Þjóðviljinn - 24.10.1989, Blaðsíða 6

ERLENDAR FRÉTTIR
Loksins friður?
Líbanon
Kúrdar vega hermenn
Fjórir tyrkneskir hermenn féllu um helgina í bardögum við kúr-
dneska skæruliða í Hakkarihéraði, ekki langt norðan landamæra Tyrk-
lands og íraks, að sögn tyrkneskra yfirvalda. Skærur eru sagðar halda
áfram á þessum slóðum. Skæruliðar þeir sem hér um ræðir eru sagðir
vera liðsmenn Kúrdneska verkamannaflokksins (PKK), sem hefur
róttæka vinstristefnu. Svo hefur verið að heyra á fréttum að undan-
förnu að sá flokkur hafi sig nú frammi í vaxandi mæli í tyrkneska
Kúrdistan.
Kontrar enn að
18 níkaragvanskir hermenn féllu og sjö særðust á laugardag í viður-
eign við kontraliða í fjallahéruðunum í norðvesturhluta Níkaragva.
Gerðu kontrar fyrirsát hermönnum, sem voru á leið á vörubílum til að
láta bóka sig á kjörskrá. Samkvæmt friðarsáttmála Mið-
Ameríkuforsta, gerðum í ágúst, á að leysa upp kontraliðið í Hondúras
fyrir 8. des. n.k., en margir kontra hafa brugðist illa við því. Bendir
ýmislegt til að þeir hyggist nú auka hernað gegn Níkaragvastjórn í von
um að það leiði til þess að friðarsáttmálinn verði til einskis.
Yfir 130 fórust i flugslysi
Yfir 130 manns létu lífið á laugardag er hondúrönsk farþegaflugvél
af gerðinni Boeing 727 rakst utan í hlíð er hún var í aðflugi til lendingar
áflugvellinum viðTegucigalpa, höfuðborgHondúras. Erþettamanns-
kæðasta flugslys í sögu þess lands. 15 komust af, þar af fjórir áhafnar-
menn. Vélin var í flugi frá Kostaríku. Af þeim sem fórust voru flestir
frá Níkaragva, eða um 60, en aðrir sem létu lífið voru frá Argentínu,
Bandaríkjunum, Belgíu, Bólivíu, Bretlandi, Chile, Finnlandi, Frakk-
landi, Hollandi, Hondúras, Kostaríku, Sovétríkjunum, Spáni, Svíþjóð
og Tékkóslóvakíu.
Drukku blóð«g myrtu mann
Fjórar rúmlega tvítugar konur í Brisbane í Ástralíu hafa játað á sig
morð á Edward Baldock, 47 ára gömlum borgarstarfsmanni, á s.l.
föstudagsnótt. Tældu þær hann upp í bíl til sfn og óku með hann inn í
almenningsgarð, þar sem ein manneskjan stakk Baldock 14 stungum
og afhöfðaði hann næstum meðan hinar héldu honum niðri. Stúlkurn-
ar drukku blóð áður en þær hófust handa við verknað þennan, sem
ntun hafa átt að vera einskonar blót. Þær reyndust hafa mikinn áhuga á
kirkjugörðum, því að myndir þaðan fundust í íbúð einnar þeirra og þar
að auki legsteinn. Stúlkurnar hafa allar játað á sig glæpinn. Lögreglan
segir þær allar vera lesbíur.
Samkomulag á þingmannaráðstefnu í Taif, en
Aounfordœmirþað. Ekkertfastákveðið um
brottför Sýrlandshers
Sýrlandsher. Gert er ráð fyrir að
hann færi sig til austurhluta
landsins á næstu tveimur árum
eftir að umsamdar breytingar í
stjórn landsins hafa verið fram-
kvæmdar, og síðan skuli stjórnir
Sýrlands og Líbanons í samein-
ingu ákveða hvernig hersveitum
þessumskuli ráðstafað. Sýrlands-
stjórn afsegir fyrir sitt leyti að
kalla sitt lið frá Líbanon meðan
ísraelskar hersveitir séu syðst í
landinu, og ólíklegt er að ísraelar
kveðji á brott sitt lið þaðan með-
an þeir eiga á hættu árásir frá Pal-
estínumönnum og Líbanons-
sjítum.
Kristnir Líbanonsþingmenn
krefjast skriflegs fyrirheits um að
Sýrlandsher fari úr landi þeirra
um síðir, en Michel Aoun, her-
stjóri þeirra og stjórnarformað-
ur, krefst þess að Sýrlendingar
fari þegar í stað og virtist í gær
ráðinn að hafa samkomulagið að
engu, nema því aðeins farið yrði
að kröfu hans. Walid Jumblatt,
leiðtogi Drúsa, sem hart hafa
barist með Sýrlendingum gegn
Aoun, finnst hinsvegar að of
langt hafi verið gengið til móts
við kristna menn og Amalsjítar
undir forustu Nabih Berri virðast
sama sinnis.
Reuter/-dþ.
Frá stríðinu í Líbanon, sem staðið hefur í 14 ár- friðarvonir eru þessa stundina með meira móti, veikar þó.
Vissar líkur eru nú á því að
friður sé loksins að komast á í
því stríðshrjáða landi Líbanon,
harla takmarkaðar þó. Fulltrúar
á Líbanonsþingi, sem undanfarn-
ar þrjár vikur hafa setið á rök-
stólum í Taif í Saúdi-Arabíu,
samþykktu um helgina tillögu frá
Arababandalaginu þess efnis, að
friður skuli gerður með þeim
kostum að hlutdeild múslíma í
stjórn Líbanons sé aukin og Sýr-
lendingar dragi úr hersetu sinni
þar.
