Þjóðviljinn - 02.08.1989, Blaðsíða 4

Þjóðviljinn - 02.08.1989, Blaðsíða 4
FERÐABLAÐ [ nágrenni við höfuðborgarsvæðið eru fjölmargar spennandi gönguleiðir. Myndin er tekin á leiðinni frá Brynjudal yfir að Hvalskarði Mér finnst rigningin góð Það er stundum eins og sunn- lendingum detti aldrei neitt ann- að í hug þegar það er rigning en að tala um hana og það í ákaflega neikvæðum mæðutón. Og hugsa svo til íbúa annarra landshluta með öfund og broddi af illkvittni því skilningsleysið gagnvart þess- ari ósanngjörnu misskiptingu veðurblíðunnar er algert. Ég legg til að fólk fari nú að vinna að því að breyta þessum viðbrögðum sínum gagnvart nátt- úruöflunum og mæti þeim með nýju hugarfari. í anda þess að “If you canf beat it, enjoy it“ eða guð gefi mér æðruleysi til að breyta því sem ég fæ breytt og sætta mig við það sem ekki verður haggað, og svo auðvitað vit til að sjá að veðrið er í hinum síðari hópi. Útivera í heilnæmu rigningar- lofti er ekki bara góð fyrir öndu- narfærin heldur líka ákaflega hressandi fyrir sálina í innivinn- andi borgarbúum og það þarf ekki að leita mjög langt til að finna hinar skemmtilegustu gönguleiðir. Hvalfjörður, sem fólki finnst svo leiðinlegt að aka um, hefur upp á fleira að bjóða en þennan dæmigerða söluskála sem er eins og allir aðrir söluskálar sem standa við þjóðveginn út um allt land. Leyndardómur fjarðarins felst í vel földu gljúfri inn í fjarð- arbotninum þar sem Glymur, hæsti foss landsins fellur. Það er alltaf gaman að berja augum fyrirbæri sem eru mesta eitthvað og það eykur enn á ánægjuna að það krefst svolítillar fyrirhafnar að komst upp gljúfrið og sjá fos- sinn. Gengið er frá bænum Stóra- botni sem er spölkorn innan við afleggjara á þjóðveginum sem liggur inn eftir Botnsdal. Þaðan er hægt að velja um fleiri en eina leið upp að fossinum eftir því hversu mikilli orku fólk kýs að eyða í gönguna. Áður en lagt er upp í þessa göngu, sem og allar aðrar gönguferðir í nágrenni höfuðborgarsvæðisins er tilvalið að verða sér út um leiðarvísi og kort af svæðinu sem er gefið út af SSH, Samtökum sveitarfélaga á höfuðborgarvæðinu. Þegar upp er komið er hægt að glápa á Glym ofan af syllu einni sem er eini staðurinn þar sem sést alveg niður gljúfrið. Fossinn er 198 metra hár en ekkert mjög vatnsmikill. Engu að síður hefur Glymur eins og allir aðrir góðir fossar undarleg áhrif á þann sem horfir í hann nokkra stund, svolí- till fiðringur í maganum, líklega lofthræðsla, og eitthvert óút- skýranlegt aðdráttarafl sem fær mann til að ímynda sér að það væri svo undurgott að Iáta sig falia fram af syllunni og fara í ferð niður með fossinum. Og ekki spillir fyrir ef einmitt á þessu augnabliki skellur á hraustleg rigningardemba því þá er alveg eins og maður sé kominn hálfa leið ofan í fossinn. Áður en ím- yndunaraflið hleypur með mann í gönur er þó vissara að færa sig örlítið fjær gljúfurbarminum og virða fyrir sér aðra náttúrufe- gurð. Mikið fuglalíf er í gljúfrinu, stór byggð fíla sem fljúga um ai- veg upp við nefið á manni. Það sakar ekki að taka með sér kíki til að skoða nánar heimilislíf þeirra á klettasyllunum. Skoðunarferð að Glymi er að- eins ein af fjölmörgum skemmti- legum gönguleiðum í nágrenni Reykjavíkur. Hér má kannski líka nefna göngu á Meðalfell við Meðalfellsvatn. Fjallið er 362 metrar þar sem það er hæst og stendur eitt stakt í miðri Kjós og hægt er að komast upp á fjallið að norðvestanverðu þar sem það er eins og stefni á skipi. Öllu auðveldari leið er þó frá hinum endanum, upp suðaustur hlíðina, skutinn. Upp á fjallinu er flatt og auðvelt yfirferðar og alveg ágætt útsýni yfir Kjós og út á Hvalfjörð. I raun þarf ekki einu sinni að fara út fyrir borgarmörkin til að finna ákjósanlegar gönguleiðir. Þrátt fyrir öran vöxt borgarinnar er enn óbyggt útivistarsvæði nán- ast endanna á milli frá austri til vesturs, um Elliðaárdalinn, Fos- svogsdalinn upp á Öskjuhlíð og inn í Nauthólsvík. Frá víkinni má svo ganga með sjónum vestur í Faxaskjól. Daglöng ganga í fallegu um- hverfi, íklæddur regnstakk og buxum með sjóhúfu á höfði og skótau á fótum, sem heldur tán- um þurrum og heitum, er upp- lifun sem allt of margir neita sér um. Og leggjast svo niður í vott grasið og skoða skýin og gapa upp í loft til að mæla rigninguna án þess að finna fyrir hinum minnsta öfundarvotti í garð norð- lendinga. Það er hinn fullkomni sigur sunnlendings í baráttunni við hina votu veðurtíð. 