Þjóðviljinn - 04.11.1989, Page 1
í Slippnum. Ekki vitum við hvort þessi starfsmaður Slippsins í Reykjavík er að gá til veðurs eða fylgjast með starfi félaga sinna. Aftur á móti er það staðreynd
að óveðursskýin hafa verið að hrannast upp við sjóndeildarhringinn hjá skipasmíðastöðvum landsins og hátt í 300 starfsmönnum þeirra hefur verið sagt upp
störfum það sem af er árinu. Mynd: Jim Smart.
Stjórnarráðsnefnd
Félagsmálaráðuneyti lagt niður
H ugsanlegt að deilafélagsmálaráðherra og menntamálaráðherra sé til einskis háð.
Jóhanna Sigurðardóttir: Osátt viðþessar breytingartillögur. Svavar Gestsson: Til góða fyrir menntamálaráðuneytið
Ef hugrnyndir nefndar sem hef-
ur það verkefni að endur-
skoða lög um Stjórnarráð íslands
verða að nuinveruleika er deila
sú sem verið hefur á milli félags-
málaráðherra og menntamála-
ráðherra um undir hvaða ráðu-
neyti dagvistarmál skuli heyra,
sennilega til einskis háð, vegna
þess að nefndin leggur til að fél-
agsmálaráðuneytið verði lagt
niður. Jóhanna Sigurðardóttir,
félagsmálaráðherra, segir að sér
sýnist þetta vera sömu tillögur og
voru til umræðu í sumar. Þá hefði
Alþýðuflokkurinn gert við þær
athugasemdir og lagt fram
breytingartillögur og hún væri
ósátt við þær tillögur sem stjórn-
arráðsnefnd gerði nú varðandi
félagsmálaráðuneytið.
Jóhanna sagðist ekkert geta
um það sagt hvort tillögur stjórn-
arráðsnefndar næðu fram að
ganga. Þær ættu eftir að koma til
meðferðar þingflokka og þings
og hún vildi engu um þetta spá.
Hún vildi ekki tjá sig um
breytingartillögur Alþýðuflokks-
ins fyrr en málið væri komið aftur
til meðferðar þingflokks en hún
persónulega gæti ekki fallist á
þessa breytingu.
Menntamálaráðherra, Svavar
Gestsson, hefur lagt á það
áherslu að dagvistarmál skuli
heyra undir menntamálaráðu-
neytið, enda sé að því stefnt að
dagvistarstofnanir verði í fram-
tíðinni ákveðið skólastig.
Ráðherrann hefur fengið stuðn-
ing fyrir þessum hugmyndum hjá
félagasamtökum fóstra. Félags-
málaráðherra hefur verið á öðru
máli og haft í bígerð frumvarp þar
sem gert er ráð fyrir að dagvistar-
stofnanir heyri undir hennar
ráðuneyti. Jóhanna hefur lagt
fram málamiðlunartillögu í
deilunni sem hún hefur kynnt for-
sætisráðherra. Hún sagði Þjóð-
viljanum að forsætisráðherra
myndi ætla að ræða málið við
menntamálaráðherra, hún vissi
ekki hvort hann hefði haft til þess
tækifæri og meðan svo væri ætlaði
hún ekki að ræða málið í fjölmiðl-
um.
Svavar sagði að hann myndi
hitta forsætisráðherra einhvern
næstu daga til að ræða þetta mál
og fleiri, en honum væri enn ekki
kunnugt um hver málamiðlunar-
tillaga Jóhönnu væri. En auðvit-
að fagnaði hann þvf ef hægt væri
að finna málamiðlunarflöt í mál-
inu.
Að sögn menntamálaráðherra
leggur stjórnarráðsnefnd til tölu-
verða uppstokkun á verkefnum á
milli ráðuneyta, sem væri til góða
fyrir menntamálaráðuneytið.
Hann vildi ekki svara því beint
hvort deila hans og félagsmála-
ráðherra væri tilgangslaus þar
sem lagt væri til að félagsmála-
ráðu-neytið verði lagt niður.
Hins vegar væri talað um það í
tillögum nefndarinnar að öll
menntamál, skólamál og uppeld-
ismál verði í menntamálaráðu-
neytinu, ásamt því að öll félags-
mál færu þaðan til þess ráðuneyt-
is sem muni hafa með sveitarst-
jórnarmálefni að gera. Hann
teldi eðlilegt að barnaverndarmál
og unglingaheimili flyttust frá
menntamálaráðuneytinu. Þá
væri menntamálaráðuneytið
sennilega stærsta umhverfismála-
ráðuneytið, með náttúruverndar-
ráð, Geysi, dýravernd, fuglafrið-
un og fleira á sinni könnu, og
hann teldi eðlilegt að þau mál
færu til væntanlegs umhverfis-
málaráðuneytis og að skólar sem
ekki heyrðu undir ráðuneytið nú
gerðu það.
Tillögur stjórnarráðsnefndar
varðandi félagsmálaráðuneytið
snerta meðal annars hugmyndir
hennar um fækkun deildarstjóra,
sérstaklega þeirra sem hafa lítil
eða engin mannaforráð. En í fé-
lagsmálaráðuneytinu er einn
ráðuneytisstjóri, 5 skrifstofu-
stjórar, 8 deildarstjórar og 3
deildarlögfræðingar en ekki
nema 2-4 almennir starfsmenn.
Nefndin leggur til að verkefni fé-
lagsmálaráðuneytis flytjist til
tveggja annarra ráðuneyta;
byggða- og samgönguráðuneytis
og heilbrigðisráðuneytis.
-hmp
Indlandskosningar
Fæðingarstaður Rama
helsta deilumál
Helgistaður í Ayodhya, fornri
borg í fylkinu Uttar Pradesh á
Hindúasléttu, er orðinn eitt við-
kvæmasta deiluatriðið í yflr-
standandi kosningabaráttu í Ind-
landi. Bæði hindúar og múslímar
gera tilkall til staðarins og hafa
yfir 200 manns verið drepnir í ill-
indum þeirra á milli af þessu til-
efni undanfarið. Þingkosningar
fara fram í Indlandi undir lok
mánaðarins.
Tyrkjahöfðinginn Babúr, sem
stofnaði veldi stórmógúla í Ind-
landi, lét byggja þarna mosku á
16. öld, en hindúar fullyrða að
áður hafi hann brjóta látið hof,
helgað sagnahetjunni og guðnum
Rama (Ram). Trúa hindúar því
að Rama hafi fæðst í Ayodhya,
sem þar af leiðandi er einn helg-
ustu staða landsins í þeirra
augum. Rama er eitt mest virtu
goða hindúasiðar og meðan hinir
íslömsku stórmógúlar drottnuðu
þarlendis varð''hann einskonar
tákn viðnáms hindúa gegn þeim.
JJm hann og afrek hans er sagn-
ljóðabálkurinn Ramayana.
Rajiv Gandhi forsætisráð-
herra, höfðaði í gær ákaft til trú-
artilfinninga hindúa og lofaði
kjósendum því að flokkur hans
myndi svikalaust endurreisa á
jörðinni guðsríki Rama, bara ef
hann fengi hreinan meirihluta í
kosningunum.
Reuter/-dþ.
MUNIÐ
byggingarhappdrætti Þjóðviljans