Dagblaðið Vísir - DV - 04.10.1995, Side 3

MIÐVIKUDAGUR 4. OKTÓBER 1995
3
i
I
f
b
>
I
>
>
>
Fréttir
Sveinbjöm Björnsson háskólarektor áhyggjufullur vegna öryggismála skólans:
Sérstök öryggisgæsla
sett um aðalbygginguna
- óttast að tölvuþjófar nýti sér vinnupallana um húsið sem „þjófavörn
í(
„Það er rétt aö viö höfum sett sér-
staka öryggisgæslu um aðalbygging-
una. Við höfum ástæöu til að óttast
að tölvuþjófar nýti sér vinnupallana,
sem þar eru nú, til aö brjótast inn
og stela úr tölvunum," segir Svein-
björn Björnsson háskólarektor við
DV.
Fyrir skömmu var brotist inn í
aðaibygginguna og stolið tölvu. Eftjr
það var ákveðið að gæta byggingar-
innar betur en verið hefur, sérstak-
lega vegna þess að auðvelt er að kom-
ast aö gluggum á öllum hæðum með-
an vinnupallar eru við húsið. Vinnu-
pallarnir eru klæddir með grænu
neti og virkar það eins og „öfug þjófa-
vörn“ og geta óboðnir gestir athaífnað
sig í næði bak við netið.
„Eftir að brotist var inn í eitt tölvu-
vera skólans í síðustu viku var
ákveðið að leita þegar leiða til að
bæta öryggismálin. Þjófavarnakerfi
eru bara í sumum húsa skólans og
erfitt að koma við öruggri gæslu,“
segir Sveinbjörn.
Bygginganefnd Háskólans, sem sér
um öryggismálin, er nú að kanna
leiðir til að auka öryggið og þá sér-
staklega að koma í veg fyrir að tölvu-
þjófar komist inn í byggingar og steli
út tölvunum.
„Vandinn er að það er mjög erfitt
að halda í frelsi nemenda til að
stunda sína vinnu í skólanum að
kvöldi til og að auka öryggið. Einn
möguleikinn er að fá nema til að taka
að sér gæslu enda margir þeirra
þaulsætnir við tölvurnar," sagði
Sveinbjörn.
Auövelt aö stela tölvuvinnu nemenda:
Öryggismálin í
algerum ólestrí
- segir formaður Stúdentaráös
„Það er skemmst frá því að segja
að öryggismál Háskólans eru í alger-
um ólestri. Þetta er stórvandamál
sem ég veit aö hefur verið tekið upp
í Háskólaráði. Það er mikill áhugi á
að bæta hér úr en erfitt að benda á
raunhæfar leiðir,“ segir Guðmundur
Steingrímsson, formaður Stúdenta-
ráðs, i samtali við DV.
Eins og greint hefur verið frá í DV
var í síðustu viku stohð minniskubb-
um úr ellefu tölvum í einu af tölvu-
verum Háskólans. Þar hafa nemend-
ur vinnuaðstöðu. Brotist var inn í
tölvuverið um nótt en svo virðist af
verksummerkjum sem þjófarnir hafi
vitað nákvæmlega hvar þeir áttu að
leita að verðmætum.
Ekkert af vinnu nemenda var
geymt í tölvunum en að sögn Dou-
glass A. Broutchie, forstöðumanns
Reiknistofnunar Háskólans, er álíka
auðvelt að komast inn í bygginguna
þar sem móðurtölvan geymir vinnu
nemenda.
„Mér er ekki kunnugt um tækni-
hlið þessara mála en aðalatriðið er
að það verður að grípa til ráðstafana
í öÚum byggingum Háskólans strax.
Nemendur eru algerlega varnarlaus-
ir í þjófnaðarmálum sem þessum og
gætu tapað mikilh vinnu sem engin
leið er aö tryggja," sagði Guðmund-
ur.
Guðmundur sagði að málið hefði
Netklæddir vinnupallar þekja nú alla
aðalbyggingu Háskóla íslands.
DV- mynd Brynjar Gauti
verið tekið upp í Háskólaráöi en ekki
hefði enn orðiö úr aðgerðum. „Vand-
inn er sá að það eru svo margir sem
þurfa að hafa aðgang að þessum
byggingum og erfitt að koma við
ströngu eftirliti og öryggisgæslu án
þess að ganga um leið á frelsi stúd-
enta til að sinna vinnu sinni,“ sagði
Guðmundur. -GK
Almennt eru byggingar Háskólans
opnar til klukkan tíu að kvöldi og
sumar lengur. Öryggiskerfi eru í
fæstum bygginganna en húsverðir
sjá um eftirlitið eftir því sem við
verður komið.
„Öryggismálin hjá okkur eru mikið
áhyggjuefni, sérstaklega eftir að það
komst í tísku að stela úr tölvum. Við
verðum að finna lausn á þessum
vanda áöur en langt um líður,“ sagði
Sveinbjörn. _gk
Ríó SAGA
hefst d ný laugardaginn 7. október
Þeir eru mættir aftur fullir af fjöri, Ágúst Atlason, Helgi Péturs og Óli Þórðar, og
fara á kostum í upprifjun á því helsta úr sögu Rtó tríós.
Sigrútt Eva Artnannsdóttir slær á létta strengi með þeim félögum,
tekur lagið og verður til alls vís.
Kvöldið hefst með þríréttaðri, glæsilegri máltíð. Síðan hefst hin óborganlega Ríó saga -
með tilheyrandi söngi og gríni. Einnig koma fram hljóðfæraleikararnir Björn
Thoroddsen, Szymon Kuran og Reynir Jónasson. Að skemmtidagskrá lokinni leikur
danshljómsveitin Saga Klass fram á nótt ásamt söngvurunum
Sigrúnu Evu Ármannsdóttur og Reyni Guðmundssyni.
Pantanir og upplýsingar í síma 552 9900.
Kynnið ykkur sértilboð d gistingu d Hótel Sögu.
-þín sagal