Þjóðviljinn - 04.11.1989, Blaðsíða 6

ERLENDAR FRETTIR
Landvari
Almennur félagsfundur verður haldinn að Hótel
Holiday Inn, Reykjavík, föstudaginn 10. nóvem-
ber n.k. og hefst kl. 19.30. Á dagskrá eru al-
menn félagsmál.
Fundinum verður fram haldið kl. 10.00 að
morgni laugardagsins 11. nóv. á sama stað, en
þá mun fulltrúi ríkisskattstjóra gera grein fyrir
lögum og reglum um virðisaukaskatt.
Stjórn Landvara
SJÓNVARPIÐ
Söngvakeppni
sjónvarpsstöðva
Evrópu 1990
Ríkisútvarpið-Sjónvarp, auglýsir hér með eftir sönglagi til þátttöku í Söng-
vakeppni sjónvarpsstöðva í Evrópu 1990, sem fram fer í Júgóslavíu 5. maí.
Undankeppnin fer fram í Reykjavík í janúar og febrúar.
Skilafrestur er til
15. desember1989
Þátttökuskilyrði:
Þátttaka er öllum opin. Laginu skal skila á nótum eða hljóðsnældu. Frum-
saminn texti á íslensku skal fylgja. Lagið má ekki taka nema þrjár mínútur í
flutningi. Lagið skal ekki hafa komið út á nótum, hljómplötum, snældum eða
myndböndum, og það má ekki hafa verið leikið í útvarpi eða sjónvarpi.
Nótur, snælda og texti skulu merkt heiti lagsins og dulnefni höfundar. Rétt
nafn höfundar, heimilisfang og símanúmer skulu fylgja með í lokuðu um-
slagi merktu sama dulnefni.
Sendi höfundur fleiri en eitt lag skulu þau send inn, hvert fyrir sig og hvert
undir sínu dulnefni.
Sjónvarpið leggur til útsetjara, hljómsveit og hljómsveitarstjóra.
Ríkisútvarpið áskilur sér einkarétt til flutnings laganna í útvarpi og sjónvarpi
meðan á keppninni stendur.
Kynning laganna:
Dómnefnd velur 12 lög til áframhaldandi þátttöku.
Þegar þau hafa verið valin verða umslögin með dulnefnum höfunda opnuð,
og nöfn þeirra tilkynnt.
Lögin 12 verða síðan útsett og flytjendur valdir í samráði við höfunda og
kynnt í tveim sjónvarpsþáttum í lok janúar. Sex lög verða kynnt í hvorum
þætti. Áhorfendur í sjónvarpssal velja þrjú lög úr hvorum þætti til áframhald-
andi keppni.
Úrslft:
Þau sex lög sem þannig hafa verið valin verða síðan flutt í beinni útsend-
ingu úr sjónvarpssal, þar sem sigurlagið 1990 verður valið.
Verðlaun verða 200 þúsund krónur fyrir sigurlagið og ferð fyrir höfund lags
og texta til Júgóslavíu á úrslitakeppnina 5. maí 1990. Séu höfundar tveir
eða fleiri skiptast verðlaunin milli þeirra eins og úthlutunarreglur STEFS
segja til um.
Sigurlagið verður fulltrúi íslenska Sjónvarpsins f „Söngvakeppni
sjónvarpsstöðva Evrópu 1990”.
Nánari upplýsingar um tilhögun keppninnar veitir ritari dagskrárstjóra Inn-
lendrar dagskrárdeildar Sjónvarpsins, sími 693 731, Laugavegi 176,
Reykjavík.
Utanáskrift:
RÍKISÚTVARPIÐ-SJÓNVARP, „SÖNGVAKEPPNI”,
LAUGAVEGI 176, 105 REYKJAVÍK.
Ákærðir fyrir
njósnir um gyðinga
Danska lögreglan kvaðst í gær
hafa ákært átta menn, sem allir
eru danskir ríkisborgarar, um
njósnir fyrir palestínsku samtök-
in Alþýðufylkingin til frelsunar
Palestínu (PFLP). Segir talsmað-
ur lögreglu menn þessa hafa á ár-
unum 1980-88 safnað upplýsing-
um um 500 gyðinga, búsetta í
Danmörku, svo og aðra menn og
fyrirtæki þarlendis er hefðu sam-
bönd við Israel, og komið þessum
fróðleik í hendur PFLP. Sex átt-
menninganna höfðu áður verið
ákærðir fyrir morð og rán og
handteknir þessvegna, og segir
iögreglan þá hafa gefið PLFP
hluta ágóðans af ránunum.
