Þjóðviljinn - 04.08.1989, Blaðsíða 10
ALÞÝÐUBANDALAGIÐ
Vesturland
Sumarferð í Flatey
Sumarferð kjördæmisráðs Alþýðubandalagsins á Vesturlandi verður far-
in helgina 12. til 13. ágúst. Farið verður út í Flatey á Breiðafirði kl. 13 á
laugardag frá Stykkishólmi og tjaldað þar. Möguleiki á svefnpokaplássi.
Þátttaka tilkynnist til eftirtaldra aðila:
Akranesi: Þorbjörg s. 11608, Borgarnesi: Birna s. 71544, Grundarfirði:
Ingi Hans s. 86811, Hellissandi: Skúli s. 66619.
Stjórn kjördæmisráðs
Laust starf
Starfsmann vantar nú þegar við setningu í
Prentsmiðju Þjóðviljans.
Þarf að geta hafið störf sem fyrst. Reynsla við
textainnslátt nauðsynleg.
Upplýsingar ekki veittar í síma.
Umsækiendur hafi samband við prentsmiðju-
stjóra, Olaf Björnsson
þJÓÐVIUINN
Sjúkraþjálfarar
Á Höfn í Hornafirði er laus staða sjúkraþjálfara.
Allar upplýsingar gefur Ásmundur Gíslason,
Skjólgarði, símar 97-81118 og 97-81221.
Öldrunarfulltrúi
Félagsmálastofnun Kópavogs auglýsir stöðu
öldrunarfulltrúa lausa til umsóknar.
öldrunarfulltrúi hefurfaglega umsjón með öldr-
unarþjónustu t.a.m. félagsstarfi aldraðra,
heimilishjálp, húsnæðis- og vistunarmálum auk
ráðgjafar við aldraða og aðstandendur þeirra.
Umsækjendur þurfa að hafa lokið háskólaprófi
á sviði félagsráðgjafar, félagsfræða eða hjúkr-
unarfræði. Starfsreynsla í öldrunarmálum
æskileg.
Umsóknarfrestur er til 28. ágúst n.k. og liggja
umsóknareyðublöð frammi á Félagsmálastofn-
un, Digranesvegi 12. Nánari upplýsingar veitir
undirritaður í síma 45700.
Félagsmálastjóri
Launaskrifstofa
ríkisins
Nýtt símanúmer
Launaskrifstofa ríkisins fær nýtt símanúmer:
60 93 00
frá og með þriðjudeginum 8. ágúst n.k.
IÞROTTIR
ÞORFINNUR
ÓMARSSON
Vandi er um
slíkt að spá
íslandsmótið í knattspyrnu hefur sjaldan verið eins jafnt og í
ár enda virðast allir geta unnið alla að þessu sinni
I
slandsmótið í knattspyrnu hef-
ur varla nokkurn tíma verið
eins jafnt og spennandi og nú í
sumar. Nú þegar 12 umferðum er
lokið í 1. deild og hlé verður gert á
keppninni eiga sex lið enn ágæta
möguleika á að hreppa íslands-
meistaratitilinn eftirsótta. Það
sem er jafnvel enn merkilegra er
að ekkert þessara liða hefur leikið
nógu vel til að eiga meistaratitil-
inn virkilega skilinn. Hin fjögur
liðin berjast svo í einum hnapp
um að halda sæti sínu í deildinni.
Það gagnstæða er uppi á teningn-
um þar, því þessi fjögur lið eiga
lfkast til öll skilið að leika áfram í
1. deild. Tvö þeirra hafa hlotið 10
stig en hin tvö 11, en í fyrra hlutu
falÚiðin tvö aðeins 9 stig úr öllum
leikjunum 18!
