Þjóðviljinn - 08.09.1989, Blaðsíða 4

Sigurður við æfingar á Valbjarn-
arvelli í Laugardal kvöldið áður
en hann hélt til Barcelona.
Sigurður Einarsson spjót-
kastari hefur heldur betur ver-
ið í sviðsljósinu að undan-
förnu. Hann tók ásamt Einari
Vilhjálmssyni þátt í úrslita-
keppni stigamótanna í frjáls-
um íþróttum og hafnaði þar í
þriðja sæti. í kjölfar þessa
góða árangurs var Sigurður
valinn í Evrópuúrvalið sem
keppir við sjö önnur úrvalslið
heims í Barcelona á sunnu-
dag. Hvert lið velur aðeins
einn keppanda í hverri grein
og því er þetta mikill heiður
fyrir Sigurð, sem og okkur ís-
lendinga.
Hef sloppið
við meiðsli
En hvernig stendur á þessum
framúrskarandi góða árangri Sig-
urðar nú í sumar?
- Ég vil fyrst og fremst þakka
því að ég hef verið heill heilsu og
sloppið við meiðsli í sumar. Ýmis
meiðsli hafa verið að naga mig
annað slagið undanfarin ár en ég
hef verið blessunarlega laus við
þau í sumar. Ég hef verið mjög
nálægt þessum árangri í nokkum
tíma en til að ná hámarks getu er
mikilvægt að geta keppt nógu
mikið ómeiddur.
Sigurður verður 27 ára innan
tíðar en kastarar geta jafnan ver-
ið nokkuð lengi á toppnum í grein
sinni. Það er því líklegt að Sigurð-
ur eigi talsvert inni og eigi eftir að
bæta árangur sinn enn frekar.
Hvernig hefur hans íþróttaferli
verið háttað?
- Ég byrjaði að æfa spjótkast
þegar ég var 13 ára gamall. Þá var
ég náttúrlega í öllum íþrótta-
greinum en hætti þeim þegar ég
var 16 ára og einbeitti mér að
spjótinu. Þetta hefur verið mjög
mikil vinna allan tímann og má
segja að ég hafi verið í þessu 5-6
sinnum í viku í 13 ár. Síðustu sex
árin hef ég svo verið við æfingar í
Alabama í Bandaríkjunum og
reikna með að verða þar áfram
næstu árin. Ég er einnig í námi
við Háskólann í Alabama og legg
þar stund á neytendahagfræði.
Of mikið um-
stang fyrir ÓL
Það hefur vakið nokkra athygli
að íslenskir íþróttamenn virðast
eiga erfitt með að ná hámarks ár-
angri á stórmótum einsog Ólym-
píuleikum. Eru slíkar keppnir
eitthvað frábrugðar öðrum stór-
mótum?
- Já, ég verð að segja það.
Umstangið í kringum leikana er
margfalt meira og gerir það
íþróttamönnum erfiðara fyrir.
Við vorum td. komin til SeouL
viku áður en leikarnir hófust og
það tel ég að hafi verið mistök því
það verður að taka Ólympíuleika
einsog hverja aðra keppni. Þegar
við keppum á öðrum mótum
komum við venjulega ekki á stað-
inn fyrr en kvöldið áður en keppt
er og það virðist hafa góð áhrif.
Ef við tökum Svía sem dæmi þá
fóru þeir til Japan og skruppu síð-
an til Seoul rétt til að taka þátt í
hverju móti fyrir sig og þetta
gerðu Bandaríkjamenn einnig.
Hjá íslendingunum byggðist
hinsvegar mikil spenna á þessum
tíma og hafi íslensku íþrótta-
mennirnir bugast þegar til keppni
kom tel ég þetta vera höfuð á-
stæðuna fyrir því.
Lyfjamál hafa einnig verið í
brennidepli um allan heim síð-
ustu misseri. Hefur dregið úr lyfj-
anotkun íþróttamanna vegna
aukins eftirlits?
- Ég hef svo lítið orðið var við
lyfjanotkun í gegnum tíðina og
hef vitanlega aldrei tekið sjálfur
inn ólögleg lyf en mér sýnist sem
hún hafi minnkað eitthvað.
Lyfjaprófin eru orðin svo
fullkomin að það er hægt að rekja
lyfjanotkun marga mánuði aftur í.
