Þjóðviljinn - 01.12.1990, Blaðsíða 3
FRETTIR
Bráðabirgðalögin
Ottast ekki dóm þjóðarinnar
r
Olafur Ragnar Grímsson: Segi Sjálfstœðismenn að þeir séu ekki að fella þjóðarsáttina þá afhjúpa þeir hvað þeir
eru mikil börn. VSI kallar Þorstein á teppið
Ríkisstjórnin mun standa og
falla með stefnu sinni og ef
Sjálfstæðisflokkurinn ræðst
gegn þjóðarsáttinni og efna-
hagsstefnunni þá getur alveg
komið til greina að þjóðin fái að
velja milli ríkistjórnarinnar og
þjóðarsáttarinnar annarsvegar
og Sjálfstæðisflokksins og nýja
verðbólgubálsins hinsvegar.
Ég óttast ekki dóm þjóðarinn-
ar í því máli, sagði Olafur Ragnar
Grímsson, formaður Alþýðu-
bandalagsins, um þá staðreynd að
meirihluti stjómarinnar í neðri
deild Alþingis er mjög tæpur
þessa dagana eftir að þingflokkur
Sjálfstæðisflokksins ákvað að
greiða atkvæði gegn bráðbirgða-
lögunum sem sett voru á samn-
ingana við BHMR, líkt og þrír
stjómarliðar hafa lýst yfir að þeir
muni gera.
Staða stjómarinnar veiktist
enn frekar á miðvikudag þegar
Guðmundur Agústsson, þing-
flokksformaður Borgaraflokks-
ins, sagðist ekki lengur styðja rík-
isstjómina. Hann er þó ekki geng-
inn til liðs við stjómarandstöðuna
Ólafur Ragnar Grímsson formaður Alþýðubandalagsins og Flosi Eirlksson nýráðinn skrifstofustjóri sama
flokks fyrir framan Bankastræti 3, en Sigfúsarsjóður keypti efstu hæðirnar og þangað er Alþýðubandalagiö að
flytja skrifstofur slnar. Mynd: Kristinn.
Skrifstofustjóri AB
Mun vinna í anda friðar
Flosi Eiríksson: Mitt hlutverk að halda sambandi við fólk
FIosi Eiríksson var í gær
ráðinn skrifstofustjóri Al-
þýðubandalagsins. Hann er for-
maður Alþýðubandalagsins í
Kópavogi.
„Mitt hlutverk er auk hins al-
menna reksturs að halda sam-
bandi við fólk og vita hvað er að
gerast hveiju sinni,“ sagði Flosi.
„Ég hef verið í starfsháttanefnd
flokksins og það er í anda þeirrar
nefndar sem ég ætla að vinna,
þ.e.a.s. í friðaranda."
Flosi sagði að starfið legðist
vel í sig ef menn næðu saman í
flokknum og sagðist hann vera
bjartsýnn á að það tækist. „Síðan
fer kosningastarfið að byija, list-
amir úti um allt land em að skýr-
ast og þá fer þetta að fara af stað,“
sagði Flosi, en í endaðan janúar
stendur til að halda kosningaráð-
stefnu með miðstjómarmönnum
og efstu mönnum á listum. Flosi
sagði að þá myndu menn ræða
stefnuáherslur og tilhögun kosn-
ingabaráttunnar. -gpm
Palestína
Stuðningur f verki
ABR: Ríkisstjórnin fylgi eftir í verki samþykkt alþingis um stuðning við
sjálfsákvörðunarrétt Palestínu
I" ályktun stjórnar Alþýðu-
bandalagsins í Reykjavík er
þess kraflst að ríkisstjórn ís-
lands fylgi eftir í verki og á al-
þjóðavettvangi, samþykkt al-
þingis um stuðning við sjálfs-
ákvörðunarrétt Palestínuþjóð-
ar í eigin landi og að ísland
skuli hafa vinsamleg samskipti
við Frelsissamtök Paiestínu.
Jafnframt gerir ABR þær
kröfur að þjóðir heims styðji þjóð
Palestínu í verki til að ná sínum
rétti, aðgerðir til að binda endi á
hemám Israels á hemumdu svæð-
unum og að almenningur á her-
teknu svæðunum fái alþjóðlega
vemd gegn ógnaraðgerðum ísra-
elsríkis þar.