'Þ Viltu ferðast fara í frí? Hafðu samband við BSÍ l i Hring- og tímamiðar hvað er nú það? Já það er von að þú spyrjir, en þetta er alveg ótrúlega ódýr ferðamáti. Hugsið ykkur: Hringmiði á aðeins ki 8.000 - og þú getur ferðast á eins longum tíma og þú vilt allan „hringinri'. ÓTRÚLEGT. On tímarniðarnir! Ein vika á aðeins kr 9.400 ■ fyrir ótakmarkaðan akstur með sérlpvticbifreiðum. (Tvær vikur é 12.40C prjár vikur á 16.000ng fjórar vikur ? 17,900) En petta Kostar ekKi meira ei Kr. 640 á dag fyrir 4ja vikna ferðalag. ÓTRÚLEGT. Já HRINGMIÐI og TÍMAMIÐI eru svo sannarlega lykillinn aö ódýru og skemmtilegu ferðalagi um Island. Og fyrir þá sem leigja vilja HÓPFERÐABÍLA bjóöa BSÍ-HÓPFERÐABÍLAR uop á margar stæröir bíla til fjallaferða, sem taka frá 12 upp í 70 manns. I bílaflota okkar eru lúxusinn- réttaðir bílar meö myndbandstæki og sjónvarpi og öllu þar á milli. Láttu okkur gera tilboö sem þú getur ekki hafnað. BSÍ Hópferðabílar (g)SI Ferðaskrifstofa ÐSÍ Umíerðarmiðstöðinni Reykjavlk Símar 22300 - 25035 Umferðarmiðstöðinnl Reykjavlk Slmi 22300 625035 Litið inn ai Rœtt viðJón Grétar Kjartansson hótelstjóra á t Að Skógum undir Eyjafjöllum hefur verið starfrækt sumarhótel í ein 28 ár. Við forvitnuðumst að- eins um reksturinn er við eyddum þar nótt fyrir skömmu. Þrátt fyrir miklar annir og fullt hús gaf Jón Grétar hótelstjóri sér tíma til að spjalla aðeins við undirritaðar. Við inntum hann eftir því hve lengi hann hefði verið hótelstjóri og hvernig rekstri hót- elsins væri háttað. „Þetta er 9. sumarið mitt sem hótelstjóri hér að Skógum. Hót- elið er opið í um það bil tvo og hálfan mánuð á sumri, frá svona ca. 10. júní til ágústloka. Þá er farið að undirbúa opnun héraðs- skólans sem hér er starfræktur á veturna. Við hótelið starfa núna auk mín 14 manns og það er al- gjör regla hjá okkur að íbúar staðarins hafi forgang í vinnu við hótelið. Sú regla gildir reyndar alls staðar þar sem Edduhótel eru rekin. Það er því líka fengur fyrir heimamenn hevrs staðar að hafa slíkt hótel sem skapar atvinnu fyrir fólk yfir sumarið.“ Hverra þjóða eru gestirnir sem þið fáið helst? „Flestir eru Evrópubúar: Þjóð- verjar, Bretar, Frakkar, Norður- landabúar. En auðvitað fáum við ferðamenn úr öllum heimshorn- um. íslendingum fer fjölgandi jafnt og þétt, eru nú um 35% gesta. Þeir gera orðið meiri kröf- ur með auknum utanlandsferð- um og sækja í æ ríkari mæli inn á hótelin sem bjóða að sjálfsögðu uppá meiri þægindi en útilega í tjaldi. Verðið er líka hagstætt: 2ja manna herbergi kostar 2.900 kr. nóttin, eins manns herbergi kostar 2.200 kr. nóttin. Svo bjóð- um við líka uppá svefnpokapláss sem kostar 500 kr. í sal en 900 kr. í herbergi með vaski. Frá 10. ágúst erum við svo með tilboð og þá kostar nóttin 1.080 á manninn." Eru gestirnir að ferðast á eigin vegum eða í skipulögðum hóp- ferðum? „Yfirgnæfandi meirihluti er- lendra gesta kemur í hópum sem eru í skipulögðum ferðum á veg- um ferðaskrifstofu. Fólkið er þá oft að byrja eða enda hringferð um landið. En íslendingar eru að mestum hluta á eigin vegum og á eigin bíl. Gestirnir dvelja oftast eina nótt og skoða sig um í ná- grenninu hluta úr degi. Hvað skoðar fólk helst í ná- grenninu? „Það er auðvitað þetta sígilda náttúrufyrirbæri Skógafoss sem heillar jafnt erlenda sem inn- lenda gesti. Margir skoða líka Seljalandsfoss og langflestir skoða byggðasafnið hér á Skógum." Segðu okkur aðeins frá byggðasafninu. „Já, hann Þórður Tómasson safnvörður byrjaði smátt hér í kjallara skólahússins fyrir um 40 árum. Hann hefur síðan smám saman fært út kvíarnar og nú er safnið í nokkrum húsum og þykir mjög merkilegt fyrir margra hluta sakir. Þórður er líka hafsjór af þekkingu og segir stórkostlega frá. Það má enginn sem hér á leið um láta undir höfuð leggjast að skoða byggðasafnið." Hvað bjóðið þið svo fólki uppá að borða? „Á kvöldin erum við með hlað- borð með hinum ýmsu réttum s.s. margskonar sfldarréttum og öðr- um fiskréttum, brauði, græn- meti, kjötréttum og eftirréttum. Fólk borðar eins og það getur í sig látið og borgar fyrir það 1.390 kr. Það hefur verið okkur mikil ánægja að sjá hversu ánægt fólk er með þetta hlaðborð og við höf- um orðið áþreifanlega vör við að það hefur aukist að fólk komi hingað austur frá Reykjavík 4 SÍÐA - ÞJÓÐVILJINN

x

Þjóðviljinn

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Þjóðviljinn
https://timarit.is/publication/257

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.