Þjóðviljinn - 01.09.1989, Blaðsíða 5
• #
irnCTT TFI AnCFDTTTTTO
rUiM UL/Avjijr Kr> I I liv
Kjaramál
Öfriðareldar blossa upp
ASÍtelur ríkisstjórnina hafa svikið átta aftólfloforðum sem gefin voru sl. vor. Örn Friðriksson: Stjórnin hefur gengið
á bak orða sinna. Steingrímur Hermannsson: Flest atriðin háð samráði og verða efnd á nœstunni
Ríkisstjórnin hélj í gjer fundi
með aðilum ASI, VSI og VMS
vegna slæmrar stöðu þjóðarbús-
ins samkvæmt nýrri spá Þjóð-
hagsstofnunar og verðhækkana
sem urðu á nauðsynjavörum. Af
sama tilefni sendi ASI ríkisstjórn-
inni bréf þarsem spurt er hvort
stjórnin ætli að ganga á bak orða
sinna síðan í kjarasamningum
þann 30. aprQ sl. vor. Þar sagðist
ríkisstjórnin ætla að beita sér
fyrir tólf málum til að greiða fyrir
kjarasamningum. ASI telur átta
þeirra ekki enn hafa verið fram-
kvæmd og vill fá svör þar að lút-
andi.
- Við vonumst til að fá svör
fljótlega en þessi atriði hafa ekki
enn komið til framkvæmda og því
teljum við stjómina hafa gengið á
bak orða sinna. Um verðhækkan-
ir gat ríkisstjórnin lítið sagt svo
fljótlega eftir að þær komu til
framkvæmda. Það er hinsvegar
alveg ljóst að taki efnahagsstefna
ríkisstjórnarinnar ekki stakka-
skiptum mun blossa upp ófriðar-
eldur innan tíðar. Það verður
ekki endilega í formi skipulagðra
aðgerða af hálfu ASÍ en það er
víst að einhverjir aðilar muni
;rípa til róttækra aðgerða, sagði
rn Friðriksson varaforseti ASÍ í
gær.
Þau atriði sem um ræðir varða
atvinnuleysistryggingar, nefnd
sem skipa átti um atvinnumál,
verðlagsmál, skatta, vexti, líf-
eyrismál, fæðingarorlof og réttar-
stöðu starfsmanna vegna gjald-
þrots.
- Við áttum góðan fund með
öllum aðilum og voru það mjög
gagnlegir fundir, sagði Stein-
§
Fótbolti
Fimm
úrslitaleikir
Staðaníl. deildgœti
tekið að skýrast um
helgina
Fjórir leikir verða í 1. deild ís-
landsmótsins í knattspyrnu á
laugardag og einn á sunnudag.
Staðan í deildinni er nú jafnari en
nokkru sinni fyrr og geta úrslit
leikjanna um helgina skipt
sköpum í lokabaráttunni sem nú
fer í hönd.
Nú munar aðeins einu stigi á
efsta liðinu og því í fjórða sæti.
Að 15 umferðum loknum er KA í
efsta sæti með 27 stig en næst
koma KR, FH og Fram, öll með
26 stig. Önnur lið eiga varla
möguleika á titlinum úr þessu, en
Skaginn er með 23 stig, Valur 21,
Víkingur 17, Þór 15 og Fylkir og
ÍBK eru í fallsætunum með 13 og
11 stig.
Leikirnir á laugardag hefjast
allir kl. 14 en þá leika KA-Fylkir,
Valur-Þór, ÍBK-Víkingur og FH-
ÍA. Síðasti leikur umferðarinnar
verður kl. 20 á sunnudag þegar
Fram og KR eigast við á Laugar-
dalsvelli. Liðin léku um síðustu
helgi í bikarnum og sigraði Fram
þá nokkuð auðveldlega en nú
munu KR-ingar áreiðanlega ekki
láta sigurinn jafn auðveldlega af
hendi.
Einsog sjá má eru þetta allt
saman úrslitaleikir og geta línur
loks farið að skýrast eftir óvenju
jafnt og spennandi mót í sumar.
