á leikriti Shak-
espeares um Macbeth Skotakóng,
þann sem ekki má nefna á nafn í
leikhúsum. Önnur sýning á Mac-
beth verður í íslensku Operunni
annað kvöld, og næstu sýningar
5. ,7. og 10. ágúst.
Tveir þeirra listamanna sem
sýna verk sín í tilefni Hundadaga
tóku reyndar forskot á sælunni á
laugardaginn. Þá opnuðu þeir
Sigurður Örlygsson og Cheo
Cruz Ulloa frá Kólombíu mál-
verkasýningar í íslensku Óper-
unni. Verða verk þeirra til sýnis
þar til 15. ágúst, og sýningamar
opnar daglega kl. 14-18. Heldur
Cheo sýningu sýna á fjórán mál-
verkum unnum með blandaðri
tækni undir yfirskriftinni Goð-
saga og Trú.
David Tutt var með píanótón-
leika í Listasafni Sigurjóns í gær-
kvöldi, og hóf þar með tónleika-
röð hátíðarinnar, en átta tón-
leikar eru fyrirhugaðir á Hunda-
dögum.
Besti vinur ljóðsins verður
með fyrstu kynningu sína á nýja-
bruminu í ljóðum leikritun og lif-
andi myndum á miðvikudaginn
eftir viku, og verða þá kynntar
stuttmyndir. Af öðmm dag-
skrárliðum, sem hægt verður að
velja um eftir 9. ágúst má nefna
danskan gestaleik um H.C.
Andersen (fyrsta sýning 11.8),
píanótónleika Martins Berkof-
skys (13.8), og tónleika Miami
Stringquartet (15.8), og sýningar
á óperu Karólínu Éiríksdóttur,
sem hefjast 20. ágúst. lG
Miðvikudagur 2. ágúst 1989 ÞJÓÐVILJINN - SÍÐA 7