Þjóðviljinn - 04.11.1989, Qupperneq 5
Alþýðubandalagið
Nýr gmndvöllur fyrir nýja tíma
Að hverju stefna ráðherrar Alþýðubandalagsins? Hvaða verkefni eru á oddinum?
Fundarmenn á fundinum í Garðabæ á mánudaginn var. Mynd: Jim
Alþýðubandalagið boðaði til
almenns stjórnmálafundar
fyrir íbúa á höfuðborgarsvæðinu
í safnaðarheimili Garðbæinga,
Kirkjuhvoli, sl. mánudagskvöld.
Fundurinn var vel sóttur og settu
BSRB-félagar úr röðum rafiðn-
aðarmanna hjá Sjónvarpi og
Pósti og síma svip á fundinn með
spurningum varðandi kjara- og
samningamál.
ÓLAFUR RAGNAR
GRÍMSSON
fjármálaráðherra
„Við erum hingað komnir til
að lýsa því nýja húsi sem á að
reisa á rústunum“, sagði Ólafur
Ragnar, og vísaði þar til stjórn-
artíðar Sjálfstæðisflokksins og
hinnar hörðu peningahyggju,
„það er ekki nóg að skapa stöð-
ugleika, heldur þarf að skipu-
leggja framtíðina“. Hann fjallaði
síðan um það meginhlutverk
stjórnmálanna að svara spurning-
um um hvernig framtíð við vild-
um búa börnum okkar.
Ólafur Ragnar benti á þann ár-
angur sem náðst hefði með nýju
sjóðunum tveimur, Hlutafjár-
sjóði og Atvinnutryggingasjóði.
Reynslan af þeim hefði ómerkt
öll orð Sjálfstæðisflokksins.
Sjálfstæðisflokkurinn forðast
annars að mati Ólafs Ragnars að
ræða efnahagsmál, en bindur sig
við smærri mál.
RÍKISFJÁRMÁ LIN
Hvaða árangur
hefur náðst?
- Raungengi krónunnar hefur
verið breytt, svo að skilyrði út-
flutningsgreina eru nú betri en
þau hafa nokkurn tíma verið á
liðnum árum.
- Aldrei hefur áður tekist að
lagfœra skilyrði útflutnings-
greinanna á þennan hátt án þess
að það fœrði með sér stóraukna
verðbólgu.
- Lausafjárstaða bankakerfis-
ins er hagstæð um 10 miljarða
króna.
- Ríkissjóður fjármagnar láns-
þörf sína með innlendum sparn-
aði með sölu spariskírteina.
Meira að segja hefur fjármálaráð-
herra þurft að afla sér aukinna
heimilda þingsins til að seljafleiri
spariskírteini vegna meiri eftir-
spurnar en hægt var að anna.
-í fyrsta sinn í 3 ár er vöru-
skiptajöfnuður íslendinga hag-
stœður og nemur upphæðin 5
miljörðum króna. Viðskipta-
jöfnuðurinn er ekki hagstæður
vegna þess að þjóðin greiðir háa
vexti af lántökum Sjálfstœðis-
flokksins erlendis.
-Á rúmu ári hafa ný skilyrði
verið sköpuð í efnahagslífinu með
markvissum hætti. Atvinnutrygg-
ingasjóður og Hlutafjársjóður
hafa gripið inn í rás atburðanna
og á nœstunni verður lögð fram
nákvœm og opin skýrsla um allar
afgreiðslur þeirra.
-Aldrei fyrr hefur jafn ná-
kvœmlega verið fylgst með af-
greiðslum úr sjóðum eins og und-
anfarið varðandi Atvinnutrygg-
ingasjóð og Hlutafjársjóð.
Hvað er framundan?
Ólafur Ragnar Grímsson benti
á eftirfarandi þætti:
-Auka þarf svœðaskipulag í
landbúnaði.
-Fiskveiðistefnan þarfað tengj-
ast hagsmunum byggðarlaganna.
- Samgöngur á Islandi þarf að
skipuleggja með nýjum hœtti og
samhæfa atvinnulíf og þjónustu.
- íslendingar eiga að fagna
Eystrasaltsþjóðunum í Norður-
landaráði og efla samstarf við
þœr.
- Islendingar eiga ekki að týn-
ast í stórri evrópskri heild sem út-
kjálkasvæði. lsland á samt að
vera sem sjálfstæð þjóð fullur
þátttakandi í þeirri umsköpun
sem nú er framundan í sam-
skiptum þjóða.
- íslendingar eiga ekki að af-
sala sér með neinum hætti stjórn á
auðlindum hafsins. Þeir eiga að
standa vörð um menningarlegt
sjálfstæði sitt og sérstöðu.
- íslendingar eiga að leggja sinn
skerf af mörkum til að forða
heiminum frá þeirri tortímingu
sem getur leitt af eyðingu óson-
lagsins og gróðurhúsaáhrifum.
