Þjóðviljinn - 15.12.1989, Blaðsíða 25

Og gettu
Þettaerjólapoppgetraun Þjóðviljans. Pione-
er PD-6300 geislaspilari í fyrstu verðlaun, 10
geisladiskar í önnur verðlaun og Sharp QTF
60 ferðasegulbandstæki iþriðju verðlaun.
______ Munið skiladaginn!
Nýtt Helgarblað Þjóð-
viljans býður nú lesend-
um sínum að taka þátt í
poppgetraun þarsem
glæsilegirvinningarfalla
þeim í skaut sem standa
sig best. Fyrstu verðlaun
eru hvorki meirané
minnaengeislaspilari
frá Pioneer sem kostar í
Hljómbæ rúmar30 þús-
und krónur. Önnurverð-
laun eru 10 geisladiskar
sem kosta a.m.k 17 þús-
undkrónurogíþriðju
verðlaun er Sharp QTF
60 ferðasegulbandstæki
sem kostartæp 9 þús-
und.
Þettaeru alltglæsi-
legirvinningarsem les-
endurgeta kræktsérí
með viskunni einni sam-
an. Ef mörg rétt svör ber-
ast verður dregið úr um
það hver hreppir vinn-
ingana. En lesendur
verða að senda svörin
innfyrir3.janúar. Um-
slagið skal merkt: Popp-
getraun Þjóðviljans,
Síðumúla 6,108 Reykja-
vík.
Og þá er bara að hefjast handa
við svörin.
1. Þann 12. febrúar hélt bresk
hljómsveit tónleika í Tunglinu,
hvað heitir hún og hvað heitir
platan sem hljómsveitin gaf út í
sama mánuði?
2. Lou Reed sendi frá sér
lötuna „New York“ á þessu ári.
hvaða frægri hljómsveit var
hann áður?
3. Tuttugu og tveggja ára gam-
all blindur Bandaríkjamaður
sendi frá sér sína fyrstu plötu í ár,
„See the Light“. Hann hefur ver-
ið kallaður Hendrix nútímans.
Hvað heitir maðurinn?
4. Risaeðlan hefur gert það
gott síðustu misserin. Hljóm-
sveitin hefur lagt leið sína á er-
lenda grundu en undir hvaða
nafni gengur hún þá?
5. Kommi trommuleikari
Langa Sela og skugganna barði
áður húðir með einni litríkustu
pönksveit landsins. Hvað heitir
sveitin?
6. Hvaða frægi tónlistarmaður
kom Paul McCartney til aðstoðar
á nýjustu plötu hans „Flowers in
the Dirt“?
7. Gamall kollegi McCartneys,
Ringo Starr, tók sig saman í and-
litinu á árinu hætti að drekka og
hélt í tónleikaferðalag í fyrsta
skipti í áraraðir. Hvað heitir
Ringo Starr raunverulega?
nú
8. Kate Bush samdi lag sem ber
titil einnar frægustu ástarsögu
evrópskra bókmennta. Hvað
heitir sagan? (Svarið telst rétt
hvort sem nafnið er gefið á ensku
eða íslensku)
9. Sykurmolarnir sóttu titil
ensku útgáfu nýjustu plötu þeirra
til brúðumyndarpersónu, sem lét
þessi orð: „Here Today Tomorr-
ow Next Week“, fjúka af vörum
sínum. Tilgreinið annað hvort
nafn brúðuþáttanna eða persón-
unnar. (Rétt svar má hvort held-
ur vera á ensku eða íslensku)
10. Sjónvarpið neitaði að sýna
ákveðið myndband með Sykur-
molunum í þætti sem átti að
kynna það helsta í íslenskri
plötuútgáfu fyrir þessi jól. Við
hvaða lag var þetta myndband?
11. Hvað heitir aðalsprauta
hljómsveitarinnar Throwing
Muses?
12. Meðlimir Todmobile þau
Andrea Gylfadóttir, Eyþór Arn-
alds og Þorvaldur Þorvaldsson
hafa öll verið í öðrum hljómsvei-
tum. Hvað heita þær? (Nóg að
nefna eina hljómsveit fyrir hvert
þeirra)
13. Á nýjustu plötu sinni „Tin
Machine" tekur David Bowie eitt
lag eftir John Lennon. Hvað
heitir lagið?
14. Bresk rokkhljómsveit hafði
boðað komu sína til tónleika-
halds á fslandi á haustmánuðum
en kom ekki. Hvaða hljómsveit
var þetta?
15. Hvað gerði Óli Gaukur
fyrir Sykurmolana á „Here To-
day Tomorrow Next Week“?
16. Rykkrokk var haldið með
miklum glæsibrag við Fellahelli í
ágústmánuði. Hvert var tilefnið?
