Þjóðviljinn - 31.08.1989, Blaðsíða 12
""SPURNINGIN"
Hvernig líst þér á hug-
myndirumaðskatt-
leggja fjármagnstekjur
fólks?
Hulda Valdimarsdóttir,
skrifstofumaður:
Mér líst ekki vel á þá hugmynd.
Það á að vera hægt að leggja til
hliðar fé án þess að verið sé að
skattleggja þann sparnað. Með
skattlagningu er verið að hegna
fólki fyrir að vinna mikið og spara.
Sigrún Egilsdóttir,
hjúkrunarfræðingur:
Mér líst vel á þessar hugmyndir.
Það á að skattleggja þennan
gróða eins og annan gróða í
þjóðfélaginu.
Einar Einarsson,
prentari:
Mér líst illa á þessa skattlagn-
ingu, nema kannski hjá þeim
sem eiga mjög mikið fé.
Ólafur Tryggvason,
stöðumælavörður:
Ég er andvígur þessum hug-
myndum, skattlagning er orðin
feikinóg nú þegar.
Þórir Halldórsson,
sjómaður:
llla, einu orði sagt.
blÓÐVIUINN
Pmmh irlnm ir Annct ÍOWO 1 /O tAli CA Amnn
Fimmtudagur 31. óflúst 1989 149. tölublað 54. örgangur
SÍMI 681333
Á KVÖLDIN
681348
SÍMFAX
681935
Sundlaugin hefur verið ónothæf í rúman mánuð. Myndir: Kristinn.
Sjálfsbjörg
„Nú er þörf
á stórátaki“
Sjálfsbjörg, landssambandfatlaðra 30 ára.
Landssöfnun í vœndum til að leysa úr
aðkallandi vandamálum
í ár eru 30 ár liðin frá því að
Sjálfsbjörg, landssamband fatl-
aðra var stofnað. Fyrir tilstuðlan
Sjálfsbjargar hefur gífurlega
margt áunnist í jafnréttisbaráttu
fatlaðra og má nefna þeirra
stærsta verkefni sem er Sjálfs-
bjargarhúsið í Hátúni 12.
Það hefur þó ekki gengið
þrautalaust að byggja það hús,
því þótt 23 ár séu Iiðin frá því að
bygging þess hófst, er ekki enn
hægt að segja að henni sé lokið.
Mörg verkefni eru enn óleyst, og
eitt hið alvarlegasta og brýnasta
er að koma upp brunaviðvörun-
arkerfi í húsinu. Á dvalarheimil-
inu búa nú 45 manns á þremur
hæðum og einungis 15 þeirra
gætu komist hjálparlaust úr rúm-
um sínum ef upp kæmi eldur. 2
starfsmenn þyrftu þá að koma
öllum hinum niður stiga hússins,
því ekki má nota lyfturnar ef
eldur kviknar.
Á afmælisári Sjálfsbjargar ætla
félagsmenn því að efna til stórá-
taks og safna peningum til að
ljúka því sem þarf í Sjálfsbjargar-
húsinu. Það er margt sem þarf að
gera, til dæmis að laga sundlaug
hússins sem er í lamasessi þessa
dagana og hefur verið í rúman
mánuð. Einnig hefur skort viðun-
andi félagsaðstöðu fyrir fatlaða,
en nú er verið að byggja rúmgóð-
an sal sem nota á til slíkrar að-
stöðu. Þó nokkuð þarf í viðbót til
að ljúka því verkefni.
í Sjálfsbjargarhúsinu fer fram
margvísleg starfsemi fyrir fatl-
aða. Þar er endurhæfingarstöð
þar sem um eitt þúsund manns
sækja endurhæfingu og þjálfun
árlega. Vinnu- og fönduraðstaða
er fyrir íbúa, sem sækja þangað
vinnu eftir hádegi. í félagsheimil-
inu fer mestöll starfsemi félags-
ins fram og þar er lítill samkom-
usalur, ferðaþjónusta fatlaðra er
til húsa í Sjálfsbjargarhúsinu og
einnig dagvist fatlaðra.
Dagvistin er sérstaklega ætluð
fólki sem býr eitt eða hefur ekki
aðstoð í heimahúsum. Hægt er að
koma kl. 8.30 og vera til kl.
16.30. Þar er stunduð handa-
vinna af ýmsu tagi, fólk fer í
sjúkraþjálfun, í sund, fer í léttar
æfingar og slökun, syngur saman
og horfir á sjónvarp. Dagvistin
leysir mikinn vanda fyrir stóran
hóp fólks, því hún dregur úr ein-
angrun þessa fólks og gefur því
kost á að komast að heiman, án
þess þó að slíta það úr tengslum
við ættingja og heimili.
Til að vekja athygli á barátt-
umálum Sjálfsbjargar og Iands-
söfnuninni, ætla fatlaðir að aka í
hjólastólum frá Akureyri til
Reykjavíkur og safna áheitum og
framlögum. Ekið verður frá Ak-
I þessum sal verður komið upp félagsstöðu fyrir fatlaða en hana hefur skort í
Sjálfsbjargarhúsinu.
ureyri 3. september kl. 14 og lagt
upp frá Ráðhústorginu. Síðan er
ráðgert að ökuþórarnir komi til
Reykjavíkur föstudaginn 8. sept-
ember um kl. 14.30, en sá dagur
verður aðalsöfnunardagurinn.
Sérstök móttaka verður á Lækj-
artorgi kl. 15.30 þennan dag og
þar verða margar óvæntar uppá-
komur. Klukkan 16-19 þennan
sama dag verður opið hús hjá
Sjálfsbjörg og allir eru boðnir
velkomnir.
Föstudaginn 8. september
verður sérstök dagskrá á Rás 2
frá kl. 9-16 og dagskrá í Ríkis-
sjónvarpinu um kvöldið þar sem
fólki gefst kostur á að hringja inn
í dagskrárnar og koma fram-
lögum til skila.
Þann 7. september mun koma
til landsins frægur handknatt-
leiksmaður, Joakim Deckarm frá
Þýskalandi. Joakim var talinn
einn fremsti handknattleiksmað-
ur heims hér fyrr á árum, en árið
1979 slasaðist hann í leik og vár í
dái í 131 dag. Hann hefur verið í
endurhæfingu í 10 ár, en telst í
dag fatlaður eða spastískur.
Hann mun koma og heimsækja
fatlaða hér á landi og gistir £ gest-
aíbúð í Sjálfsbjargarhúsinu.
í tilefni söfnunarátaksins verð-
ur efnt til sérstaks hjólastóladags
mánudaginn4. september og hef-
ur Sjálfsbjörg fengið til liðs við
sig Davíð Oddsson borgarstjóra.
Davíð ætlar að vera bundinn við
hjólastól í einn dag og aðstoða
þannig Sjálfsbjörg við að vekja
athygli á málefnum fatlaðra. Da-
víð verður sóttur klukkan 8 þenn-
an dag og mun væntanlega ferð-
ast með ferðaþjónustu fatlaðra.
ns.