Sigurður Einarsson er nú í hópi allra bestu spjótkastara heims. Hann
varð þriðji í úrslitum stigamótanna og verður fulltrúi Evrópu á heimsleikunum
Það verður að segjast einsog er
að þú hefur staðið í skugga Einars
Vilhjálmssonar í gegnum tíðina.
Hvernig er ykkar samskiptum
háttað?
- Við Einar eru fyrst og fremst
góðir félagar og þannig verður
það vonandi áfram. En við erum
jafnframt keppinautar sem
gleymist heldur aldrei. Við verð-
um keppinautar svo lengi sem við
stöndum í þessu af fullum krafti.
Dýrt sport
Og hve lengi ætlar þú að kasta
spjóti?
- Ég hef nú ekki hugsað út í
það af neinni alvöru. Maður
verður í þessu svo lengi sem mað-
ur hefur gaman af þessu en það
. spilar svo margt þar inní, ss. fjöl-
skyldan og fjárhagur. Það getur
verið mjög dýrt að keppa á svo
mörgum mótum og víst er að
maður verður ekki miljóneri af
því að kasta spjóti. Á alþjóð-
legum mótum einsog stigamótun-
um standa mótshaldarar að hluta
straum af ferðakostnaði kepp-
enda. Það hefur hinsvegar brunn-
ið við að menn sem eru tæpast
gjaldgengir á slík mót þurfi að
borga allan ferðakostnað úr eigin
vasa. Ég kom td. seint inní þessi
mót í sumar og varð að keppa á
sem flestum mótum. Þá gátu
mótshaldarar neitað mér um
greiðslu því þeir vissu að ég yrði
samt að taka þátt.
Nú hefur árangur þinn í sumar
verið mjög jafn og fremur lítið
um stutt eða mjög löng köst. Set-
ur þú þér eitthvert markmið í
metrum talið?
- Nei, ég hugsa ekki í tölum
enda tel ég það ekki réttu leiðina
að góðum árangri. Finnar sem
ávallt ná góðum árangri á stór-
mótum segjast tam. ekki byggja
sig upp á þann hátt. Ég átti eitt
sinn tal við þá í Finnlandi og þar
ræddum við sálfræðina sem liggur
að baki keppni í spjótkasti. Hug-
arfar þeirra byggist á svokölluðu
„tunnel-vision" sem er kannski
dálítið erfitt að útskýra. Þá finnst
spjótkastaranum hann vera í
göngum og svo horfir hann á eftir
spjótinu út göngin.
- Getum við þá kannski lært
meira af erlendum þjóðum á sviði
sálfræðinnar heldur en tækni-
legrar þjálfunar í framtíðinni?
- Já, alveg tvímælalaust. Við
verðum ávallt að fylgjast með því
hvernig aðrir haga sínum sál-
fræðilega undirbúningi og reyna
að temja okkur það nýjasta í
þeim fræðum. Við höfum, ég og
Stefán Jóhannsson þjálfari minn,
reynt að leggja áherslu á þennan
þátt við keppni, en það vill oft
gleymast.
En nú er sumsé árangursríku
keppnistímabili hjá þér að ljúka?
- Já, í þessum mánuði tek ég
þátt í mínum síðustu mótum í ár.
Á sunnudag tek ég fyrir hönd
Evrópu þátt í heimsbikarmótinu í
Barcelona þarsem átta úrvalslið
frá öllum heimshornum taka
þátt. Þetta er auðvitað mikill
heiður fyrir mig en verður einnig
mjög erfitt. Síðan hefur mér ver-
ið boðið til að taka þátt í móti í
Japan 16. september og verður
það líklega síðasta keppni mín í
sumar. Svo er bara að koma
sterkur upp næsta sumar.
-þóm
tímann. Það eru ótrúlega mörg
efni á þessum bannlistum og sem
dæmi má nefna að á Ólympíu-
leikjunum í Los Angeles árið
1984 þurftu íþróttamenn að vara
sig á tei sem boðið var uppá á
staðnum. í því var efni á bann-
lista!
„Við verðum að taka Ólympíuleikana einsog hverja aðra keppni."
Myndir-þóm.
4 SÍÐA — NÝTT HELGARBLAÐ Föstudagur 8. september 1989