Þjóðviljinn - 31.10.1989, Qupperneq 1

Þriðjudagur 31. október 1989 183. tölublað 54. órgangur
Akureyri
Atvinnuleysið mun þrefaldast
Slippstöðin: Öllu starfsfólki, 210 talsins, sagt upp. SigurðurRingsted: Stefnuleysi stjórnvalda að kenna.
Eining: Kemur verulega á óvart
Ollu starfsfólki Slippstöðvar-
innar hf. á Akureyri 210 að
tölu hefur verið sagt upp störfum
frá og með næstu rnánaðamótum
með venjulegum uppsagnar-
fresti. Þær taka því gildi frá og
með 1. febrúar næst komandi.
Ástæðan er algjört verkefnaleysi
hjá fyrirtækinu sem hefur getað
haldið uppi atvinnu yfir veturinn
hingað til með nýsmíði uppá eigin
reikning.
Sigurður Ringsted forstjóri
Slippstöðvarinnar sagði að upp-
sagnirnar væru öðrum þræði var-
úðarráðstöfun hjá fyrirtækinu
þar sem ekkert benti til þess að
það fengi einhver verkefni á
næstunni. Þó verður ráðið mjög
fljótlega aftur í lykilstöður hjá
fyrirtækinu en með öllu óvíst með
endurráðningu starfsfólksins að
öðru leyti. Sigurður sagði að því
væri ekíci að neita að uppsagnirn-
ar væru afleiðing þess stefnu-
leysis sem ríkt hefur hjá
stjórnvöldum varðandi skipa-
smíðaiðnaðinn. Á sama tíma sem
hann er að drabbast niður sökum
verkaefnaskort virðist ekkert lát
vera á nýsmíði erlendis fyrir ís-
Heildsölur
A
annað
þúsund
Á síðasta ári störfuðu við inn-
flutning alls 1324 fyrirtæki auk
fjölmargra einstaklinga sem
fluttu inn vörur til eigin nota.
Samanlagt innflutningsverðmæti
þeirra 50 stærstu árið 1988 var
um 27.728,7 miljónir króna eða
sem samsvarar 40,4% af heildar-
verðmæti innflutningsins sem
nam 68.723,1 miljón króna cif.
samkvæmt Hagtíðindum Hag-
stofu íslands.
Af þessum 1324 innflutnings-
fyrirtækjum fluttu 196 fyrirtæki
inn vörur fyrir meira en 60 milj-
ónir króna á síðasta ári. Hér er
um að ræða nær 15% af fjölda
fyrirtækja í innflutningi en
samanlagt innflutningsverðmæti
þeirra nam rösklega 68% af
heildarverðmæti innflutningsins.
Þá fluttu 527 fyrirtæki inn vörur
fyrir meira en 20 miljónir króna á
árinu 1988. Þetta voru tæplega
40% af fjölda innflutningsfyrir-
tækja en samanlagt innflutnings-
verðmæti þeirra nam hins vegar
rösklega 87% af heildarinnflutn-
ingnum.
-grh
lenska útgerðarmenn jafnframt
því sem endurbætur og viðgerðir
á íslenska fiskiskipastólnum eru
sífellt að færast í æ ríkari mæli til
erlendra skipasmíðastöðva. „Það
verð sem útgerðarmenn eru að
greiða fyrir nýsmíðar sínar er-
lendis er oft á tíðum það sem við
erum vel samkeppnisfærir um,“
sagði Sigurður Ringsted.
Að sögn Sævars Frímanns-
sonar formanns verkalýðsfélags-
ins Einingar á Akureyri komu
uppsagnirnar verulega á óvart.
Sævar sagði að hann tryði því
ekki fyrr en í fulla hnefana að þær
yrðu látnar koma til fram-
kvæmda. En ef svo yrði mundi
það hafa gífurleg áhrif á atvinnu-
ástandið á Akureyri til hins
verra. Um síðustu mánaðamót
voru 113 manns á atvinnuleysis-
skrá í bænum en að sögn Sævars
hefur þeim þó eitthvað fjölgað nú
upp á síðkastið í kjölfar gjald-
þrots Híbýla hf. auk þess sem
sláturtíð er að mestu lokið.
-grh
Fóstrur
Forsætisráðherra
afhent mótmæli
Hátt í flmm hundruð starfs-
menn dagvistarheimila mættu
fyrir framan Alþingi í gær til þess
að mótmæla áformum Jóhönnu
Sigurðardóttur um að færa dag-
vistarmál úr menntamálaráðu-
neyti yflr í félagsmálaráðuneytið.
Frá Austurvelli var svo gengið
upp að stjórnarráði og Steingrími
Hermannssyni forsætisráðherra
afhentar undirskriftir 1.782
fóstra og annarra starfsmanna
dagvistarheimila allsstaðar að á
landinu, þar sem áformunum var
mótmælt, en undirskriftunum var
safnað á fimmtudag og föstudag í
síðustu viku.