Slitnað upp úr
friðarviðræðum
Farabundo Martí-hreyfingin í
Salvador, sem á í stríði við
stjórnvöld þar, tilkynnti í fyrra-
dag að hún myndi hætta friðar-
viðræðum við stjórnina uns ljóst
yrði að stjórnin væri þess megnug
að tryggja öryggi stjórnarand-
stæðinga. Mun þessi ráðstöfun
uppreisnarmanna svar við
hryðjuverki sem framið var á
þriðjudag, en skrifstofur verka-
lýðssamtaka í San Salvador voru
sprengdar í loft upp og tíu manns
drepnir. Farabundo Martí-liðar
hafa stjórnvöld og herinn fyrir
þeirri sök. í sept. s.l. samþykktu
hreyfingin og Salvadorsstjórn að
taka upp mánaðarlegar viðræður
með frið fyrir augum.
Vilja Marcos
heim
Vinsældir Ferdinands Marcos-
ar, fyrrum Filippseyjaforseta,
heimafyrir virðast heldur hafa
aukist frá því að hann lést á Haw-
aii 28. sept. s.l., þar sem hann bjó
í útlegð frá því að hann var rekinn
frá ríkjum 1986. f gær fóru um
25.000 aðdáendur Marcosar um
götur í Manila, lýstu hástöfum
yfir elsku sinni á hinum látna
harðstjóra og kröfðust þess að
hann yrði gefinn þeim aftur. Mun
með því átt við að hann verði
jarðsettur í heimalandinu, en það
hefur Corazon Aquino forseti
margsinnis þvertekið fyrir.
Stjornmalasamband
Eþíópíu og ísraels
Eþíópíustjórn tilkynnti í gær
að hún hefði á ný tekið upp fullt
stjórnmálasamband við ísrael, en
því sambandi sleit Eþíópía í vin-
áttuskyni við Arabaríki eftir Jom
Kippúrstríðið 1973. Segir í til-
kynningu Eþíópíustjórnar um
þetta að engin ástæða sé til að
hafa ísrael á hornum sér lengur,
þar eð það hafi skilað Egypta-
landi Sínaískaga og Egyptar tekið
upp við það stjórnmálasamband.
Líklegt er talið að Mengistu, ein-
ræðisherra Eþíópíu, sem nú á
sem mest að vinna gegn upp-
reisnarmönnum, sé að fiska eftir
hjálp frá ísrael, en fsraelar eru nú
taldir meðal bestu hermanna
heims og mörgum fremri í vopna-
smíði.
Leipzigborgar-
stjóri fer frá
Bernd Seidel, borgarstjóri í
Leipzig, þar sem andófsaldan
gegn austurþýskum
stjórnvöldum er öflugust, sagði
af sér í gær. Segir ADN-
fréttastofan austurþýska að hann
hafi gert svo vegna þess að hann
hafi glatað trausti borgarbúa. í
Leipzig, sem er önnur stærsta
borg Austur-Þýskalands, hefur
ekki á öðru gengið frekar en
mótmæla- og kröfufundum og
-göngum s.l. sex vikur, og hefur
mest verið um að vera á mánu-
dögum. Fleiri menn þarlendis
hafa undanfarna daga látið af
stöðum og embættum, t.d. var
forseta hins opinbera alþýðusam-
bands vikið úr þeirri stöðu fyrir
nokkrum dögum á þeim forsend-
um að hann hefði ekki gætt
hagsmuna verkamanna nógu vel.
Mitterrand
Frakklandsforseti
Hófferil sinn ístjórnmálaglundroðafjórða lýðveldisins og varð sam-
einandi leiðtogi franskra vinstrimanna
Ikomandi viku er von á hingað
til lands Francois Mitterrand,
fjórða forseta fimmta franska
lýðveldisins og einum af áhrifa-
mestu stjórnmálamönnum Evr-
ópu á þessum áratug.
Francois-Maurice Mitterrand
er í þennan heim borinn 26. okt.
