Þjóðviljinn - 21.11.1989, Blaðsíða 9
AFMÆLI
Ásgerður Ingimarsdóttir
framkvœmdastjóri - sextug
Ljúft er mér að senda litla
kveðju í tilefni þessara tímamóta,
þegar hún Ásgerður er ákveðin í
að færa sig yfir á annan áratug
eins og ekkert sé.
Af þessari sæmdarkonu hefi ég
lengi haft kynni afar góð og nú
um tveggja ára skeið hefur hún
ráðið húsum, þar sem ég starfa og
ánægjulegra samstarf er erfitt að
hugsa sér. Má vera að einhverju
ráði sameiginleg áhugamál mörg
og góð, en mestu held ég að ráði
ljúflyndi hennar samfara á-
kveðni, glaðlyndi þar sem alvar-
an á sinn sess, lagni hennar og
lipurð við hvaðeina sem hún
tekur sér fyrir hendur, áhugi
hennar leiftrandi og ljós og
mannkostir, sem koma því betur í
ljós sem kynni verða margþættari
og meiri.
Ég veit ég má ekki segja það,
en kona sem er málsnjöll vel,
ágæta hagmælt, á sér hugsjónir
og berst ótrautt fyrir þeim, leggur
hvarvetna góðum málum lið og
þeim afræktu alveg sérstaklega,
slík afbragðskona er Ásgerður
einmitt. Það er þá enda sjálfgefið1
að sæmilega innrættu fólki þyki
hún hinn mætasti liðsmaður og
félagi og meti þessa eiginleika svo
sem vert er.
Það eru þó tvenn félaga-
samtök, sem eiga hug hennar
öðrum fremur og njóta starfs-
krafta hennar. Þetta eru Öryrkja-
bandalagið þar sem hún er nú
framkvæmdastjóri og svo Góð-
templarareglan, en hún er nú ein-
mitt æðstitemplar stúkunnar Ein-
ingar, sem heldur uppi fágætu fé-
lagsstarfi miðað við þann ágæta
félagsskap almennt. Ég held að
erfitt væri fyrir öryrkja og aðra
sem til Öryrkjabandalagsins leita
að fá viðræðubetri framkvæmda-
stjóra sem allt vill leysa ævinlega
á allra bezta veg.
Með úthlutun öryrkjabifreiða
fór fram í gegnum Öryrkjabanda-
lagið höfðu óhemju margir sam-
band við Ásgerði og var ég einn
þeirra, sem oftlega átti þannig við
hana erindi.
Ég trúi því að einstakt sé í
jafnviðkvæmum og vandmeð-
förnum málum, hversu viðmæl-
endur Ásgerðar báru henni ein-
staklega ágæta sögu, en á óvart
kemur það ekki þeim sem til
þekkja.
Svona er þetta einnig í hennar
aðalstarfi í dag, sem er miklu víð-
feðmara og persónulegra en ger-
ist og gengur hjá framkvæmda-
stjórum félagasamtaka, svo
margvísleg aðstoð og úrlausn er
veitt svo ótalmörgum. f>að er
einkar ljúft að hafa hana sem æð-
sta ráð einnig og um það munu
fleiri fúsir bera vitni hér á bæ.
Annars átti þessi litla afmælis-
kveðja aðeins að sýna afmælis-
barninu örlítinn þakkarvott.
Ég get þó ekki látið hjá líða að
geta þess að Ásgerður gegnir
mörgum, mætum trúnaðarstörf-
um fyrir Öryrkjabandalagið m.a.
á erlendum vettvangi.
Hún hefur lengi setið í
Stjórnarnefnd um málefni fatl-
aðra ýmist sem aðal- eða vara-
maður. Hún sat einnig um skeið í
Áfengisráði og var það vel
skipað. Er þá á fátt eitt minnzt.
Hins ber svo að sjálfstögðu að
geta að Ásgerður á hinn vænsta
eiginmann, þann glaða og góða
dreng Victor Ágústsson deildar-
stjóra hjá Pósti og síma og saman
eiga þau 4 börn sem öll bera for-
eldrum ágætt vitni.
Það er alltof lítið af fólki í þess-
um kalda harða heimi sem hugsar
eins og Ásgerður að leysa vanda
sem flestra sem fyrst og spyrja
síðast alls um verkalaun. Gefandi
gleði hennar og fórnfýsi í öllum
störfum utan hins skylduga er
líka næsta óvenjuleg í þessum ys
og asa fólks út af engu, en þar sem
alit snýst um eigin persónu, eigin
hag. Megi Ásgerður lengi enn
ylja huga okkar með geislandi
gjafmildi sinni á það góða, með
vel ortum vísum og kvæðum,
með græzkulausu gamninu og
síðast en ekki sízt sínu varma,
vinhlýja viðmóti.