Ef við ætlum að færa börnum
okkar sama heim og við fengum í
arf þá verður að gerbreyta því
gildismati hins tn'llta kapphlaups
sem nú ríkir. Islendingar geta
haft forystu í þessum efnum, líkt
og þeir höfðu forystu um útfærslu
efnahagslögsögu ríkja heims í 12,
50 og 200 sjómflur á sínum tíma.
Stjórnmál framtíðarinnar snú-
ast um gildismat okkar, hvort við
viljum tryggja börnum okkur
sama heim og við fengum í arf.
Hér er það sem frjálshyggjan
bregst og lögmál gróðans á að
ráða. Það eru hins vegar lögmál
gróðursins og manngildisins sem
eiga að stjórna í framtíðinni.
STEINGRÍMUR J.
SIGFÚSSON
samgöngu- og
landbúnaðarráðherra
SAMGÖNGUR OG
FJARSKIPTI
Steingrímur lagði út af þeim
miklu möguleikum sem eru í
sjónmáli til jafnaðar í samfé-
laginu með allri þeirri nýju
samgöngu- og fjarskiptatækni
sem verið er að taka í notkun.
Hún gæti fært með sér byltingu
fyrir dreifbýlið. Verktækni nú-
tímans gerir okkur fært að byggja
allt landið og gera það um leið
bæði betra og byggilegra en áður
var álitið kleift. Steingrímur lagði
þunga áherslu á að þetta verkefni
væri ekki stærra né erfiðara en
svo að við gætum sjálf annast það
á næstu 15-20 árum.
LANDBÚNAÐUR
INN
Steingrímur sagði menn of oft
gleyma því í umræðunni um dýrar
búvörur hérlendis, að gæði þeirra
væru meiri en neytendur gætu al-
mennt treyst í nágrannalöndun-
um. Erlendir sendimenn gætu
ekki nógsamlega dásamað þessa
möguleika okkar og forréttindi,
að geta framleitt hollar matvörur
án efnanotkunar og umhverfis-
mengunar.
íslenskar landbúnaðarvörur
eru Mercedes Benzinn í matvör-
unum, en við eigum að ná verði
þeirra niður svo þær kosti svipað
og Lada, svaraði Steingrímur
ábendingu úr sal frá Árna Bald-
vinssyni sjónvarpsmanni, sem
sagðist ekki hafa efni á þessum
fyrirmyndarvarningi lengur.
Landbúnaðarráðherra lagði
ennfremur áherslu á að landbún-
aðinn verði að skipuleggja betur í
Smart.
samræmi við landkosti. íslend-
ingar eigi að vera sjálfum sér
nægir um landbúnaðarvörur, allt
tal um stórfelldan innflutning bú-
vara í sparnaðarskyni sé þjóð-
hættuleg blekkingarstarfsemi.
SVAVAR GESTSSON
menntamálaráðherra
Svavar benti á, að þótt nú sé
óhugur í mörgum vegna ástands-
ins í efnahagsmálum, sé það í
raun betra en í fyrra þegar ríkis-
stjórnin tók við völdum. Núver-
andi stjórn réðst til atlögu við
mikinn vanda og hefur þegar náð
miklum árangri. Hún hefur lagt
áherslu á að ná niður skattlagn-
ingu á matvælum, beitt sér fyrir
nýjungum í skóla- og
menntamálum, skattlagningu
fjármagnstekna osfrv.
Svavar rifjaði upp ýmsar
breytingar í þjóðfélagi okkar síð-
ustu 20 ár. Pólitískar ákvarðanir
hafa leitt til slíkra umskipta, að
„ef við hefðum spáð þessu fyrir
20 árum, hefðum við í besta falli
verið taldir óforbetranlegir
bjartsýnismenn en í versta Iagi
asnar“, eins og Svavar orðaði
það.
Hvað hefur gerst
frá 196811969?:
* Frá 1969 hefur efnahagslög-
sagan veriðfœrð út í 12, 50 og svo
200 sjómílur.
* Útlend skip eru nánast horfin af
miðunum.
* Keflavíkursjónvarp nœst ekki á
íslenskum heimilum.
* íbúðum hefur fjölgað um 40
þúsund.
* Ellilífeyrir hefur stórhœkkað að
raungildi.
* Skyldunám hefur lengst úr 8
árum í 10 eins og nú er sagt fyrir
um í nýju grunnskólafrumvarpi.
* Fyrir 20 árum voru engin dval-
arheimili aldraðra á íslandi,
nema í eigu einkaaðila og sjó-
mannasamtakanna.
* Komið hefur verið upp þjón-
ustukerfi fyrir fatlaða sem nálgast
það að vera einstætt í velferðar-
ríkjunum.
Og hvers vegna eru þessi fram-
faramál rifjuð upp? Vegna þess
að fyrir 20 árum stóðu íslending-
ar frammi fyrir svipuðum vanda
og nú í efnahagsmálum. Þá vildu
sumir leysa vandann með fljót-
færnislegum ákvörðunum um 20
ný álver og orku á útsöluverði.