1916 í Jarnac í Charente í Vestur-
Frakklandi, þar sem faðir hans
var stöðvarstjóri við járnbraut-
irnar. Mótunarskeið hans var því
tímabilið á milli heimsstyrjald-
anna, er Frakkland var hálflamað
eftir blóðmissinn mikla í fyrri
heimsstyrjöld, stóð ekki lengur
undir hefðbundnu hlutverki sínu
sem stórveldis, hafði þegar á leið
yfir höfði sér vígreift Þýskaland
undir stjórn nasista og var hrjáð
af illdeilum hægri- og vinstri-
manna og pólitískum glundroða.
Frá stríðslokum 1918 til hrakfa-
ranna fyrir Þjóðverjum vorið
1940 hafði Frakkland 20 forsætis-
ráðherra og 44 ríkisstjórnir.
Mitterrand lærði lög í París,
var kvaddur í fótgöngulið franska
hersins er heimsstyrjöldin síðari
hófst, særðist 1940 og var tekinn
til fanga af Þjóðverjum. Hann
slapp fljótlega úr haldi, gekk í
andspyrnuhreyfinguna og komst
þar í tölu forustumanna; var síð-
an með de Gaulle í Alsír. Fyrir
framgöngu sína í andspyrnu-
hreyfingunni var Mitterrand
sæmdur franska stríðskrossinum
(Croix de Guerre). Að stríði
loknu hóf hann þátttöku í
stjórnmálum og hefur verið óslit-
ið á þeim vettvangi síðan. Þing-
maður var hann alla tíð 1946-80
og ráðherra í fyrsta sinn 1947, sá
yngsti í sögu fjórða lýðveldisins.
Næstu 12 árin gegndi hann átta
ráðherraembættum í hinum ýmsu
ríkisstjórnum, sem á þeim árum
urðu álíka skammlífar og verið
hafði fyrir stríð. Var hann þá
m.a. nýlendu-, innanríkis- og
dómsmálaráðherra.
Eftir að fimmta lýðveldið hafði
verið stofnað 1958 varð Mitter-
rand smámsaman fremstur leið-
toga vinstra megin í frönskum
stjórnmálum. 1965 var hann
frambjóðandi sósíalista og
kommúnista í forsetakosningum
og tapaði að vísu fyrir de Gaulle,
en fékk 44 af hundraði atkvæða.
Ólgan 1968 kom tætingi á vinstri-
flokkana og varð hún Mitterrand
PRÓFÍLL
hnekkir. En vinstriöflin mögnu-
ðust fljótt aftur vegna óánægju
með stjórn Pompidous, sem
mörgum þótti íhaldssöm og um of
hlynnt atvinnurekendum.
Mitterrand varð þá á ný samein-
andi leiðtogi vinstrimanna og
tókst að bræða saman nokkra
vinstrisinnaða smáflokka og
stofna úr þeim nýjan sósíalista-
flokk. Var hann fyrsti ritari þess
flokks 1971-81. Hann var í for-
setaframboði 1974 og tapaði aft-
ur en var kjörinn forseti 1981 sem
frambjóðandi sósíalista, komm-
únista og vinstriradíkala. Því
embætti hefur hann gegnt síðan
og eftir mikinn sigur í forseta-
kosningum s.l. ár er hann örug-
gari í sessi en nokkru sinni fyrr.
Reynsla Mitterrands af
stjórnmálaglundroða fjórða lýð-
veldisins og fjandskapnum milli
Evrópuþjóða á fyrri hluta aldar-
innar hefur gert að verkum að
hann hefur í innanríkismálum
verið eindreginn talsmaður sam-
einingar, stöðugleika og sterks
forsetavalds og í utanríkismálum
samstöðu vestrænna ríkja og þá
sérstaklega Vestur-Evrópuríkja
innan Evrópubandalagsins. Stíll
hans í forsetaembætti hefur í hálf-
gildings gamanmálum verið kall-
aður konunglegur, en þar liggur
sennilega öðrum þræði að baki
trú á nauðsyn mikillar virðingar
fyrir því embætti sem sameining-
artákni landsmanna. Og Mitter-
rand er ekki heldur neitt sérstak-
ur að því leyti; fyrirrennarar hans
allir á forsetastóli fimmta lýð-
veldisins þóttu einnig í þessum
skilningi „konunglegir", ekki síst
de Gaulle sjálfur.
dþ.
6 SÍÐA - ÞJÓÐVILJINN Laugardagur 4. nóvember 1989