Þjóðviljinn - 01.09.1989, Blaðsíða 8

Málgagn sósíalisma, þjóðfrelsis og verkalýðshreyflngar
Síðumúla 6, 108 Reykjavík
Útgefandi: Útgáfufélag Þjóðviljans
Ritstjóri: Árni Bergmann
Umsjónarmaður Nýs Helgarblaðs: SigurðurÁ. Friðþjófsson
Fréttastjóri: Lúðvík Geirsson
Útlit: Þröstur Haraldsson
Auglýsingastjóri: Olga Clausen
Framkvæmdastjóri: HallurPáll Jónsson
Afgreiðsla:® 68 13 33
Auglýsingadeild:©68 13 10-68 13 31
Verð: 140krónur
Byggðakvóti AB
Fiskveiðistefna Halldórs Ásgrímssonar beið alvarlegt
skipbrot nú í vikunni þegar heilt byggðarlag stóð allt í einu
frammi fyrir því að vera án veiðiheimilda. Atburðirnir á
Patreksfirði eru bein afleiðing stefnu sjávarútvegsráð-
herra við stjórnun fiskveiða og fleiri byggðarlaga bíða
sömu örlög ef ekki verður skipt um kúrs og hætt að binda
kvótann einvörðungu við skip einsog nú er gert.
Andstaðan við fiskveiðistefnuna hefur ætíð verið mikil
þegar hún hefur verið til umræðu á Alþingi og hefur sú
andstaða ekki einangrast við stjórnarandstöðu heldur
hafa menn miklu frekar tekið afstöðu í þessu máli eftir
landshlutum. Einkum hefur andstaðan verið mikil á Vest-
fjörðum því Vestfirðingar telja sig bera mjög skarðan hlut
frá borði.
Stjórnmálaflokkarnir hafa því fæstir getað mótað sér
stefnu í þessum málaflokki, einsog sést best núna hjá
Sjálfstæðisflokknum þegar hann birtir stefnuskrá sína í
atvinnumálum. í þeirri yfirlýsingu er ekki minnst einu orði
á stjórnun fiskveiða og skiptir þó fátt mál jafn miklu máli í
atvinnumálum þjóðarinnar.
Miðstjórn Alþýðubandalagsins samþykkti fyrir tæpum
tveimur árum fiskveiðistefnu flokksins. Sú stefna gengur
undir nafninu Byggðakvótastefnan og ef meirihluti hefði
fengist fyrir þeirri stefnu þegar fiskveiðistefnan var síðast
til umræðu á Alþingi fyrir tveimur árum, hefði atburðarás-
in á Patreksfirði orðið öll önnur en raun varð á.
í stað þess að rígbinda kvótann við skip gengur
byggðakvótastefnan út frá því að tveim þriðju hlutum
kvótans verði úthlutað til byggðarlaga en þriðjungi verði
úthlutað til skipanna. Þannig hefði meirihluti kvótans
haldist heima í héraði þrátt fyrir að Sigurey hefði verið
seld til Hafnarfjarðar. Það er svo spursmál hvort áhuginn
á því að kaupa skipið hefði verið jafn mikill ef aðeins
þriðjungur kvótans hefði fylgt því, þannig að allt eins má
gera ráð fyrir að Patreksfirðingar hefðu getað haldið
skipinu.
Það þarf að endurskoða fiskveiðistefnuna fyrir næstu
áramót og þeir atburðir sem nú hafa gerst hljóta að beina
augum ráðamanna að stefnu Alþýðubandalagsins í fisk-
veiðimálum. Fjármálaráðherra hefur þegar kynnt stefn-
una í ríkisstjórn og verður Alþýðubandalagið að fylgja því
fast eftir að tekið verði tillit til þess grundvallaratriðis að
meirihluti kvótans sé bundinn byggðarlögum, hvaða
skoðun sem hagsmunaaðilar í sjávarútvegi kunna að
hafa. Hagsmunir útgerðarinnar mega ekki einir ráða ferð-
inni einsog hingað til.
öll útfærsla fiskveiðistefnu Halldórs Ásgrímssonar er
brot á fyrstu grein laga um fiskveiðistjórnun en þar segir
að fiskstofnar á íslandsmiðum séu sameign íslensku
þjóðarinnar. Núverandi kvótakerfi býður hinsvegar upp á
brask með þessa sameign, brask sem getur lagt heilu
byggðarlögin í eyði. Því verður að breyta þegar ný lög um
stjórn fiskveiða verða samþykkt fyrir næstu áramót.
Aldrei aftur
(dag eru liðin fimmtíu ár frá því að seinni heimsstyrjöld-
in hófst með innrás Þjóðverja í Pólland. Það fyrsta sem
manni dettur í hug þegar þess er minnst er hversu ótrú-
lega stutt er síðan Evrópa var vígvöllur botnlausrar
grimmdar og brjálæðis. Við sem fædd erum eftir styrjöld-
ina eigum erfitt með að gera okkur þetta í hugarlund.
Hvaðan kom sú mannvonska sem reisti útrýmingarbúðir í
nágrannalöndum okkar? Hvernig stóð á því að fólk sem
af tilviljun fæddist sitt hvoru megin við tilbúin landamæri
barst á banaspjót? Hvernig fékk Hitler heila þjóð til að
framkvæma draum brjálæðingsins? Það verður fátt um
svör.k Eina svarið sem við eigum er að reyna að koma í
veg fyrir að sagan endurtaki sig. -Sáf
8 SÍÐA - NÝTT HELGARBLAÐ Föstudagur 1. september 1989
Það rignir í Reykjavík
Ekki ætla veðurguðirnir að leika við íbúa suð- ardag og skúrumi á sunnudag. Eins gott að
vesturhornsins þessa helgi frekar en flestar hafa regnhlífina tilbúna sé hún ekki þegar
aðrar helgar í sumar. Spáð er rigningu á laug- rignd niður. Mynd Jim Smart.