Þjóðviljinn - 04.08.1989, Blaðsíða 9
FRETTIR
Söngur
þjóðanna
Heimskór æskunnar syngur í fyrsta skipti.
Níu íslensk ungmenni með í kórnum. Verk
eftir heimskunna höfunda frumflutt víða um
Evrópu
í morgun héldu níu íslensk ung-
menni utan til Svíþjóðar til að æfa
fyrir fyrstu tónleikaför
Heimskórs æskunnar. Kórinn
verður skipaður 120 ungum kór-
sðngvurum frá 20 löndum og eru
íslensku þátttakendurnir úr
nokkrum kórum framhaldsskól-
anna á höfuðborgarsvæðinu,
Hamrahlíðakórnum, Kór
Menntaskólans við sund og Fjöl-
brautaskólanum í Garðabæ. Á
tónleikaförinni mun Heimskór-
inn frumflytja verk eftir heims-
kunna höfunda, m.a. Mikis Theo-
dorakis, og Benny Andersson
fyrrum Abba meðlim.
Hópurinn kemur saman í Ar-
vika í Svíþjóð og verður þar á
æfingum í hálfan mánuð. Þá hefst
tveggja vikna tónleikaferðalag og
fara allir tónleikarnir fram undir
berum himni. Borgir eins og
Róm, Moskva, London, Ams-
derdam, París og Vínarborg
verða heimsóttar. Eitt af forvitni-
legri verkum Heimskórsins er
nýtt verk eftir Sven Ahlin sem
byggt er á ræðu Martins Luthers
King, „Ég á mér draum“. Einnig
verða flutt verk eftir Amold
Schönberg, John Rutter og
Norman Luboff. En stjórnandi
kórsins verður Eric Ericson, sem
er heimskunnur á sínu sviði.
Hann átti mikinn þátt í því að
Sænski útvarpskórinn var stofn-
aður á sínum tíma og stjórnaði
honum allt fram til 1982
Það eru alþjóðleg samtök
ungra tónlistarmanna sem standa
fyrir tónleikaferðinni. Samtök
þessi nefnast „Jeunesses Musica-
les“ og eru íslendingar ekki aðil-
ar að samtökunum. Samtökin
ákváðu þó að bjóða íslendingum
að senda þátttakendur og voru 12
söngvarar valdÍT eftir upptökum
af kasettum. Þrír hafa helst úr
lestinni þannig að utan fara 9
söngvarar.
Þeirra á meðal eru bræðumir
Ólfur og Þorbjörn Rúnarssynir.
Þeir syngja í Kór Fjölbrauta-
skólans í Garðabæ og eiga ekki
langt að sækja söngelskuna.
Móðir þeirra Guðfinna Dóra 01-
afsdóttir stjórnar skólakór
Garðabæjar og faðir þeirra Rún-
ar Einarsson syngur með Hljóm-
eyki. Þegar Nýtt Helgarblað leit
inn hjá bræðrunum í gærdag vom
þeir að undirbúa ferðina og áttu
von á hinum þátttakendunum á
fund. Þeir reyndust uppteknir við
undirbúning þannig að ekkert
varð að fundi. Aðspurður sagðist
Ólafur ekki vera orðinn spenntur
enn, þó ekki væri nema tæpur sól-
arhringur til brottfarar. Sagðist
nýhættur að vinna og væri ekki
búinn að átta sig á því að hann
væri að fara.
Eins og áður sagði er ísland
Bræðurnir Ólafur (t.v.) og Þorbjöm Rúnarssynir eru meðal þátttakenda í tónleikaferðalagi Heimskórs
æskunnar sem hefst um miðjan mánuðinn. Mynd: Jim Smart.
ekki aðili að þessum alþjóðasam-
tökum ungra tónlistarmanna,
þannig að okkar fólk þarf að
greiða flugfarið fram og til baka
til Oslóar, sem er fyrsti viðkomu-
staðurinn. Samtökin greiða ann-
an kostnað. Þessi staðreynd aftr-
ar samt ekki ungu söngvurunum
en þeir vona að beiðni um styrk
frá menntamálaráðuneytinu
verði vel tekið.
-hmp
Kertum fleytt á tjöminni
Á miðvikudagskvöldið kemur
gengst Samstarfshópur friðar-
hreyflnga fyrir kertafleytingu á
tjörninni í Reykjavfk, í tilefni þess
að um þessar mundir eru 44 ár
liðin frá því að Bandaríkjaher
varpaði kjarnorkusprengjum á
japönsku borginrar Hírósíma og
Nagasakí með þeim afleiðingum
að 200 þúsund manns létust í ár-
ásunum, en enn í dag þjást menn
og deyja af síðbúnum völdum
sprenginganna.
í ávarpi Samstarfshópsins segir
m.a. að því sé stundum haldið
fram að afvopnunarviðræður séu
einkamál fulltrúa stórveldanna
og komi ekki öðrum við. „Þetta
er rangt. Breytingar í friðarátt
verða fyrst og fremst vegna þrýst-
ings frá almenningi. Það er á okk-
ar ábyrgð, að veita íslenskum
stjórnmálamönnum aðhald og
brýna þá til að beita sér á alþjóða-
vettvangi fyrir friðlýsingu
Norður-Atlantshafs."
Þá segir í yfirlýsingunni: „Við
eigum okkur von. Vonina um að
kjarnorkuógninni verði bægt frá,
og komandi kynslóðir geti lifað
án þess ótta sem fylgt hefur
mannkyninu frá því að sprengj-
unum var varpað á Hírósíma og
Nagasakí. Vonina um að takast
megi að tryggja framtíð barna
okkar og barnabarna," en með
kertafleytingunni sé áhersla lögð
á þessa von.
-rk
Föstudagur 4. ágúst 1989aNYTT HELGARBLAÐ - SÍÐA 9