Við þökkum henni í dag fyrir
að vera það sem hún er, heil og
sönn í hverri gerð og árnum henni
alls góðs á ævibrautinni áfram um
ókomin ár. Njóttu svo gjöfulla
gæfustunda og gleðina eigðu að
förunaut.
Helgi Seljan
FLÓAMARKAÐURINN
SMÁAUGLÝSINGAR
Til sölu
Nýtt lítið ferðasjónvarp. Upplýsingar í
síma 83823.
íbúð til leigu
í Kaupmannahöfn
frá 6. des. 1989 til 16. jan. 1990. Upp-
lýsingar í síma 10235.
Jólasveinabúningar til sölu
Upplýsingar í síma 32497 eftir kl.
20.00
Sjóminjar
Áttu sjóminjar eða veistu um miniar
sem tengjast sögu sjávarútvegs á Is-
landi? Sjóminjasafn íslands tekur á
móti öllum slíkum munum, gömlum
og nýjum til varðveislu. Hafið sam-
band í síma 91-52502 kl. 14-18 alla
daga. - Sjóminjasafn íslands.
Hreingerningar
Við erum tvær skólastelpur og tökum
að okkur að þrifa í heimahúsum.
Erum vanar og vandvirkar. Uppl. í
síma 36718, Sara eða 35206, Hrafn-
hildur.
Múrverk/flísaiagnir
- Flísa/marmara /skífulagnir
- Grófhúðun/fínhúðun/viðgerðir.
- Ráðgjöf, tímavinna, tilboö, góð
vinna, greiðsluskilmálar.
- Fagmaður í fimmtán ár.
Eiríkur Rauði Björgvinsson, sími
653087.
Rafmagnsþjónustan og
dyrasimaþjónustan
Þarftu að láta laga raflögnina eða
dyrasímann? Við höfum sérhæft okk-
ur í lagfæringum og breytingum á
gömlum raflögnum. Þú færð vandaða
vinnu á sanngjörnu verði. Gerum
kostnaðaráætlanir eða tilboð. Krist-
ján Sveinbjörnsson rafvirkjameistari,
sími 44430.
Til sölu
baðborð, stóll, skrifborð og hillusam-
stæða. Sanngjarnt verð. Uppl. í síma
45755 eftir hádegi í dag og í kvöld.
ísskápur til sölu
einn metri á hæð. Selst fyrir kr.
2.000.- Uppl. í síma 76586 á kvöldin.
Skodi óskast
Óska eftir að kaupa notaðan Skoda
2ja til 3ja ára. Má þarfnast lagfæring-
ar. Uppl. í síma 44465.
Leðurjakki
Til sölu svartur leðurjakki, lítið notað-
ur, stærð small (13-14 ára). Uppl. í
síma 75990.
Schneider hljómflutningstæki
til sölu á góðu verði. „Team 342“ de
Luxe, 2 ára, vel með farin með einni
tengingu fyrir c.d. (geislaspilara).
Skipti koma til greina. Sirra, sími
675862.
Óska eftir að kaupa
sambyggða trésmíðavél (sög, afrétt-
ari, og þykktarhefill). Uppl. í síma
25716 eftir kl. 17.00.
Til sölu ódýrt
handlaug og tvö blöndunartæki.
Einnig sjónvarpsloftnet. Uppl.í síma
29402 eftir kl. 18.00.
Til sölu
svefnbekkur með tveimur skúffum,
105x96 cm. Verð kr. 4.500.- Ferða-
og svefnbúr fyrir kött. Verð kr. 2.500.-
Þvottavél sem þarfnast viðgerðar.
Selst ódýrt, tilboð. Ryksuga í ágætu
lagi. Verð kr. 2.000,- Uppl. í síma
19848 eftir kl. 17.00.
Til sölu BMX reiðhjól
Upplýsingar í síma 45996.
Hestakerra
til Sölu. Uppl. í síma 98-21689 á
kvöldin.
Lítið borðstofuborð óskast
Guðrún, sími 19439 eftir kl. 18.00.
Nýleg barnakerra til sölu
á kr. 5.000.- Uppl. í síma 41373.
Aukadrif við
Machintoshtölvu
til sölu. Er sem nýtt. Uppl. í síma
623605.
Fjórhjól og ísskápur
42ja hestafla Suzuki fjórhjól til sölu. Á
sama stað óskast ísskápur til kaups.
Uppl. í síma 25825.
Antik skápur
Stór, antik fataskápur til sölu. Fal-
legur gripur. Uppl. í síma 32113.
Karlmannsreiðhjól
Óska eftir notuðu karlmannsreiðhjóli.
Uppl. í síma 15089.
