Þjóðviljinn - 15.12.1989, Blaðsíða 2
SKAÐI SKRIFAR
Ég fæ skilning á
Gorbatsjovháskanum
Ég, Skaði, hef verið heldur ánægður með
þessa framvindu mála í Austur-Evrópu. Það
gleður mitt gamla sjálfstæðishjarta, að
kommar reka hausinn á það, að það þýðir
ekki að þjóðnýta fjandann ráðalausan, það
endar bara á því að enginn gerir neitt en allir
stela öllu eins og þeir gera hjá SÍS. Húsbóndi
verður að vera á hverjum stað, sem hefur aga
á liðinu og heldur utan um allt saman, að
minnsta kosti meðan hann fer ekki á hausinn,
þá getur andskotinn tekið við því sosem.
Þetta var ég svona að hugsa um í góða
veðrinu um daginn þegar ég hitti Gísla
frænda minn sem er mikill athafnamaður,
hann er í Síldinni og Flugfélaginu og Aðal-
verktökum og guð má vita hvar hann er ekki,
meira að segja Halldór Jónsson er eins og
hver annar sendisveinn í samanburði við
hann.
Jæja frændi, sagði ég, hvernig líst þér á
Gorba karlinn? Finnst þér ekki vera komið
markaðsvit í peyjann og önnur skynsemi?
Hann Gorbatsjov, sagði Gísli og dæsti.
Minnstu ekki á þann karlskratta ógrátandi.
Nú, hvað er þetta maður. Eru þeir Bush
ekki góðir vinir og allt það?
Bush er asni, sagði Gísli. Hann má ekki
vatni halda fyrir hrifningu á þessari perest-
rojku eða hvað það heitir. Ekki hefur hann
áhyggjur af því, að það er varla nokkur leið
að selja þessum endurbatarússum síldar-
sporð hvað þá meir.
Já en markaðslögmálin..., byrjaði ég.
Ég skal segja þér eitt frændi, sagði Gísli.
Það er ómögulegt að hafa þessi andskotans
markaðslögmál allsstaðar. Það var svo þægi-
legt að hafa svona eyðu í heimsbúskapnum
eins og Rússa. Það var nóg að hvísla að þeim
að eiginlega værum við útgerðarmenn móðg-
aðir út í Nató og á móti Könum, þá keyptu
þeir hvaða drullu sem var. Eins þótt sfldin
hefði fyrst legið úti á túnum í mánuð.
Já en nú er Gorbatsjov að draga saman
herafla sinn, sagði ég.
Það var þá greiði við almennilegt fólk,
sagði Gísli. Ég skal segja þér að með þessu
friðarbrölti sínu er Gorbatsjov á góðum vegi
með að kippa grundvelli undan velmegun
landsins og þar með sjálfstæði, þvíhver held-
urðu að vilji búa hér ef allir aurar gufa upp?
Hvaða vitleysa Gísli, sagði ég.
Hvaða vitleysa? Nei, Gorbi andskotast í
friðarmálum og fyrr en varir verða þessir
bjánar í Nató búnir að svíkja okkur og semja
af okkur herinn. Heldurðu að það verði
uppákoma? Eina fyrirtækið hér sem er al-
mennilega rekið og borgar sínu fólki gott
kaup, Aðalverktakarnir, þeir fara á útsölu.
Og Suðurnesjamennirnir mínir, hvað eiga
þeir að gera þegar herinn fer?
Geta þeir ekki bara farið á sjóinn aftur?
spurði ég
Á sjóinn! hváði Gísli hneykslaður. Þeir eru
orðnir afvanir svoleiðis fokki og kvótinn far-
inn annað hvort sem er. Nei góði, Suður-
nesjamenn fara á vonarvöl og það verður
bara upphafið á okkar ógæfu.
Ertu nú svo viss um það? spurði ég.
Ég er viss um það sem ég veit, sagði Gísli.
