Þjóðviljinn - 10.11.1989, Blaðsíða 2

SKAÐI SKRIFAR
Eg pæli í
framförunum
Hún Bryndís mín Schram var að segja það
í viðtali í Mannlífi, að illskan væri svo mikil og
djöfulgangurinn ífjölmiðlunum, aðef þau Jón
Baldvin hefðu verið uppi á tímum íslendinga-
sagna, þá væri búið að drepa þau bæði.
Líklega brenna þau inni eins og Njál og Berg-
þóru, eða hvað veit ég.
Ég, Skaði, fór að hugsa um þetta og hvort
það væru ekki framfarir samtíðarinnar að
enginn er drepinn lengur á landinu, ekki vilj-
andi að minnsta kosti. Og þó er ég ekki eins
viss um þetta og ég gjarna vildi. Haldið þið
það væri ekki munur og reisn í því að hverfa
aftur til Njálutíma og sjá þá Jón Baldvin og
Pál Magnússon höggvast á með alvöru-
sverðum í opinberu einvígi í Tjamarhólman-
um?
Já en þá mundu svo margir sakna þess að
enn væru margar aldir þangað til sjónvarps-
vélar kæmu og festu þetta á myndband.
Það verður ekki við öllu séð.
Steinn Steinarr orti um framfarimar ef ég
man rétt. Hann segír einhversstaðar:
Hver landstjóm só framsýn og fáist við
athafnir góðar
sem fólki má verða til blessunar, giftu sem
einhleypu.
Meðfram hverjum og einstökum reiðvegi
þessarar þjóðar
skalþegarí stað ieggja akveg úrjárnbentri
steinsteypu.
Eða var það öfugt: reiðvegur meðfram ak-
vegi? Nema hvað þetta átti að vera eitthvað
niðurrifsgrín hjá Steini, sem þá var í komm-
únisma, en hann gerðist óvart spámaður, því
nú er búið í raun og sannleika að leggja
þessa fínu vegi út um allt til að hægt sé að
fylgjast með reiðmönnum svo þeirtýnist ekki
og keyra þá heim þægilega ef þeir detta fullir
af baki.
Það eru reyndar svo margir framfaramenn
sem eru allir í vegum og einn þeirra er vinur
minn og flokksbróðir Árni Johnsen. Ekki er
hann fyrr kominn á þing fyrir Steina Páls en
hann fer að gera gagn og flytur eitt frumvarp
á dag fyrir Vestmannaeyingana sína. Og
hann er ekkert í smámununum hann Árni -
nú síðast vill hann að menn fari að búa sig í
sjóstakk til að grafa göng frá Eyjum til lands.
Tíu kílómetra á 90 metra dýpi. Tvær akreinar.
Sá karl er ekkert trys sem upp á slíkt býður.
Árni minn, sagði ég þegar ég var búinn að
óska honum til lukku með framtakið, koma
þeir nú ekki allir þessir dalakofasósíalistar
sem öngvar framfarir vilja og segja að svona
göng séu óþarfi? Kalla þær umbúðaþjóðfé-
lag eða hvað veit ég.
Látum þá bara gapa, sagði Árni. Vitanlega
eru jarðgöng verndandi umbúðir utan um bíla
alveg eins og leggöng eru umbúðir um ferð
barnsins inn í heiminn. Er ekki allt umbúðir ef
út í það er farið? Er ekki þessi vörpulegi
skrokkur minn umbúðir utan um ódauðlega
sál og söngva Eyjapeyja?
Það má til sanns vegar færa, sagði ég.
Þannig séð. En verður ekki alltof dýrt að
grafa svona göng?
Nei það er nefnilega það sem það er ekki
Skaði minn, sagði Árni varaþingmaður.
Menn hugsa alltaf svo grátlega skammt.
Hugsaðu þér að nú eru hundrað og tuttugu
þúsund manns á ári að fara á milli lands og
Eyja áferju og íflugvélum. Þeir mundu ef þeir
ækju neðansjávargöngin spara á hverri leið
fram og til baka meira en þrjá tíma. Hver tími
kostar kannski 400 krónur og meira hjá
Vestmannaeyingum sjálfum því við skilum
björg í þjóðabú. Þannig sparagöngin kannski
einar 150 miljónir á ári. Hálfan annan miljarð
á tíu árum. Á fjörtíu árum ertu búinn að spara
þessa skitnu sex miljarði sem göngin kann-
ski kosta. Fyrir nú utan það að það væri hægt
að leggja ferjunni sem er svo andskoti dýr i
rekstri. Þú sérð það sjálfur Skaði, þetta er
pottþétt og borðleggjandi eins og hver annar
hertur þorskur.