Áður en lengra er haldið er rétt
að athuga stöðuna einsog hún er í dag:
FH .... 12 6 4 2 17-11 22
Fram .... 12 7 1 4 17-11 22
Valur .... 12 6 3 3 14-7 21
KA .... 12 5 5 2 18-12 20
KR .... 12 5 4 3 19-16 19
(A .... 12 5 2 5 13-15 17
Víkingur.... .... 12 2 5 5 17-17 11
Þór .... 12 2 5 5 12-18 11
(BK .... 12 2 4 6 12-19 10
Fylkir .... 12 3 1 8 11-24 10
Einokun
Fram og Vals
Síðustu fjögur ár hafa Fram og
Valur skipt meistaratitlinum á
milli sín og hljóta önnur lið að
vera orðin þyrst í titil. Keppnin í
1. deild var eiginlega eins ójöfn í
fyrra og hún er jöfn í ár. Eftir 12
umferðir höfðu Framarar nánast
tryggt sér sigur á mótinu en þá
höfðu þeir 11 stiga forskot á
næsta lið sem var Valur. Á botn-
inum var baráttan heldur meiri
en þar var Völsungur með 5 stig,
Leiftur með 7, Víkingur 9 og ÍBK
með 11 stig. Völsungur og Leiftur
féllu með 9 stig hvort félag.
En þarsem keppnin í fyrra var
mjög óvenjuleg hvað þetta varð-
ar er réttara að líta á árin þar á
undan og athuga hvernig staða
liðanna var þegar tveimur þriðju
hlutum mótsins var lokið einsog
nú.
Árið 1987 urðu Valsmenn ís-
landsmeistarar og höfðu þeir þá
forystu nánast allt mótið. Eftir 12
leiki hafði Valur náð 25 stigum en
á hæla þeirra komu KR og Þór
með 22 stig. í A hafði síðan 20 stig
og Fram 18, en Framarar höfn-
uðu í öðru sæti í mótslok. Á botn-
inum var baráttan jafnvel enn
meiri en nú. FH og Víðir höfðu
10 stig, ÍBK og Völsungur 12, og
KA 15. FH og Víðir féllu einmitt í
2. deild með 16 og 17 stig en Völs-
ungur hélt sér eftirminnilega í
deildinni á markahlutfalli.
Framarar höfðu fimm stiga for-
ystu eftir 12 umferðir árið 1986 og
stóðu uppi sem sigurvegarar í
mótslok. Fram hafði þá hlotið 29
stig, ÍBK var í öðru sæti! með 24,
Valur 23 en önnur lið voru alger-
lega útúr myndinni. Það merki-
lega var að Valur skaust á tíma-
bili upp fyrir Fram en að lokum
Verja Framarar titilinn í ár?
hlutu liðin jafn mörg stig og Fram
vann titilinn á markahlutfalli. Á
botninum hafði ÍBV aðeins 5 stig
en næst komu UBK með 11 stig,
Víðir með 12, FH 14, KR 15, Þór
17 og ÍA 18. UBK og ÍBV féllu
þetta árið.
Árið 1985 var sennilega það
skemmtilegasta hvað spennandi
keppni varðar. Fram hafði að 12
umferðum loknum hlotið 26 stig
eftir að hafa leitt mótið allan tím-
ann. Næstu lið voru KR með 24
stig, í A með 23 og Valur og Þór
með 22 stig hvort félag. Fyrir síð-
ustu umferð mótsins höfðu svo
Valur, Fram og í A öll möguleika
á sigri en svo fór að Valur vann
með 38 stig. Það merkilega var að
Fram féll niður í 4. sætið en Þór
náði 3. sætinu sem er besti árang-
ur félagsins frá upphafi. Á botn-
inum hafði Víkingur aðeins
hlotið 3 stig eftir 12 Ieiki, en næst
komu Víðir með 9 stig, Þróttur
með 10 og FH 13. Víkingur og
Þróttur féllu í 2. deild.
Margir
möguleikar
Eins og sjá má hefur efsta liðið
eftir 12 umferðir yfirleitt borið
sigur úr býtum en árið 1985 er
undantekning þar á. Þá hafa
fallliðin ávallt verið komin í sína
lokastöðu eftir 12 leiki nema árið
1985 þegar Víðir hélt sér í
deildinni eftir að hafa vermt
botnsætið lengst af móts.