Ýmislegt er þó óljóst í samn-
ingi þessum, einkum viðvíkjandi
A ustur-Þýskaland
Óháð verkalýðsfélag stofnað
Forseti alþýðusambands segirþað verða að láta afundirgefni við valdhafa
Verkamenn við Wihelm Pieck-
iðjuverið í Teltow, einni af út-
borgum Austur-Berlínar, sendu í
gær frá sér yfirlýsingu þess efnis
að þeir væru að stofna verka-
lýðsfélag óháð stjórnvöldum. Er
þetta fy rsta félagið af því tagi þar-
lendis.
Hingað til hefur kveðið mest
að menntamönnum og skólafólki
í mótmælahreyfingunni í Austur-
Þýskalandi, en þátttaka verka-
manna í henni hefur verið tiltölu-
lega lítil. Ekki er vitað hve margir
starfsmanna iðjuversins standa
að stofnun félagsins, en talsmað-
ur þess segir að í sumum deildum
hafí allir starfsmennirnir ákveðið
að ganga úr verkalýðsfélögum á
vegum hins opinbera. Nýja fé-
lagið nefnist Umbætur.
Harry Tisch, forseti hins opin-
bera verkalýðssambands lands-
ins, sagði um helgina að verka-
Iýðsfélögin í sambandinu yrðu að
gera sig óháðari gagnvart stjórn-
um fyrirtækjanna og ríkisflokkn-
um. Fjölmiðlar landsins, sem
undanfarið hafa gerst opnari fyrir
gagnrýni, hafa síðustu dagana
sagt frá óánægju verkamanna
með launakjör, skort á vörum í
háum gæðaflokkum og úreltan
tækjabúnað.
Verkamenn þeir, sem standa
að stofnun óháða verkalýðsfé-
lagsins, krefjast verkfalls- og
mótmælaréttar, frjálsra fjöl-
miðla, að hömlur á ferðum er-
lendis séu afnumdar og að sérr-
éttindi embættismanna og flokks-
gæðinga séu numin úr gildi. Eru
þetta svipaðar kröfur og verka-
menn í Gdansk í Póllandi lögðu
fram 1980 er stofnun Samstöðu
fór í hönd. í Wilhelm Pieck-
iðjuverinu eru framleiddar vélar
og rafeindavarningur.
Tugþúsundir manna fóru á
föstudag í göngu um Dresden,
báru kertaljós og kröfðust um-
bóta. Gangan fór að öllu leyti
friðsamlega fram og lögregla
hafði sig ekki í frammi. Yfir
120,000 Austur-Þjóðverjar hafa
flust eða flúið til Vestur-
Þýskalands það sem af er árinu,
og eru þetta mestu fólksflutning-
ar frá þýska austurríkinu til vest-
urríkisins frá því áður en Berlín-
armúr var hlaðinn.
Reuter/-dþ.
ranir sem sækja um leyfi til dvalar í Vestur-Þýskalandi - innflytjendastraumurinn er vatn á myllu Lýðveldis-
Baden- Wurttemberg
Sigur Lýöveldisflokks
Orsakir: óánœgja útafatvinnuleysi, innflutningi fólks ogþó einkum
Byggðarstjórnakosningar fóru
á sunnudag fram í vestur-
þýska fylkinu Baden-Wúrttem-
berg og í gær bentu tölur til þess
að hinn hægriöfgasinnaði óá-
nægjuflokkur Lýðveldisflokkur-
inn hefði unnið verulegan sigur á
kostnað flokks kristilegra dem-
ókrata, sem stjórnar þar í fylki. í
Stuttgart, höfuðborg fylkisins,
voru líkur á að Lýðveldisflokkur-
inn fengi 9,6 af hundraði atkvæða
og allt að 14 af hundraði atkvæða
í sumum minni borgum.
Endanleg úrslit verða ekki
húsnæðisleysi
kunn fyrr en seint í vikunni,
vegna flókins kjörkerfis. Mikið
atriði í atvinnulífi fylkisins er há-
tæknilegur iðnaður, og hefur
Baden-Wurttemberg á þeim vett-
vangi forustu í Vestur-
Þýskalandi. En óánægja er mikil
og vaxandi í fylkinu út af atvinnu-
og húsnæðisleysi og miklum inn-
flutningi fólks, og er talið að Lýð-
veldisflokkurinn hafi lyft sér á
þeirri öldu. Manfred Rommel,
borgarstjóri í Stuttgart og einn
helstu leiðtoga kristilegra dem-
ókrata í fylkinu (sonur Erwins
Rommel, hershöfðingjans fræga
úr heimsstyrjöldinni síðari), virð-
ist telja að húsnæðisskorturinn sé
aðaiorsök sigurs Lýðveldis-
flokksins og hefur gagnrýnt sam-
bandsstjórnina í Bonn fyrir
hirðuleysi um þau mál.
Kristilegir töpuðu tæplega sex
af hundraði fylgis síns í Stuttgart.
Jafnaðarmenn, helsti stjórnar-
andstöðuflokkurinn, hafa þó litla
ástæðu til að hrósa happi, því að í
iðnaðarborginni Mannheim, þar
sem þeir hafa lengi verið sterkir,
misstu þeir níu af hundraði fylgis
síns.
Reuter/-dþ.
6 SÍÐA — ÞJÓÐVILJINN Þriðjudagur 24. október 1989