Þjóðviljinn - 11.08.1989, Blaðsíða 2
SKAÐI SKRIFAR
Ég fæ skýrslu
um
skemmtanahald
Ekki skil ég hvers vegna verslunarmannahelgin er kölluð verslun-
armannahelgi. Ég veit ekki betur en allir hafi frí um þá helgi, nema hún
Jóna frænka mín sem vinnur í búð hérna á horninu og ef það er ekki
verslun þá veit ég ekki hvað ég heiti sjálfur.
En látum svo vera.
Mér finnst annars alltaf svo merkilegt hvað íslendingar eru ánægðir
með þessa helgi sína. Það var allt í lagi, segja þeir, bara svona fimmtíu
árekstrar. Það var allt í sómanum, segja þeir, bara tvær nauðganir.
Unglingarnir höguðu sér hlutfallslega vel, segja þeir, það voru bara
fjögur hundruð sem þurftu að binda um meiðsli sín. Margir þurftu þess
bara vegna þess að þeir fengu svona spark í andlitið, þeir hafa víst
eitthvað legið vel við sparki, krakkagreyin.
Ég er stundum að hugsa hvort þetta stafi ekki af því, að þessi mesta
ferðahelgi ársins er höfð til þess að menn gleymi hverjir þeir eru og
það finnst þeim svo stórkostlegt, að eftir á að hyggja hlýtur það að hafa
verið unaðslegt.
Maður getur ekki verið þekktur fyrir að skemmta sér ekki.
Ég fór ekki neitt um helgina enda gamall orðinn og latur, en hann
Nonni litli frændi minn, sem er sextán ára, hann fékk lánaðan sumar-
bústaðinn sem við systkinin eigum saman fyrir austan fjall. Hann fór
þangað með félögum sínum, greyskinnið. Þetta er svona ungt og
leikur sér.
Það var ofsalega gaman frændi, sagði hann, þegar ég hitti hann í
gær. Fínir krakkar maður og stuð.
Það þykir mér vænt um að heyra Nonni, sagði ég. Og var enginn
fullur?
Ekkert að ráði, sagði hann. Við vorum bara með einn kassa.
Einn kassa af bjór? spurði ég.
Nei, sagði hann, af brennivíni. Maður er ekki alltaf að skemmta sér
úti í náttúrunni.
Og engin læti segirðu?
Ja, fyrst hljóp einhver andskotinn í hann Denna, einhver kraftadella,
svo hann sleit upp trén sem þið settuð niður í hitteðfyrra. Hann lætur
svona hann Denni.
Jæja, sagði ég. Og gerðist nokkuð fleira?
Nei, þetta var allt í lagi, sagði Nonni. Nema Stína varð eitthvað svo
hewí strax, þetta er hænuhaus maður. Hún bara dó.
Dó segirðu?
Já. Svo vildu þeir Baddi og Geiri og Gummi allir hópa hana í einu og
hún svona út úr heiminum. Það var ofsalega fyndið.
Ertu að segja að þeir hafi nauðgað stúlkunni drengur? spurði ég.
Nei eiginlega ekki, þeir gátu ekki komiö sér saman um það hver ætti
að byrja, sagöi Nonni. Svo þeir fóru bara að slást með allt útbyrðis og
svona.
Og þú hefur stillt til friðar? sagði ég.
Nei, hva maður, þetta var ofsafjör. Baddi sparkaði í kjammann á
Geira og hann skekktist eitthvað og Geiri beit hann í eyrað og svo
hjóluðu þeir báðir í Gumma og rotuðu hann með sjónvarpstækinu.
Skelltu því bara ofan á skallann á honum. Svaka blóðgusur út um allt,
ofsalega töff fílingur, skal ég segja þér.
Þurfti ekki að ná í lækni? spurði ég.
Nei, hva mar, þetta var ekkert, allt í lagi svoleiðis.
Og hvað svo? spurði ég.
Og hvað svo ? hváði Nonni.
Já, sagði ég.
Ja, svo fengum við okkur meira, þaö var nóg að drekka, ekkert
próblem með það. Og svo kom Denni með lamb sem hafði fest sig í
girðingunni þarna hjá ykkur, svo við skárum það og ætluðum að grilla
það.
Lifa á landsins gæðum semsagt, sagði ég.
Akkúrat, sagði Nonni.
Og bragðaðist lambið vel? spurði ég.
Ég veit það eiginlega ekki, sagði Nonni.
Hvernig stendur á því? spurði ég.
Ja það var svoleiðis, að þegar Gummi skvetti olíu á þessi djöfuls
grillkol, þá kom bara sprenging og hvellur og eldur út um allt. Það var
ofsasjó maður.
Eldur út um allt? hváði ég.
Já. Það kviknaði reyndar í sumarbústaðnum og hann brann svo við
urðum að sofa í svefnpokum úti. En að öðru leyti var allt ókei frændi,
bara næs.
RÓSA-
GARÐINUM
2 SÍÐA - NÝTT HELGARBLAÐ Föstudagur 11. ágúst 1989
OG ENGINN BAUÐ
FRAMSÓKNAR-
MADDÖMUNNI!
Fimm þúsund smokka hátíð í
Húnaveri.
Fyrírsögn í Tímanum.
HVE SÆL,
Ó HVE SÆL...
Þeir sem vilja veðja í veðhlaup-
um gera það með tölvunni sinni á
meðan þeir horfa á hlaupið í sjón-
varpinu. Þegar það er búið geta
þer látið tölvuna segja sér hvern-
ig staðan er á bankareikningnum
þeirra, hvort sem er á nóttu eða
degi.
Morgunblaöió.
FJÖR KENNIOSS
ELDURINN...
Þegar hér er komið sögu er far-
ið að hitna rækilega undir rassin-
um á framsóknarmaddömunni.
DV
LÁTUM HINA
DAUÐU GRAFA
SÍNA DAUÐU
Hercule Poirot sá frægi leyni-
lögreglumaður og lífsnautna-
maður, fær ekki frið til að sóla
bumbuna í Acapulco því hann
verður að komast að því hver
myrti prest. Dy
DRAMB
ERFALLINÆST
Jónas DV ritstjóri dottinn í
ærgildin.
Tíminn.
VANDAMÁLUM
FJÖLGARÆ
Ég get alveg tekið undir það að
það má gera átak í gluggamálum
og hurðamálum einnig. Ég full-
yrði það t.d. gjarnan að það sé
engin útihurð á íslandi sem opn-
ast inn sem heldur vatni á móti
suðaustanátt. .
Timmn
AFKOMENDUR
EGILSOG
SKARPHÉÐINS
LEGGJASTí
VÍKING
íslenskur tölvuvírus gerir usla í
útlöndum.
DV.
HINN ÍSLENSKI
GLEÐILEIKUR
Það var oft á tíðum spaugileg
sjón að sjá til fólks þar sem það
gekk að ánni til að bursta í sér
tennur og slökkva þorstann og
tók ekki eftir þeim sem stóð
skammt fyrir ofan hann á bakk-
anum og mé.
Tíminn.
ÞAÐ SKAL VANDA
SEMVELOG LENGI
SKALSTANDA
Lögreglustöð risin af rúðubrot-
um og óspektum.
, Tíminn.
SALFRÆÐINGAR
SOFNA
Á VERÐINUM
Laxinn var svo óhamingju-
samur í ánni að það varð að girða
fyrir ósinn til að hann kæmist
ekki út.
Pressan.