Þjóðviljinn - 21.11.1989, Blaðsíða 12
■SPURNINGIN_
Hvað óskar þú að
framtíðin beri í skauti
sér fyrir komandi kyn-
slóð?
(spurt á Fæðingarheimilinu)
Guðrún Lára Magnúsdóttir
og 4 daga gamall sonur:
Ég óska eftir betrí heimi og meiri
gæsku manna í milli, ásamt ýmsu
ööru sem ég man ekki eftir í augna-
blikinu.
Bára Ketilsdóttir
og 4 daga gamall frumburöur:
Ég vil gjarnan aö meira réttlæti ríki í
heiminum í framtíðinni, sérstaklega
gagnvart börnum.
Ester Unnsteinsdóttir
ásamt 6 daga gamalli dóttur:
Ég vona að dóttir mín og aðrar konur
standi frammi fyrir meira vali þegar
að því kemur að þær eignast börn og
samfélagið búi uppalendum betri að^
stæður.
Jóhanna Erlingsdóttir
ásamt sólarhringsgamalli
dóttur:
Það er nú svo margt sem ég vildi aö
breyttist til betri vegar en í augnablik-
inu kemur mór ekkert eitt í hug.
Guðrún Þórsdóttir
ásamt 4 daga gamalli dóttur:
Ég óska þess fyrst og fremst að friður
ríki í heiminum og þessa dagana er
ég ákaflega bjartsýn á að sú ósk mfn
rætist.
þJÓÐVILIINN
Þriðjudagur 21. nóvember 1989 198. tölublað 54. órgangur
SÍMI 681333
Á KVÖLDIN
681348
SÍMFAX
681935
Fœðingarheimilið
Lokun skapar neyðamstand
Borgarráð hefur samþykkt að leigja út hluta afhúsnœðifæðingarheimilisins. Sólveig
Þórðardóttir, yfirljósmóðir: Grundvelli kippt undan áframhaldandi rekstri og uppbyggingu
Eg trúi ekki öðru en að þetta séu
mistök stjórnmálamanna sem
þeir leiðrétti þegar þeir hafa
kynnt sér staðreyndir málsins. Á
sama tíma og Fæðingarheimilið
og fæðingardeild Landspítalans,
eru að vinna að því að treysta
grundvöll heimilisins og skipu-
leggja samstarf milli stofnananna
heyrum við í fréttunum að leigja
eigi út stóran hluta af húsnæði
Fæðingarheimilisins. Með þess-
ari ákvörðun sýnist mér sem for-
sendur fyrir rekstri Fæðingar-
heimilisins og áframhaldandi
samstarfi þess við fæðingardeild
Landspítalans sé stefnt í hættu,
sagði Sólveig Þórðardóttir, yfir-
Ijósmóðir á Fæðingarheimilinu í
Reykjavík
Eins og fram hefur komið í
fréttum, samþykkti meirihluti
Borgarráðs að leigja 11 læknum
tvær af þremur hæðum Fæðingar-
heimilisins. í samningnum felst
að skurðstofa heimilisins, nýupp-
gerð og búin góðum tækjum,
ásamt 10 rúmum af 18 á 2. hæð
hússins verða leigð út. Borgarráð
samþykkti fyrir sitt leyti leiguna
án þess að leita álits stjórnar
borgarspítalanna eða aðra sem
málið varðar.
- Það er yfirlýstur vilji yfir-
stjórnar Fæðingarheimilisins og
Landspítalans að þessar tvær
stofnanir vinni saman að því að
búa fæðandi konum á höfuðborg-
arsvæðinu góða aðstöðu til að
eiga sín börn. Eins og ástandið er
núna getur Landspítalinn ekki
Ég trúi ekki öðru en að þetta séu mistök stjórnmálamanna sem þeir leiðrétta þegar þeir hafa kynnt sér málið
betur, segir Sólveig Þórðardóttir, yfirljósmóðir á Fæðingarheimili Reykjavíkur. Á myndinni eru Sólveig og
Benedikt Ó. Sveinsson læknir. Mynd -Kristinn.
Fæðingarheimilið í Reykjvík hefur löngum boðið upp á aðstæður sem
eru talsvert frábrugðnar fæðingardeildum sjúkrahúsa og lögð hefur
verið á það áhersla að konur eigi val um það í hvernig umhverfi þær
fæði börnin. Mynd - Kristinn.
sinnt öllum fæðingum á svæðinu
og hlutverk Fæðingarheimilisins
er því að taka við þeim konum
sem Landspítalinn getur ekki
annað. Það er líka brýn þörf á því
að konur eigi um það val í hvernig
umhverfi þær fæða sín börn og
sem kunnugt er, er starfsemi
þessa heimilis og Landspítalans
frábrugðin á ýmsan hátt, sagði
Sólveig.
Ef af leigusamningi verður eru
10 rúm eftir til umræða fyrir Fæð-
ingarheimilið, en Sólveig sagði
að vegna þrengsla væri í raun
ekki hægt að taka á móti fleiri en
7 konum, með góðu móti.
- Með þetta fáum sjúkrarúm-
um getum við ekki annað nægi-
lega mörgum fæðingum þannig
að álagið bæði hér og á Landspít-
alanum verður allt of mikið, svo
ekki sé minnst á það neyðará-
stand sem skapast þegar Fæðing-
arheimilinu og skurðstofu sjúkra-
húss Suðurnesja er lokað yfir
sumartímann, sem er mesti ann-
atími fæðingardeilda. Þannig er
ekki bara verið að draga úr þjón-
ustunni hér heldur einnig gera
starfsfólki Landspítalans ill-
mögulegt að sinna starfi sínu á
þann hátt sem það óskar. Auk
þess er það illa verjandi að reka 7
rúma fæðingardeild, sem er mjög
dýr í rekstri þannig að næsta skref
hlýtur því að vera að leggja Fæð-
ingarheimilið niður, sagði Sól-
veig.
Fæðingarheimilið í Reykjavík
hefur verið starfrækt í rúm 30 ár
og fyrrverandi forstöðukona
þess, Hulda Jensdóttir beitti sér
fyrir ýmsum nýjungum á þessu
sviði. Sem dæmi má nefna að hún
hafði frumkvæði að því að gera
feðrum kleift að vera viðstaddir
fæðinguna og skipulagði foreldr-
afræðslu. - Eg vil gjarnan leggja
mitt af mörkum til að Fæðingar-
heimilið verði áfram í broddi
fylkingar varðandi nýjungar í
fæðingarmálum þar sem mann-
legi þátturinn er hafður í fyrir-
rúmi. Ég trúi því að ná megi sátt-
um milli hinna ólíku þátta sem
snerta fæðinguna með því að taka
jöfnum höndum tillit til mann-
lega þáttarins og þess sem lýtur
að sýklavörnum og öryggi. Þetta
eru ekki tveir andstæðir pólar
heldur samtvinnaðir þættir sem
fagleg þekking gerir okkur kleift
að sætta. Hins vegar hefur nei-
kvæð umræða háð starfsemi Fæð-
ingarheimilisins lengi og þær
raddir sem sífellt endurtaka
kröfuna um að leggja heimilið
niður. Ég trúi ekki öðru en að
það ágæta fólk sem vill fæðandi
konum vel endurskoði ákvörðun
sína þegar það hefur kynnt sér
málið betur og sjái að tímabært er
að umræðu um takmarkaða starf-
semi eða niðurlagningu heimilis-
ins linni, sagði Sólveig. 'Þ