Þjóðviljinn - 29.12.1989, Blaðsíða 12
Hvað er þér minnisstæð-
ast á árinu?
Eggert Magnússon
húsasmíðameistari:
Þetta er búið að vera alveg ágæt-
isár en minnisstæðastir og jafn-
framt ánægjulegastir hafa þó
verið þeir atburðir sem orðið hafa
í A - Evrópu síðustu misserin. Af
innlendum atburðum er sá helst-
ur að ekki skuli enn hafa tekist að
koma böndum á verðbólguna.
Einar Bjarnason
kranamaður:
Jólin. Þá hefur þetta ár sem er að
líða verið mér áfallalaust og gott.
Af erlendum atburðum er mér
efst í huga hrun Berlínarmúrsins
og annað það sem gerst hefur í A
- Evrópu.
Tyrfingur Þórarinsson
ræstitæknir:
Þaö hversu leiðinlegt var að
vinna í fiski og það að mér tókst á
árinu að fá aðra og betri vinnu við
hreingerningar.
Bjarni Guðjónsson
eftirlitsmaður:
För mín og eiginkonunnar til dótt-
ur okkar í Svíþjóð. Einnig þeir at-
burðir sem hafa verið að gerast í
A - Evrópu og þá sérstaklega í
Rúmeníu.
Elísabet Brand
kennari:
Jarðskjálftarnir í San Francisco,
blóðbaðið í Kína í sumar og síð-
ast en ekki síst þeir atburðir sem
orðið hafa í A - Evrópu að undan-
förnu.
þiómnuiNN
______Fðstudagur 29. desember 1989 224. tölublað 54. árgangur
SÍMI 681333
Á KVÖLDIN
681348
SÍMFAX
681935
Jólavertíðin
Plast
en ekki
pappír
Einhver samdráttur
var á sölu bókafyrir
jólin en hljómplötur
seldust nokkuð betur
en áður
Lítils háttar samdráttur var í
sölu bóka fyrir þessi jól miðað við
síðustu ár, þótt ekki liggi fyrir
endanlegar tölur í því sambandi.
Á hinn bóginn seldust hljómplöt-
ur heldur betur en áður.
Bóksalar sem Þjóðviljinn
ræddi við í gær töldu söluna ýmist
svipaða og í fyrra eða nokkuð
minni. Þannig sagði Ólafur Þórð-
arson deildarstjóri hjá Máli og
menningu bóksölu hafa verið
mjög þokkalega en hafði ekki ná-
kvæman samanburð við desemb-
er í fyrra. Áberandi góð sala var á
bókum frá útgáfunni í eigin versl-
un. Kristján Jóhannsson hjá Al-
menna bókafélaginu sagði nokk-
urn samdrátt hafa orðið í bók-
sölu, en var ánægður með hlut
forlagsins og sagði AB hafa átt
fleiri sölubækur nú en í fyrra. Þá
sagði hann áberandi hve vel
barna- og unglingabækur seldust
fyrir þessi jól og því ekki hægt að
segja að börn lesi minna nú en
áður. Söluhæstu bækurnar voru
að þessu sinni Ég heiti ísbjörg -
ég er ljón, Sagan sem ekki mátti
segja, Eva Luna, Náttvíg, Fyrir-
heitna landið, Ég og lífið, Kjölfar
kríunnar, Fransí biskví, Dauða-
lestin, Með fiðring í tánum, Rit-
snilld og Landhelgismálin.
Hljómplötuútgefendur eru
ánægðir með sinn hlut fyrir þessi
jól og telja söluna ívið betri en
áður. „'Salan er greiniiega meiri
en áður og ég er ánægður, bæði
með sölu og gæði platnanna í ár,“
sagði Steinar Berg hljómptötu-
útgefandi. Plata Bubba Mort-
hens, Nóttin langa, seldist mest
allra platna fyrir jólin, eða í um
14.500 eintökum. Plata Sálarinn-
ar hans Jóns míns seldist í 12.300
eintökum, en næst á eftir komu
Síðan skein sól, Ríó, Örvar Krist-
jánsson, Nýdönsk ogTodmobile.
-þóm
Skiptimarkaður
Skiptimarkaður verður hald-
inn í Hafnarborg í Hafnarfirði
nk. laugardag kl. 15. Markaður-
inn er haldinn í tengslum við
Safnasýninguna í Hafnarborg. Á
markaðinum gefst söfnurum
kostur á að skiptast á hlutum,
miðla upplýsingum og fróðleik og
e.t.v. eignast nýja viðbót í safnið
sitt.