-þóm
grímur Hermannsson forsætis-
ráðherra í gær. — Sum þessara
mála hafa einfaldlega tekið lengri
tíma og eru flóknari en áætlað var
og því get ég alls ekki sagt að
ríkisstjómin hafi gengið á bak
orða sinna. Það er tam. verið að
reyna að ná pólitískri samstöðu
um virðisaukaskatt og þá mun at-
vinnumálanefndin taka til starfa
innan tíðar. Við verðum að at-
huga að flest þessara atriða
eru háð samráði og verða því
efnd á næstunni. En ég vona að
samstarfið við verkalýðsh-
reyfinguna verði gott á næstunni
þrátt fyrir aukinn samdrátt og
það er enginn ófriður í aðsigi af
okkar hálfu, sagði Steingrímur.
í gær hækkaði verð á nokkrum
nauðsynjavörum um 7-14%. Egg
í heildsölu hækkuðu um 7%,
kjúklingar um 5%, mjólk, ostur,
skyr, ýsa og sement um 11 %, Hit-
aveita Reykjavíkur um 12,5% og
rjómi og smjör um 14%. Aðrar
matvörur munu væntanlega
hækka um miðjan september.
Þá eru horfurnar ekki bjartar
samkvæmt nýrri spá Þjóðhags-
stofnunar sem gerir ráð fyrir á-
framhaldandi samdrætti. Verð-
bólga verður hærri á árinu en gert
var ráð fyrir, kaupmáttur heldur
áfram að rýrna og atvinnuleysi
mun aukast á næstunni. Búist er
við að yfir 3000 manns verði
atvinnulausir á mánuði árið 1990.
-þóm
Ólafur Ragnar Grímsson fjármálaráðherra afhendir Guðna Guðmundssyni rektor MR lykla að nýju
húsnæði skólans. Mynd: Jim Smart.
Menntaskólar
Húsnæði MR aukið
Fjármálaráðherra, Ólafur
Ragnar Grímsson, afhenti
Guðna Guðmundssyni rektor
Menntaskólans í Reykjavík lykl-
ana að húsi KFUM og KFUK við
Amtmannsstíg 2b í gær. Mennta-
skólinn hefur verið í miklu hús-
næðishraki undanfarin ár og mun
hagur skólans batna töluvert við
að fá þetta hús til afnota. Alls er
áætlað að um 200 nemendur geti
fengið kennslu á nýja staðnum í
8-10 kennslustofum.
Menntamálaráðuneytið og
fjármálaráðuneytið byrjuðu í vor
. að kanna möguleika á að útvega
MR viðbótarhúsnæði. Lengi var
einblínt á stóra fasteign í Þing-
holtsstræti en hún var talin verða
of dýr eftir nauðsynlegar
breytingar. Um síðustu mánaða-
mót hófust síðan samning-
aumleitanir við forystumenn
KFUM og KFUK um kaup á húsi
samtakanna við Amtmannsstíg
og þann 29. ágúst var skrifað
undir kaupsamning.
Ríkið kaupir húsið á 32
milljónir króna. Fyrir kaupin fór
fram könnun á því hvað nauðsyn-
legar breytingar á húsinu kæmu
til með að kosta. Kostnaðaráætl-
un liggur fyrir og er gert ráð fyrir
að breytingarnar kosti 15
milljónir króna. Gert verður við
húsið að utan, skipt um glugga og
gler og bárujámsklæðningu.
Einnig verður gerður gangur frá
húsinu yfir í aðalbyggingu MR.
KFUM eignaðist lóðina við
Amntmannsstíg 2b árið 1906 og
byggði húsið 1907. Húsið var
stækkað 1937 og bjó sr. Friðrik
Friðriksson leiðtogi KFUM lengi
í húsinu. Það skemmdist mikið í
bruna 1946 en var endurreist og
hefur hýst aðalbækistöðvar
KFUM og KFUK þar til nú.