17. Heimsbyggðin hafði sætt
sig við að The Rolling Stones væri
hætt. Hljómsveitin gaf þó út
plötu á þessu ári sem heitir „Steel
Wheels". Hvað hét platan sem
þeir gáfu út þar áður?
18. Hverjir voru í Stuð
mönnum á plötunni Sumar á Sýr-
landi?
19. Rúnar Þór sendi frá sér
fjórðu sólóplötu sína í ár. Nefnið
að minnsta kosti eina af fyrri
plötum hans.
20. Hvað hét fyrsta plata Meg-
asar?
AUKASPURNING sem getur
lyft þér upp sé eitt svar við aðal-
spurningu rangt: Joe Strummer,
sá stéttvísi rokksöngvari, gaf ný-
lega út sólóplötu. Hvað heitir
hún og í hvaða hljómsveit var
maðurinn áður?
-hmp
Ný dönsk á tónleikum í Islensku óperunni. Mynd: Kristinn.
Ný dönsk
rómantík
Ný dönsk er hljómsveit sem
vakti athygli sem ljóstýra á
„Frostlög", safnplötu sem við
skulum annars láta liggja á milli
hluta. Ég heyrði fyrst svo mark sé
á takandi í hljómsveitinni á tón-
leikum í íslensku óperunni ásamt
Todmobile. Þar virkaði þessi ný-
danska rómantík bara nokkuð
vel. Það eina sem áheyrendur
vantaði á tónleikunum var svig-
rúm.
í óperunni var gítarleikari með
Ný dönsk sem ég hef ekki högg-
mynd um hvað heitir. En hann
vakti athygli mína fyrir þéttan og
rokkblúsaðan gítarleik. Kostur-
inn við hann er líka sá að hann
„blastaði" ekki cins og margir
vilja gera sem stunda sams konar
gítarleik. Þessi nafnlausi maður
er ekki á jómfrúarplötu Ný
danskrar, „Ekki er á allt kosið“.
Ný dönsk minnir einna helst á
það besta sem gert var um og upp
úr árinu 1974 og jafnvel fyrr. Þeir
nýdönsku eru þó fullicomlega
heiðarlegir og eru ekki að apa
eftir einhverjum tilteknum frá
þessu tímabili, heldur sækja þeir
þangað aðeins straumana en
flytja tónlistina á sinn persónu-
lega hátt. Það er til marks um að
Ný dönsk kunni sitthvað, að þeir
hljóma betur á tónleikum en á
plötu. Vafalaust hefur hljóm-
sveitin líka tekið framförum frá
því platan var tekin upp, ungt
blóð ferðast hratt.
Platan, „Ekki er á allt kosið“,
er engu að síður hin skemmtileg-
asta plata. Ný dönsk er enn ein
staðfestingin á fjölbreytileika
tónlistarlífsins á klakanum. En
um þessar mundir eru ótrúlega
margar hljómsveitir og tónlistar-
menn á ferðinni sem allir marka
sér sérstöðu fyrir eigin stíl. Eng-
inn einn stfll ræður ferðinni.
„Apaspil", ágætt lag sem virk-
ar betur á sviði en á plötu, er eitt
af ágætustu lögum plötunnar. Ég
hef þó meira gaman af „Eru ekki
allir í stuði“. Þar er horfið aftur til
þess tíma þegar Harrison spilaði
á sítar, Lennon bruddi sýru eins
og brjóstsykur og heimurinn var í
víddum. Hér tala börn hippakyn-
slóðarinnar eða yngri systkini
hennar, til blómabarnanna, tala
um þetta tímabil eins og hvern
annan renisans í mannkynssög-
unni. Og þeir dönsku spyrja:
„Hvar er allt fallega fólkið/ öll
fallegu íslandsbörnin/ svo lang-
skólagengin og fín?/ Eru ekki all-
ir í stuði"? Björn bassaleikari á
mikið í þessu lagi með leik sínum
og söng og raunar á ég effitt með
að ímynda mér hljómsveitina án
hans.
Fleiri ágæt lög mætti nefna til
sögunnar. „Hjálpaðu mér upp“
er góður tregi. Hljómar kannski
dálítið ankannalega að svona
ungir menn eins og þeir í Ný
dönsk glími við angist af þeim
toga sem felst í titli lagsins. Én ef
tónlistarsagnfræðilegu ljósi er
varpað á lagið, gengur dæmið
upp.
Eins og nokkrar aðrar af yngri
hljómsveitum landsins sækist Ný
dönsk eftir fágun, í anda vinnu-
bragða Steely Dan, án þess að
líkjast þeirri hljómsveit nokkuð
að öðru leyti. Ég kann vel við
þetta og vænti mikils af meðlim-
um Ný danskrar í framtíðinni.
-hmp
c desember 1989 NÝTT HELGARBLAÐ - SlÐA 25