I vikunni var árlegur sam-
stöðudagur með palestínsku þjóð-
inni samkvæmt ályktun allsheij-
arþings Sameinuðu þjóðanna frá
1977. Tilgangurinn með degin-
um, 29. nóvember er að minna á
samþykktir SÞ um réttláta og var-
anlega lausn Palestínudeilunnar,
sem fela I sér rétt flóttafólks til að
snúa aftur til heimalands síns,
fullan sjálfsákvörðunarrétt fyrir
palestínsku þjóðina og rétt hennar
til ríkis í heimalandi sínu.
I tilefni dagsins sendi þing-
flokkur Kvennalistans frá sér yfir-
lýsingu þar sem skorað er á ís-
lensk stjómvöld að þau beiti
áhrifum sínum á alþjóðavettvangi
til þess að deilumál Israels og Pal-
estínu verði til lykta leitt á þann
hátt að báðir aðilar njóti réttlætis
og friður hljótist af. -grh
r
Olvmpíuskákmótið
Stefndi f sigur
I gekk vel í viöureign sinni við
Portúgala í gær á ólympíuskák-
mótinu í Júgóslavíu.
Helgi Olafsson og Jóhann
Hjartarson unnu báðir sína and-
stæðinga. Jón L. Ámason var peði
yfir og með betra tafl í sinni við-
ureign og skák Margeirs Péturs-
sonar var í jafnvægi. Það stefndi
því j íslenskan sigur.
íslendingar töpuðu hinsvegar
fyrir A-Þýskalandi á fimmtudag
með 1,5 gegn 2,5. Fyrir viður-
eignina við Portúgala vom Islend-
ingar í 16. sæti með 25,5 vinn-
inga.
-Sáf
Laugardagur 1. desember 1990 ÞJÓÐVILJINN — SlÐA 3
og mun t.d. ekki greiða atkvæði
gegn bráðbirgðalögunum.
„Þjóðarsáttin og árangurinn í
efnahagsmálunum em kjaminn í
þeirri stefnu sem ríkisstjómin
hefur fylgt. í síðustu viku átti ég
viðræður við forystumenn sam-
taka launafólks sem tejja um 100
þúsund félaga, ASI, BSRB,
Kennarasamtakanna og banka-
manna, sem öll ákváðu að fram-
lengja þessa stefnu,“ sagði Ólaf-
ur, en forystumenn Sjálfstæðis-
flokksins sögðu á blaðamanna-
fundi á fimmtudag að þeir væm
ekki að fella þjóðarsáttina heldur
væri ekki annað eðlilegt en að
stjómarandstaða greiddi atkvæði
á móti bráðbirgðalögunum og
stjóminni.
„Ef þeir segja að þeir séu ekki
að fella þjóðarsáttina þá afhjúpa
þeir að þeir em slík böm að þeir
ættu ekki að hafa í höndunum
pólitísk eldfæri. Afstaða Sjálf-
stæðisflokksins, einsog allir for-
ystumenn launafólks og atvinnu-
lífs hafa sagt, er banatilræði við
þjóðarsáttina. Og þegar einróma
álit forystumanna yfir 90 prósenta
launafólks í landinu og allra for-
ysmmanna atvinnulifsins samein-
ast i einni niðurstöðu þá er það
sterkari og skýrari dómur heldur
en einhveijar áróðursplötur og af-
sakanir í Þorsteini Pálssyni eða
Ólafi G. Einarssyni,“ sagði fjár-
málaráðherra.
Svo virðist sem Vinnuveit-
endasamband íslands sé honum
sammála því i gær tilkynntu þeir
að vegna umræðna síðustu daga
um afstöðu stjómmálaflokka og -
manna til bráðbirgðalaganna
hygðust þeir leita eftir fundum
með forsvarsmönnum Sjálfstæð-
isflokks, Samtaka um jafnrétti og
félagshyggju og formönnum rík-
isstjómarflokkanna. Ákveðið hef-
ur verið að halda þessa fundi á
mánudag og þriðjudag. Sjálfstæð-
ismenn hafa hinsvegar ítrekað
sagt að þeim sé ekki stjómað úr
Garðastræti þar sem Vinnuveit-
endur em til húsa.
Það verður þó einhver bið á
því að lögin verði tekin fyrir á
þingi. Málið er i nefnd og hugðist
Páll Pétursson, formaður nefndar-
innar, halda fund á mánudag en
það kom í ljós, sagði Páll í gær, að
menn sem átti að kalla fýrir
nefndina komast ekki á mánudag.
Því verður málið I fyrsta lagi af-
greitt á miðvikudag og kemur
varla til kasta þingsins fyrr en í
vikunni þar á eftir.
