Þjóðviljinn - 28.10.1989, Blaðsíða 1

Þjóðviljinn - 28.10.1989, Blaðsíða 1
Laugardagur 28. október 1989 182. tölublað 54. órgangur. FYRSTI SNJÓRINN Krakkarnir tóku heldur betur við sér þegar þeir vöknuðu í gær- morgun. Jörð var alhvít í Reykjavík og úti blíða. Sumir upplifðu sitt fyrsta snjókast þennan morgun einsog snáðarnir á myndinni. En þó snjórinn sé mjúkur þá er hann líka kaldur og það er stutt frá hlátri til gráts. Mynd Kristinn. EB Fáfræði þjóðarinnar mikil Samstarfsaðilar verkalýðshreyfingar og atvinnurekenda sammála um aðþekkingarskortur landans sé kættulega mikill Niðurstöður úr könnun Félags- vísindastofnunar Háskólans fyrir Samstarfshóp atvinnulífsins, um evrópska sam vinnu sýna að af þeim íslendingum sem taka af- stöðu með eða á móti aðild ís- lands að Evrópubandalaginu (56,0% íslendinga) eru 35,4% fylgjandi aðild og 20,5% á móti. Lang stærsti hluti þeirra sem svöruðu könnuninni voru hlut- lausir eða óvissir: samtals 43,6%. Sé miðað við kannanir í maí og júní s.l. hefur hópur þeirra sem er hlutlaus eða óviss stækkað um 8,7%, þeim sem eru fylgjandi hefur fjölgað um 1% og þeim sem eru á móti hefur fækkað um 8,2%. Þetta sýnir að þeim sem í könnuninni eru hlutlausir eða óvissir hefur fjölgað mest síðasta hálfa árið. Skoðanakönnunin er ítarleg og voru þeir sem eru fylgjandi og á móti spurðir frekar um þekkingu sína á Evrópubandalaginu (EB) /annarsvegar og Fríverslunar- bandalagi Evrópu (EFTA) hins- vegar. Af niðurstöðum úr þess- um hluta könnunarinnar má ráða að aðeins brot íslendinga sem taka afstö'ðu með eða á móti þekkir muninn á EB og EFTA til hlýtar eða 14%. Þetta sýnir að 86% þeirra sem eru fylgjandi eða á móti vita ekki vel hvað um er að ræða. Heil 75,5% vissu ekki um aðild íslands að EFTA eða nokk- urs annars ákveðins lands. Þá er ljóst að Framsóknar- flokkurinn hýsir sem hlutfall af stuðningsmönnum fæsta fylgj- andi aðild að Evrópubandalaginu og Alþýðuflokkurinn hýsir flesta þá sem eru fylgjandi. Fylgjandi aðild í Alþýðuflokki eru 61,2%, í Sjálfstæðisflokki 47%, í Alþýðu- bandalagi 36,7%, í Kvennalista 35,6% og í Framsóknarflokki 26,9%. Það skal undirstrikað hér að hlutfallstölurnar á skiptingu meðal stuðningsmanna stjórnmálaflokkanna eiga við þá sem annað hvort eru með eða á móti. Hlutlausir eða óvissir eru eftir sem áður 43,6% þátttak- enda í könnuninni. Hiutfallsleg andstaða meðal stuðningsmanna stjórnmála- flokkanna er mest hjá Alþýðu- bandalagi 38,7%. Þar næst kem- ur Framsóknarflokkurinn með 28,9%, þá Kvennalisti með 19,5% á móti, Sjálfstæðisflokkur með 17,7% á móti en innan Al- þýðuflokks eru aðeins 8,2% sem telja aðildina „frekar óæskilega". Á móti aðild en styðja engan þessara flokka eru 15% af þeim sem hafa afstöðu með eða á móti. fmg Baskar 22 alda fangeisi Spænskur saksóknari krafðist þess í gær að fjórir Baskar, sem ákærðir eru fyrir að hafa orðið 12 lögregluhermönnum að bana, verði dæmdir til 2232 ára fangelsisvistar hver þeirra. Fjórmenningarnir, sem eru í ETA-samtökunum er viija Ba- skaland sjálfstætt, sprengdu fyrir þremur árum í loft upp í Madrid fólksflutningavagn með um 70 lögregluhermönnum. Eftir kröfu saksóknarans að dæma ætlast hann til að Baskar þessir dveljist í fangelsi til ársins 4221 e.Kr. Sé gert ráð fyrir þeim möguleika að maður hefði verið dæmdur til þetta langrar fangels- isvistar rúmum 240 árum f. Kr. (á lokaskeiði fyrsta púnverska stríðsins) væri sá um þessar mundir að ljúka afplánun refsi- vistar sinnar, þ.e.a.s. ef honum hefði enst aldur til þess. Eitthvað eru spænsk lög mót- sagnakennd um þetta efni, því að í þeim er grein þess efnis, að ó- heimilt sé að halda nokkrum manni lengur í fangelsi þarlendis en 30 ár. Reuter/-dþ. Munið byggingarhappdrætli Þjóðviljans

x

Þjóðviljinn

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Þjóðviljinn
https://timarit.is/publication/257

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.