Þjóðviljinn - 18.08.1989, Blaðsíða 13

Þjóðviljinn - 18.08.1989, Blaðsíða 13
Úr myndskreytingu John Flaxman við Hinn guðdómlega gleðileik Dantes. ... ómuðu sætlega strengleikar himneskrar borgar Er himnaríki Gullborg dýrlegs f agnaðar eða það ástand að vera hjá Guði? Hvernig haf a trúmenn og fjendur kristindómsins lýst þessu eilífðarríki í aldanna rás? 97 af hundraði íslendinga eru ýmist mjög, nokkuð eða lítiisháttar trúaðir ef marka má upplýsingar í bók Erlendar Haraldssonar, „Þessaheims og annars". Samkvæmt sömu heimild telja 90 af hundraði landsmanna að „líf sé eftir þetta líf". Athyglisvert er að þriðjungur aðspurðra í könnuninni sem liggurtil grundvallar trúir á guð en ekki „guð kristinna manna." Og 44 af hundraði (slendingatelur fortilveru og endurholdgun ýmist mögulega, líklega eða vissa og 28 af hundraði sögðu „framhaldslíf á öðrum hnöttum" (Nýall Helga Pjet- urss) koma til greiná: Aðeins 9 af hundraði kváðust viss um tilvist djöfuls og helvítis. En engum sögum fer af al- mennum hugmyndum (slend- inga um himnaríki í bók þess- ari þótt allur obbinn sé sannfærður um „líf annars heims". Kannski erum við svona hlédrægirog háttvísir. þegar talið berst að æðstu óskadraumum eða þá að velmegunin er slík á íslandi og þjóðin svo jarðbundin að hún sjái eilífðina fyrir sérsem snurfusaða hérvist. En hvað um það, upprisa holdsins og eilíft líf eru kjarni kristindóms- ins og þeir sem ganga Kristi á hönd og breyta eftir honum safnafjársjóðum á himnum. En hverjireru þessirfjársjóðir og hverskonar ríki er himna- ríki? Kláravín, feiti og mergur með... „ „Hví leitið þér hins lifanda meðal dauðra? Hann er ekki hér, hann er upp risinn." Þannig mæltu „menn í leif t randi klæðum" við konurnar sem hugðust smyrja limlest lík Jesú Krists á morgni Páskadags, hermir Lúkasarguð- spjall. Upprisa Messíasar veitir trú- uðum fyrirheit um upprisu á efsta degi og himnavist. Hvernig Para- dís hefur staðið mönnum fyrir hugskotssjónum í aldanna rás hefur verið undir ýmsu komið og hafa einkahagir manna og hlut- skipti á hverjum tfma ráðið þar meiru en myndríkar lýsingar pré- dikara og skálda. Sigurður Nor- dal segjr í frægri ritdeilu við Björn Franzson að framtíðar- draumurinn um annað líf sé „.. .mótaður af óskum, vonum og áhugamálum höfundar síns. Ýmsum ósöngvísum mönnum mun fyrr og síðar hafa fundist vafasamt tilhlökkunarefni að eiga frá eilífð til eilífðar að búa við samfelldan sálmasöng í himnaríki. Öðrum hefur orðið á að hugsa, að þeim myndi leiðast iðjuleysið." En soltnir stritmenn geta hugs- að sér margt andstyggilegra en iðjuleysi og slíkir voru ófáir á dögum á öldinni átjándu. Þeir hafa hlýtt á páskaprédikuh meistara Jóns Vídalíns og kjarn- yrta lýsingu hans á sæluríkinu: „Því ætti kristinna manna líferni að vera eitt sífellt páskahald, þar til það fullkomnast í Guðs ríki eftir hans loforði og vér munum eilífar páskir með honum halda á landi lifandi manna, þar eð verða mun eilífur hvíldardagur og vér munum með föstu elskunnar bandi tengjast við hann, sem oss hefur svo heitt elskað, að hann dó fyrir oss rangláta, hver að er sjálf- ur upprisan og lífið." Jón Helgason yrkir um trúar- kveðskap íslendinga fyrr á öldum: „...yfirtak langt bak við ömurleik hungurs og sorgar/ ómuðu sætlega strengleíkar himneskrar borgar." En skyldi tónaflóð hafa verið það fyrsta sem mörlandanum kom í hug þegar móðuharðindi og afla- brestur voru að ganga af honum hungurdauðum? Er ekki lfklegra að hin fögru fyrirheit í sálmi séra Sigurðar Jónssonar hafi fært hon- um haldbetri huggun? „Útvöld- um Guðs svo gleðjist geð/ gestaboð mun tilreitt./Kláravín, feiti og mergur með/mun þar tií rétta veitt." ...afskíragulli Heilög ritning lýsir himnaríki á ýmsa lund, ss. brúðkaupsveislu eða gullborg. í Opinberunarbók lýsir Jóhannes hinni Nýju Jerú- salem: „Múr hénijar varbyggður af jaspis og boigtn af skíra gulli sem skært gler væri. Undirstöðu- steinar borgarmúrsins voru skreyttir alls konar gimstein- um.. .Og hliðin tólf voru tólf perl- ur, og hvert hlið úr einni perlu. Og stræti borgarinnar var af skíru gulli sem gagnsætt gler...Og borgin þarf ekki heldur sólar við Föstudagur 18. ágúst 1989 NÝTT HELGARBLAÐ - SÍÐA 13

x

Þjóðviljinn

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Þjóðviljinn
https://timarit.is/publication/257

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.