Þorsteinn Pálsson sagði á
fimmtudag að hann væri tilbúinn
að mynda ríkisstjóm og ganga til
samninga við BHMR til að leysa
þetta mál og sakaði hann ríkis-
stjómina um handvömm í samn-
ingagerðinni við BHMR í sumar.
„Það lá alltaf ljóst fyrir að for-
ystumenn BHMR töldu sig ekki
hafa umboð til að breyta þessum
samningi,“ sagði Ólafúr. „Ég átti
viðræður dag og nótt við BHMR
til þess að fá breytingar sem
myndu forða því að það þyrfti að
taka á þessu með bráðabirgðalög-
um. Það var enginn félagslegur
stuðningur fyrir forystu BHMR
til breytinga, því miður. Og þá
urðu menn að velja milli þjóðar-
sáttarinnar og samningsins við
BHMR. Það var ekki auðvelt val.
Sú reiðialda sem nú rís gegn for-
ystu Sjálfstæðisflokksins sýnir
best að sú afstaða sem við tókum
í ríkisstjóminni var rétt -gpm
HELGARRtJNTIIRINN
HELGARRÚNTURINN hefst á því að minna lesendur á að í dag er al-
þjóðlegur baráttudagur gegn alnæmi. í tilefni þess verður kynning í
Kringlunni í dag sem Samtök áhugafólks um alnæmisvandann standa
fyrir. Kynningin hefst kl. 10 og lýkur kl. 16. Og þið sem ætlið að dufla
og daðra um helgina, munið eftir smokknum.
DANDALAVEÐUR, nýtt leikrit eftir Jónas Ámason, verður leiklesið I
Litla sal Borgarleikhússins á morgun kl. 16. Leikritið gerist í sjávarplássi
á norðurhveli jarðar á fyrri hluta aldarinnar. Alþýðuleikhúsið er með síð-
ustu sýningar á Medeu um helgina og sömu sögu er að segja um Leikfé-
lag Kópavogs á Skítt með’a!
ÓPERUKVIKMYNDIR verða sýndar hjá MÍR nú í lok 150 ára af-
mælisárs tónskáldsins Pjotrs Tsjaikovskí. A sunnudag verður sýnd kvik-
myndin Évgeni Onegin, sem gerð var á síðari helmingi sjötta áratugar-
ins. Flytjendur tónlistar em hljóðfæraleikarar og söngvarar Bolshoj leik-
hússins í Moskvu. Leikstjóri er Tikhomirov og er myndin með texta á
ensku.
BÓKMENNTADAGSKRÁ verður í Listasafni Sigurjóns Ólafssonar á
morgun en þar munu fimm skáld lesa úr nýtútkomnum bókum sínum.
Skáldin era Einar Már Guðmundsson, Friða Á. Sigurðardóttir, Pétur
Gunnarsson, Sigurður Pálsson og Steinunn Sigurðardóttir. Þá verður
einnig upplestur í Þjóðarbókhlöðunni um helgina.
AÐVENTUHÁTÍÐIR verða haldnar víða á sunnudag. Að Sólheimum
lýsa heimilismenn og gestir upp mosaþakinn garð. Luðrasveitin Svanur
verður með aðventutónleika kl. 17 á sunnudag og Utivist fer I sína að-
ventuferð í Bása en þar verða skipulagðar gönguferðir við allra hæfi um
Goðaland og Þórsmörk. Á sunnudag verður létt fjölskylduganga um
Víðines, Þemeyjarsund og Álfsnes á vegum Útivistar. Brottför frá BSÍ
kl. 13. Stansað við Árbæjarsafh. Ferðafélag íslands fer I dagsferð á
sunnudag um Kjalames og Músames, en stórstraumsfjara er um helgina.
Brottför frá Umferðarmiðstöðinni austanmegin kl. 13. Verð kr. 1000 en
firítt fyrir böm að 15 ára aldri.
KOLAPORTIÐ verður opið á sunnudögum ftam að jólum, Þorláks-
messa þó undanskilin. Þar er að venju hægt að gera reyfarakaup auk þess
sem ýmsar uppákomur verða fyrir bömin. Þá ættu þeir sem vilja styrkja
góð málefhi en horfa jafhframt í aurinn við val jólagjafa að hafa í huga
að fjölmörg félagasamtök halda fjármögnunarbasar um þessar mundir.
Við bendum einnig á sölusýningu á Vinnustofu Kópavogshœlis, en þar
kennir að venju ýmissa grasa. Sýningin þar hefst kl. 14 í dag og lýkur kl.
17.