Og hverjir verða þá ís-
landsmeistarar í ár? FH og Fram
eru nákvæmlega jöfn á toppnum
svo ekki er hægt að sjá margt útúr
því. í fljótu bragði virðist sem
Valur, KA og KR eigi einnig
góða möguleika en ÍA þarf að
bæta sig talsvert til að eiga séns.
FH-ingar hafa vissulega komið
allra liða mest á óvart í sumar.
Flestir reiknuðu jú með því að
liðið héldi sér í deildinni en að
vera á toppnum eftir 12 leiki er
nokkuð sem fáir sáu fyrir. Spurn-
ingin er bara hvort liðið sé í stakk
búið til að þola þá pressu sem
fylgir toppsætinu, en liðið virðist
geta unnið hvaða lið sem er.
Að þessu leyti er KA nokkuð
líkt FH. Liðið hefur unnið Fram
tvívegis auk þess að vinna sigur á
Val og KR en tapað þess í stað
gegn liðum sem ættu vera
auðveldari og gert fimm jafntefli.
Liðinu virðist því einnig skorta
þann stöðugleika sem þarf til að
sigra á mótinu, en það á eftir að
koma betur í Ijós.
íslandsmeistararnir í Fram
hafa verið brokkgengir í sumar.
Liðið hefur tapað fjórum
leikjum, tvívegis gegn KA og KR
og FH, en liðið hefur einnig unn-
ið allra liða mest, eða sjö leiki.
Framarar leika ámóta knatt-
spyrnu og áður, reyna að halda
knettinum sem mest, en oft er
sem áhugann skorti til að gera
hlutina nógu ákveðið.
Menn bjuggust einnig við Vals-
mönnum betri í sumar. Eftir allan
þann mannskap sem liðið fékk í
vetur mátti ætla að liðinu væru
flestir vegir færir en það fór á
annan veg. Athyglisverðast við
Val er hve illa liðinu gengur að
skora. í liðinu eru margir annál-
aðir markaskorarar en vamar-
menn eins og Sævar Jónsson hafa
þurft að leggja þeim lið á örlaga-
stundum.
KR-ingar halda enn í við efstu
liðin og gætu sett strik í reikning-
inn í næstu umferðum. Það verð-
ur þó að hafa í huga að liðinu
hefur ávallt gengið illa undir lok
mótsins og verður að vera kú-
vending þará til að liðið eigi
möguleika. Þeirra besti maður
fram eftir sumri, Pétur Péturs-
son, hefur verið meiddur að und-
anförnu en þegar hann mætir til
leiks styrkist liðið væntanlega. í
fyrra missti Pétur af átta leikjum
og vann KR engan þeirra!
Skagamenn eiga varla mögu-
leika úr þessu enda með ungt og
næsta óreynt lið. Á botninum er
ómögulegt að spá fyrir um fram-
vindu mála. Hvert stig vegur
þungt, sérstaklega í innbyrðis
viðureignum liðanna fjögurra og
verður frekari spá að bíða betri
tíma.
Línurnar í deildinni gætu tekið
að skýrast í næstu umferðum.
Næst verður leikið 11.-14. ágúst,
en þá leika Þór-ÍBK, KR-KA,
1A-Fylkir;- Víkingur-Valur og
Fram-FH. Þar á eftir verður svo
hinn klassíski, markalitli topp-
slagur þegar Valur og Fram mæt-
ast á Hlíðarenda. Valur hefur
ekki unnið Fram í deildinni í þrjú
ár og verður allt lagt undir hjá
báðum liðum að þessu sinni.
Þetta gæti reynst úrslitaieikur
mótsins í ár, eða verður það
kannski leikur KR og KA í 13.
umferð eða jafnvel leikur KR og
FH í 15. umferð? Allir á völlinn!
10 SÍÐA - NÝTT HELGARBLAÐ Föstudagur 4. ágúst 1989