Þjóðviljinn - 04.08.1989, Blaðsíða 28

Baráttukona á Evuklæðum
Sovéska leikkonan Natalía Negoda sló fyrst í gegn í hlutverki „Veru
litlu“ - næst á síðum karlaritisins Playboy sem „ungfrú glasnost“.
Kippi mér ekki upp við það þótt einhverjir hneykslist, segir Negoda
Sovéskum yfirvöldum þótti til
skamms tíma ekki við hæfi að í
listum væri minnst á berorðan
hátt á kynlíf og skyld mál. I hitteð-
fyrra brá þó svo kynlega við að
sovésk kvikmyndahús tóku til
sýninga myndina „Veru litlu“,
sem var fyrir skemmstu á dag-
skrá Sjónvarpsins, þar sem fjall-
að er á óvanalega hreinskilinn
hátt um rótleysi sovésks æsku-
fólks, kynslóðabil, áfengissýki,
skyndikynni og kynlíf. Þökk sé
„glasnost" eða opnunarstefnu
Gorbatsjovs. Svona eins og til að
bæta gráu ofan á svart birtist að-
alleikkonan, Natalía Negoda, á
hvíta tjaldinu í Evuklæðum einum
fata. Það var ekki sökum að
spyrja- myndin sló öll aðsóknar-
met og erlendir gagnrýnendur
hafa keppst við að klappa henni
lof í lófa.
Breskum kvikmyndahúsagest-
um gafst fyrir stuttu tækifæri til
að berja þessa umtöluðu mynd
augum. Af þessu tilefni hafði
breska blaðið Morning Star tal af
Natalíu sem nú er á góðri leið
með að verða stjarna hvíta tjalds-
ins.
- Eftir að töku myndarinnar
lauk komst sá kvittur á kreik að
hér væri um að ræða fyrstu sov-
ésku klámmyndina. það leiddi til
þess að myndin var sett á svartan
lista í eina sex mánuði og fékkst
ekki sýnd. Vitanlega get ég ekki
failist á það að myndin gefi tilefni
til ritskoðunar.
Myndin fjallar um æskufólk
sem finnst framtíðin vera ærið
óráðin. Nokkrar nektarsenur eru
í myndinni - og hvað með það?
Þrátt fyrir að sumir hlutar
myndarinnar væru full léttir á
bárunni fyrir smekk ritskoðara,
var hún að lokum tekin til sýn-
inga. Natalía segir það „glasnost"
að þakka. - Perestroika hefur
tvímælalaust leitt til þess að kvik-
myndaleikstjórar, allavega sumir
hverjir, gera raunsannari myndir
en áður. „Vera litla“ er reyndar
ennþá eina myndin þar sem
eitthvað ér komið inn á kynlíf.
Að sögn Natalíu gefur „Vera
litla“ all raunsanna mynd af sov-
ésku æskufólki í dag. Þótt ótrú-
legt kunni að virðast á Vestur-
löndum, segir hún, fengu Sovét-
menn smjörþefinn af hippum á
sínum tíma og hvers vegna fínnst
fólki ótrúverðugt að „pönkarar"
fyrirfinnist þar líka eins og sýnt er
myndinni.
Natalía er af leikhúsfólki kom-
in í báðar ættir. - Ég hugsa að þar
með hafi örlög mín verið ráðin.
Ég var mjög metnaðargjörn sem
barn og unglingur. Ég hef ailtaf
viljað baða mig í sviðsljósinu.
Það er minn veikleiki, segir hún,
en hún nam leiklist við leiklistar-
akademíuna í Moskvu. - Þar var
mér fyrst skipað að grenna mig.
Síðan kenndu þeir mér að tala
rétt mál, dans, listfræði og að ó-
gleymdum vísindalegum sósíal-
isma.
Natalía segist þess fullviss að
„perestroikan" hafi gert ieikur-
um og kvikmyndafólki lífið létt-
ara. - Núna fáum við að ferðast
mun óheftar en leyfilegt var áður
og að taka þátt í samstarfi við
erlenda kollega. „Perestroikan“
hefur þó ekki leyst öll heimsins
vandamál. Enn virðist hörgull á
góðum kvikmyndahandritum og
leikstjórum. Menn gera alltof
Natalia Negoda, kvikmyndaleik-
kona: Listamenn njóta forréttinda
og því er það samfélagsleg
skylda okkar að gefa sem raun-
sannasta mynd af samfélaginu,
bæði það sem betur og miður fer í
samfélaginu.
mikið af því að apa eftir því sem
vestrænt er.
Þrátt fyrir að Natalía sé í mikl-
um metum hjá sovéskum al-
menningi fyrir leik sinn í „Veru
litlu“ fannst mörgum hún ganga
heldur langt í að bera nekt sína
þegar hún birtist sem „Ungfrú
glasnost" í Bandaríska karlablað-
inu Playboy.
- Það hneykslaði suma, en
fyrir mér var það jafn eðlilegt að
leika hlutverk kynbombunnar
eins og hvert annað hlutverk sem
ég tek að mér.
- Ég er orðin hundleið á því
þegar vestrænir blaðamenn
spyrja mig að því hvort ég sé
„feministi“. Því svara ég ávalt á
þá lund: aldrei - ég hef ekkert út á
karlmenn að setja.
Á kvikmyndahátíðinni í Fen-
eyjum hlaut „Vera litla" verð-
laun gagnrýnenda. Natalía telur
að þar hafi ráðið mestu óvenju
hreinskilin lýsing á högum al-
múgafólks.
- Menn verða að horfast í augu
við það að áfengissýki, svarta-
markaðsbrask, eiturlyfjanotkun
er ekkert síður vandamál í Sovét-
ríkjunum en annarsstaðar.
- Eftir að áhrifa af stefnu Gor-
batsjovs tók að gæta fást menn til
að horfast í augu við þennan bitra
veruleika, sem birtist meðal ann-
ars í verkum listamanna.
Ég tel að listamenn og kvik-
myndagerðarfólk njóti ákveð-
inna forréttinda. Því hvflir á okk-
ur sú ábirgð að fjalla hiklaust um
hvers kyns mótsagnir í samfé-
laginu og að draga ekkert undan.
-rk
195 hrónur*
Það er varla til sá íslendingur, sem ekki
gleðst yfir símtali að heiman þegar
hann er erlendis.
Þegar þú hringir til vina og œttingja
erlendis fœrðu án efa að heyra hvað
veðrið er gott þarna úti, veitingahúsin
frábœrog nœturlífið eldfjörugt. Mundu
bara hvað það getur verið ánœgjulegt
fyrir þá að heyra hljQðið í gamla
landanum og nýjustu fiskisögurnar að
heiman.
Fjölskyldan getur skiþst á að tala og
fyrr en varir hafa allir ferðast til
útlanda á mun ódýrari hátt en með
þessum hefðbundnu leiðum.
Þá er ekki úr vegi að láta það fylgja með
að það sé góður siður, þegar maður
ferðast út fyrir landsteinantia, að
hringja reglulega heim og láta vita af
sér.
• Miðað við 3 mín. síintal. (Háð breytingum ágjaldskrá)
Verð á mín.
Norðurlöndin (að frátöldu Finnlandi) kr. 54
Finnland og Holland kr. 59
Bretland kr. 65
Frakkland, Spánn og V.-Þýskaland kr. 65
Grikkland, ítalía og Sovétríkin kr. 85
Bandaríkin kr. 103
** Breytist samkvœmt gjaldskrá
PÓSTUR OG SÍMI
Við spörum þér sporin
GOTT FÖLK/SÍA