Þegar Steingrímur tók við
undirskriftarlistunum sagði hann
að þetta mál fengi örugglega far-
sælan enda fyrir fóstrur og aðra
starfsmenn dagvistarheimila.
Kristín Dýrfjörð hjá Fóstrufé-
laginu sagði í samtali við Þjóðvilj-
Leikskólinn er menntastofnun,
Leikur er vinna og nám og fleira í
þeim dúr mátti lesa á kröfuspjöld-
um sem starfsfólk á dagvistar-
stofnunum hélt á fyrir framan Al-
þíngishúsiö í gær. Mynd Jim
Smart.
ann í gær að málinu væri alls ekki
lokið núna. „Við höldum ótrauð-
ar áfram og við linnum ekki lát-
unum fyrr en málið hefur fengið
þann farsæla endi sem forsætis-
ráðherra lofaði okkur.“ -Sáf
Happdrœtti Þj0;iljans
eftir viku
Nú er aðeins vika þar til dregið
verður í happdrætti Þjóðviljans,
en dráttur fer fram 4. nóvember. I
boði eru margir glæsilegir vinn-
ingar og er fyrsti vinningur bifr-
eið af gerðinni Lada Samara, sem
kostar rúmlega 450 þús. krónur.
í fyrra var það gamalreyndur
áskrifandi og starfsmaður hjá
Rafmagnsveitu Reykjavíkur,
sem hreppti bifreið í vinning.
Nú er spurningin hver verður
sá heppni í ár? Áskrifendur
blaðsins eru hvattir til að greiða
hið fyrsta heimsenda miða sína
og styrkja þar með útgáfu Þjóð-
viljans.
Handboltahöllin
Ekkert ákveðið enn
Bygging íþróttahallar íLaugardal er ekki áfjárlögum nœsta árs.
Jón Hjaltalín Magnússon: Undirbúningþatfað hefja á nœsta ári.
Svavar Gestsson: Frumathugun í gangi og nœgur tími til stefnu
Það hefur komið fram í máli
þeirra sem til þekkja að hefja
þurfl að undirbúning að húsinu á
næsta ári. Hvort það verður gert
veit ég ekki en í sjálfu sér er hægt
að byggja svona hús á aðeins
tveimur árum og því enn nægur
tími til stefnu, sagði Jón Hjaltalín
Magnússon formaður Hand-
knattleikssambands íslands um
það hvort undirbúningur að
byggingu íþróttahúss í Laugar-
dalnum geti dregist á langinn.
Handknattleikssambandið
fékk loforð frá fyrri ríkisstjórn að
reist yrði fjölnota íþrótta- og sýn-
ingarhús með um 7-8000 áhorf-
endasætum fyrir heimsmeistara-
keppnina í handknattleik árið
1995. Enn hefur ekki verið
ákveðið hvernig staðið verði að
byggingu hússins, né hverjir
munu standa straum að kostnaði
auk ríkisins. Líklegt þykir að
Reykjavíkurborg muni taka þátt í
byggingunni og möguleiki er á að
aðilar helstu útflutningsatvinnu-
veganna verði einnig með. At-
hygli vöktu þó ummæli Júlíusar
Hafstein formanns íþrótta- og
tómstundaráðs Reykjavíkur í
DV um helgina að höllin væri mál
ríkisstjórnar en ekki borgarinn-
ar. Að sama skapi kemur á óvart
að ekki er gert ráð fyrir kostnaði
vegna undirbúnings í fjárlaga-
frumvarpi ríkisstjórnarinnar og
verður því lítið um undirbúning á
næsta ári.
„Bæði ég og fulltrúar Reykja-
víkurborgar höfum að undan-
fömu verið að skoða ýmsa mögu-
leika á byggingu hússins. Við höf-
um reynt að gera okkur grein
fyrir hvað slíkt hús kostar í bygg-
ingu en ljóst er að það verður að
kosta miklu minna en þúsund
miljónir, einsog sumir vilja
meina. Við getum ekki hafið
frekari undirbúning fyrr en þetta
liggur fyrir og það á einnig eftir
að ákveða hvernig kostnaði verð-
ur skipt á milli byggingaraðila.
En ég hef alls ekki trú á að við
verðum of sein með undirbúning
og byggingu hússins þótt ekki sé
gert ráð fyrir því í fjárlögum
næsta árs,“ sagði Svavar Gests-
son menntamálaráðherra í sam-
tali við Þjóðviljann.
Jón Hjaltalín var sammála
Svavari um heildarkostnað húss-
ins og sagði 9000 fermetra fjöl-
nota hús mætti byggja fyrir um
4-500 miljónir. „Undirbúning
ætti þó að hefja á næsta ári og
þyrfti um 20 miljónir frá ríki og
Reykjavíkurborg til að greiða
hann,“ sagði Jón Hjaltalín
Magnússon formaður HSÍ.
-þóm
■R R K t ■ SK ■ i V JW w MM n 1 ^ B B ffii I V I