-hmp
Jógúrt
Vilja sameinast
Mjólkursamlag Kaupfélags
Þingeyinga, sem m.a. fram-
leiðir Húsavíkurjógúrt, hefur
áhuga á að sameinast jóg-
úrtfyrirtækinu Baulu og fá jafn-
framt eignaraðild að fyrirtækinu.
Hlífar Karlsson mjólkurbústjóri,
sagði í samtali við Þjóðviljann að
þeir hefðu hug á þessu m.a. vegna
góðrar stöðu Baulu á markaðn-
um og nú ætti Baula í erfiðleikum
með sína starfsemi og því hefði
mjólkursamlagið boðið þeim að
flytja starfsemi sína norður.
Baula bíður nú afgreiðslu sinna
mála hjá Byggðastofnun, um að
stofnunin komi inn í fyrirtækið
með aukið hlutafé, og einnig hafa
Baulumenn staðið í samningavið-
ræðum við bændur fyrir austan
fjall um kaup á mjólk.
Aðspurður um undir hvaða
merki jógúrtið yrði selt ef til sam-
starfs kæmi, sagði Hlífar að þeir
hefðu hug á að nota nafn og
merki Baulu. „Við viljum auðvit-
að halda merki Baulu sem er
mjög vel kynnt á markaðnum,
það er náttúrlega eitt af því sem
við sjáum við þetta mál,“ sagði
Hlífar.
ns.
Stjórnarmyndun
Strandar á
matarskatti
Borgarar falla frá
kröfu um samgöngu-
ráðuneyti
Borgaraflokkurinn féll f gær
frá kröfu sinni um að flokkurinn
fái samgönguráðuneytið ef hann
á að ganga til liðs við ríkisstjórn-
ina. Hins vegar gerði hann kröfu
um að matarverð lækki meir en
ráð er fyrir gert í tilboði stjórnar-
innar.
Borgarar krefjast þess að mat-
arskatturinn lækki niður fyrir þau
15% sem tillögurnar gera ráð
fyrir. Einnig vilja þeir að fleiri
matvæli en kjöt, fiskur og ný-
mjólk verði á lægra þrepi virðis-
aukaskatts. Þeir eru hins vegar
búnir að sætta sig við að fá um-
hverfisráðuneytið þegar það
verður stofnað.
Borgurum barst stuðningur úr
óvæntri átt á ríkisstjórnarfundi í
gær. Guðmundur Bjarnason
heilbrigðisráðherra lagði til, með
tilvísun í tillögur frá Manneldis-
ráði, að kommatur, grænmeti,
kartöflur og ávextir yrðu í lægra
þrepi virðisaukaskattsins.
Erfitt er að meta líkurnar á því
hvort af stjórnarmyndun verður
með Borgaraflokki, en Júlíus
Sólnes formaður flokksins sagði í
gær að það myndi skýrast um
helgina. _ÞH
NÝTT HELGARBLAÐ - SÍÐA 5
ALÞYÐUBANDALAGIÐ
AB Kópavogi
Bæjarmálaráðsfundur
verður haldinn mánudaginn 4. september kl. 20.30 í Þinghóli, Hamraborg
11.
Dagskrá:
1. Starfið í vetur
2. önnur mál.
Stjórnin
Alþýðubandalag Héraðsmanna
Félagsfundur
Alþýðubandalag Héraðsmanna heldur fund í félags-
miðstöðinni Selási 9, Egilsstöðum mánudagskvöld-
ið 4. september kl. 20.30
Fundarefni:
1. Stjórnmálahorfur í haustbyrjun. Framsögu hef-
ur Hiörleifur Guttormsson.
2. Önnur mál.
Stjórnln
Alþýðubandalagið Neskaupstað
Félagsfundur
Alþýðubandalagið í Neskaupstað heldurfélagsfund í
Egilsbúð þriðjudaginn 5. september kl. 20.30
Fundarefni:
1. Stjórnmálahorfur í haustbyrjun. Framsögu hef-
ur Hjörleifur Guttormsson.
2. önnur mál.
Félagar fjölmennið
Stjórnln
■n , f
Hjörlelfur