Þjóðviljinn - 30.08.1989, Blaðsíða 12
Hildur Finnsdóttir,
prófarkalesari:
Það gæti reynst nauðsynlegt ef
atvinnuleysið eykst. Hins vegar
held ég að slíkt stefndi geðheilsu
þjóðarinnar í hættu því hún er vön
því að vinna myrkranna á milli.
Þorgerður Sigurðardóttir,
meðferðarfulltrúi:
Ég get ekki séð að slíkt verði gert
á næstunni en hins vegar tel ég
fulla nauðsyn á að það verði gert.
Einar Guðmundsson,
trésmiður:
Það hafa allir gott af því að vinna
40 tíma á viku og engin þörf á að
minnka það. Hins vegar vinna
mjög margir 60 til 70 stunda vinn-
uviku og það er nú fulllangt.
Elvar Höjgaard,
nemi:
Með aukinni framleiðni ætti að
vera mögulegt að stytta vinnuvik-
una og það er það sem við ættum
að stefna að.
™ SPURNINGIN-
Telurðu möguleika á að
stytta vinnuvikuís-
lenskra launþega?
Ævar Friðriksson,
ökukennari:
Ég teldi það mjög æskilegt og
þróunin hlýtur að vera í átt til
styttri vinnuviku.
þlÓÐVIUINN
SÍMI 681333
Á KVÖLDIN
681348
SÍMFAX
681935
Frá fundi Sólarseturs h.f. þar sem nýju orlofsbréfin voru kynnt. Á myndinni eru Magnús Magnússon, Guðbjörg Garðarsdóttir, Gestur
Ólafsson, Sigríður Stefánsdóttir, Mr. Wood, Mr. og Mrs. Bigland. Mynd -Jim Smart
Fjárfesting
Arðurinn nýttur í oriofsdvöl
Sólarsetur h.f. hefursölu á hlutabréfum í breskri orlofshúsakeðju.
Verðtryggð fjárfesting-arðurinn er afnotaréttur affasteignum víða um heim
Veðurbarðir Islendingar ferðast mikið til annarra landa í leit að nota-
legri veðurskilyrðum í sumarfríinu. Kaup á orlofsbréfum er ein leið sem
getur gert slíkt ferðalag hagkvæmt.
Hlutafélagið Sólarsetur hefur
hafið sölu á orlofsbréfum frá
bresku orlofshúsakeðjunni Holi-
day Property Bond. Með því að
kaupa slík bréf getur fólk fjárfest
í fasteignum félagsins og arðurinn
af þeirri fjárfestingu eru árleg af-
not af orlofshúsum víða um heim
svo lengi sem fólk ó orlofsbréfin.
Einnig er hægt að fá arðinn
greiddan út sé þess óskað.
Lágmarksfjárfesting eru 1000
pund. Hvert pund veitir eiganda
bréfsins einn dvalarpunkt í þess-
ari orlofskeðju sem endurnýjast
ár frá ári. Dvöl í orlofshúsunum
kostar mismarga dvalarpunkta
sem fer eftir stærð og gerð hús -
næðis og á hvaða árstíma dvalið er.
Eignarhlut sinn geta eigendur
síðan innleyst á markaðsverði að
tveggja ára bindiskyldu lokinni.
Hjónin Sigurður Örn Sigurðs-
son og Linda Metúsalemsdóttir
keyptu sér orlofsbréf fyrir
tveimur árum fyrir 1500 pund og
dvöldu í sumarhúsi í Portúgal í
vor.
- Við vorum að velta því fyrir
okkur að kaupa hús á Spáni en
það dæmi reyndist allt of dýrt. Þá
rakst ég á auglýsingu í erlendu
tímariti um þessi orlofsbréf og
eftir nánari athugun fannst okkur
það henta mun betur. Það er
hægt að byrja með lítið fé og bæta
svo smámsaman við, sagði Sig-
urður Örn. Hann sagði að stærsti
kosturinn við þetta fyrirkomulag
væri sveigjaleikinn, það er hægt
að vera á ýmsum stöðum í
heiminufn, hvenær sem'er.
- Þetta er eiginlega í fyrsta
skipti sem ég fer í ferðalag þar
sem raunveruleikinn tekur
auglýsingamyndunum fram,
sagði Linda aðspurð um aðstöð-
una í Portúgal. Hún sagði að
þekkja hefði mátt hús þessarar
orlofshúskeðu úr meðal annarra
orlofshúsa, vegna þess hve vel
þeim væri við haldið.
Aðspurð um raunverulega
verðtryggingu bréfanna sögðust
Sigurður' og Linda ekki hafa
fylgst mjög náið með endursölu-
verðinu, enda væri ekki ætlunin
að selja bréfin.
- Mér finnst spennandi að
skipuleggja sumarfríið með þess-
um hætti og það er áreiðanlegt að
við eigum smásaman eftir að
kaupa fleiri bréf. Við höfum ver-
ið frekar upptekin við bam-
auppeldi undanfarin ár, en nú er
kominn tími til að fara að leggjast
í ferðalög, sagði Linda.
Orlofskeðja Holiday Property
Bond hóf starfsemi í Bretlandi
1981 og þar hafa verið seld 11
þúsund bréf og yfir 42 miljón
punda eru nú í orlofssjóðnum.
Sjóðurinn á fasteignir á Eng-
landi, Kýpur, Majorka, Spáni,
Kanaríeyjum, Florida, í Skot-
landi, Frakklandi, Austurríki og
Portúgal. Auk þess eru í bygg-
ingu hús á Ítalíu og Möltu sem
tekin verða í notkun næsta vor.
Stefna sjóðsins er að bjóða upp á
sem fjölbreytilegast val fyrir not-
endur bæði varðandi staðsetn-
ingu og gerð húsa. Völ er m.a. á
einbýlishúsum, alpakofum, herr-
agarði og íbúðum. Orlofsdvöl er
möguleg til sjávar eða sveita, í
þéttbýli eða dreifbýli, hvenær
ársins sem er. iþ