Þú skalt ekkert vera að efast um það. Gorbat-
sjov er ein hörmungajárnkeðja örlaganna
fyrir okkur íslendinga. Fyrst hættum við að
geta selt Rússum afgangsfisk. Svo fara
Suðurnesin í eyði og hlutabréfin mín í Aðal-
verktökum og Keflavíkurverktökum verða
eins og hver annar skeinispappír. Svo missa
Flugleiðir alla sína sérstöðu hjá Könum og
Atlantshafsflugið leggst niður. Eimskip mis-
sir þessa þægilegu og yndislegu flutninga fyrir
herinn og fer kannski sömu leið og Hafskip,
maður veit aldrei. Það kemur aidrei varaflu-
gvöllur fyrir norðan og ekki heldur fyrir
austan og þar með verður ekki hægt að taka
niður alla þessa farþega sem eru að fljúga yfir
í vondum veðrum fyrir sunnan og láta þá sofa
hjá ferðaþjónustu bænda. Ég gæti sagt þér
miklu fleira, en ég er svo reiður að hér segi ég
stopp svo ég taki ekki þinn góða skalla,
Skaði, fyrir hausinn á Gorbatsjov og fari að
lemja þig eins og harðfisk.
Jamikasskoti, sagði ég. Hvað viltu að ég
geri, Gísli minn?
Ég vil þú skiljir eins og ég, að Gorbatsjov
verður ísalands óhamingju að hvössu vopni.
Ég vil að við samfylkjum gegn því að
eitthvert andskotans frelsisbrölt í Áustur-
Evrópu leiði fátækt yfir ísland. Ég vil, Skaði,
að við snúum bökum saman og verjum her-
inn á íslandi til síðasta blóðdropa.
GARÐINUM
ÞAÐERVONAÐ
MAÐUR SPYRJI
Hvenær höfum við samþykkt
allt þetta frelsisbrölt í Gorbat-
sjov? Hvaða leyfi hefur hann til
að svipta okkur stríðsgróðanum
og stöðva þetta indæla kalda
stríð sem staðið hefur í fjörutíu
TAKTU EKKI FRÁ
MÉR VERÖLDINA,
JÓNASMINN!
Stuðningsmenn Atlants-
hafsbandalagsins geta ekki
lengurtreystsínu eigin bandalagi
vegna þess að Nató getursvikið í
þessu máli og samið frá okkur
herinn.
DV
EINHVERSSTAÐAR
VERÐA VONDIR AÐ
VERA
Þá skar Þjóðviljinn sig úr að því
leyti að hann fjallaði oftar en hin
blöðin á neikvæðan hátt um
flokka andstæðinganna.
Frétt í DV
NEI, BARA SVONA
SMAGRÍNREGLU
Aldrei hefursannast að Magn-
ús (Thoroddsen) hafi brotið al-
varlega siðferðilega reglu.
Hannes Hólmsteinn í DV
ÞAKKAÐU GUÐI
ÞAÐVAREKKI
NAUT
Maður varð fyrir því óhappi í
gær að fá frosinn svínskrokk í
höfuðið og meiðast nokkuð.
DV
EKKIERGAMLA
GRYLADAUÐ
Og nú á hundrað ára afmæli
bókaútgáfu (landinu teygir Al-
þýðubandalagið krumlu sína í jól-
abókasöluna og gefur rétt litum
höfundum forskot á aðra með
skrípaútnefningu tíu „bestu"
bóka, sem að níu tíundu hlutum
eru eftir vinstri menn.
Morgunblaðið
NÚERVANDIÍ
VORU LANDI...
Kjarnorkustórveldin ættu að
getakomið sér saman um öll sín
ágreiningsmál. En að semja um
hver sé höfundur heitustu ásta-
vísu á íslensku er ómögulegt.
Morgunblaðið
VÍÐAERU
UTSENDARAR
ÓLAFS RAGNARS
Hlutleysi skattkerfaogfegurð
einfaldleikans stuðlar hvort
tveggja að einskonar væntum-
þykju greiðenda um skattinn sinn
og veitir ekki af.
Morgunblaðið
JÁ, BORGAÐU
BROSANDI!
Baráttan um prósentubrotin í
virðisaukaskattinum er því her-
ferð manna sem eru staddir í vit-
lausu stríði.,_
2 SlÐA-NÝTT HELGARBLAÐ Föstudagur 15. desember 1989
Morgunblaðið