Alþýðubandalagið hafnaði þeirri
stefnu og sameinaði þjóðina að
baki þeirri stefnu.
Hver er framtíðin?
Svavar Gestsson dró upp mynd
af nokkrum mikilvægum framtíð-
arverkefnum sem Aiþýðubanda-
lagið vill beita sér fyrir:
* Samfelldur skóladagur grunn-
skólanemenda.
* Dagvistarrými fyrir öll börn.
* Víðtœkt endurmenntunarkerfi.
* Áhersla á verkmenntunargrein-
ar á öllum skólastigum.
* Valddreifing í skólakerfinu.
* Jöfnuður í lífeyrismálum.
* Lœkkun húsnœðiskostnaðar.
* Afnám vaxtaokursins.
* Stöðugleiki í efnahagsmálum.
* Brottför bandaríska hersins af
landinu.
Svavar Gestsson tók ennfrem-
ur fram, að eftir 10 ár gætum við
líka fagnað því að hafa ekki
gengið í Evrópubandalagið og
orðið útkjálki heimsveldis. f stað
þess ættum við að markaðssetja
sérstöðu okkar og hugvit.
UMRÆÐUR OG
FYRIRSPURNIR
Þorsteinn Óskarsson, yfir-
deildarstjóri hjá Pósti og síma,
lagði fyrir fjármálaráðherra 5
spurningar varðandi kjör BSRB-
félaga, viðhorf og áætlanir ríkis-
stjórnarinnar varðandi kjara-
samninga, einkum með saman-
burði við samninga BHMR, og
hvort ríkisstjórnin teldi verkfall
forsendu þess að semja raunhæft
við BSRB. Hann gagnrýndi einn-
ig seinagang á afgreiðslu bókana
úr síðustu samningum. Þorsteinn
sagðist hræddur um að ráðamenn
áttuðu sig ekki á þeim breytta og
harðari tóni sem kominn væri í
BSRB-fólkið núna.
Asta Ólafsdóttir benti á mis-
rétti milli aðstæðna hjóna og ein-
stæðra foreldra í skattamálum.
Útskýrði hún dæmi þar sem pers-
ónuafsláttur hjóna er 50 þús.kr.
meiri á ári en foreldris.
Þórir Karl taldi síðustu kjara-
samninga margsvikna varðandi
félagslegt húsnæði. Hann sagði
mörg íslensk alþýðuheimili svelta
núna og úrlausnir ekki þola
nokkra bið.
Hörður Andrésson vildi fá upp-
lýsingar um ráðstafanir til að
lækka fjármagnskostnað og áætl-
anir um stækkun álversins í
Straumsvík.
Arni Baldvinsson gagnrýndi
m.a. hátt matvælaverð og fisk-
veiðistefnuna. Hann lagði til að
fjármálaráðherra beitti sér fyrir
leiðréttingum á BSRB-samning-
um og gerði síðan nýjan samning
frá 1. aprfl.
Mikla athygli vakti sú ábend-
ing Árna, sem er starfsmaður
Sjónvarpsins og í BSRB, að eftir
samninga Rafiðnaðarsambands-
ins fær hann 19 þús. kr. lægri laun
á mánuði en kollegar hans í því
sem vinna við hliðina á honum.
Kristbjörn Árnason taldi að
ríkisstjórnin hefði ekki staðið við
loforð sín um verð á matvörum.
Hann taldi að ríkið ætti að taka
þátt í að móta launastefnuna en
vísa ekki bara á hagsmunaaðila
vinnumarkaðarins.
Ráðherrarnir svöruðu allir
þeim fyrirspurnum og umræðu-
punktum sem fram höfðu komið
og máttu hafa sig alla við vegna
framíkalla og ræðustúfa. Strax að
loknum fundarslitum skullu síð-
an á þrumur og eldingar og Sv-
land varð rafmagnslaust í klukku-
stund.
ÓHT
as:
Alþingi
ÍSLENDINGA
Frá fjárveitinganefnd Alþingis:
Viðtalstímar
nefndarinnar
Fjárveitinganefnd Alþingis veitir nú eins og
undanfarin ár viötöku erindum frá félögum,
samtökum og einstaklingum er varöa fjárlög
ársins 1990.
Fjárveitinganefnd gefur þeim aöilum, sem vilja
fylgja erindum sínum eftir meö viðræðum viö
nefndina, kost á aö eiga fundi meö nefndinni á
tímabilinu 9. til og meö 17. nóvember n.k.
Þeir sem óska eftir aö ganga á fund nefndarinn-
ar, skulu hafa samband í síma 91-624099 (Al-
þingi) eigi síðar en þriðjudaginn 7. nóvember
n.k.
Því miður gefst ekki tími til þess að sinna viðtals-
beiðnum, sem fram kunna aö koma síðar eða
aö veita viðtöl utan þess tíma, sem að framan
greinir.
Laugardagur 4. nóvember 1989 ÞJÓÐVILJINN - SÍÐA 5