Óska eftir ísskáp
fyrir lítinn pening. Uppl. í síma
622943.
Óska eftir að kaupa
gömul húsgögn. Allt kemur til greina.
Helga, sími 21154.
Til sölu
sófasett, hjónarúm, hillusamstæða,
hlaðrúm, svefnbekkir, svefnsófar,
eldhúsborð o.fl. Uppl. í síma 688116,
Langholtsvegur 126, kjallari kl. 17-
19.
Vídeóupptökuvél
Til sölu Panasonic M3 upptökuvél
ásamt áltösku. Uppl. í síma 628984.
Húsnæði óskast
Tvo námsmenn vantar 3ja herbergja
íbúð frá áramótum, helst miðsvæðis
og á góðu verði. Uppl. í síma 22825.
Ungbarnanudd
Kenni foreldrum ungbarna á aldrin-
um fjögurra vikna til 10 mánaða nudd
fyrir ungbörn. Ragnheiður í síma
41734.
Húsnæði óskast
1 2-3ja herbergja íbúð óskast á leigu.
Einhver fyrirframgreiðsla. Uppl. í
síma 622278.
Laus staða
Staða sérfræðings við jarðfræðistofu Raun-
vísindastofnunar Háskólans er laus til um-
sóknar. Æskilegt er að sérfræðingurinn starfi á
sviði aldursgreininga og tímatalsfræði.
Laun samkvæmt launakerfi starfsmanna ríkis-
ins. Umsækjendir skulu hafa lokið meistaraprófi
eða tilsvarandi háskólanámi og starfað minnst
eitt ár við rannsóknir.
Starfsmaðurinn verður ráðinn til rannsókna-
starfa, en kennsla þeirra við Háskóla íslands er
háð samkomulagi milli deildarráðs raunvísinda-
deildar og stjórnar Raunvísindastofnunar Há-
skólans, og skal þá m.a. ákveðið, hvort kennsla
skuli teljast hluti starfsskyldu viðkomandi starfs-
manns.
Umsóknir, ásamt ítarlegri greinargerð og skil-
ríkjum um menntun og vísindaleg störf, auk ítar-
legrar lýsingar á fyrirhuguðum rannsóknum
skulu hafa borist mennamálaráðuneytinu,
Hverfisgötu 6,150 Reykjavík, fyrir 15. desemb-
er n.k.
Æskilegt er, að umsókn fylgi umsagnir frá 1-3
dómbærum mönnum á vísindasviði umsækj-
anda um menntun hans og vísindaleg störf. Um-
sagnir þessar skulu vera í lokuðu umslagi sem
trúnaðarmál og má senda þær beint til mennta-
málaráðuneytisins.
Menntaskólinn á Egilsstöðum Kennara vant-
ar á vorönn til að kenna eftirtaldar greinar: við-
skipta- og tölvugreinar og íþróttir og félagsstörf.
Umsóknir ásamt upplýsingum um menntun og
fyrri störf sendist menntamálaráðuneytinu,
Hverfisgötu 6, 150 Reykjavík fyrir 1. desember
n.k.
Menntamálaráðuneytið
Rannsóknaaðstaða við
Atómvísindastofnun
Norðurlanda (NORDITA)
Við Atómvísindastofnun Norðurlanda (NOR-
DITA) í Kaupmannahöfn kann að verða völ á
rannsóknaaðstöðu fyrir íslenskan eðlisfræðing
á næsta hausti. Rannsóknaaðstöðu fylgir styrk-
ur til eins árs dvalar við stofnunina. Auk fræði-
legra atómvísinda er við stofnunina unnt að
leggja stund á stjarneðlisfræði og eðlisfræði
fastra efna.
Umsækjendur skulu hafa lokið háskólaprófi í
fræðilegri eðlisfræði og skal staðfest afrit próf-
skírteina fylgja umsókn ásamt ítarlegri greinar-
gerð um menntun, vísindaleg störf og ritsmíðar.
Umsóknareyðublöð og nánari upplýsingar fást í
menntamálaráðuneytinu, Hverfisgötu 6, 150
Reykjavík. Umsóknir skulu sendar í tvíriti til
NORDITA, Blegdamsvej 17, DK-2100 Köben-
havn Ö, Danmark, fyrir 1. desember n.k. Auk
þess skulu 2-3 meðmælabréf send beinttil Nor-
dita.
Menntamálaráöuneytið,
14. nóvember 1989
BR0SUMÍ
í umferðinni ^
- og allt gengur betur! •
yUMFEROAR
RÁÐ
Aukavinna
Þjóðviljinn óskar eftir fólki til starfa við áskriftar-
söfnun. Nánari upplýsingar veitir afgreiðslu-
stjóri blaðsins, í síma 68 1333 eða 68 1663.
þJÓÐVILJINN