Já en Árni minn, fjármagnskostnaðurinn,
gleymdu honum ekki, sagði ég, enn bundinn
af minni gömlu íhaldssemi.
Ef það reddast ekki, þá má ég hundur
heita, sagði Árni. Og gleymdu ekki hinni sál-
rænu hagfræði málsins.
Sálrænu? spurði ég.
Já. Hvernig eigum við Vestmannaeyingar
að vera án jarðganga þegar Bretar eru að
grafa göng til Frakklands um miklu lengri
veg? Heldurðu virkilega að okkur haldist á
frjálsu fólki og flytjanlegu vinnuafli hér ef við
getum ekki boðið upp á sömu
mannsæmandi vegakjör og í Evrópu?
Mitterrand var mjög jákvæður
og ætlar meira að segja að
senda okkur bréf þar sem
hann staðfestir ýmislegt
2 SIÐA — NYTT HELGARBLAÐ Föstudagur 10. nóvember 1989
FLOKKUR
ALLRA FLOKKA
Það verður svosem engin bylt-
ing í lýðveldinu meðan Sjálfstæð-
isflokkurinn er trúr þeirri stefnu
sinni að fylgja stefnu Framsókn-
arflokksins í landbúnaðar- og
sjávarútvegsmálum, stefnu Al-
þýðubandalagsins í ríkisfjármál-
um, stefnu Alþýðuflokksins í
utanríkis- og iðnaðarmálum og
stefnu Kvennalistans í
mannúðar- og líknarmálum.
DV
TIL ATHUGUNAR
FYRIR LOÐDÝRA-
BÆNDUR
Sem aukabúgrein er Valgeir að
kaupa rándýrt fornt viskí og aðra
drykki og selja enn dýrar. Á
skrifstofunni voru nokkrar milj-
ónir í flöskuformi í trékössum
þegar Samúel var þar á ferð.
Samúel
ÞÚGÆTIRKEYPT
BRAUÐ FYRIR
HANN GÓURINN
Hvað varðar mig um allan
heimsins auð ef ég á ekki brauð
að borða?
Ellert B. Schram í DV
HALLAFÖGNUÐUR
Hallinn í fyrra var meiri en
hallinn í ár, segja stjómarsinnar
og gera hlé á máli sínu meðan
fagnaðarlátunum linnir. Hallinn í
ár verður meiri en hallinn í fyrra
segja stjórnarandstæðingar sigri-
hrósandi.
DV
GUÐGEFIOSSGÓÐ-
AN JARÐ-
SKJÁLFTA!
Uppgjafartónn er að yfirgnæfa
alla aðra tóna. Hvar er nú sú
djörfung og sá dugur sem við
sýndum í Vestmannaeyjagosinu?
Alþý&ubla&id
FRAMSÓKNAR.
BYLTING NÆST?
Þegar ég tala um að bylting sé
ef til vill framundan er ég ekki að
tala um byltingu hins gjaldþrota
kommúnisma Sovétríkjanna né
heldur allsherjarlausnir Hannes-
ar Hólmsteins. Heldur það að
fólk trúir því að það sé eitthvað til
þarna á milli.
Alþyóublaðið
HEIMURÍ
HNOTSKURN
Sama fjandskapinn sýna þeir
(íslenskir fyrirgreiðslupostular)
frjálshyggjunni, sem fólkið í
Austur-Evrópu veit að ein bjarg-
ar. Það má ekki gera sláturhúsin
hér svo fullkomin að hægt sé að
koma kjötinu til hótela erlendis.
Morgunbla&i&
GEGN SPARSEMI í
ANDLEGUM EFN-
UM!
Sveinbjörn Beinteinsson alls-
herjargoði fær aldrei að komast
að með sinn boðskap. Kristind-
ómurinn hefur aðeins einn guð en
ásatrúin heilt þing af guðum.
Morgunbla&id